Te hoê tamǎrûraa no te feia tei rohirohi roa

No te mau fifi atoa e itehia nei i teie mahana, eita iho â ïa e maerehia ia rohirohi roa te taata i te pae no te feruriraa. Teie te hiˈoraa o te hoê mama ruau no Canada o te faataa maira e eaha ta ˈna ravea no te tamǎru ia ˈna:

“Te faaamu nei au i ta ˈu mootua tamaroa 11 matahiti e ua horoa-atoa-hia e na ˈu e haapao i ta ˈu mootua tamahine 14 matahiti. Teie râ hoi, e iria ohie noa vau. Ia ite mai râ outou e, ia paruparu roa vau, eita noa vau e pure ia Iehova, e faaohipa atoa râ vau i te tahi atu ravea o te tauturu rahi mai ia ˈu.

“E vaiiho vau i ta ˈu ohipa e e parahi vau aore ra e tarava vau ma te faaroo atu i te ripene o te mau Mélodies du Royaume. E tapo vau i to ˈu mata e e faaore au i te mau manaˈo atoa i roto i to ˈu feruriraa no te haamanaˈo i te mau parau o te mau himene ta ˈu e faaroo ra. Ia tia mai vau i nia, ua pee roa ïa to ˈu rohirohi e e nehenehe ïa ta ˈu e rave faahou i ta ˈu ohipa.”

E nehenehe atoa outou e fanaˈo i taua mau upaupa maitai ra o te faaitoito ia outou. E 90 tara noa hoê o na ripene e 8 o te mau Mélodies du Royaume, fatata hoê hora te maoro. Mai te peu e e hinaaro outou i taua mau ripene ra, a faahoˈi mai ïa i teie parau iti pahonoraa.

A hapono mai na i te (mau) ripene tei tapaohia te numera i raro nei. No te ripene taitahi, te faatae atu nei au e 90 tara.

[ ] Mélodies du Royaume n°1 [ ] Mélodies du Royaume n°2

[ ] Mélodies du Royaume n°3 [ ] Mélodies du Royaume n°4

[ ] Mélodies du Royaume n°5 [ ] Mélodies du Royaume n°6

[ ] Mélodies du Royaume n°7 [ ] Mélodies du Royaume n°8