Ua tamahanahanahia te hoê potii

I te hopea o te tau veavea, ua matau o Denise i te hoê potii hoê â ta raua ohipa haapao i te pae tatahi. I to ˈna tamariiraa ra, ua pohe to ˈna metua vahine e aita i maoro aˈenei ua pohe atoa to ˈna metua tane. “Ua tamatahiti au i te vea ra A ara mai na! e ono avae na ˈna”, ta Denise ïa e faatia ra. E piti avae i muri iho, ua papai mai to ˈna hoa e:

“Ua taio vau i na numero matamua e piti o te A ara mai na!. E ua tauturu mai na tumu parau e piti nei ia ˈu. Te faaite ra te hoê e nafea ra e noaa ˈi te tamahanahanaraa ia pohe anaˈe tei herehia e te tahi ra te faaite ra ïa e nafea ia faaruru i te mauiui. Eita oe e nehenehe e ite i ta raua tauturu rahi ia ˈu. Ua faahiti te tumu parau hopea i te Philipi 4:7: ‘E na te hau a te Atua, o tei hau ê atu i te ite taata nei, e faaitoito mai i to outou aau, e to outou manaˈo i te Mesia nei ia Iesu.’ I to ˈu iho â taioraa i te reira, ua noaa faahou mai ia ˈu te tiaturiraa. Mauruuru roa i to oe tamatahitiraa i te vea na ˈu.”

Te ite ra anei oe i te hoê taata o te nehenehe e faufaahia i te A ara mai na!? No te aha oe i ore ai e tamatahiti ia ˈna? A faaî i te parau i raro nei e a hapono atu i te hoê o te mau nohoraa i faaitehia i te piti o te api o teie nei vea.

A tamatahiti i te A ara mai na! no te hoê matahiti na te taata i papaihia te iˈoa e te nohoraa i raro nei ma te hapono-atoa-raa ˈtu i te hoê rata faaiteraa e ua tamatahitihia oia e .................... (to oe iˈoa). Teie te moni 120 tara.