HABAKUKA
1 E parau teie i tae mai ia Habakuka* te peropheta na roto i te hoê orama:
2 Ehia maororaa, e Iehova, e tiaoro ai au ia oe no te tauturu e eita oe e faaroo mai?+
Ehia maororaa e ani ai au ia oe i te tauturu e eita oe e faaora ia matou i te hamani-ino-raa?+
3 Eaha oe e faaite mai ai ia ˈu i te ohipa ino?
E no te aha oe e farii ai i te haavîraa?
No te aha teie haamouraa e hamani-ino-raa ati aˈe ia ˈu?
E no te aha teie mau tatamaˈiraa e aimârôraa?
4 Aita e mana to te ture,
E aita roa te parau-tia e faatupuhia ra.
Te haaati ra hoi te feia ino i te feia parau-tia.
No reira te parau-tia i faahuru-ê-hia ˈi.+
5 “A hiˈo na i rotopu i te mau nunaa, e a hiˈo eaha te tupu!
Ia maere outou, e ia huru ê outou.
E tupu hoi te tahi ohipa i to outou mau mahana
O ta outou e ore e tiaturi, noa ˈtu e faatiahia ˈtu te reira ia outou.+
Te purara nei ratou na te mau tuhaa fenua rarahi
No te haru mai i te vahi nohoraa e ere no ratou.+
7 Mea mehameha ratou e mea riaria.
E haamau ratou i ta ratou iho parau-tia e tei roto i to ratou rima te mana.*+
8 Mea vitiviti aˈe ta ratou mau puaahorofenua i te mau nemera,
E mea taehae aˈe ratou i te mau luko i te po.+
Te haere mai ra ta ratou mau puaahorofenua ma te horo,
No te atea roa mai ta ratou mau puaahorofenua.
Te haapou mai ra ratou mai te aeto e ru ra no te haru i ta ˈna maa.+
9 Te haere mai ra ratou paatoa no te hamani ino.+
Ia nuu amui ratou, e au ratou i te mataˈi no hitia o te râ,+
E te haaputuputu ra ratou i te mau tîtî mai te one.
Te ata ra ratou i te mau pare etaeta:+
Te hamani ra ratou i te hoê haapueraa repo a haru mai ai i te oire.
11 I muri iho e haere ê atu ratou, a nuu ai mai te mataˈi,
E au râ ia faautuahia ratou no te mau ohipa ino ta ratou e rave ra,+
Te parau ra hoi ratou no ǒ mai to ratou puai i to ratou atua ra.”*+
12 E ere anei oe mai tahito mai â, e Iehova?+
To ˈu Atua, Tei Moˈa, e ore oe e pohe.*+
E Iehova, ua rave oe ia ratou no te faatupu i ta oe faaotiraa haavaraa.
13 Mea viivii ore roa hoi to mata no te hiˈo i te mea ino,
E eita ta oe e nehenehe e farii i te ino.+
Eaha ïa oe e farii ai i te feia haavarevare,+
A mamû atu ai ia horomii te hoê taata ino i te tahi atu mea tia aˈe ia ˈna?+
14 Eaha oe e faariro ai i te taata mai te iˈa o te tai,
Mai te mau animara o te tai aita e raatira to ratou?
15 Te hi ra oia* ia ratou paatoa i te hoê mǎtau.
Te haru ra oia ia ratou i roto i ta ˈna upeˈa,
E te haaputuputu ra oia ia ratou i roto i ta ˈna upeˈa tautai.
No reira oia e oaoa roa ˈi.+
16 No reira oia e pûpû ai i te tusia i ta ˈna upeˈa
E e tutui ai i te tusia* no ta ˈna upeˈa tautai.
Maoti hoi te reira i rahi ai ta ˈna tuhaa maa,
E mea faahiahia roa ˈi ta ˈna maa.
17 E tamau anei ïa oia i te faaî i ta ˈna upeˈa a tatara ˈtu ai i tei noaa mai i roto?*
E tamau anei oia i te taparahi i te mau nunaa ma te aroha ore?+
E tiai au no te ite eaha ta ˈna e faaite na roto ia ˈu
E eaha ta ˈu e pahono ia tamaˈihia vau.
2 Pahono maira ïa Iehova ia ˈu:
“A papai i teie orama e a nanaˈo maitai i te reira i nia i te pǎpǎ,+
Ia nehenehe te taata e taio ohie* i te reira ma te reo puai.+
Ia taere noa ˈtu te reira, a tamau â i te tiai atu!+
No te mea e tupu mau â te reira.
Eita te reira e taere!
4 A hiˈo i te teoteo ra.
E ere oia mea afaro.
E ora râ te taata parau-tia i to ˈna haapao maitai.*+
5 Inaha, mea haavarevare hoi te uaina,
Eita te fa a te taata teoteo e naea.
E poia rahi to ˈna mai to te Apoo.*
E, mai te pohe, eita roa oia e mâha.
Te tamau ra oia i te amui i te mau nunaa atoa
E i te haaputuputu no ˈna i te mau nunaa atoa.+
6 Eita anei ratou paatoa e parau faaooo ia ˈna ma te faahiti i te parau paari, te faaauraa e te piri?+
E parau ratou:
‘Ua ati tei haapue i te mea e ere na ˈna
E o te ore e faaea i te faarahi i ta ˈna tarahu.
Ehia â maororaa?
7 Eita anei te feia ta oe i tipee i te moni e tia taue mai?
E ara mai ratou a ueue uˈana ˈtu ai ia oe,
E e riro oe ei taoˈa haru na ratou.+
8 E haru te toea o te mau nunaa i ta oe mau taoˈa,
Ua haru hoi oe i te mau taoˈa a e rave rahi nunaa,+
Ua haamanii hoi oe i te toto taata
E ua hamani ino oe i te fenua,
Te mau oire e te feia no reira.+
9 Ua ati tei imi i te faufaa ma te ravea piˈo no to ˈna utuafare,
No te afai i to ˈna ofaaraa i nia roa,
A ora ˈtu ai i te rima o te ati!
10 Ua roohia to utuafare i te haama i ta oe mau opuaraa ino.
Ma te haamou e rave rahi nunaa, ua hara oe ia oe iho.+
11 E tuô hoi te hoê ofai mai nia mai i te patu,
E e pahono mai te hoê teˈa o te tapoˈi fare ia ˈna.
12 Ua ati tei patu i te hoê oire ma te haamanii i te toto,
E tei haamau i te hoê oire ma te parau-tia ore.
13 Inaha! Ia faarohirohi te mau nunaa no te mau mea o te haere i roto i te auahi,
E ia faarohirohi te mau nunaa ia ratou no te mau mea faufaa ore,+ e ere anei na Iehova o te mau nuu* i hinaaro i te reira?
15 Ua ati tei faainu i te tahi mea i to ˈna mau hoa,
A tuu ai i te riri e te hae i roto no te faataero ia ratou,
A mataitai atu ai i to ratou vai-tahaa-raa!
16 E î oe i te haama, eiaha râ i te hanahana.
A inu atoa oe, e a faaite roa mai aita oe i peritomehia.*
E haere atu te auˈa i roto i te rima atau o Iehova ia oe ra,+
E e tapoˈi te haama i to hanahana.
17 E tapoˈihia oe e te ino i ravehia i nia ia Lebanona,
E roohia oe i te haamouraa o tei haamǎtaˈu i te mau animara,
Ua haamanii hoi oe i te toto taata
E ua hamani ino oe i te fenua,
Te mau oire e te feia no reira.+
18 Eaha te faufaaraa o te hoê tii taraihia
Ua oti anaˈe i te taraihia e to ˈna taata hamani?
Eaha te faufaaraa o te hoê tii faatôhia* o te haapii ra i te parau haavare,
Noa ˈtu e tiaturi to ˈna taata hamani ia ˈna?
Te hamani ra oia i te atua faufaa ore e te vava.+
19 Ua ati tei parau i te hoê tâpû raau: “A ara mai!”
Aore ra i te hoê ofai vava: “A tia mai! A haapii mai ia matou!”
20 Tei roto râ Iehova i to ˈna hiero moˈa.+
Ia mamû te fenua taatoa i mua ia ˈna!’”+
3 E pure na Habakuka te peropheta, ei himene oto:
2 E Iehova, ua faaroo vau i te parau no oe.
E mǎtaˈu rahi to ˈu i ta oe ohipa, e Iehova!
A faatupu i te reira i te roaraa o te mau matahiti!*
A faaite i te reira i te roaraa o te mau matahiti!*
A haamanaˈo i te faaite i te aroha hamani maitai i te roaraa o te arepurepuraa.+
Ua tapoˈi to ˈna hanahana i te raˈi.+
Ua î te fenua nei i te arueraa ia ˈna.
4 E au to ˈna anaana i te maramarama.+
E piti hihi tei purara mai roto mai i to ˈna rima,
I reira to ˈna puai i tapuni ai.
6 Ua tia noa mai oia e ua faaaueue i te fenua.+
Ua hiˈo oia e ouˈa ˈtura te mau nunaa no te riaria.+
Parari ihora te mau mouˈa mure ore
E piˈo ihora te mau aivi tahito.+
Na ˈna te mau eˈa no mutaa ihora.
7 Ua ite au i te ati i roto i te mau fare ie o Kusana.
Ua aueue te ie o te mau fare ie o te fenua o Midiana.+
8 I nia anei i te mau anavai, e Iehova,
I nia anei i te mau anavai to oe riri e ura ˈi?
Aore ra i nia anei i te miti to oe riri rahi e fariu ai?+
9 Ua matara ta oe fana e ua ineine.
E ohipa tei faauehia i te mau raau.* (Sela)
Ua vahi oe i te fenua i te mau anavai.
10 Ua mauiui roa te mau mouˈa i to ratou iteraa ia oe.+
E ûa rahi tei topa mai.
Ua uuru haapuai te mau pape hohonu.+
Ua amo ratou i to ratou rima i nia.
11 Ua vai noa te mahana e te avaˈe i nia i te raˈi.+
Ua reva ta oe mau teˈa i rapae mai te maramarama.+
Mea anapanapa ta oe omore mai te uira.
12 Ua haere oe na te fenua nei ma te riri.
Ua taataahi oe i te mau nunaa no to oe riri.
13 Ua haere oe no te faaora i to nunaa, no te faaora i tei faatavaihia e oe.
Ua taahi oe i te raatira* o te fare o te taata ino.
Ua vavahihia te reira mai te niu e tae atu i te niaraa.* (Sela)
14 Ua patia oe i te upoo o to ˈna feia tamaˈi i ta ˈna iho mau mauhaa*
I to ratou haereraa mai e haapurara ia ˈu.
I roto i to ratou tapuniraa, ua oaoa roa ratou i te amu i tei ahoaho.
15 Ua haere oe e ta oe mau puaahorofenua na roto i te miti,
Na roto i te miti mataare.
Ô maira te pê i roto i to ˈu mau ivi.+
Rûrû atura to ˈu avae.
E tiai maite râ vau i te mahana o te ati,+
E tae mai hoi te reira i nia i tei aro ia matou.
17 Noa ˈtu eita te tumu suke e uaa
E aita e maa to nia i te tumu vine,
Noa ˈtu eita te olive e hotu mai
E eita te mau faaapu e horoa i te maa,
Noa ˈtu aita faahou te nǎnǎ mamoe i roto i te aua,
E aita e puaatoro i roto i te fare vairaa animara,
18 O vau nei, e oaoa vau ia Iehova.
E oaoa vau i te Atua o te faaora ia ˈu.+
19 O te Arii hau ê e Fatu ra o Iehova to ˈu puai.+
Na ˈna e faariro i to ˈu avae mai to te aili,
A faahaere ai ia ˈu na nia i te mau vahi teitei.+
Na te aratai o te feia himene, e ta ˈu mau upaupa taura.
“Tauahi” paha te auraa.
Aore ra “hanahana.”
Huri-atoa-hia “o to ratou atua to ratou puai.”
Huri-atoa-hia “e ore matou e pohe.”
Aore ra “tamaˈi.”
Oia hoi te enemi Kaladaio.
Aore ra “pûpû ai i te au auahi tusia.”
Huri-atoa-hia “i te huti i ta ˈna ˈoˈe?”
Aore ra “Ia hee noa te taioraa.”
Aore ra “tupuraa.”
Huri-atoa-hia “faaroo,” “tiaturiraa.”
Aore ra “Hade,” oia hoi te menema o te huitaata. Hiˈo i te titionare.
Aore ra “sabaota.”
Huri-atoa-hia “e a peretete.”
Aore ra “faatahehia.”
Huri-atoa-hia “i to matou tau.”
Huri-atoa-hia “i to matou tau.”
Hiˈo i te titionare.
Huri-atoa-hia “teˈa.”
Heb: “upoo.”
Heb: “aˈî.”
Heb: “raau.”
Heb: “rûrû atura to ˈu opu.”