UIRAA 2
E nafea ia ite o vai te Atua?
“Eiaha teie buka o te Ture ia atea ê i to oe vaha. E taio maitai oe i te reira i te po e te ao, ia haapao maitai oe i te mau parau atoa i papaihia i roto. I reira ïa oe e manuïa ˈi i roto i to oe oraraa e e ohipa ˈi oe ma te paari.”
“Taio haapuai noa aˈera ratou i te buka, i te Ture a te Atua mau, ma te faataa papu i te reira e ma te horoa i te auraa. Tauturu aˈera ïa ratou i te nunaa ia taa eaha te taiohia ra.”
“E oaoa te taata o te ore e haere ia au i te aˈoraa a te feia ino, . . . mea au roa râ na ˈna i te ture a Iehova, e te taio maite ra oia i ta ˈna ture i te po e te ao. . . . E manuïa te mau mea atoa ta ˈna e rave.”
“Horo atura Philipa i pihai iho i te pereoo e faaroo ihora i taua taata ra e taio haapuai ra i te buka a te peropheta Isaia. Na ô atura oia: ‘Te taa ra ia oe ta oe e taio ra?’ Parau maira taua taata ra: ‘E nahea e taa ˈi ia ˈu ia ore au e haamaramaramahia?’”
“E ite-maitai-hia hoi to ˈna mau huru maitatai eita e ite-mata-hia, oia hoi to ˈna puai mure ore e o ˈna iho â te Atua, mai te poieteraahia mai â te taata, no te mea e taa-maitai-hia te reira na roto i te mau mea i hamanihia. Aita ïa ta ratou e otoheraa.”
A feruri maite e a manaˈo noa i teie mau mea atoa nei ia ite maitai te taata atoa e te nuu ra oe i mua i te pae varua.”
“E manaˈo anaˈe te tahi i te tahi, a turai atu ai te tahi i te tahi ia faaite i te here e ia rave i te mau ohipa maitai roa, eiaha e faarue i ta tatou mau putuputuraa.”
“Ia ere noa ˈtu hoê o outou i te paari, ia tamau noa ïa oia i te ani atu i te Atua, e horoa noa mai hoi oia i te taata atoa ma te ore e faahapa, e e horoahia mai ta ˈna.”