HOSEA
1 Tae maira te parau a Iehova ia Hosea* ra te tamaiti a Beeri i te mau mahana o Uzia,+ Iotama,+ Ahaza+ e Hezekia,+ na arii o Iuda,+ e i te mau mahana o Ieroboama+ te tamaiti a Ioasa,+ te arii o Iseraela. 2 I te haamataraa Iehova i te faaite i ta ˈna parau na roto ia Hosea, na ô maira Iehova ia Hosea: “E faaipoipo oe, e taiata ta oe vahine* e e noaa mai ta oe tamarii i ta ˈna taiataraa,* no te mea na roto i te taiata* i faaea roa ˈi te fenua i te pee ia Iehova.”+
3 Faaipoipo atura ïa oia ia Gomera te tamahine a Dibilaima. Hapû maira oia e fanau maira i te hoê tamaiti na ˈna.
4 Na ô maira Iehova ia ˈna: “A topa ia ˈna i te iˈoa o Iezereela,* fatata roa hoi au i te faautua i te utuafare o Iehu+ no te toto o Iezereela o tei haamaniihia, e e faaore au i te faatereraa arii o te utuafare o Iseraela.+ 5 I tera mahana, e ofati au i te fana a Iseraela i te peho o Iezereela.”
6 Hapû faahou maira Gomera e fanau maira i te hoê tamahine. Na ô maira te Atua ia Hosea: “A topa ia ˈna i te iˈoa o Lo-ruhama,* eita hoi au e aroha hamani maitai+ faahou i te nunaa o Iseraela, inaha e tiahi iho â vau ia ratou.+ 7 E aroha hamani maitai râ vau i te utuafare o Iuda.+ E na ˈu, to ratou Atua o Iehova,+ e faaora ia ratou. Eita vau e faaora ia ratou ma te fana, ma te ˈoˈe, ma te tamaˈi, ma te puaahorofenua e ma te feia faahoro puaahorofenua.”+
8 I te mairiraa te û a Lo-ruhama, hapû maira Gomera e fanau maira i te hoê tamaiti. 9 Na ô maira te Atua: “A topa ia ˈna i te iˈoa o Lo-ami,* no te mea e ere outou to ˈu nunaa e e ere o vau to outou Atua.
10 “E riro te nunaa o* Iseraela mai te one tahatai te rahi, o te ore e nehenehe e faito e e taio.+ E i te vahi i parau ai au ia ratou: ‘E ere outou to ˈu nunaa,’+ e parau vau ia ratou: ‘E tamaiti outou na te Atua ora.’+ 11 E tahoêhia te taata no Iuda e no Iseraela+ e e maiti ratou i te hoê aratai no ratou a haere atu ai i rapae i te fenua, e riro hoi te mahana o Iezereela+ ei mahana rahi.
2 “A parau i to outou mau taeae: ‘To ˈu nunaa!’*+
E i to outou mau tuahine: ‘E te vahine i faaitehia te aroha hamani maitai!’*+
2 A faahapa i to outou metua vahine, a faahapa ia ˈna,
E ere hoi oia i te vahine faaipoipo na ˈu+ e e ere au i te tane faaipoipo na ˈna.
Ia faaea oia i te taiata,*
E ia haapae oia i ta ˈna ohipa faaturi,*
3 Ia ore, e tatara vau i to ˈna ahu a vaiiho noa ˈtu ai ia ˈna mai i to ˈna mahana fanauraa.
E faariro vau ia ˈna mai te hoê medebara,
E faariro vau ia ˈna mai te hoê fenua mǎrô,
E e pohe oia ia ˈu i te poihâ.
4 E eita vau e aroha hamani maitai i ta ˈna mau tamaiti,
E tamaiti hoi ratou o tei noaa mai i to ˈna taiataraa.*
5 Ua taiata hoi to ratou metua vahine.*+
Ua rave te vahine o tei fanau ia ratou i te mea haama.+ Ua parau hoi oia:
‘E haere au na muri i ta ˈu mau tane,+
O tei horoa mai i ta ˈu faraoa e ta ˈu pape,
Ta ˈu huruhuru mamoe e ta ˈu lino, ta ˈu monoˈi e ta ˈu e inu nei.’
6 E tapea vau ia ˈna ma te tuu i te raau taratara i nia i to ˈna purumu.
E faatia vau i te hoê patu ofai
Ia ore oia ia ite i to ˈna eˈa.
7 E tapapa oia i ta ˈna mau tane, eita râ e noaa ia ˈna ia tapapa ˈtu.+
E imi oia ia ratou, eita râ ratou e itehia e ana.
E parau ïa oia: ‘E hoˈi au i ta ˈu tane faaipoipo matamua,+
Mea maitai aˈe hoi to ˈu oraraa i tera ra tau i teie nei.’+
8 Aita oia i taa e na ˈu i horoa i ta ˈna huero maa,+ ta ˈna uaina apî e ta ˈna hinu,
E na ˈu i horoa i ta ˈna rahiraa ario
E ta ˈna auro, o ta ˈna i faaohipa no te haamori ia Baala.+
9 ‘No reira, e hoˈi au e e hopoi ê au i ta ˈu huero maa i te tau ootiraa
E ta ˈu uaina apî i te tau pofairaa vine,+
E haru vau i ta ˈu huruhuru mamoe e ta ˈu lino e tapoˈihia ˈi to ˈna tino e vai tahaa noa ra.
10 I teie nei, e vai tahaa o ˈna ia ˈu i mua i ta ˈna mau tane,
E eita hoê o ratou e faaora ia ˈna i to ˈu rima.+
11 E faaore au i to ˈna oaoa taatoa,
Ta ˈna mau oroa,+ ta ˈna mau avaˈe apî, ta ˈna mau Sabati e to ˈna mau tau oroa atoa.
12 E tuino vau i ta ˈna mau vine e ta ˈna mau tumu suke, o ta ˈna i parau:
“Teie te aufauraa ta ta ˈu mau tane i horoa mai.”
E faariro vau i te reira ei uru raau,
E na te mau animara oviri e amu i te reira.
13 E faautua vau ia ˈna no te mau mahana i pûpû ai oia i te tusia i te mau tii o Baala,+
A faanehenehe ai oia ia ˈna i to ˈna mau tapea rima e ta ˈna mau faaunauna a tapapa ˈtu ai i ta ˈna mau tane,
Area o vau, ua haamoˈe ïa oia ia ˈu,’+ te na reira mai ra Iehova.
14 ‘E taui ïa vau i to ˈna feruriraa,
E aratai au ia ˈna i te medebara,
E e parau vau i te parau ia putapû to ˈna aau.
15 I tera taime e faahoˈi ai au i ta ˈna mau vine,+
E na roto i te peho o Akora+ e tae ai oia i te fenua o te tiaturiraa.
I reira, e pahono mai oia ia ˈu mai i te tau o to ˈna apîraa,
Mai i te tau i haere mai ai oia i rapae i Aiphiti.+
16 E i tera mahana,’ te na reira mai ra Iehova,
‘E pii oe ia ˈu: “Ta ˈu tane faaipoipo,” eita oe e pii faahou mai ia ˈu: “To ˈu fatu.”’*
17 ‘E faaore au i te mau iˈoa o te mau tii o Baala i roto i to ˈna vaha,+
E eita to ratou iˈoa e haamanaˈo-faahou-hia.+
18 I tera mahana, e faaau vau no to ˈu nunaa i te tahi faufaa i te mau animara oviri,+
I te mau manu o te raˈi e te mau mea e nee haere i raro.+
E faaore au i te fana, te ˈoˈe e te tamaˈi i taua fenua ra,+
19 E rave au ia oe ei vahine faaipoipo na ˈu e a muri noa ˈtu.
E rave au ia oe ei vahine faaipoipo ma te parau-tia e te hapa ore,
Ma te here taiva ore e te aroha hamani maitai.+
21 ‘I tera mahana, e pahono vau,’ te na reira mai ra Iehova,
‘E pahono vau i te raˈi,
E e pahono te raˈi i te fenua.+
22 E pahono te fenua i te mau huero maa, i te uaina apî e te hinu,
23 Mai te huero, e tanu vau ia ˈna no ˈu iho i nia i te fenua,+
E e aroha hamani maitai au ia ˈna, o tei ore i faaitehia te aroha hamani maitai.*
E parau vau i te feia e ere i te nunaa no ˈu:* “O outou to ˈu nunaa,”+
E e parau ratou: “O oe to matou Atua.”’”+
3 Na ô faahou maira Iehova ia ˈu: “E here faahou oe i taua vahine ra o tei herehia e te hoê tane ê e o te faaturi ra,+ mai ia Iehova e here i te nunaa o Iseraela,+ area ratou, te fariu ra ïa i te mau atua ěê ra+ e te hinaaro ra i te faraoa vine mǎrô.”*
2 Hoo maira ïa vau ia ˈna no 15 moni ario e hoê homera* kerite e te afa. 3 Na ô atura vau ia ˈna: “Na ˈu oe e rave rahi mahana. Eiaha oe e taiata,* e eiaha oe e taoto i te hoê tane ê atu. Eita atoa vau e taoto ia oe.”
4 No te mea no te hoê tau roa,* e parahi te nunaa o Iseraela aita e arii to ratou,+ aita e tamaiti huiarii, aita e tusia, aita e pou, aita e tiputa+ e aita e tii teraphima.*+ 5 I muri aˈe, e hoˈi mai te nunaa o Iseraela a imi ai ia Iehova to ratou Atua+ e ia Davida to ratou arii.+ E i te pae hopea o te mau mahana, e haere mai ratou ma te rûrû ia Iehova ra no te fanaˈo i to ˈna ra maitai.+
4 E te nunaa o Iseraela, a faaroo i te parau a Iehova,
E haavaraa hoi ta Iehova i te feia o teie fenua,+
No te mea aita e parau mau, aita e here taiva ore e aita e ite i te Atua i teie fenua.+
2 Te mau horeo haavare, te haavare,+ te taparahiraa taata,+
Te eiâ e te faaturi,+ ua parare ïa.
Ua rahi roa te haamaniiraa toto.+
E e paruparu roa ino to reira feia.
Te mau animara oviri o te fenua e te mau manu o te raˈi,
Te mau iˈa atoa o te tai, e pohe ïa.
4 “Tera râ, eiaha hoê ia faahapa aore ra ia aa ia outou,+
E au hoi outou i te feia e aa ra i te hoê tahuˈa.+
5 E turori ïa outou a ao noa ˈi,
E e turori te peropheta e o outou, mai te mea ra e ua po.
E e haamamû* vau i to outou metua vahine.
6 E haamamûhia* to ˈu nunaa, aita hoi ratou i ite o vai au.
No te mea aita outou i hinaaro e ite o vai au,+
E patoi atoa vau ia outou ia ore outou ia tavini faahou ei tahuˈa na ˈu.
E no te mea ua haamoˈe outou i ta ˈu ture,*+
E haamoˈe atoa vau i ta outou mau tamaiti.
7 Haere atu â ratou i te rahiraa, rahi atu â ta ratou hara ia ˈu.+
E taui au i to ratou hanahana ei haama.*
9 Te nunaa e te tahuˈa atoa,
E haava vau ia ratou no to ratou haerea,
E e faautua vau ia ratou no ta ratou mau ohipa.+
10 E tamaa ratou, eita râ e paia.+
E tauiui ratou i te apiti,* eita râ ratou e haere i te rahiraa,+
No te mea aita ratou i faatura aˈe ia Iehova.
12 Te ui nei to ˈu nunaa i ta ratou mau idolo raau,
A rave ai i ta ta ratou raau* e parau ia ratou ia rave.
Te faahahi ê ra hoi to ratou hinaaro e taiata* ia ratou,
E na roto i ta ratou taiataraa,* te patoi ra ratou i te auraro i to ratou Atua.
13 I nia i te mau tupuai mouˈa, te pûpû ra ratou i te tusia,+
E te faahaere ra ratou i te au auahi o ta ratou mau tusia i nia, i nia i te mau aivi,
I raro aˈe i te mau tumu alona, te mau tumu lebene e te mau tumu rarahi atoa,+
Mea au hoi to ratou marumaru.
No reira ta outou mau tamahine e taiata ˈi*
E ta outou mau hunoa vahine e faaturi ai.
14 Eita vau e haava i ta outou mau tamahine no ta ratou ohipa taiata,*
E i ta outou mau hunoa vahine no ta ratou ohipa faaturi.
Te haere nei hoi te mau tane na muri i te mau vahine taiata
A pûpû atu ai i te tusia na muri i te mau vahine taiata.*
E mou te hoê nunaa maramarama ore+ mai ia ratou.
16 Ua riro hoi Iseraela mai te hoê puaatoro ufa i te faaroo ore,+
E aupuru anei ïa Iehova ia ratou mai te hoê mamoe oni apî i te hoê vahi aihere ateatea?*
17 Ua ati maite Epheraima i te mau idolo.+
A vaiiho noa ˈtu ia ˈna!
E e hinaaro rahi to ta ratou mau aratai* i te haama.+
5 “A faaroo mai, e te mau tahuˈa e,+
A faaroo mai, e te nunaa o Iseraela,
A faaroo mai, e te utuafare o te arii,
No outou hoi teie haavaraa.
E marei hoi outou no Mizepa
E e upeˈa hohorahia i nia ia Tabora.+
2 Ua tautoo te feia tei hahi ê i te haamoriraa mau* i roto i te ohipa tupairaa,
E te faaara nei au* ia ratou paatoa.
3 Ua ite au ia Epheraima,
E eita Iseraela e nehenehe e tapuni ia ˈu.
4 No ta ratou mau peu e ore ai e tia ia ratou ia hoˈi i to ratou Atua ra,
Te vai ra hoi i rotopu ia ratou te hinaaro e taiata.*+
E aita ratou e tâuˈa ra ia Iehova.
5 Te faahapa nei te teoteo o Iseraela ia ˈna.*+
Ua turori Iseraela e Epheraima no ta raua hape,
E ua turori Iuda e o raua atoa.+
6 Ua haere ratou e ta ratou mau mamoe e ta ratou mau puaatoro e imi ia Iehova,
Aita râ ratou i ite mai ia ˈna.
Ua faaatea oia ia ratou.+
I teie nei, e amu te hoê avaˈe ia ratou* e to ratou mau tâpû fenua.*
8 A faaoto i te pu tara+ i Gibea, e te pu i Rama!+
A huro i Bete-avena,+ tei muri matou ia oe, e Beniamina!
9 E Epheraima, e riro oe ei riariaraa i te mahana faautuaraa.+
Ua faaite au i te mau opu o Iseraela eaha mau â te tupu.
10 E au te mau raatira* o Iuda i te feia e turai ra i te tahi otia.+
E manii au i to ˈu riri rahi i nia ia ratou mai te pape ia maniihia.
12 Ua riro ïa vau mai te hoê manumanu i nia ia Epheraima
E mai te mea pê i nia i te utuafare o Iuda.
13 I te iteraa Epheraima i to ˈna maˈi e o Iuda i to ˈna aai,
Haere atura Epheraima i Asura+ e tono atura i te vea i ǒ te hoê arii rahi.
Aita râ i haere ia ˈna ia faaora ia outou,
E aita to outou aai i ora ia ˈna.
14 E riro hoi au mai te hoê liona apî i nia ia Epheraima,
E mai te hoê liona puai i nia i te utuafare o Iuda.
15 E haere au, e hoˈi au i ǒ ˈu e roo-noa-hia ˈtu ratou i te ati no ta ratou hara,
Ia roohia ratou i te ati, e imi ratou ia ˈu.”+
Ua tairi oia ia tatou, e taamu râ oia i to tatou mau pepe.
2 E horoa faahou mai oia i te itoito i muri aˈe e piti mahana.
I te toru o te mahana e faatia mai oia ia tatou,
A ora ˈtu ai tatou i mua ia ˈna.
3 E ite tatou o vai Iehova, e imi maite tatou i te ite o vai oia.
Mai te mahana o te tia mai i te poipoi, e haere mai iho â oia.
E haere mai oia ia tatou nei mai te ûa rahi ia topa mai,
Mai te ûa i te tau uaaraa tiare o te faarari maitai i te fenua.”
4 “E nafea vau ia oe, e Epheraima?
E nafea vau ia oe, e Iuda?
E au hoi to outou here taiva ore i te mau ata o te poipoi,
E au i te hupe o te moˈe oioi.
5 No reira e haapohe au ia outou ma te faaohipa i te mau peropheta.+
E taparahi au ia outou i te parau a to ˈu vaha.+
E e anaana ta ˈu mau faautuaraa ia outou mai te maramarama.+
6 E mauruuru hoi au i te here taiva ore,* eiaha i te tusia,
I te iteraa o vai te Atua, eiaha râ i te pûpûraa i te tusia taauahi.+
7 O ratou râ, mai te taata rii atoa ra, ua ofati ratou i te faufaa.+
I reira, ua taiva ratou ia ˈu.
9 E au te pǔpǔ tahuˈa i te tahi pǔpǔ eiâ e tamoemoe ra i te hoê taata.
Te haapohe ra ratou i te taata i nia i te purumu i pihai iho ia Sekema,+
Mea haama hoi to ratou haerea.
10 Ua ite au i te hoê ohipa hairiiri i roto i te nunaa o Iseraela.
11 Hau atu â, e Iuda, ua faaotihia te tau e ootihia ˈi oe,
Te tau e faahoˈi ai au i te mau tîtî a to ˈu nunaa.”+
7 “Ia hinaaro vau e faaora ia Iseraela,
E vai tahaa noa mai te hape a Epheraima,+
E te ino atoa o Samaria.+
E haavare hoi ta ratou ohipa.+
Te tomo nei te feia eiâ i te mau fare e te haere ra te mau pǔpǔ eiâ e haru mai i te taoˈa.+
2 Aita râ ratou e feruri ra e haamanaˈo vau i to ratou ino taatoa.+
I teie nei, tei ati aˈe ia ratou ta ratou mau ohipa,
Tei mua noa tei reira i to ˈu mata.
4 Ua faaturi ratou paatoa.
Te ama ra ratou mai te hoê umu ta te hoê taata eu faraoa i tutui,
Eita e titauhia ia hauti faahou oia i te auahi o te umu ia ôi oia i te faraoa e maraa noa mai te reira.
Te toro nei te arii i to ˈna rima i te feia faaooo.
6 Te faafatata mai ra hoi ratou ma te aau o te ama ra mai te hoê umu.*
Te taoto nei te taata eu faraoa i te po taatoa.
I te poipoi, te ama noa ra te umu mai te hoê auahi puai.
8 Te amui nei Epheraima i te mau nunaa.+
E au Epheraima i te hoê faraoa menemene aita i hurihia.
9 Ua pau to ˈna puai i te feia ěê,+ aita râ oia i ite.
E ua hinahinahia to ˈna rouru, aita râ oia i ite.
10 Te faahapa nei te teoteo o Iseraela ia ˈna iho,+
Aita râ ratou i hoˈi ia Iehova to ratou Atua,+
E noa ˈtu tera mau mea atoa, aita ratou i imi ia ˈna.
11 E au Epheraima i te hoê uupa neneva, aita e haroˈaroˈa.*+
Ua ani ratou i te tauturu ia Aiphiti,+ ua imi ratou i te tauturu a Asura.+
12 I te mau vahi atoa e haere ai ratou, e hohora vau i ta ˈu upeˈa i nia ia ratou.
E haapou atu vau ia ratou i raro mai te mau manu o te raˈi.
E aˈo vau ia ratou ia au i tei faaitehia ia ratou.*+
13 Ia roohia ratou i te ati, ua horo ê hoi ratou ia ˈu nei!
Ia mou ratou, ua hara hoi ratou ia ˈu!
I ineine na vau i te hoo faahou mai ia ratou, ua faatia râ ratou i te parau haavare no nia ia ˈu.+
14 Aita ratou i taparu ia ˈu i te tauturu ma to ratou aau atoa,+
Noa ˈtu te auê noa ra ratou i nia i to ratou roˈi.
Ua otioti ratou i to ratou tino no te huero maa e te uaina apî.
Te orure hau mai ra ratou ia ˈu.
15 Noa ˈtu ua aˈo vau ia ratou e ua haapuai au i to ratou rima,
Te aa ra ratou ia ˈu e te opua ra i te ohipa ino.
16 Ua taui ratou i to ratou haerea, eiaha râ no te tahi haerea teitei aˈe,*
Aita e faufaa to ratou, ua riro hoi ratou mai te hoê fana e te taura e ere mea etaeta.+
E haapohehia to ratou mau raatira* i te ˈoˈe no to ratou arero orure hau.
E faaooo ïa te taata ia ratou i Aiphiti.”+
8 “A tuu i te hoê pu tara i to oe vaha!+
Te haere mai ra te hoê enemi mai te aeto i te fare o Iehova,+
Ua ofati hoi ratou i ta ˈu faufaa+ e ua ofati i ta ˈu ture.+
2 Te tiaoro nei ratou ia ˈu: ‘To matou Atua e, ua ite matou, o Iseraela nei, ia oe!’+
3 Ua patoi Iseraela i te mea maitai.+
Ia aˈuaˈuhia oia e te hoê enemi.
4 Ua faatoroa ratou i te arii, aita râ i ui ia ˈu.
Ua faatoroa ratou i te tamaiti huiarii, aita râ vau i farii ia ratou.
Ua hamani ratou i te idolo i ta ratou ario e ta ratou auro,+
E ua aratai te reira ia ratou i to ratou iho haamouraa.+
5 Ua patoi au i ta oe fanauˈa puaatoro, e Samaria.+
E riri rahi to ˈu ia oe Samaria.+
Afea oe e mâ faahou mai ai?
6 No Iseraela mai hoi te fanauˈa puaatoro.
Na te hoê taata rimaî i hamani i te reira, e e ere te reira i te Atua.
E faahuˈahuˈahia te fanauˈa puaatoro a Samaria.
Aita te mau peenave huero maa e para ra.+
Aita tei tupu mai e horoa mai ra i te faraoa ota.
E mai te peu noa ˈtu te vai ra, na te feia ěê ïa e amu.+
I teie nei, ei rotopu i te mau nunaa to ratou vairaa,+
Mai te hoê farii o te ore e hinaarohia.
9 Ua haere hoi ratou i Asura+ mai te hoê asini oviri faaroo ore.
Ua tarahu Epheraima i te tane.+
10 Noa ˈtu no roto mai te feia ta ratou e tarahu ra i te mau nunaa,
I teie nei e haaputuputu vau ia ratou.
E haamata ratou i te mauiui+ no te hopoia ta te arii e te mau tamaiti huiarii e tuu i nia ia ratou.
11 Ua hamani Epheraima e rave rahi fata e ua hara oia i te reira.+
Ua riro ta ˈna mau fata ei ravea e hara ˈi oia.+
13 Te pûpû nei ratou i te tusia ia ˈu a amu atu ai i te iˈo animara,
Aita râ Iehova e mauruuru ra i te reira.+
I teie nei e haamanaˈo oia i ta ratou hape e e faautua oia ia ratou no ta ratou mau hara.+
Ua fariu faahou ratou ia Aiphiti ra.*+
14 Ua haamoˈe Iseraela i Tei hamani ia ˈna*+ e ua patu i te hiero.+
Ua hamani Iuda e rave rahi oire auahia i te patu.+
E faatae râ vau i te auahi i roto i to ˈna mau oire,
E e pau to ratou mau pare atoa i taua auahi ra.”+
No te ohipa taiata* hoi oe i atea ˈi i to Atua.+
Ua au roa oe i te moni o ta oe ohipa taiata i nia i te mau vahi tairiiriraa huero maa* atoa.+
2 Eita râ te vahi tairiiriraa huero maa e te vahi taataahiraa vine e faatamaa ia oe,
E e ere oe i te uaina apî.+
3 Eita to Iseraela e parahi tamau i te fenua o Iehova.+
E hoˈi râ Epheraima i Aiphiti,
E i Asura, e amu oia i te mea viivii.+
E au te reira i te faraoa o te otoraa.
Te feia o te amu i te reira, e haaviivii ratou ia ratou iho.
No ratou anaˈe hoi ta ratou faraoa.
Eita te reira e tae i roto i te fare o Iehova.
5 Eaha ta outou e rave i te mahana o te amuiraa,
I te mahana oroa na Iehova?
6 Inaha, e titauhia ia horo ê ratou no te haamouraa.+
E haaputuputu Aiphiti ia ratou+ e e huna Memephi ia ratou.+
E fatu te mau raau tupu taratara i ta ratou mau taoˈa ario,
E e tupu te aihere taratara i roto i to ratou mau fare ie.
7 E tae mai te mau mahana haavaraa,+
E tae mai te mau mahana faautuaraa,
E e taa ia Iseraela i te reira.
E riro ta ratou peropheta ei maamaa, e te taata e parau ra e te faaite ra oia i te parau na te Atua, e inohia te upoo.
No te rahi o ta oe hape, e au ore rahi tei nia ia oe.”
8 Tei to ˈu Atua+ ra te tiai+ o Epheraima.
I teie nei râ, e au te mau haerea o ta ˈna mau peropheta+ i te marei a te tahi haru manu.
E au ore to roto i te fare o to ˈna Atua.
9 Mea rahi roa te ohipa piˈo ta ratou i rave, mai i te tau o Gibea.+
E haamanaˈo te Atua i ta ratou hape e e faautua oia ia ratou no ta ratou mau hara.+
10 “To ˈu iteraa mai ia Iseraela, e au ïa i te iteraa mai i te maa vine i te medebara.+
To ˈu iteraa i to outou mau tupuna, e au ïa i te iteraa i te mau suke matamua ia para i nia i te tumu suke.
Ua pee râ ratou ia Baala no Peora.+
Ua pûpû ratou ia ratou i te mea* haama,+
E ua riro ratou ei mea faufau mai te atua ta ratou e haamori nei.
11 Te maue ê nei te hanahana o Epheraima mai te hoê manu.
Aita ratou e hapû ra, aita atoa e fanau ra.+
12 Noa ˈtu e rave ratou i te tamarii,
E faaere au ia ratou i tera mau tamarii e eita hoê e toe mai.+
Ua ati ratou ia faarue au ia ratou!+
13 No ˈu, ua riro Epheraima, o tei tanuhia i te hoê vahi aihere ruperupe, mai ia Turia.+
I teie nei, e titauhia ia afai Epheraima i ta ˈna mau tamaiti ia taparahi-pohe-hia ratou.”
14 E Iehova, a horoa ia ratou i te mea ta oe i opua e horoa ˈtu:
Te hoê opu e marua ˈi te tamarii e te tîtî ua pau te û.
15 “Tei Gilagala+ to ratou ino atoa, e i ǒ vau i te haeraa ia ratou.
E tiahi au ia ratou i to ˈu nei fare no ta ratou mau ohipa ino.+
Eita vau e here faahou ia ratou.+
Mea faaroo ore ta ratou huiarii.
E mǎrô to ratou aˈa e eita ratou e hotu mai.
Noa ˈtu e fanau mai ta ratou mau vahine, e haapohe au i ta ratou mau tamarii herehia e ratou.”
17 E patoi to ˈu Atua ia ratou,
Aita hoi ratou i faaroo ia ˈna,+
E e horo ê ratou i rotopu i te mau nunaa.+
10 “E au o Iseraela i te hoê tumu vine ino* o te horoa ra i te maa.+
Rahi atu â oia i te hotu, rahi atu â oia i te hamani i te fata.+
Maitai atu â te maa ta to ˈna fenua e faatupu, unauna ˈtu â ta ˈna mau pou haamoriraa.+
E vavahihia ta ratou mau fata e e tupararihia ta ratou mau pou.
3 I teie nei e parau ratou: ‘Aita to matou e arii,+ aita hoi matou i mǎtaˈu ia Iehova.
E eaha ta te hoê arii e nehenehe e rave no matou?’
4 E parau faufaa ore ta ratou e parau ra, e haavare ta ratou mau horeo,+ e te faaau ra ratou i te faufaa.
E au ïa te haavaraa e oteo ra i te aihere taero e aere ra i roto i te hoê faaapu arotehia.+
5 E mǎtaˈu to Samaria no te idolo fanauˈa puaatoro o Bete-avena.+
E oto te nunaa i te reira,
Mai te mau tahuˈa a te mau atua ěê o tei oaoa no te reira e no to ˈna hanahana,
E hopoi-ê-hia hoi te reira ia ratou.
6 E hopoihia te reira i Asura ei ô na te hoê arii rahi.+
E faahaamahia Epheraima,
E e haama Iseraela no te aratairaa ta ˈna i pee.+
8 E haamouhia te mau vahi teitei o Bete-avena,+ te hara a Iseraela.+
E tupu te raau taratara i nia i ta ratou mau fata.+
E parau te taata i te mau mouˈa: ‘A tapoˈi mai ia matou!’
E i te mau aivi: ‘A topa mai i nia ia matou!’+
9 Ua hara oe mai te tau mai â o Gibea,+ e Iseraela e.
I reira, ua onoono ratou i roto i to ratou haerea.
Aita te mau tamaiti a te parau-tia ore i mou roa* i te tamaˈi i Gibea.
10 Ia hinaaro vau, e aˈo atoa vau ia ratou.
E haaputuputu te tahi mau nunaa no te aro ia ratou,
Ia taamuhia ta ratou na hapa e piti i nia ia ratou.*
11 Ua riro Epheraima mai te hoê puaatoro ufa apî o tei haapiihia i te taataahi i te huero maa, e ua au roa oia i tera ohipa.
No reira vau i vaiiho noa ˈi i to ˈna aˈî nehenehe.
I teie nei, e tuu vau i te hoê taata no te faahoro* ia Epheraima.+
E arote Iuda e e haaparahurahu Iakoba i te repo no ˈna.
12 A ueue i te huero no outou i roto i te parau-tia e a ooti i te here taiva ore.
A arote no outou i te fenua e nehenehe e faaapuhia,+
E taime â no te imi ia Iehova,+
E tae noa mai oia a haapii atu ai ia outou i te parau-tia.+
13 Ua arote râ outou i te ino,
Ua ooti outou i te parau-tia ore+
E ua amu outou i te hotu o te haavare.
Ua tiaturi hoi outou ia outou iho,
E i to outou nahoa feia tamaˈi.
14 E maniania te faaroohia i roto i to outou nunaa,
E e faaanohia to outou mau oire auahia i te patu,+
Mai ia Salamana i faaano ia Bete-arebela
I te mahana aroraa, i te taparahiraahia te mau metua vahine i pihai iho i ta ratou mau tamarii.
15 E na reirahia oe, e Betela e,+ no to oe ino rahi.
I te aahiata, e mou* te arii o Iseraela.”+
11 “A tamarii noa ˈi Iseraela, ua here au ia ˈna,+
E ua pii au i ta ˈu tamaiti ia haere i rapae i Aiphiti.+
3 Na ˈu râ i haapii ia Epheraima ia haere,+ ua amo vau ia ratou i nia i to ˈu ouma.+
E aita ratou i tâuˈa e na ˈu i faaora ia ratou.
4 Ua huti noa mai au ia ratou i te mau taura a te taata,* i te mau taura o te here.+
Ua riro vau no ratou mai te hoê taata o te tatara i te zugo i nia i to ratou aˈî,*
E ma te mǎrû, ua afai au i te maa na ratou tataitahi.
5 Eita ratou e hoˈi i te fenua o Aiphiti, e riro râ Asura ei arii no ratou,+
Aita hoi ratou i farii e hoˈi mai ia ˈu nei.+
6 E ohu te ˈoˈe no te tairi i to ratou mau oire,+
No te vavahi i te mau teˈa uputa o to ratou mau oire e no te amu haapau ia ratou no ta ratou mau opuaraa iino.+
7 Ua faaoti to ˈu nunaa i te taiva ia ˈu.+
Ua pii ratou* ia ratou i nia,* aita râ hoê e tia mai ra.
8 Eaha vau e faarue ai ia oe, e Epheraima e?+
Eaha vau e tuu ai ia oe i to oe ra mau enemi, e Iseraela e?
Eaha vau e faariro ai ia oe mai ia Adema?
Eaha vau e faariro ai ia oe mai ia Zeboîma?+
9 Eita vau e manii i to ˈu riri uˈana.
Eita vau e haamou faahou ia Epheraima,+
E Atua hoi au, e ere i te taata,
O vau Tei Moˈa i rotopu ia oe.
E eita vau e haere atu ia oe ra ma te riri uˈana.
10 E haere ratou na muri ia Iehova, e e uuru oia mai te hoê liona.+
Ia uuru oia, e haere mai ta ˈna mau tamaiti ma te rûrû mai te pae tooa o te râ.+
11 E rûrû ratou mai te hoê manu ia haere mai ratou mai Aiphiti mai,
Mai te hoê uupa ia haere mai ratou mai Asura mai.+
E e haaparahi au ia ratou i roto i to ratou fare,” te na reira mai ra Iehova.+
Te haere noa ra râ Iuda e te Atua,
E aita oia e taiva ra i Tei Moˈa Roa ˈˈe.”+
12 “Te amu nei Epheraima i te mataˈi.
Te horo nei oia na muri i te mataˈi no hitia o te râ i te mahana taatoa.
Te rahi noa ˈtu ra ta ˈna mau haavare e ta ˈna haavîraa.
Te faaau nei ratou i te hoê faufaa ia Asura+ e te hopoi nei i te monoˈi i Aiphiti.+
2 E haavaraa ta Iehova ia Iuda.+
E faautua oia ia Iakoba no to ˈna haerea,
E e faahoˈi oia i ta ˈna ia au i ta ˈna i rave.+
3 I roto i te opu, ua haru oia i te poro avae o to ˈna tuaana,+
E ma to ˈna puai, ua taputô oia e te Atua.+
4 Ua taputô noa oia e te hoê melahi e ua upootia mai.
Ua taˈi e ua taparu oia i ta ˈna farii maitai.”+
Ua ite mai te Atua ia ˈna i Betela, e i reira, ua paraparau mai oia ia tatou,+
6 “A hoˈi mai ïa i to Atua ra,+
A tapea i te here taiva ore e te parau-tia,+
E a tiaturi noa i to Atua.
E i roto i ta ˈu mau ohipa atoa, eita ratou e ite i te mea hape aore ra te mea e faahapahia ˈi au.’
9 O vau râ o Iehova to oe Atua mai Aiphiti mai â.+
E haaparahi faahou vau ia oe i roto i te fare ie
Mai i te mau mahana o te hoê taime faataahia.*
10 Ua paraparau vau i te mau peropheta,+
Mea rahi te orama ta ˈu i faaite ia ratou,
E ua horoa vau i te tahi mau faahohoˈaraa na roto i te mau peropheta.
11 I Gileada, ua rave te taata i te ohipa manamana+ e ua haavare.
I Gilagala, ua pûpû te taata i te puaatoro oni ei tusia,+
E e au ta ratou mau fata i te pueraa ofai i roto i te hoê faaapu arotehia.+
12 Ua horo Iakoba i te tuhaa fenua* o Arama.*+
No te hoê vahine faaipoipo,+ ua tavini Iseraela+ i reira,
E no te hoê vahine faaipoipo, ua tiai oia i te nǎnǎ mamoe.+
13 Na roto i te hoê peropheta, ua aratai Iehova ia Iseraela i rapae i Aiphiti,+
E na roto i te hoê peropheta, ua tiai oia ia ˈna.+
14 E inoino rahi ta Epheraima i faatupu.+
Te vai noa ra te toto ta ˈna i haamanii i nia ia ˈna.
E tahoo to ˈna Fatu ia ˈna no to ˈna faahaamaraa ia ˈna.”+
Ua hara râ oia no te haamoriraa a Baala+ e ua pohe.
2 I teie nei, te rave noa ra ratou i te hara,
E te hamani ra ratou i te tii faatôhia* i ta ratou ario.+
Ma te aravihi, te hamani ra ratou i te idolo, e ohipa a te feia rimaî.
Te parau ra ratou: ‘Ia apa te feia e pûpû ra i te tusia i te mau fanauˈa puaatoro.’+
3 E riro ïa ratou mai te mau ata o te poipoi,
Mai te hupe o te moˈe oioi,
Mai te ota i te vahi tairiiriraa huero maa* tei pee i te vero
E mai te au auahi e haere ra i rapae na roto i te auvaha o te tapoˈi fare.
4 O vau râ o Iehova to oe Atua mai Aiphiti mai â.+
Aita oe i ite i te tahi atu Atua maori râ o vau,
E aita ˈtu e faaora maori râ o vau.+
5 Ua ite au ia oe i te medebara,+ i te fenua o te paˈurâ.
Mea na reira ratou i haamoˈe ai ia ˈu.+
8 Ei nia vau ia ratou mai te hoê daba ua moˈe ta ˈna mau fanauˈa,
E e hahae au i to ratou ouma.
E amu haapau vau ia ratou i reira mai te hoê liona.
E faahuˈahuˈa te hoê animara oviri ia ratou.
9 E haamou oia ia oe, e Iseraela e,
Ua patoi hoi oe ia ˈu, to oe tauturu.
10 Teihea ïa to oe arii, ia faaora oia ia oe i roto i to oe mau oire atoa,+
E ta oe mau faatere,* ta oe i ani mai ma te parau:
‘A horoa mai i te hoê arii e te tamaiti huiarii’?+
11 Ua horoa ˈtu vau i te hoê arii i roto i to ˈu riri,+
E e rave ê au ia ˈna i roto i to ˈu riri uˈana.+
12 Ua puohuhia te hapa a Epheraima.
Ua faahereherehia ta ˈna hara.
13 E roohia oia i te mauiui o te vahine e fanau ra.
E tamarii râ oia aita e paari to ˈna.
I te taime fanauraa, eita oia e haere mai i rapae.
Teihea to oe mau tara, e te Pohe e?+
Teihea to oe mana haamou, e te Apoo e?+
E hunahia te aumihi i to ˈu mata.
15 Ia tupu ruperupe noa ˈtu oia i ropu i te mau aeho,
E haere mai te hoê mataˈi no hitia o te râ, te mataˈi a Iehova,
Mai te medebara te reira e haere mai ai, ia mǎrô ta ˈna apoo pape e ia pau ta ˈna pape pihaa.
E eiâ te reira pauroa ta ˈna taoˈa.+
16 E faahapahia Samaria,+ ua orure hau hoi oia i to ˈna Atua.+
2 A hoˈi mai ia Iehova ra e a parau ia ˈna:
‘A faaore mai na i ta matou hapa+ e a farii i te mea maitai,
E pûpû atu ïa matou i te arueraa a to matou vaha,+ mai te mea ra e puaatoro apî teie.*
3 Eita Asura e faaora ia matou.+
Eita matou e na nia i te puaahorofenua,+
E eita matou e parau faahou: “To matou Atua e!” i te ohipa a to matou rima,
O oe hoi te faaite i te aroha hamani maitai i te tamarii aita e metua tane.’+
4 E rapaau vau i to ratou taiva.+
5 E riro vau no Iseraela mai te hupe.
E uaa oia mai te lili
E e toro to ˈna mau aˈa i raro, mai te mau tumu raau no Lebanona.
6 E aere to ˈna mau ohi,
E riro to ˈna nehenehe mai to te tumu olive,
E to ˈna hauˈa, mai te tumu raau no Lebanona.
7 E parahi faahou ratou i raro aˈe i to ˈna marumaru.
E faatupu ratou i te huero maa e e oteo ratou mai te tumu vine.+
E tui to ˈna roo mai to* te uaina o Lebanona.
8 E parau Epheraima: ‘Eaha faahou ta ˈu i te mau idolo ra?’+
E pahono vau e e haapao vau ia ˈna.+
E riro vau mai te hoê tumu berusi ruperupe.
Na ˈu e horoa i te maa hotu na ratou.”
9 O vai te mea paari? Ia taa ia ˈna i teie mau mea.
O vai te mea haapao maitai? Ia ite oia i te reira.
Mea afaro hoi te mau eˈa o Iehova,+
E na reira te feia parau-tia i te haere.
Area te feia rave hara, e turori ratou na reira.
Haapotoraa o Hosaia, “Faaorahia e Ia,” “Ua faaora Ia” te auraa.
Aore ra “ei haerea tia ore to ta oe vahine,” “e taoto ta oe vahine i te tane e rave rahi.”
Aore ra “i to ˈna haerea tia ore,” “tauiuiraa i te tane.”
Aore ra “haerea tia ore,” “tauiuiraa i te apiti.”
“E tanu te Atua i te huero” te auraa.
“Aita i faaitehia i te aroha hamani maitai” te auraa.
“E ere to ˈu nunaa” te auraa.
Heb: “te mau tamaiti a.”
Hiˈo i te nota Ho 1:9.
Hiˈo i te nota Ho 1:6.
Aore ra “to ˈna haerea tia ore,” “te tauiui i te tane.”
Heb: “te faaturi i ropu i to ˈna tîtî.”
Aore ra “i to ˈna haerea tia ore,” “tauiuiraa i te tane.”
Aore ra “Ua rave hoi to ratou metua vahine i te peu taotoraa tia ore.”
Aore ra “ta ˈu Baala.”
Aore ra “haaparahi au.”
“E tanu te Atua i te huero” te auraa.
Hiˈo i te nota Ho 1:6.
Hiˈo i te nota Ho 1:9.
O tei faaohipahia no te haamoriraa hape.
1 homera: 220 L. Hiˈo i te tuhaa hau B14.
Aore ra “tauiui i te tane.”
Heb: “e rave rahi mahana.”
Aore ra “atua o te utuafare,” “idolo.”
Aore ra “haamou.”
Aore ra “haamouhia.”
Aore ra “haapiiraa.”
Huri-atoa-hia “ua taui ratou i to ˈu hanahana ei haama.”
Oia hoi te mau tahuˈa.
Aore ra “E rave ratou i te peu taotoraa tia ore,” “E taiata ratou.”
Aore ra “haerea tia ore,” “tauiuiraa i te apiti.”
Heb: “Na tera e iriti ê i te aau.”
Aore ra “raau no te peu hiˈohiˈo.”
Aore ra “haerea tia ore,” “tauiui i te apiti.”
Aore ra “to ratou haerea tia ore,” “tauiuiraa i te apiti.”
Aore ra “tauiui ai i te apiti,” “e haerea tia ore to ta outou mau tamahine.”
Aore ra “to ratou haerea tia ore,” “tauiuiraa i te apiti.”
Heb: “taiata o te hiero.”
Aore ra “e haerea tia ore to oe,” “te tauiui ra oe i te apiti.”
Heb: “vahi ateatea?”
Aore ra “E rave ratou i te peu taotoraa tia ore,” “E taiata ratou.”
Heb: “paruru.”
Aore ra “rave.”
Aore ra “feia orure hau.”
Aore ra “E e aˈo vau.”
Aore ra “e haerea tia ore hoi to oe,” “taiata hoi oe.”
Aore ra “i te haerea tia ore,” “e tauiui i te apiti.”
Heb: “i to ˈna aro.”
Huri-atoa-hia “e amuhia ratou i roto i te roaraa hoê avaˈe.”
Aore ra “faaapu.”
Aore ra “tamaiti huiarii.”
Heb: “to ˈu aro.”
Aore ra “aroha hamani maitai.”
Aore ra “tamaiti huiarii.”
Aore ra “tamaiti huiarii.”
Huri-atoa-hia “E au hoi to ratou aau i te hoê umu a faafatata mai ai ratou e ta ratou mau opuaraa iino.”
Heb: “haava.”
Heb: “aau.”
Heb: “i ta ratou amuiraa.”
Oia hoi no te hoê huru haamoriraa hau ê.
Aore ra “tamaiti huiarii.”
Huri-atoa-hia “E hoˈi ratou i Aiphiti.”
Aore ra “to ˈna Fatu.”
Aore ra “haerea tia ore,” “taui i te apiti.”
Hiˈo i te titionare.
Aore ra “atua.”
Huri-atoa-hia “te toro ra te amaa.”
Aore ra “haavare.”
Heb: “haamamûhia.”
Heb: “noaa.”
Oia hoi ia amo ratou i ta ratou utua mai te hoê zugo.
Aore ra “taamu.”
Heb: “haamamûhia.”
Oia hoi te mau peropheta e te tahi atu mau taata tonohia no te haapii ia Iseraela.
Aore ra “te mau taura o te hamani maitai.” E taura paha teie ta te mau metua e faaohipa no te haapii i ta ratou mau tamarii ia haere.
Heb: “taa.”
Oia hoi te mau peropheta e te tahi atu mau taata tonohia no te haapii ia Iseraela.
Oia hoi i te hoê huru haamoriraa hau ê.
Heb: “ua mahanahanahia.”
Aore ra “sabaota.”
Aore ra “O Iehova te iˈoa e haamanaˈohia ˈi oia.”
Huri-atoa-hia “hoê oroa.”
Heb: “mataeinaa.”
Aore ra “Suria.”
Aore ra “faatahehia.”
Hiˈo i te titionare.
Heb: “haava.”
Oia hoi te menema o te huitaata. Hiˈo i te titionare.
Heb: “pûpû atu matou i te mau puaatoro apî a to matou vaha.”
Heb: “E riro to ˈna haamanaˈoraa mai.”