NAHUMA
1 E poroi teie no nia ia Nineve:+ Te buka o te orama a Nahuma* no Elekosi:
2 E Atua o Iehova o te titau ra ia haamorihia+ o ˈna anaˈe e o te tahoo.
E tahoo Iehova e ua ineine i te faaite i to ˈna riri.+
E tahoo Iehova i to ˈna mau enemi,
E e tamau to ˈna riri i to ˈna mau enemi.
3 Eita Iehova e riri oioi+ e e puai rahi to ˈna.+
Eita roa râ Iehova e vaiiho i tei hapa ma te ore e faautua ˈtu.+
Te haere nei oia na roto i te mataˈi e te vero.
E te mau ata, o te repo ïa e puehu ra i to ˈna avae.+
E maemae Basana e Karemela,+
E maemae te mau tiare no Lebanona.
E maraa te fenua i to ˈna aro,
Te fenua e te taatoaraa o te parahi ra i nia iho.+
6 O vai te mau i mua i to ˈna inoino?+
O vai te mau i mua i to ˈna riri uˈana?+
E manii to ˈna riri rahi mai te auahi,
E e parari te mau mato ia ˈna.
7 Mea maitai o Iehova,+ e haapuraa oia i te mahana ati.+
Mea haapao roa* o ˈna i te feia e imi nei i te haapuraa ia ˈna ra.+
8 Na roto i te hoê pape pue rahi, e haamou oia i to ˈna vahi,*
E e tapapa te poiri i to ˈna mau enemi.
9 Eaha ta outou e opua ra i te rave ia Iehova?
E haamouraa papu ta ˈna e faatupu ra.
Eita te ati e tataipiti i te tupu.+
10 Ua tafifi hoi to Nineve mai te raau taratara,
E e au ratou i te feia i taero i te pia.*
E ama râ ratou mai te aihere mǎrô.
11 No roto mai ia oe e haere mai ai hoê o te opua i te rave i te mea ino ia Iehova,
O te horoa i te aˈoraa haapaoraa ore.
12 Teie ta Iehova e parau ra:
“Noa ˈtu mea puai ratou e mea rahi,
E taparahihia ratou a pohe* atu ai.
Ua faahaama vau ia oe,* eita râ vau e faahaama faahou ia oe.
E faaore au i te mau tii taraihia e tei faatôhia* mai roto mai i te hiero* o to oe mau atua.
E faaineine au i te hoê menema no oe, mea faufaa ore hoi oe.’
15 Tei nia i te mau mouˈa te avae o te tahi taata e hopoi ra i te parau apî oaoa,
Te taata o te faaite haere ra i te hau.+
A faatupu i ta oe mau oroa,+ e Iuda, a faatupu i ta oe mau euhe,
Eita hoi te taata ino e haere faahou mai i ǒ oe.
E haamouhia oia.”
2 Te pauma mai ra te hoê o te haapurara no te aro ia oe.*+
A tiai i te mau pare etaeta.
A tiai i te purumu.
A faaineine ia outou* e ia puai roa outou.
2 E faahoˈi mai hoi Iehova i te haapeuraa a Iakoba,
Te haapeuraa a Iseraela,
Ua tuino hoi te enemi ia ratou+
E ua tuino i to ratou mau amaa vine.
3 Mea uteute te mau paruru o to ˈna mau aito puai,
Mea uteute paˈo te ahu o to ˈna mau taata tamaˈi.
Mai te auahi te purapura o te auri o to ˈna mau pereoo tamaˈi
I te mahana e faaineine ai oia no te tamaˈi,
E te amohia ra i nia te mau omore berusi.
4 Te tere vitiviti ra te mau pereoo tamaˈi na te mau aroâ.
Te tahua ra ratou na te mau mahora o te oire.
Mea anaana ratou mai te mori e te anapa ra mai te uira.
5 E titau oia* i to ˈna feia toroa.
E turori ratou a nuu ai i mua.
Te horo ra ratou i nia i te mau patu paruru.
Te faatia ra ratou i te hoê aua haaati.
6 E matara te mau uputa o te mau anavai,
E e marua te aorai i raro.
7 Ua haamanahia tera parau: Te faahaamahia ra oia* e te hopoi-ê-hia ra,
Te oto ra ta ˈna mau tavini vahine mai te uupa.
Te tupaipai ra ratou i to ratou ouma.*
“Eiaha e hauti! Eiaha e hauti!”
Aita râ hoê e fariu mai ra.+
9 A haru i te ario, a haru i te auro!
Aita to te mau taoˈa e pauraa.
Ua î o ˈna i te taoˈa e rave rau.
10 Aita e mea faahou to roto i te oire, ua ano, ua mou!+
Te horuhoru ra te mau aau no te mǎtaˈu, mea paruparu te mau turi avae, te rûrû ra te mau tauupu.
E mǎtaˈu te itehia i nia i te mau hohoˈa mata atoa.
11 Teihea te tapuniraa o te mau liona,+ i reira te mau liona apî e amu ai i te maa,
Mai reira te liona e haere mai ai i rapae e ta ˈna fanauˈa
Ma te ore e faariariahia?
12 Mea navai te maa ta te liona i hahae na ta ˈna mau fanauˈa,
E ta ˈna i uumi na ta ˈna mau liona ufa.
Ua faaî noa oia i to ˈna mau ana i te maa,
To ˈna mau tapuniraa i te animara hahaehia.
13 “E aro vau ia oe,” te parau mai ra Iehova o te mau nuu,*+
“E tutui au i to oe mau pereoo tamaˈi ia au auahi,+
E e pohe ta oe mau liona apî i te ˈoˈe.
E tinai au i ta oe ohipa haru taoˈa* i nia i te fenua,
E eita te reo o ta oe mau vea e faaroo-faahou-hia.”+
3 Ua ati te oire o te haamanii i te toto!
Ua î roa o ˈna i te haavare e te eiâ.
Aita e ravea e pau ai ta ˈna maa!
2 Te vai ra te paaina o te hui e te maniania o te huira pereoo,
Te puaahorofenua o te horo ra e te pereoo o te ouˈauˈa ra.
3 Te taata faahoro puaahorofenua i nia i to ˈna parahiraa, te ˈoˈe anaana e te omore purapura,
Te pueraa feia o tei taparahi-pohe-hia e te mau haapueraa tino pohe:
Eita e nehenehe e taio i tei pohe.
Te turori noa ra te taata no te mau tino pohe.
4 No te rahiraa ohipa taiata a te vahine taiata i tupu ai te reira:
Mea nehenehe oia e te haviti, e fatu vahine no te mau peu tahutahu,
O te faahema i te mau nunaa i ta ˈna taiataraa e i te mau utuafare i ta ˈna mau peu tahutahu.
5 “E aro vau ia oe,”* te parau mai ra Iehova o te mau nuu.*+
“E amo vau i to oe ahu piritoti na nia i to oe hohoˈa mata.
E haamataitai au i to oe vai-tahaa-raa i te mau nunaa,
E to oe haama i te mau faatereraa arii.
6 E hue au i te pehu i nia ia oe,
A faariro atu ai ia oe ei faufauraa na te taata atoa.
E faariro vau ia oe ei mataitairaa na te taata.+
O vai te oto ia ˈna?’
Ihea e itehia ˈi te feia tamahanahana no oe?
8 Mea maitai aˈe anei oe ia No-amona,+ o tei parahi na i pihai iho i te mau taheraa pape o Nile?+
I haaati na te pape ia ˈna.
O te miti ta ˈna faufaa, e o te miti to ˈna patu.
9 Na Etiopia e Aiphiti i horoa i to ˈna puai otia ore.
I haere mai na Puta+ e to Libia e tauturu ia ˈna.*+
Ua taparahi-pohe-hia ta ˈna mau tamarii na te mau poro aroâ atoa.
Ua maiti-kelero-hia to ˈna huimana,
E ua ponaohia to ˈna mau taata rahi i te ponao auri.
E imi oe i te haapuraa i mua i to oe enemi.
12 E au to oe mau vahi auahia i te patu i te tumu suke ua para te mau maa matamua.
Ia ueuehia ratou, e marua te mau suke i roto i te vaha o te feia amu.
13 Inaha! E au ta oe mau pǔpǔ faehau i te vahine.
E matara rahi te mau uputa o to oe fenua no to oe mau enemi.
E pau te mau teˈa o ta oe mau uputa i te auahi.
14 A huti i te pape no te haaatiraa o te oire!+
A haapaari i to oe mau vahi auahia i te patu.
A pou i roto i te vari e a taataahi i te araea.
A hamani i te ofai araea.
15 I reira atoa, e pau oe i te auahi.
E pohe oe i te ˈoˈe.+
E amu haapau te reira ia oe mai te mau vivi apî ia tamaa ratou.+
Ia rahi roa oe mai te mau vivi apî!
Oia mau, ia rahi roa oe mai te mau vivi!
16 Ua faarahi oe i to oe feia hoo taoˈa hau aˈe i te fetia o te raˈi.
E vaiiho te vivi apî i to ˈna paa tahito a maue ê atu ai.
17 E au ta oe mau tiai i te vivi,
E to oe feia toroa i te hoê aere vivi.
E faaea ratou i roto i te mau patu ofai i te mahana toˈetoˈe,
Ia hiti râ te mahana, e maue ê ratou.
E aita e taata i ite teihea ratou.
18 Te vareahia ra ta oe mau tiai i te taoto, e te arii o Asura,
Te faaea noa ra to oe huimana i ǒ ratou.
Ua purara ê to oe nunaa na nia i te mau mouˈa,
E aita e taata no te haaputuputu mai ia ratou.+
19 Aita e tamǎrûraa no to oe ati.
Eita e nehenehe e rapaau i to oe pepe.
E popou te feia atoa o te faaroo i te parau no oe.+
O vai hoi o tei ore i mauiui i to oe ino tuutuu ore?”+
“Tei tamahanahana” te auraa.
Heb: “ite.”
Oia hoi Nineve.
Aore ra “pia hamanihia i te sitona.”
Huri-atoa-hia “haere ê.”
Oia hoi Iuda.
Oia hoi Asura.
Aore ra “faatahehia.”
Heb: “fare.”
Oia hoi Nineve.
Heb: “haapaari i te tauupu.”
E au ra e o te arii o Asura tera.
Oia hoi Nineve, tei faaauhia i te hoê arii vahine.
Heb: “mafatu.”
Aore ra “sabaota.”
Heb: “E iriti tumu vau i ta oe maa.”
Oia hoi Nineve.
Aore ra “sabaota.”
Heb: “ia oe.”