Rata na te hoê tamahine haere haapiiraa 14 matahiti

I te 14 no febuare, te mahana e faatupuhia ˈi te oroa no Saint-Valentin i roto i te ao atoa nei, ua ani mai ta matou orometua haapii reo beretane ia papai matou i te tahi mau parau no nia i te Saint-Valentin. No te mea hoi e aita vau i nehenehe e rave e ia faatia mai o ˈna ia ˈu ia faatupu vau i te tahi atu ohipa, ua papai aˈera hoi ïa vau i teie pehepehe:

Ahiri outou i ite i te Atua,

e ara ïa outou ia ore outou

ia faahaamanaˈo

i te Saint-Valentin.

No roto mai teie oroa

i te aai no Cupidon,

te hoê o te mau atua haavare heleni

no te tau tahito.

Na roto i teie pehepehe

te parau atu nei au ia outou e no te aha râ

vau e ore ai e faahanahana

i te Saint-Valentin.