Te 50raa o te matahiti o te Golden Gate

UA MANAˈO vetahi e e aueueraa fenua rii noa teie! E ere roa ˈtu, o te ohipa noa ïa teie a te mataˈi apitihia e te teiaha e te haereraa o te 250 000 taata na nia i te Golden Gate i te faahanahanaraa no te pae ahururaa o to ˈna matahiti i te 24 no me 1987. Hau atu, e 500 000 taata ïa tei putuputu mai na te hiti i te eˈaturu. Ia au i te hoê numera rave vitivitihia, ua manaˈo te mau taata aravihi e e nehenehe i teie eˈaturu e farii i te teiaha mai teie te huru.

1280 metera te roa, ua riro ïa te Golden Gate, i te tau a avarihia ˈi oia, i te matahiti 1937 ra, ei eˈaturu roa roa ˈˈe o te ao nei, e mea tarere noa hoi. E nehenehe te mau pahi teitei roa e tere na raro aˈe i te ropuraa o te eˈaturu ma te fifi ore no te mea e 67 metera i nia aˈe i te miti.

E 130 000 kilometera niuniu tei ravehia no te hamaniraa i na retini e piti no te tapearaa i te eˈaturu. Te faito o te hoê o raua ua hau atu ïa i te 90 tenetimetera te menemeneraa e e 2 350 metera te roa; ua feruri-noa-hia e ua taeaehia i te 90 000 tane ta raua e amo.

No te maitai hoi o to ˈna hamaniraa e te atuatu-tamau-raa, te tiaturihia ra e e nehenehe i teie eˈaturu ia faaohipa-noa-hia e 200 matahiti.