ZEKARIA

1 I te vaˈu o te avaˈe i te piti o te matahiti te faatereraa o Dariu,+ tae maira te parau a Iehova i te peropheta ra ia Zekaria*+ te tamaiti a Berekia te tamaiti a Ido e na ô ra: 2 “E riri rahi to Iehova i to outou mau metua.+

3 “A parau ia ratou: ‘Teie ta Iehova o te mau nuu* e parau ra: “‘A hoˈi mai ia ˈu nei,’ te na reira ra Iehova o te mau nuu, ‘e e hoˈi atu vau ia outou ra,’+ te parau ra Iehova o te mau nuu.”’

4 “‘Eiaha e riro mai to outou mau metua, ta te mau peropheta i tahito ra i parau atu: “Teie ta Iehova o te mau nuu e parau ra: ‘A faarue na i to outou haerea ino e ta outou mau ohipa iino.’”’+

“‘Aita râ ratou i faaroo e aita ratou i tâuˈa ia ˈu,’+ te na reira mai ra Iehova.

5 “‘Teihea to outou mau metua i teie nei? E te mau peropheta, ua ora anei ratou e a muri noa ˈtu? 6 Tera râ, ua ite to outou mau metua i te tupuraa ta ˈu mau parau e faaueraa mana ta ˈu i horoa i ta ˈu mau tavini, te mau peropheta, e ere anei?’+ Hoˈi maira ïa ratou ia ˈu nei e na ô maira: ‘Ua haa Iehova o te mau nuu i nia ia tatou ia au i to tatou haerea e ta tatou mau ohipa, mai ta ˈna i faaoti i te rave.’”+

7 I te 24 o te mahana o te 11 o te avaˈe, oia hoi te avaˈe o Sebata,* i te piti o te matahiti te faatereraa o Dariu,+ tae maira te parau a Iehova i te peropheta ra ia Zekaria te tamaiti a Berekia te tamaiti a Ido. 8 I te maororaa po, ite atura vau i te hoê orama. E taata to nia i te hoê puaahorofenua uteute, e te tia noa ra oia i ropu i te mau tumu hedesa i roto i te afaa. E i muri ia ˈna, e mau puaahorofenua uteute ïa, maereere e uouo.

9 Ui atura ïa vau: “O vai ma teie, to ˈu fatu?”

Pahono maira te melahi o te paraparau ra ia ˈu: “E faaite atu vau ia oe o vai ma teie.”

10 Parau ihora te taata o te faaea noa ra i ropu i te mau tumu hedesa: “O ratou ta Iehova i tono no te hiˈopoa haere na te fenua taatoa.” 11 Na ô aˈera ratou i te melahi a Iehova o te faaea noa ra i ropu i te mau tumu hedesa: “Ua hiˈopoa haere matou na te fenua taatoa, e inaha te vai noa ra te fenua ma te peapea ore e te hau.”+

12 Na ô aˈera ïa te melahi a Iehova: “E Iehova o te mau nuu, ehia maororaa oe e ore ai e aroha ia Ierusalema e te mau oire o Iuda,+ ta oe i riri noa na e 70 matahiti te maoro?”+

13 Pahono maira Iehova i te melahi o te paraparau ra ia ˈu ma te parau maitatai e te mahanahana. 14 Na ô maira te melahi o te paraparau ra ia ˈu: “A tuô: ‘Teie ta Iehova o te mau nuu e parau ra: “E paruru vau ia Ierusalema e Ziona ma te itoito rahi.+ 15 E riri rahi to ˈu i te mau nunaa o te parahi hau noa ra.+ Mea iti hoi to ˈu riri i to ˈu nunaa,+ ua faarahi atu â râ tera mau nunaa i te ati.”’+

16 “No reira, teie ta Iehova e parau ra: ‘“E hoˈi mai au i Ierusalema ma te aroha hamani maitai,+ e e patuhia to ˈu fare i reira,”+ te parau ra Iehova o te mau nuu, “e e hutihia te hoê taura faito i nia ia Ierusalema.”’+

17 “A tuô faahou e a faaite: ‘Teie ta Iehova o te mau nuu e parau ra: “E î faahou to ˈu mau oire i te mea maitai. E tamahanahana faahou Iehova ia Ziona+ e e maiti faahou oia ia Ierusalema.”’”+

18 Hiˈo haere atura vau e ite atura vau e maha tara.+ 19 Ui atura ïa vau i te melahi o te paraparau ra ia ˈu: “Eaha teie?” Pahono maira oia: “O te mau tara teie o tei haapurara ê ia Iuda,+ Iseraela+ e Ierusalema.”+

20 Faaite maira Iehova ia ˈu e maha taata rimaî. 21 Ui atura vau: “Eaha ta ratou e haere mai ra e rave?”

Na ô maira oia: “O te mau tara teie tei haapurara ê ia Iuda e aita ˈtura te taata i faateitei faahou i te upoo. E teie mau taata, e haere mai ratou no te haamǎtaˈu i teie mau tara, no te tuparari i te mau tara o te mau nunaa, tera mau nunaa o tei faateitei i to ratou mau tara i nia i te fenua o Iuda ia purara ê to ˈna nunaa.”

2 Hiˈo atura vau e ite atura vau i te hoê taata e taura faito+ to roto i to ˈna rima. 2 Ui atura ïa vau: “Te haere ra oe ihea?”

Pahono maira oia: “Te haere ra vau e faito ia Ierusalema, no te ite eaha to ˈna aano e to ˈna roa.”+

3 E inaha, faaatea ˈtura te melahi o te paraparau ra ia ˈu e haere maira te tahi atu melahi e farerei ia ˈna. 4 Na ô atura oia ia ˈna: “A horo i ǒ e a parau i tera taurearea: ‘“E parahi te taata i Ierusalema+ mai i roto i te tahi mau oire rii aita e aua, e rahi roa hoi te taata e te animara i reira.+ 5 E riro vau no ˈna ei aua auahi ati aˈe ia ˈna,+ e e faaî au ia ˈna i to ˈu hanahana,”+ te na reira mai ra Iehova.’”

6 “Haere mai! Haere mai! A horo ê i te fenua o apatoerau,”+ te na reira mai ra Iehova.

“Ua haapurara ê hoi au ia outou i na mataˈi e maha o te raˈi,”+ te na reira mai ra Iehova.

7 “A haere mai e Ziona! A horo, oe o te parahi ra i ǒ te tamahine o Babulonia.+ 8 I muri aˈe i te faahanahanaraahia Iehova o te mau nuu,* ua tono oia ia ˈu i te mau nunaa ra o tei haru i ta outou mau taoˈa, e teie ta ˈna i parau:+ ‘Te taata o te hauti ia outou, te hauti ra ïa i to ˈu orio mata.+ 9 I teie nei, e tuu vau i to ˈu rima no te aro ia ratou, e e riro ratou ei taoˈa haru na ta ratou mau tîtî.’+ E e ite mau â outou e na Iehova o te mau nuu i tono ia ˈu.

10 “A umere, e te tamahine o Ziona.+ Te haere mai ra hoi au+ e e parahi au i rotopu ia oe,”+ te na reira mai ra Iehova. 11 “E apiti mai te nunaa e rave rahi ia Iehova ra i tera mahana,+ e e riro ratou ei nunaa no ˈu. E e parahi au i rotopu ia oe.” E e ite mau â outou e na Iehova o te mau nuu i tono ia ˈu ia outou ra. 12 E rave mai Iehova ia Iuda ei tuhaa na ˈna i nia i te vahi moˈa, e e maiti faahou oia ia Ierusalema.+ 13 Ia mamû te taata atoa i mua ia Iehova, te haere mai ra hoi oia mai to ˈna nohoraa moˈa ra a ohipa ˈtu ai.

3 Faaite maira oia ia ˈu ia Iosua+ te tahuˈa rahi te tia ra i mua i te melahi a Iehova, e te tia noa ra Satani+ i to ˈna pae atau no te patoi ia ˈna. 2 Na ô atura te melahi a Iehova ia Satani: “Ia faahapa Iehova ia oe, e Satani,+ oia, ia faahapa Iehova ia oe, o ˈna o tei maiti ia Ierusalema!+ E ere anei teie taata i te hoê tâpû raau e ura ra, o tei tatarahia mai roto mai i te auahi?”

3 E ahu repo roa râ to nia ia Iosua, e te tia noa ra oia i mua i te melahi. 4 Na ô atura te melahi i ta ˈna mau tavini: “A tatara i to ˈna ahu repo.” Na ô atura oia ia ˈna: “A hiˈo na, ua iriti ê au i ta oe hape,* e e oomo oe i te ahu nehenehe roa.”+

5 Na ô atura ïa vau: “Ia tuuhia te hoê taamu upoo mâ i nia i to ˈna upoo.”+ Tuu aˈera ïa ratou i te taamu upoo mâ i nia i to ˈna upoo e faaoomo aˈera ratou ia ˈna i te ahu. Te tia noa ra te melahi a Iehova na pihai iho. 6 Faaite atura te melahi a Iehova ia Iosua: 7 “Teie ta Iehova o te mau nuu* e parau ra: ‘Ia rave oe i ta ˈu e faaue ia oe e ia haapao oe i ta oe mau hopoia ia ˈu, e tavini oe ei haava i roto i to ˈu fare+ e e tiai oe i to ˈu mau aua. E vaiiho vau ia oe ia haere mai i rotopu i teie mau tavini.’

8 “‘A faaroo mai na, e Iosua te tahuˈa rahi, e o outou atoa te mau tahuˈa o te parahi ra i mua ia ˈna, e tapao hoi outou. Inaha, te faaite atu nei au i ta ˈu tavini+ o Ohi te iˈoa.+ 9 A hiˈo na i te ofai ta ˈu i tuu i mua ia Iosua. E hitu mata to nia i taua ofai ra. E nanaˈo vau i te hoê parau i nia iho,’ te na reira mai ra Iehova o te mau nuu, ‘e e iriti ê au i te hapa a taua fenua ra i roto hoê noa mahana.’+

10 “‘I tera mahana, e titau outou tataitahi i to outou hoa tapiri ia haere mai i raro aˈe i ta outou tumu vine e ta outou tumu suke,’+ te na reira mai ra Iehova o te mau nuu.”

4 Hoˈi maira te melahi o tei paraparau na ia ˈu e faaara maira ia ˈu, mai te huru ra e te faaara ra oia i te hoê taata e taoto ra. 2 Ui maira oia ia ˈu: “Eaha ta oe e ite ra?”

Pahono atura ïa vau: “Te ite ra vau i te hoê vairaa mori auro+ e te hoê auˈa i nia roa. E hitu mori to nia i te vairaa mori,+ oia mau, e hitu. E te mau mori i nia roa i te vairaa mori, e hitu faataheraa to ratou. 3 E i pihai iho i te reira, e piti tumu olive,+ hoê i te pae atau o te auˈa e te tahi i te pae aui.”

4 Ui atura ïa vau i te melahi o te paraparau ra ia ˈu: “Eaha te auraa o teie mau mea, to ˈu fatu?” 5 Parau maira ïa te melahi o te paraparau ra ia ˈu: “Aita oe e taa ra i te auraa o teie mau mea?”

Pahono atura vau: “Aita, to ˈu fatu.”

6 Na ô maira oia ia ˈu: “Teie te parau a Iehova ia Zerubabela: ‘“E tupu tera mau mea atoa eiaha i te puai o te nuu, eiaha atoa i te mana taata,+ maoti râ to ˈu varua,”+ te parau mai ra Iehova o te mau nuu.* 7 O vai oe, e te mouˈa rahi? E riro oe ei fenua parahurahu+ i mua ia Zerubabela.+ E e hopoi mai oia i te ofai no nia roa i ropu i te mau umere: “Auê o ˈna i te nehenehe! Auê o ˈna i te nehenehe!”’”

8 Tae faahou maira te parau a Iehova ia ˈu nei e na ô ra: 9 “Ua haamau te rima o Zerubabela i te niu o teie fare,+ e na to ˈna iho rima e faaoti i te reira.”+ I reira, e ite mau â outou e na Iehova o te mau nuu i tono ia ˈu ia outou ra. 10 “O vai hoi tei vahavaha i te mahana o te mau haamataraa haihai?*+ E oaoa hoi ratou e e ite ratou i te tapau faito* i roto i te rima o Zerubabela. Na mata o Iehova teie na mata e hitu, o te hiˈo haere ra na te fenua taatoa.”+

11 Ui atura vau ia ˈna: “Eaha te auraa o teie na tumu olive e piti i te pae atau e te pae aui o te vairaa mori?”+ 12 Ui faahou atura vau ia ˈna: “Eaha te auraa o na pueraa amaa e piti* o na tumu olive o te manii ra i te hinu auro na roto i na faataheraa auro e piti?”

13 Parau maira ïa oia ia ˈu: “Aita oe e taa ra eaha te auraa o teie mau mea?”

Pahono atura vau: “Aita, to ˈu fatu.”

14 Na ô maira oia: “O na piti o tei faatavaihia teie e tia ra i pihai iho i te Fatu o te fenua taatoa.”+

5 Hiˈo faahou atura vau e ite atura vau i te hoê otaro o te rere ra. 2 Ui maira te melahi ia ˈu: “Eaha ta oe e ite ra?”

Pahono atura vau: “Te ite ra vau i te hoê otaro o te rere ra, e 20 kubiti* te roa e 10 kubiti te aano.”

3 Na ô maira oia ia ˈu: “O te faainoraa teie e parare ra na te fenua taatoa, aita hoi te mau taata o te eiâ ra i faautuahia,+ mai tei papaihia i nia i te hoê pae o te otaro, e aita te mau taata o te horeo+ ra ma te haavare i faautuahia, mai tei papaihia i nia i te tahi atu pae. 4 ‘Na ˈu i tono i tera faainoraa,’ te parau ra Iehova o te mau nuu,* ‘e e tomo te reira i roto i te fare o te taata eiâ e i roto i te fare o te taata o te horeo ra i to ˈu iˈoa ma te haavare. E vai te reira i roto i tera fare, a haamou atu ai i tera fare, to ˈna mau pou e to ˈna mau ofai.’”

5 Tapiri maira te melahi o te paraparau ra ia ˈu e na ô maira ia ˈu: “A nânâ na i to mata e a hiˈo eaha te haere mai ra i rapae.”

6 Ui atura ïa vau: “Eaha teie?”

Pahono maira oia: “O te farii faito epha* tera e haere ra i rapae.” Na ô faahou maira oia: “Tera to ratou huru i nia i te fenua taatoa.” 7 Ite atura vau i te tapoˈi tapau menemene i te amoraahia i nia, e e vahine te parahi ra i roto i te oini. 8 Na ô maira ïa te melahi: “O Ino te iˈoa o tera vahine.” Faahoˈi ihora oia ia ˈna i roto i te oini e huri ihora oia i te tapoˈi tapau teiaha i nia i te auvaha o te oini.

9 Hiˈo atura vau i nia e ite atura vau e piti vahine te reva ˈtu ra, te maue ra raua i roto i te mataˈi. E pererau mai to te heside to raua. Ua rave raua i te oini e ua amo raua i te reira i nia i te raˈi.* 10 Ui atura ïa vau i te melahi o te paraparau ra ia ˈu: “Ihea raua e afai ai i tera oini?”

11 Pahono maira oia: “I te fenua o Sinara.*+ I ǒ, e patu raua i te hoê fare no ˈna. E ua oti anaˈe tera fare, e tuuhia tera vahine i roto, tei reira to ˈna vairaa.”

6 Hiˈo faahou atura vau i nia e ite atura vau e maha pereoo e haere mai ra mai ropu mai e piti mouˈa, e e mouˈa veo taua na mouˈa ra. 2 E puaahorofenua uteute to te pereoo matamua e e puaahorofenua ereere to te piti o te pereoo.+ 3 E puaahorofenua uouo to te toru o te pereoo, e e puaahorofenua opatapata e te û e rave rau to te maha o te pereoo.+

4 Ui atura vau i te melahi o te paraparau ra ia ˈu: “Eaha teie mau pereoo, to ˈu fatu?”

5 Pahono maira te melahi ia ˈu: “O na varua e maha o te raˈi teie,+ te haere ra ratou mai mua ˈtu i te Fatu o te fenua taatoa.+ 6 Te haere ra te pereoo e na puaahorofenua ereere i te fenua o apatoerau.+ Te haere ra na puaahorofenua uouo i pihai atu i te miti, e te haere ra na puaahorofenua opatapata i te fenua o apatoa. 7 E hinaaro ru to te mau puaahorofenua ua rau te û e haere e haaati i te fenua.” Na ô ihora oia: “A haere e haaati i te fenua.” Haere atura ratou e haaati i te fenua.

8 Tuô maira oia ia ˈu e na ô maira: “A hiˈo na, ua tamǎrû te mau puaahorofenua o te haere ra i te fenua o apatoerau i te varua o Iehova i te fenua o apatoerau.”

7 I te maha o te matahiti te faatereraa te arii Dariu, tae maira te parau a Iehova ia Zekaria+ ra i te maha o te mahana o te iva o te avaˈe, oia hoi i te avaˈe o Kisilu.* 2 Tono aˈera te feia no Betela ia Sarezera e ia Regeme-meleka e to ˈna mau taata no te taparu i te farii maitai a* Iehova, 3 ma te parau i te mau tahuˈa o te hiero o Iehova o te mau nuu* e i te mau peropheta: “Ia taˈi anei au i te pae o te avaˈe+ a haapae atu ai i te maa, mai ta ˈu i rave na ehia rahiraa matahiti?”

4 Tae faahou maira te parau a Iehova o te mau nuu ia ˈu nei e na ô ra: 5 “A parau i te taata atoa o teie fenua e i te mau tahuˈa: ‘A haapae ai outou i te maa e a auê ai i te pae o te avaˈe e i te hitu o te avaˈe+ e 70 matahiti te maoro,+ no ˈu mau anei outou i haapae ai i te maa? 6 A tamaa ˈi e a inu ai outou, e ere anei no outou iho outou i tamaa e i inu ai? 7 Eiaha anei outou ia faaroo i te mau parau ta Iehova i faaite na roto i te mau peropheta i tahito ra,+ i te tau e taata â to Ierusalema e to te mau oire ati aˈe e a vai hau noa ˈi taua mau oire ra, e a faaeahia ˈi te Negeba e te Sephela e te taata?’”

8 Tae faahou mai ra te parau a Iehova ia Zekaria ra e na ô ra: 9 “Teie ta Iehova o te mau nuu e parau ra: ‘A haava ma te parau-tia mau+ e a faaite i te here taiva ore+ e te aroha hamani maitai te tahi i nia i te tahi. 10 Eiaha e taviri i te vahine ivi aore ra te tamarii aita e metua tane,*+ te feia ěê+ aore ra te feia veve.+ Eiaha e opua i te ohipa ino te tahi i te tahi i roto i to outou aau.’+ 11 Aita iho â râ ratou i hinaaro e faaroo.+ Ua tamau noa ratou i te huri tua ia ˈu+ a tapiri atu ai i to ratou tariˈa ia ore ratou e faaroo.+ 12 Ua faariro ratou i to ratou aau mai te hoê taiamani*+ e aita ratou i faaroo i te ture* e te mau parau ta Iehova o te mau nuu i faatae ia ratou ma to ˈna varua na roto i te mau peropheta i tahito ra.+ No reira Iehova o te mau nuu i riri roa ˈi.”+

13 “‘Mai ia ratou i ore i faaroo i to ˈu* piiraa,+ aita atoa vau i faaroo i te piiraa mai ratou ia ˈu,’+ te parau ra Iehova o te mau nuu. 14 ‘E ua haapurara ê au ia ratou i te hoê vero i roto i te mau nunaa atoa ta ratou i ore i matau.+ Ua vai ano te fenua i muri ia ratou. Aita e taata i haere na reira, aita e taata i hoˈi atu i reira,+ ua faariro hoi ratou i taua fenua nehenehe ra ei riariaraa.’”

8 Tae faahou mai ra te parau a Iehova o te mau nuu* e na ô ra: 2 “Teie ta Iehova o te mau nuu e parau ra: ‘E paruru vau ia Ziona ma te itoito rahi,+ e ma te riri rahi tahoo, e paruru vau ia ˈna.’”

3 “Teie ta Iehova e parau ra: ‘E hoˈi au i Ziona+ a parahi atu ai i Ierusalema.+ E piihia Ierusalema te oire o te parau mau,*+ e te mouˈa o Iehova o te mau nuu, te mouˈa moˈa.’”+

4 “Teie ta Iehova o te mau nuu e parau ra: ‘E parahi faahou te mau tane e vahine ruhiruhia na te mau mahora o Ierusalema, te taata tataitahi e ta ˈna turutootoo i te rima no te matahiti paari.*+ 5 E î te mau mahora o te oire i te tamaroa e te tamahine e hauti ra.’”+

6 “Teie ta Iehova o te mau nuu e parau ra: ‘E manaˈo paha to te nunaa o te toe mai i taua tau ra e eita te reira e nehenehe e tupu. Eita anei râ ta ˈu e nehenehe e faatupu i te reira?’ Te na reira mai ra Iehova o te mau nuu.”

7 “Teie ta Iehova o te mau nuu e parau ra: ‘E faaora vau i to ˈu nunaa i te mau fenua o hitia o te râ e tooa o te râ.+ 8 E aratai au ia ratou i Ierusalema+ e i reira ratou e parahi ai. E riro ratou ei nunaa no ˈu, e e riro vau no ratou ei Atua+ parau mau* e te parau-tia.’”

9 “Teie ta Iehova o te mau nuu e parau ra: ‘Ia puai to outou rima,*+ outou o te faaroo ra i teie nei i teie mau parau no roto i te vaha o te mau peropheta,+ teie mau parau tei faaitehia na i te mahana i haamauhia ˈi te niu o te fare o Iehova o te mau nuu no te paturaa o te hiero. 10 Inaha, na mua ˈtu, aita e aufauraa i te taata e te animara.+ E mea atâta ia haere e ia hoˈi mai ma te hau no te enemi, ua turai hoi au i te taata atoa ia aro te tahi i te tahi.’

11 “‘I teie nei râ, eita vau e faautua faahou i te toea o teie nunaa mai i mutaa ihora,’+ te na reira mai ra Iehova o te mau nuu. 12 ‘E tanuhia hoi te huero o te hau. E hotu mai te vine e e faatupu te fenua i te maa.+ E horoa mai te raˈi i te hupe e e faafanaˈo vau i te toea o teie nunaa i teie mau mea atoa.+ 13 E mai ia outou i faahitihia na i roto i te mau faainoraa a te mau nunaa,+ e te nunaa o Iuda e te nunaa o Iseraela, e faaora vau ia outou e e faahitihia outou i roto i ta ratou mau haamaitairaa.+ Eiaha e mǎtaˈu!+ Ia puai to outou rima.’*+

14 “Teie hoi ta Iehova o te mau nuu e parau ra: ‘“Mai ia ˈu i faaoti e faatae mai i te ati i nia ia outou no te mea ua faariri to outou mau tupuna ia ˈu e aita vau i tatarahapa,”+ te parau mai ra Iehova o te mau nuu, 15 “i teie taime, ua faaoti au e hamani maitai ia Ierusalema e i te nunaa o Iuda.+ Eiaha e mǎtaˈu!”’+

16 “‘Teie te mau mea ta outou e rave: a faaite i te parau mau te tahi i te tahi+ e ia haava outou i te uputa o to outou mau oire, e rave outou i te mea tia e e faatupu outou i te hau.+ 17 Eiaha e opua i roto i to outou aau+ e hamani ino te tahi i te tahi e eiaha e hinaaro i te horeo haavare.+ Mea hae hoi na ˈu i tera mau ohipa,’+ te na reira mai ra Iehova.”

18 Tae faahou maira te parau a Iehova o te mau nuu ia ˈu ra e na ô ra: 19 “Teie ta Iehova o te mau nuu e parau ra: ‘E riro te haapaeraa maa o te maha,+ o te pae,+ o te hitu+ e o te ahuru o te avaˈe+ ei oaoaraa no te nunaa o Iuda, ei oroa oaoa.+ A hinaaro ïa i te parau mau e te hau.’

20 “Teie ta Iehova o te mau nuu e parau ra: ‘E tae mai râ te tau e haere mai ai te nunaa e te taata no e rave rahi oire. 21 E haere te feia no te hoê oire i te feia ra no te tahi atu oire a na ô ai: “E haere anaˈe e taparu i te farii maitai a* Iehova. E haere anaˈe e imi ia Iehova o te mau nuu. Te haere ra matou.”+ 22 E haere mai e rave rahi taata e nunaa puai e imi ia Iehova o te mau nuu i Ierusalema+ e e taparu i te farii maitai a* Iehova.’

23 “Teie ta Iehova o te mau nuu e parau ra: ‘Ia tae i taua mau mahana ra, e haru hoê ahuru taata no te mau reo atoa o te mau nunaa,+ oia mau, e haru maitai ratou i te ahu* o te hoê ati Iuda a na ô ai: “Te hinaaro ra matou e haere na muri ia outou,+ ua faaroo hoi matou e tei ia outou ra te Atua.”’”+

9 Teie te tahi faautuaraa no ǒ mai i te Atua ra:

 3 Ua patu Turia i te hoê aua paruru* no ˈna iho.

 9 Ia oaoa roa oe, e te tamahine o Ziona!

A huro, e te tamahine o Ierusalema!

A hiˈo na! Te haere mai ra to oe arii ia oe ra.+

E faaorehia te fana tamaˈi.

12 A hoˈi mai i te haapuraa, outou te feia i tapeahia, e tiaturiraa to outou.+

13 E faatô* hoi au ia Iuda mai te hoê fana.

10 “A ani ia Iehova i te ûa i te tau o te ûa hopea.

No reira e overe ratou mai te mamoe.

E mauiui ratou, aita hoi e tiai mamoe.

4 “Teie ta Iehova to ˈu Atua e parau ra: ‘A aupuru i te mau mamoe i tuuhia ˈtu ia tupaihia.+ 5 Te tupaihia ra ratou+ e te feia i hoo mai ia ratou,+ aita râ ratou e faahapahia ra. E te parau ra te feia o tei hoo atu ia ratou: “Ia aruehia Iehova, e monihia hoi au.” Aita to ratou mau tiai e aroha ra ia ratou.’+

6 “‘Eita vau e aroha faahou i te feia no teie fenua,’ te na reira mai ra Iehova. ‘E tuu ïa vau i te taata tataitahi i te rima o to ˈna taata tapiri e o to ˈna arii. E tairi ratou i teie fenua e eita vau e faaora ia ratou i to ratou rima.’”

7 Ua haamata vau i te aupuru i te mau mamoe i tuuhia ia tupaihia,+ no outou, e te mau mamoe o te nǎnǎ o te mauiui ra. Ua rave ïa vau e piti raau e ua pii au hoê o Hamani maitai e te tahi o Auhoêraa,+ e ua haamata vau i te aupuru i te nǎnǎ. 8 E ua vaiiho vau e toru tiai mamoe i roto hoê avaˈe, ua ravai hoi au i te faaoromai ia ratou, e e hae atoa to ratou ia ˈu. 9 Na ô atura vau: “Eita vau e aupuru faahou ia outou. Ia pohe te haere pohe ra. O te iriti-ê-hia ra, ia iriti-ê-hia ïa. E te toea, ia amu te tahi i to te tahi atu iˈo.” 10 Rave atura ïa vau i ta ˈu raau o Hamani maitai+ e tâpû ihora vau i te reira. Ua faaore ïa vau i te faufaa ta ˈu i faaau i te nunaa taatoa. 11 Ore ihora ïa te faufaa i tera mahana. Ua taa i te mau mamoe o te nǎnǎ o te mauiui ra e o te mataitai noa mai ra ia ˈu e no ǒ mai ia Iehova teie poroi.

12 Na ô atura vau ia ratou: “Ia tia ia outou, a aufau mai i ta ˈu moni. Ia ore râ, a tapea noa ˈtu ïa.” Aufau maira ïa ratou ia ˈu:* 30 moni ario.+

13 Na ô maira Iehova ia ˈu: “Tera te moni i faitohia ˈi au.+ A taora i teie tino moni rahi i te vairaa taoˈa.” Rave atura ïa vau i na 30 moni ario e taora ˈtura i te reira i roto i te vairaa taoˈa o te hiero o Iehova.+

14 Tâpû atura vau i te piti o te raau, oia hoi te Auhoêraa.+ Ma te na reira, ua faaore au i te autaeaeraa i rotopu ia Iuda e Iseraela.+

15 Na ô maira Iehova ia ˈu: “I teie nei, a rave i te mauhaa a te hoê tiai mamoe haapaoraa ore.+ 16 E vaiiho hoi au i te hoê tiai mamoe ia tia mai i teie fenua. Eita oia e tâuˈa i te mau mamoe o te haere pohe ra.+ Eita oia e imi i te mau mamoe apî, eita oia e rapaau i tei pepe,+ eita oia e faaamu i te mau mamoe e nehenehe â e tia i nia. E amu râ oia i te iˈo o te mea poria+ e e iriti oia i te maiuu o te mau mamoe.+

17 Ua ati to ˈu tiai mamoe haapaoraa ore,+ o te faarue ra i te nǎnǎ!+

E tairi te tahi ˈoˈe i to ˈna rima e to ˈna mata atau.

12 Te tahi poroi:

2 E faariro vau ia Ierusalema ei auˈa e peretete ai te mau nunaa atoa ati aˈe. E haaatihia Iuda e o Ierusalema atoa.+ 3 I tera mahana, e faariro vau ia Ierusalema ei ofai teiaha no te mau nunaa atoa. E pepe roa ino te taata atoa o te tamata i te amo ia ˈna.+ E e haaputuputu te mau nunaa atoa o te fenua nei no te aro ia ˈna.+ 4 I tera mahana,” te na reira mai ra Iehova, “e faariaria vau i te mau puaahorofenua atoa e e tairi au i to ratou feia faahoro i te maamaa. Ei nia noa to ˈu mata i te nunaa o Iuda, e haapo râ vau i te mata o te mau puaahorofenua atoa a te mau nunaa. 5 E parau te mau raatira o Iuda i roto i to ratou aau: ‘E puai te feia no Ierusalema no matou, o Iehova o te mau nuu* hoi to ratou Atua.’+ 6 I tera mahana, e faariro vau i te mau raatira o Iuda mai te hoê farii auahi i ropu i te hoê apǎpǎraa raau e mai te hoê mori auahi i ropu i te hoê anairaa amaa huero maa tâpûhia,+ e e pau ia ratou te mau nunaa atoa ati aˈe, i te pae atau e te pae aui.+ E e parahi faahou te feia no Ierusalema i roto i to ratou oire,* i Ierusalema.+

7 “E paruru na mua Iehova i te mau fare ie o Iuda ia ore te nehenehe* o te huaai* o Davida e te nehenehe* o te feia no Ierusalema ia hau aˈe i to Iuda. 8 I tera mahana, e riro Iehova ei paruru ati aˈe i te feia no Ierusalema.+ I tera mahana, e riro tei turori* i rotopu ia ratou mai ia Davida, e e aratai te huaai o Davida ia ratou mai te Atua, mai te melahi a Iehova.+ 9 I tera mahana, e haamou iho â vau i te mau nunaa atoa o te haere mai e aro ia Ierusalema.+

10 “E ninii au i te varua o te farii maitai e te taparuparu i nia i te huaai o Davida e te feia no Ierusalema. E hiˈo ratou i tei patiahia e ratou,+ e e auê ratou no ˈna mai te mea ra e te auê ra ratou no te hoê tamaiti otahi. E oto roa ino ratou ia ˈna mai te mea ra e te oto ra ratou i te hoê tamaiti matahiapo. 11 I tera mahana, e rahi te auê i Ierusalema, mai te auê i Hadadarimona i te peho o Megido.+ 12 E auê teie fenua, te opu fetii tataitahi: te opu fetii o Davida i te tahi pae e ta ratou mau vahine i te tahi atu pae, te opu fetii o Natana+ i te tahi pae e ta ratou mau vahine i te tahi atu pae, 13 te opu fetii o Levi+ i te tahi pae e ta ratou mau vahine i te tahi atu pae, te opu fetii o te ati Simei+ i te tahi pae e ta ratou mau vahine i te tahi atu pae, 14 e te mau opu fetii atoa o te toe mai, te opu fetii tataitahi i te tahi pae e ta ratou mau vahine i te tahi atu pae.

13 “I tera mahana, e iritihia te hoê apoo pape ia nehenehe te huaai o Davida e te feia no Ierusalema e tamâ ia ratou i ta ratou hara e to ratou viivii.+

2 “I tera mahana,” te na reira mai ra Iehova o te mau nuu,* “e tumâ vau i te mau iˈoa o te mau idolo i teie fenua,+ e eita ratou e haamanaˈo-faahou-hia. E tamâ vau i teie fenua i te mau peropheta+ e te hinaaro* i te viivii. 3 E ia tohu faahou te hoê taata, e parau to ˈna metua tane e to ˈna metua vahine o tei fanau mai ia ˈna: ‘Eita oe e ora, ua haavare hoi oe i te iˈoa o Iehova.’ E patiahia oia e to ˈna metua tane e to ˈna metua vahine o tei fanau ia ˈna no te mea ua tohu oia.+

4 “I tera mahana, e haama te mau peropheta i ta ratou orama ia tohu ratou. E eita ratou e oomo i to ratou ahu huruhuru+ no te haavare i te taata. 5 E parau ratou: ‘E ere au i te peropheta. E taata faaapu vau, ua hoo mai hoi te hoê taata ia ˈu i to ˈu apîraa ra.’ 6 Ia ui te tahi ia ratou: ‘Eaha tera mau pepe i ropu i to oe na tapono?’* E pahono ratou: ‘Ua haapepehia vau i te fare o to ˈu mau hoa.’”*

E parau vau: ‘E nunaa ratou no ˈu,’+

E e parau ratou: ‘O Iehova to matou Atua.’”

14 “Inaha, te fatata mai ra te mahana, na Iehova taua mahana ra, e operehia i rotopu ia oe te mau taoˈa i haruhia i ǒ oe.* 2 E haaputuputu vau i te mau nunaa atoa no te aro ia Ierusalema. E haruhia te oire, e eiâhia i roto i te mau fare e e maferahia te mau vahine. E hopoi-tîtî-hia te afaraa o te oire, eita râ te toea o te nunaa e iriti-ê-hia i te oire.

3 “E haere Iehova e aro i tera mau nunaa+ mai ia ˈna e aro i te mahana tamaˈi.+ 4 I tera mahana, e tia to ˈna avae i nia i te mouˈa Oliveta+ i mua ia Ierusalema i te pae hitia o te râ. E vahihia te mouˈa Oliveta na ropu mai hitia o te râ* e tae atu i tooa o te râ* e i reira te hoê peho rahi roa e tia ˈi. E haere te hoê afaraa o te mouˈa i te pae apatoerau e te tahi atu afaraa i te pae apatoa. 5 E horo outou i te peho i ropu i to ˈu na mouˈa, e haere roa hoi te peho i ropu i taua na mouˈa ra i Azela. E titauhia ia horo outou, mai ia outou i horo na no te aueueraa fenua i te mau mahana o Uzia te arii o Iuda.+ E haere mai to ˈu Atua o Iehova, e ei pihai iho ia ˈna pauroa tei moˈa.+

6 “I tera mahana, aita e maramarama anaana e itehia,+ e mau* te mau mea atoa. 7 E riro tera mahana ei mahana na Iehova.+ Aita e ao e aita e po i tera mahana. E itehia te maramarama i te ahiahi. 8 I tera mahana, e tahe te pape ora+ na Ierusalema ˈtu,+ e tahe hoê afaraa i te miti i te pae hitia o te râ,*+ e te tahi atu afaraa i te miti i te pae tooa o te râ.*+ E tupu te reira i te tau veavea e te tau toˈetoˈe. 9 E e riro Iehova ei Arii i nia i te fenua taatoa.+ I tera mahana, ei hoê Iehova+ e ei hoê to ˈna iˈoa.+

10 “E riro teie fenua taatoa mai te Araba,+ mai Geba+ e tae atu i Rimona+ i te pae apatoa o Ierusalema. E tia mai Ierusalema i to ˈna iho â vahi+ e e parahihia oia e te taata, mai te Uputa o Beniamina+ e tae atu i te vahi o te Uputa matamua, tae atu i te Uputa i te poro, e mai te Pare o Hananela+ e tae atu i te vahi taataahiraa vine* a te arii. 11 E parahi te taata i Ierusalema, e eita oia e faautua-faahou-hia i te haamouraa.+ E parahi te taata i Ierusalema ma te hau.+

12 “Teie te ati e tairi ai Iehova i te mau nunaa atoa o te aro ia Ierusalema:+ E pê to ratou iˈo a tia noa ˈi ratou, e pê to ratou mata i roto i to ratou apu e e pê to ratou arero i roto i to ratou vaha.

13 “I tera mahana, e faatupu Iehova i te hoê arepurepuraa rahi i rotopu ia ratou. E haru te taata tataitahi i te rima o to ˈna hoa e e aro raua.+ 14 E apiti atoa Iuda i roto i te tamaˈi i Ierusalema. E haaputuhia te faufaa a te mau nunaa atoa ati aˈe: te auro, te ario e te ahu e rave rahi roa.+

15 “E tae atoa mai te hoê ati mai teie i nia i te mau puaahorofenua, pheradi, kamela, asini e te mau nǎnǎ animara atoa i roto i te mau puhapa enemi.

16 “I te mau matahiti atoa, e pauma te toea o te mau nunaa atoa o tei haere mai e aro ia Ierusalema+ no te tipapa i mua* i te Arii ra o Iehova o te mau nuu,*+ e no te faatupu i te Oroa patiaraa tiahapa.*+ 17 Ia ore râ hoê no roto i te mau nunaa o te fenua nei e pauma i Ierusalema no te tipapa i mua i te Arii ra o Iehova o te mau nuu, eita te ûa e topa i nia ia ˈna.+ 18 E ia ore te nunaa o Aiphiti e pauma e e tomo i roto i te oire, eita te ûa e topa i ǒ ratou. E roohia râ ratou i te ati e tairi ai Iehova i te mau nunaa o te ore e haere mai e faatupu i te Oroa patiaraa tiahapa. 19 Tera te utua no te hara a Aiphiti e te hara a te mau nunaa atoa o te ore e haere mai e faatupu i te Oroa patiaraa tiahapa.

20 “I tera mahana, e papaihia te parau ‘Na Iehova te moˈaraa!’+ i nia i te mau ôe a te mau puaahorofenua. E riro te mau pani*+ i roto i te hiero o Iehova mai te mau auˈa+ i mua i te fata. 21 E moˈa te mau pani* atoa i Ierusalema e i Iuda, e e riro te reira na Iehova o te mau nuu. E haere mai te taata atoa o te pûpû i te tusia e e faaohipa ratou i te reira no te tunu i ta ratou tusia. I tera mahana, eita e ite-faahou-hia te ati Kanaana* i roto i te hiero o Iehova o te mau nuu.”+