Api 2

“Te parau nei te mau tia o te mau fenua no Marite latino e, te faatupu nei te toparaa o te faito oraraa i roto i tera fenua i muri aˈe i te tahi, i te manaˈo hepohepo e ite-papu-hia na roto i te ino-roa-raa o te mau ohipa politita.”—New York Times, 29 no novema 1988.

I roto i te mau matahiti 80, ua ite te mau mirioni taata e ora ra hoi i roto i te veve rahi, i te maraaraa o te hoo, i te faaitiraa i ta ratou faufaa haihai roa. No taua mau taata veve ra, te mea faufaa roa ˈˈe, e ere atura ïa te faarururaa i te hoo o te oraraa, o te aroraa râ ia ora mai ratou. Ua maraa atoa anei te moni o te maa i ǒ outou? Te manaˈo ra anei outou e ia aufau outou i tera noâ tino moni, te iti noa ˈtura te maa ta outou e tuu i roto i ta outou panie matete? Mai te peu e e, te farerei atoa ra ïa outou, mai te tahi atu mau taata e rave rahi, i te fifi o te maraaraa o te hoo o te oraraa.

Te vai ra anei te tahi ravea?