MIKA
1 Teie te parau a Iehova i faaitehia ia Mika*+ no Moreseta, i te mau mahana o Iotama,+ Ahaza+ e Hezekia,+ na arii o Iuda,+ e ta ˈna i ite i roto i te hoê orama no nia ia Samaria e Ierusalema:
2 “A faaroo mai, e te mau nunaa e!
A fariu mai i to outou tariˈa, e te fenua e to roto atoa ra,
E ia faahapa te Arii hau ê e Fatu ra o Iehova ia outou,+
O Iehova, mai to ˈna hiero moˈa mai.
3 Te haere ra hoi Iehova i rapae i to ˈna vahi nohoraa.
E pou mai oia a taataahi atu ai na nia i te mau vahi teitei o te fenua nei.
4 E tahe te mau mouˈa i raro aˈe ia ˈna,+
E e afâ te mau peho
Mai te tapau i mua i te auahi,
Mai te pape i maniihia i nia i te hoê taha mouˈa.
Eaha te tumu i orure hau ai Iakoba?
E ere anei o Samaria?+
O vai te faahapahia no te mau vahi teitei o Iuda?+
E ere anei o Ierusalema?
6 E faariro vau ia Samaria ei haapueraa huˈahuˈa i te vahi aihere,
Ei vahi no te tanu i te vine.
E huri au* i to ˈna mau ofai i roto i te peho,
E e vaiiho vau ia itehia to ˈna mau niu.
E haamou vau i ta ˈna mau idolo atoa.
Ua noaa mai hoi te reira ia ˈna i te moni o ta ˈna taiataraa,
E e ravehia te reira no te aufau i te tahi atu mau vahine taiata.”
E riro ta ˈu auê mai te aoa a te mau urî taehae,
E ta ˈu oto mai ta te mau ione.
Ua tae roa te ati i te uputa o to ˈu nunaa, i Ierusalema.+
10 “Eiaha e faaite i te reira i Gata.
Eiaha outou e taˈi.
I Bete-aphera,* a taaviriviri i roto i te repo.
11 A haere ma te ahu ore e te haama, e te feia* no Sâphira!
Aita te feia* no Zaanana i haere mai i rapae.
E haapuraa Bete-ezela no outou na mua ˈˈe. I teie nei râ, e auê anaˈe te faaroohia i reira.
12 I tiai na hoi te feia* no Marota i te tahi mea maitai,
O te mea ino râ ta Iehova i faatae mai i te uputa o Ierusalema.
13 A taamu i te pereoo i nia i te mau puaahorofenua, e te feia* no Lakisa!+
No ǒ mai ia outou ra te hara a te tamahine o Ziona,
Ua itehia mai hoi i ǒ oe te mau orureraa hau a Iseraela.+
14 E horoa ïa oe i te ô na Moreseta-gata ia reva oia.
Ua riro te mau fare o Akaziba+ ei mea haavare no te mau arii o Iseraela.
15 E te feia* no Mâresa,+ e aratai atu vau i te faatere* i ǒ outou.+
E tae roa mai te hanahana o Iseraela i Adulama.+
16 A paoti i to outou rouru e a hahu i to outou upoo no ta outou mau tamarii here.
Ia pahure to outou upoo mai to te aeto,
Ua ravehia hoi ta outou mau tamarii e ua afai-tîtî-hia.”+
2 “Ua ati te feia o te opua ra i te mea ino,
O te faaineine ra i te mea ino i nia i to ratou roˈi!
Ia ao, e faatupu ratou i ta ratou i opua,
No te mea e haere i to ratou rima ia rave i te reira.+
2 Ia hinaaro ratou i te tahi faaapu, e haru ratou i te reira.+
Mea au anaˈe na ratou i te hoê fare, e rave ratou i te reira.
E taviri ratou i te hoê taata no to ˈna fare,+
E no ta ˈna faufaa.
3 Teie ïa ta Iehova e parau ra:
‘Te faaineine ra vau i te hoê ati+ no te tairi i teie utuafare, eita outou e ora*+ i taua ati ra.
Eita outou e haere faahou ma te teoteo,+ e tau ati hoi tera.+
4 I tera mahana, e faahiti te taata i te tahi parau oto no nia ia outou,
E e oto roa ratou ia outou.+
E parau ratou: “Ua ere matou i te mau mea atoa!+
Ua rave te Atua i to matou fenua e ua horoa+ na vetahi ê,
Ua horoa oia i to matou fenua na te hoê nunaa o te ore e tavini ia ˈna.”
5 I roto i te amuiraa a Iehova, aita ïa ta oe e taata
No te faito i te fenua i te taura a tufa ˈtu ai i te reira.
7 E te huaai o Iakoba, te parau ra anei te taata:
“Ua pau anei i te varua o Iehova i te faaoromai?
Na ˈna mau anei tera mau ohipa?”
E ere anei ta ˈu mau parau i te mea maitai no te feia e haere ra ma te afaro?
8 Aita râ i maoro aˈenei, ua tia mai to ˈu nunaa ei enemi.
I mua i te taata atoa, te haru ra outou i te faaunauna nehenehe e* te ahu
O te feia e hahaere nei ma te taiâ ore, mai te feia e hoˈi mai ra mai te tamaˈi.
9 Te tiahi nei outou i te mau vahine o to ˈu nunaa i rapae i to ratou mau fare au maitai.
Te faaere roa ra outou i ta ratou mau tamarii i to ˈu nehenehe.
10 A tia e a haere, e ere faahou hoi teie i te vahi faafaaearaa.
No te viivii,+ te vai ra ïa te haamouraa, e haamouraa mauiui mau.+
11 Ia horo te hoê taata na muri i te mataˈi e te haavare, e ia parau oia i teie haavare:
“E poro vau ia oe no nia i te uaina e te ava,”
O ˈna iho â ïa te tano no te poro i tera nunaa!+
E amui au ia ratou ei hoê, mai te mau mamoe i roto i te hoê aua,
Mai te hoê nǎnǎ i to ratou vahi aihere.+
E maniania roa tera vahi i te rahi o te taata.’+
13 E haere te taata e faaapoo ra i te patu na mua ia ratou.
E faarahi ratou i te apoo, e e na reira ratou i te haere i rapae.+
E haere to ratou arii na mua ia ratou,
E na Iehova e aratai ia ratou.”+
3 Na ô atura vau: “A faaroo mai na, outou te mau aratai o Iakoba
E outou te mau raatira o te nunaa o Iseraela!+
Eiaha anei outou ia ite i te mea tia?
2 Mea hae râ na outou i te mea maitai+ e mea au na outou i te mea ino.+
Te hohore ra outou i te iri o to ˈu nunaa e te hahae ra i te iˈo i nia i to ratou mau ivi.+
3 Te amu atoa ra outou i te iˈo o to ˈu nunaa+
E te hohore ra i to ratou iri,
A ofatifati ai i to ratou mau ivi, a faahuˈahuˈa ˈi i te reira,+
Mai te tahi maa e tunuhia i roto i te hoê pani,* mai te inaˈi i roto i te hoê pani.
4 E tae te hoê taime e pii ai ratou ia Iehova no te tauturu,
Eita râ oia e pahono ia ratou.
5 Teie ta Iehova e parau ra no te mau peropheta o te aratai ê ra i to ˈu nunaa,+
O te faaite haere ra i te hau+ a hohoni ai* e to ratou niho,+
O te faatupu* râ i te tamaˈi ia ˈna o te ore e tuu i te tahi mea i roto i to ratou vaha:
6 ‘Ei roto outou i te poiri mai i te po+ e eita outou e ite i te orama.+
E poiri anaˈe no outou, aita e peu hiˈohiˈo.
E topa te mahana i nia i te mau peropheta,
E haapoiri te mahana no ratou.+
E tapoˈi ratou paatoa i to ratou huruhuru utu,*
Eita hoi te Atua e pahono.’”
8 O vau râ, maoti te varua o Iehova, ua î au i te mana,
E te parau-tia e te puai rahi,
No te faaite ia Iakoba ta ˈna orureraa hau e ia Iseraela ta ˈna hara.
9 A faaroo mai na i teie parau, outou te mau aratai o te huaai o Iakoba
E outou te mau raatira o te nunaa o Iseraela,+
O te riri nei i te parau-tia e o te haapiˈo ra i te mau mea afaro atoa,+
10 O te patu nei ia Ziona i te haamaniiraa toto e ia Ierusalema i te parau-tia ore.+
11 E haava ta ˈna mau aratai* ia petahia ratou,+
E haapii ta ˈna mau tahuˈa ia aufauhia ratou,+
E e rave ta ˈna mau peropheta i te peu hiˈohiˈo no te hoê tino moni.*+
E te turui noa ra ratou i nia ia Iehova* a na ô ai:
“Aita anei o Iehova ia tatou nei?+
Eita tatou e roohia i te ati.”+
12 No outou noa ïa,
E arotehia Ziona mai te tahi faaapu,
E riro Ierusalema ei pueraa huˈahuˈa,+
E e riro te mouˈa o te Fare* mai te mau vahi teitei o te hoê uru raau.*+
4 I te pae hopea o te mau mahana,*
E haamau-papu-hia te mouˈa o te fare o Iehova+
I nia i te mau tupuai mouˈa,
E faateiteihia te reira i nia ˈˈe i te mau aivi,
E i reira te mau nunaa atoa e haere ai.+
2 Mea rahi te nunaa te haere a parau atu ai:
“Haere mai, e pauma anaˈe i nia i te mouˈa o Iehova,
I te fare o te Atua o Iakoba.+
E haapii oia ia tatou i to ˈna mau eˈa,
E e haere tatou na to ˈna mau eˈa.”
E matara mai hoi te ture* na Ziona mai,
E te parau a Iehova na Ierusalema mai.
3 E haava oia i rotopu i te nunaa e rave rahi+
E e horoa oia i te aratairaa i* te mau nunaa puai i te atea ê.
E tupai ratou i ta ratou mau ˈoˈe ei auri arote
E ta ratou mau omore ei tipi tope raau.+
E ore te hoê nunaa e amo i ta ratou ˈoˈe i nia i te tahi nunaa,
E ore atoa ratou e haapii faahou i te tamaˈi.+
4 E parahi* ratou tataitahi i raro aˈe i ta ratou tumu vine e ta ratou tumu suke,+
E eita hoê e faariaria ia ratou,+
Na te vaha hoi o Iehova o te mau nuu* i parau.
5 E haere hoi te mau nunaa atoa ma te iˈoa o to ratou atua,
E haere râ tatou ma te iˈoa o Iehova to tatou Atua+ e a muri noa ˈtu.
6 “I tera mahana,” te parau mai ra Iehova,
“E haaputuputu vau i te taata tei teˈiteˈi na ia haere,
E e haaputuputu vau i tei purara,+
Oia atoa i te feia ta ˈu i faautua.
7 E haaputuputu faahou vau i te toea o to ˈu nunaa tei teˈiteˈi na ia haere,+
E e faariro vau i tei faaruehia i te atea ê ei nunaa puai.+
E faatere au, o Iehova, ei arii i nia ia ratou i te mouˈa Ziona,
I teie nei e a muri noa ˈtu.
8 O oe râ, e te pare o te nǎnǎ,
Te puu repo teitei a te tamahine o Ziona,+
Ei ia oe e hoˈi mai ai te mana faatere matamua,* oia mau, e hoˈi mai,+
Te faatereraa arii a te tamahine o Ierusalema.+
9 I teie nei, eaha oe e tuô haapuai ai?
Aita anei to oe e arii,
Aore ra ua pohe anei to oe taata aˈo,
I roohia ˈi oe i te mauiui mai te hoê vahine e fanau ra?+
10 A mauiui e a autâ, e te tamahine o Ziona,
Mai te hoê vahine e fanau ra,
E faarue hoi oe i teie nei i te oire a ora ˈtu ai i rapae.
E haere oe e tae roa i Babulonia,+
E i ǒ e faaorahia oe.+
I ǒ, e hoo mai Iehova ia oe i te rima o to oe mau enemi.+
11 I teie nei, e rave rahi nunaa te haaputuputu mai no te aro ia oe.
E parau ratou: ‘Ia faahaamahia* oia,
E ia ite to tatou mata i te tupu no Ziona.’
12 Aita râ ratou i ite i te mau manaˈo o Iehova,
Aita ratou e taa ra i to ˈna hinaaro.*
E haaputuputu hoi oia ia ratou i te vahi tairiiriraa huero maa* mai te ruru huero maa no tâpû-noa-hia ˈtura.
13 A tia e a tairiiri i te huero maa, e te tamahine o Ziona.+
E faariro hoi au ia oe mai te hoê puaatoro e te tara auri
E te maiuu veo,
E e tairi oe e rave rahi nunaa.+
Tei noaa mai ia ratou ma te ravea piˈo, e pûpû oe na Iehova,
E ta ratou mau faufaa, na te Fatu mau o te fenua taatoa.”+
Te tairi ra ratou i te haava o Iseraela i te raau i nia i te papariˈa.+
2 E oe, e Betelehema Epherata,+
Tei haihai roa no te ô atu i roto i te mau tausani* o Iuda,
Mai roto mai ia oe e tia mai ai no ˈu o te riro mai ei faatere i Iseraela,+
Mai mutaa ihora mai â oia, mai te mau mahana tahito mai â.
3 E faarue ïa oia ia ratou
E tae roa ˈtu i te taime e fanau mai ai te vahine e fanau.
E e hoˈi mai te toea o to ˈna mau taeae i te nunaa ra o Iseraela.
4 E tia mai oia a faaamu atu ai i te nǎnǎ ma te puai o Iehova,+
Ma te hau ê o te iˈoa o Iehova to ˈna Atua.
5 E e hopoi mai oia i te hau.+
Ia tomo noa mai to Asura i to tatou fenua a taataahi atu ai i to tatou mau pare etaeta,+
E tono tatou e hitu tiai mamoe, oia mau, e vaˈu tamaiti huiarii* no roto mai i te huitaata no te patoi ia ˈna.
E e faaora oia ia tatou i to Asura+
Ia tomo oia i to tatou fenua a taataahi atu ai i to tatou tuhaa fenua.
7 Ei rotopu te toea o Iakoba i te nunaa e rave rahi
Mai te hupe no ǒ mai ia Iehova ra,
Mai te ûa i nia i te mau raau rii atoa
O te ore e tiaturi i te taata,
O te ore e tiai i te mau tamaiti a te taata.
8 Ei rotopu te toea o Iakoba i te mau nunaa,
I rotopu i te nunaa e rave rahi,
Mai te hoê liona i rotopu i te mau animara o te uru raau,
Mai te hoê liona apî i rotopu i te mau nǎnǎ mamoe:
E haere oia, a haru e a hahae atu ai.
E aita e taata no te faaora ia ratou.
9 Ei nia to oe rima i to oe mau enemi,
E e haamouhia to oe mau enemi atoa.”
10 “I tera mahana,” te parau mai ra Iehova,
“E tairi au i ta oe mau puaahorofenua mai rotopu mai ia oe a haamou atu ai i to oe mau pereoo tamaˈi.
11 E haamou vau i te mau oire o to oe fenua,
A vavahi atu ai i to oe mau vahi paruru-maitai-hia.
13 E haamou vau i ta oe mau tii e ta oe mau pou i rotopu ia oe,
E eita oe e tipapa faahou i mua i te ohipa a to rima.+
15 Ma te riri e te hae, e tahoo vau
I te mau nunaa o tei ore i faaroo.”
6 A faaroo mai na i ta Iehova e parau mai ra.
A tia, a faaite i to outou tupuraa i mua i te mau mouˈa,
E ia faaroo te mau aivi i to outou reo.+
2 E te mau mouˈa e, a faaroo i te haavaraa a Iehova,
Outou te mau niu papu o te fenua nei,+
E haavaraa hoi ta Iehova i to ˈna nunaa.
E faahapa oia ia Iseraela:+
3 “To ˈu nunaa, eaha ta ˈu i rave ia oe?
Mea nafea oe i rohirohi ai ia ˈu?+
A faahapa mai ia ˈu.
4 Ua aratai mai hoi au ia oe i rapae i Aiphiti,+
Ua hoo mai au ia oe mai te fenua* mai i faatîtîhia ˈi oe.+
Ua tono vau ia Mose, Aarona e Miriama i mua ia oe.+
5 To ˈu nunaa e, a haamanaˈo na i ta te arii Balaka no Moabi i opua,+
E ta Balaama te tamaiti a Beora i pahono ia ˈna,+
Eaha tei tupu mai Sitima+ e tae atu i Gilagala,+
Ia taa ia outou te mau ohipa parau-tia a Iehova.”
6 E haere mai au i mua ia Iehova e te aha?
E piˈo vau i mua i te Atua no te aha?
E haere mai anei au i mua ia ˈna e te tusia taauahi,
E te fanauˈa puaatoro hoê matahiti te paari?+
8 Ua faaite o ˈna ia oe i te mea maitai, e te taata e.
E eaha ta Iehova e titau* mai ra ia oe
9 Te tuô nei Iehova i te oire.
Te feia e paari mau to ratou, e mǎtaˈu ratou i to iˈoa.
A ara i te raau e i tei tuu mai i te utua.+
10 Te vai noa ra anei i roto i te fare o te taata ino te pueraa taoˈa i noaa na roto i te ohipa ino
12 E hamani-ino-raa anaˈe hoi to roto i to ˈna mau taata taoˈa,
E te haavare ra to reira mau taata.+
Mea haavare to ratou arero i roto i to ratou vaha.+
Te mea ta oe e tuu i te hiti, eita oe e hopoi i te vahi papu,
E tei haere ia oe ia hopoi i te vahi papu, e tuu vau i te reira i te enemi* ra.
15 E ueue oe i te huero, eita râ oe e ooti.
E taataahi oe i te olive, eita râ oe e faaohipa i te hinu.
16 Te rave ra hoi outou i te mau peu a Omeri e te mau ohipa atoa a te utuafare o Ahaba,+
E te haapao ra outou i ta ratou mau aˈoraa.
E faariro ïa vau ia oe ei riariaraa,
E te feia no reira ei faaoooraa.*+
E vahavaha te mau nunaa ia outou.”+
7 Auê hoi au e! E au vau i te hoê taata,
I muri aˈe i te pofairaa maa hotu o te tau auhune
E te pofairaa vine,
O tei ore i ite i te tahi maa vine no te amu,
Aore ra te tahi maa suke momona ta ˈna e hiaai.
Te tamoemoe nei ratou paatoa no te haamanii i te toto.+
Te aˈuaˈu nei te taata tataitahi i to ˈna taeae i te upeˈa.
3 Mea aravihi to ratou rima no te rave i te mea ino.+
Te titau nei te raatira i te hoê ô,
Te ani nei te haava i te hoê aufauraa,+
Te faaite nei te taata mana i to ˈna mau hinaaro,+
E te opua amui nei ratou i te mea ino.
4 E au to ratou taata maitai roa ˈˈe i te raau taratara,
Mea ino aˈe to ratou taata afaro roa ˈˈe i te hoê anairaa raau taratara.
E tae mai te mahana o ta oe mau tiai, te mahana e haavahia ˈi oe.+
I reira, e rapu roa ratou.+
A ara i ta oe e parau i te vahine e taoto ra i nia i to oe ouma.
6 Te vahavaha ra hoi te tamaiti i to ˈna metua tane,
Te orure hau nei te tamahine i to ˈna metua vahine,+
E te patoi nei te hunoa vahine i to ˈna metua vahine hoovai.+
No roto noa i te utuafare te enemi.+
7 O vau râ, e moemoe au ia Iehova.+
E tiai ru vau* i te Atua o te faaora ia ˈu.+
E faaroo mai to ˈu Atua ia ˈu.+
8 Eiaha oe e oaoa i to ˈu tupuraa, e to ˈu enemi.
Noa ˈtu ua marua vau, e tia vau i nia.
Noa ˈtu te ora nei au i roto i te poiri, o Iehova to ˈu maramarama.
9 E faaoromai au i te riri rahi tahoo o Iehova
(Ua hara hoi au ia ˈna)+
Tae roa i te taime e paturu ai oia ia ˈu a faaupootia mai ai ia ˈu i ta ˈu haavaraa.
E aratai oia ia ˈu i te maramarama.
E ite au i ta ˈna parau-tia.
10 E ite atoa to ˈu enemi i te reira,
E e tapoˈi roa te haama ia ˈna o tei parau ia ˈu:
“Teihea o Iehova to Atua?”+
E hiˈo to ˈu mata ia ˈna.
E taataahihia o ˈna mai te vari o te mau aroâ.
12 I tera mahana, e haere mai te taata ia oe ra
Mai Asura mai e te mau oire o Aiphiti,
Mai Aiphiti mai e tae roa ˈtu i te Anavai,*
Mai tera miti i tera miti e tera mouˈa i tera mouˈa.+
14 I ta oe raau, a aratai* i to nunaa, te nǎnǎ o ta oe tuhaa tutuuhia,+
Tei parahi o ratou anaˈe i roto i te hoê uru raau, i ropu i te hoê faaapu maa hotu.
Ia amu ratou i te aihere i Basana e i Gileada+ mai i tahito ra.
15 “Mai i te mau mahana i haere mai ai oe i rapae i Aiphiti,
16 E ite te mau nunaa i te reira a haama ˈtu ai noa ˈtu to ratou puai rahi.+
E tuu ratou i to ratou rima i nia i to ratou vaha.
E turihia to ratou tariˈa.
17 E mitimiti ratou i te repo mai te mau ophi.+
Mai te mau animara nee o te fenua, e haere mai ratou ma te rûrû i rapae i to ratou haapuraa.
E haere mai ratou ia Iehova to tatou Atua ma te taiâ,
E e mǎtaˈu ratou ia oe.”+
18 O vai te Atua mai ia oe,
O te faaore i te hara e o te ore e haamanaˈo i te hapa+ a te toea o to ˈna nunaa?*+
Eita oia e riri e a muri noa ˈtu,
Mea au hoi na ˈna te here taiva ore.+
19 E aroha hamani maitai faahou oia ia tatou.+ E vî ia ˈna* ta tatou mau hapa atoa.
E taora oe i ta ratou mau hara atoa i roto i te hohonuraa o te miti.+
20 Eita oe e taiva ia Iakoba,
E faaite oe i te here taiva ore ia Aberahama,
Mai ia oe i horeo i to matou mau tupuna mai tahito mai â.+
Haapotoraa o Mihaela (“O vai mai te Atua ra?” te auraa) aore ra Mikaia (“O vai mai ia Iehova?” te auraa).
Heb: “haapurara vau.”
Aore ra “pauroa te aufauraa o ta ˈna taiataraa.”
Aore ra “aita rea ahu i nia ia ˈu.”
Aore ra “I roto i te fare o Aphera.”
Heb: “vahine.”
Heb: “vahine.”
Heb: “vahine.”
Heb: “vahine.”
Heb: “vahine.”
Aore ra “te taata e faaere.”
Heb: “e iriti ê i to outou aˈî.”
Huri-atoa-hia “i nia i.”
Aore ra “pani auvaha rahi.”
Huri-atoa-hia “e ohipa anaˈe ta ratou no te honihoni.”
Heb: “haamoˈa.”
Aore ra “vaha.”
Heb: “upoo.”
Aore ra “ario.”
Aore ra “te parau ra ratou e te turui ra ratou i nia ia Iehova.”
Aore ra “te mouˈa o te hiero.”
Aore ra “hoê tua aivi ua tupu te raau i nia iho.”
Aore ra “I te mau mahana hopea.”
Aore ra “haapiiraa.”
Aore ra “faaafaro oia i te mau peapea o.”
Aore ra “noho.”
Aore ra “sabaota.”
Aore ra “na mua ˈtu.”
Aore ra “haaviiviihia.”
Aore ra “ta ˈna opuaraa,” “ta ˈna aˈoraa.”
Hiˈo i te titionare.
Aore ra “opu.”
Aore ra “aratai.”
Heb: “a to rima.”
Hiˈo i te titionare.
Heb: “fare.”
Heb: “Te hotu o to ˈu opu.”
Aore ra “ani.”
Aore ra “ia here ma te hamani maitai e te taiva ore.” Heb: “ia here i te here taiva ore.”
Hiˈo i te tuhaa hau B14.
Aore ra “o tei ore i tia.”
Heb: “mâ.” Aore ra “vai hapa ore.”
Heb: “ˈoˈe.”
Aore ra “hamani oe i te uaina apî.”
Heb: “ei feia e hiohia e te taata.”
Aore ra “tiai au ma te faaoromai.”
Huri-atoa-hia “e atea roa te faaueraa mana.”
Oia hoi Eupharate.
Heb: “No te hotu o ta ratou mau ohipa.”
Aore ra “faaamu.”
Heb: “ia ˈna.”
Heb: “ta ˈna tuhaa.”
Aore ra “taataahi oia i.”