OTO O IEREMIA
א [Alepha]*
1 Auê, o ˈna noa ˈtura te parahi ra i teie nei, te oire tei î na i te taata!+
Auê, ua riro oia mai te hoê vahine ivi, mea taata oia i rotopu i te mau nunaa na mua ˈˈe!+
Auê, ua faahepohia oia e rave i te ohipa, o ˈna te tamahine huiarii i rotopu i te mau fenua!+
ב [Beta]
2 E taˈi rahi oia i te po,+ e e puru roa to ˈna papariˈa i te roimata.
Aita hoê o ta ˈna mau tane atoa i reira no te tamahanahana ia ˈna.+
Ua taiva to ˈna mau hoa atoa ia ˈna.+ Ua riro ratou ei enemi no ˈna.
ג [Gimela]
3 Ua hopoi-ê-hia Iuda+ na roto i te hepohepo e te faatîtîraa ino mau.+
Te parahi ra oia i rotopu i te mau nunaa.+ Aita to ˈna e vahi faafaaearaa.
Ua noaahia oia i te feia atoa e hamani ino ra ia ˈna a ahoaho ai oia.
ד [Daleta]
4 Te oto ra te mau eˈa o Ziona, no te mea aita hoê e haere mai ra i te oroa.+
Ua vavahihia to ˈna mau uputa atoa.+ Te ahoaho ra to ˈna mau tahuˈa.
Te oto ra to ˈna mau vahine apî,* e e ahoaho rahi to ˈna.
ה [He]
5 I teie nei, e fatu* no ˈna to ˈna mau enemi. Aita to to ˈna mau enemi e haapeapearaa.+
Ua hopoi hoi Iehova i te oto i nia ia ˈna no te rahi o ta ˈna mau hapa.+
Ua hopoi-tîtî-hia ta ˈna mau tamarii e te enemi.+
ו [Vau]
6 Ua ere te tamahine o Ziona i to ˈna unauna taatoa.+
E au to ˈna huiarii i te aili tei ore i ite mai i te vahi aihere,
E e haere ratou ma te rohirohi na mua i tei aˈuaˈu ra ia ratou.
ז [Zaina]
7 I te mau mahana a hepohepo ai e a vai ai oia ma te nohoraa ore, e haamanaˈo Ierusalema
I ta ˈna mau mea faufaa atoa i te mau mahana i tahito ra.+
I te toparaa to ˈna nunaa i roto i te rima o te enemi e aita ta ˈna e tauturu,+
ח [Heta]
No reira oia i riro ai ei mea faufau.
Pauroa tei faatura na ia ˈna, e vahavaha ïa ia ˈna i teie nei, ua ite hoi ratou i to ˈna vai-tahaa-raa.+
E autâ+ e e fariu ê oia no te haama.
ט [Teta]
9 Tei nia to ˈna viivii i to ˈna ahu.
Aita oia i feruri i to ˈna ananahi.+
Mea riaria mau to ˈna hiˈaraa. Aita hoê no te tamahanahana ia ˈna.
E Iehova, ia ite mai oe i to ˈu hepohepo, ua faateitei hoi te enemi ia ˈna.+
י [Ioda]
10 Ua tuu te enemi i to ˈna rima i nia i ta ˈna mau taoˈa atoa.+
Ua ite hoi oia i te mau nunaa i te tomoraa i roto i to ˈna nao,*+
Taua mau nunaa ra ta oe i parau maitai eiaha ratou ia amui e to oe nunaa.
כ [Kapha]
11 Te hepohepo ra to ˈna mau taata atoa. Te imi ra ratou i te maa.+
Ua horoa ratou i ta ratou mau faufaa no te tahi maa, ia ora noa ˈˈe ratou.
Inaha, e Iehova, ia ite mai oe ua riro vau ei vahine* faufaa ore.
ל [Lameda]
12 Outou pauroa e haere ra na te purumu, aita anei outou e huru ê ra?
A hiˈo e ia ite outou!
Te vai ra anei te tahi mauiui mai ta ˈu i faaruru,
Ta Iehova i haamauiui ia ˈu i te mahana o to ˈna riri ura?+
מ [Mema]
13 Mai nia mai to ˈna faataeraa mai i te auahi i roto i to ˈu mau ivi,+ a vî atu ai to ˈu mau ivi atoa ia ˈna.
Ua hohora oia i te tahi upeˈa no to ˈu avae. Ua faahepo oia ia ˈu ia otohe.
Ua faariro oia ia ˈu ei vahine faaruehia.
E maˈi to ˈu i te mahana taatoa.
נ [Nuna]
14 Ua haaputuputu oia i ta ˈu mau hapa i to ˈna rima ei zugo a taamu atu ai i nia i to ˈu aˈî.
Ua tuuhia te reira i nia i to ˈu aˈî, e ua ere au i to ˈu puai.
Ua tuu Iehova ia ˈu i te rima o te feia eita ta ˈu e nehenehe e haapaari atu.+
ס [Sameha]
15 Ua iriti ê Iehova pauroa te tane puai no rotopu ia ˈu.+
Ua titau oia i te hoê nuu e aro ia ˈu no te haaperehu i to ˈu mau tane apî.+
Ua taataahi Iehova i te tamahine apî* o Iuda i roto i te taataahiraa vine.+
ע [Oina]
16 No teie mau mea vau e taˈi ai.+ Te tahe nei to ˈu roimata mai te pape.
Ua atea hoi te taata atoa o te nehenehe e tamahanahana e e faaitoito ia ˈu.
Ua hepohepo ta ˈu mau tamaiti, ua upootia hoi te enemi.
פ [Pe]
17 Ua toro o Ziona i to ˈna rima.+ Aita hoê no te tamahanahana ia ˈna.
E faaueraa ta Iehova i horoa i te mau enemi atoa o Iakoba ati aˈe ia ˈna no te aro ia ˈna.+
Ua riro Ierusalema ei mea faufau na ratou.+
צ [Sadi]
18 Mea parau-tia Iehova,+ o ta ˈna mau faaueraa* hoi ta ˈu i orure hau.+
A faaroo mai, outou te mau nunaa atoa, e ia ite mai outou i to ˈu mauiui.
Ua hopoi-tîtî-hia to ˈu mau vahine apî* e to ˈu mau tane apî.+
ק [Kopha]
19 Ua pii au i ta ˈu mau tane, ua taiva râ ratou ia ˈu.+
Ua pohe ta ˈu mau tahuˈa e ta ˈu mau matahiapo i roto i te oire,
A imi ai ratou i te maa ia ora noa ratou.+
ר [Resa]
20 A hiˈo mai, e Iehova, e hepohepo rahi hoi to ˈu.
Ua horuhoru roa to ˈu aau.
Ua taahuri roa to ˈu mafatu i roto ia ˈu, e orure hau mau â hoi au.+
Te faatupu ra te ˈoˈe i te pohe i rapae.+ E i roto i te fare, e pohe atoa.
ש [Sina]
21 Ua faaroo te mau taata i ta ˈu autâ. Aita e taata no te tamahanahana ia ˈu.
Ua faaroo to ˈu mau enemi atoa i to ˈu ati.
Ua oaoa ratou no te mea na oe i faatupu i te reira.+
E faatae mai hoi oe i te mahana ta oe i faaite haere,+ te mahana e riro ai ratou mai ia ˈu.+
ת [Tau]
22 Ia faaite-pauroa-hia to ratou ino i mua ia oe, e ia faautua oe ia ratou,+
Mai ta oe i faautua ia ˈu no ta ˈu mau hapa atoa.
Mea rahi hoi to ˈu hepohepo, e ua maˈihia to ˈu aau.
א [Alepha]
2 Auê hoi e, ua tapoˈi Iehova i te tamahine o Ziona i roto i te ata o to ˈna riri!
Ua huri oia i te nehenehe o Iseraela mai nia mai i te raˈi i raro i te fenua.+
Aita oia i haamanaˈo i to ˈna taahiraa avae+ i te mahana o to ˈna riri.
ב [Beta]
2 Ua haamou Iehova i te mau nohoraa atoa o Iakoba ma te aroha ore.
I roto i to ˈna riri rahi, ua vavahi oia i te mau vahi auahia i te patu o te tamahine o Iuda.+
Ua haafaufaa ore e ua huri oia i te faatereraa arii+ e to ˈna huiarii+ i raro i te repo.
ג [Gimela]
3 I roto i to ˈna riri rahi, ua faaere oia ia Iseraela i to ˈna puai* atoa.
Ua tatara mai oia i to ˈna rima atau i te tapiriraa mai te enemi,+
E ua ura noa oia i ǒ Iakoba mai te hoê auahi e pau te mau mea atoa ati aˈe ia ˈna.+
ד [Daleta]
4 Ua faatô* oia i ta ˈna fana mai te hoê enemi. Ua ineine to ˈna rima atau i te aro mai te hoê enemi.+
Ua haapohe noa oia i te feia atoa mea au i te mata ia hiˈo.+
E ua ninii oia i to ˈna riri rahi tahoo mai te hoê auahi+ i roto i te tiahapa o te tamahine o Ziona.+
ה [He]
Ua horomii roa oia i to ˈna mau pare atoa.
Ua haamou oia i to ˈna mau vahi atoa tei auahia i te patu.
E e faatupu oia i ǒ te tamahine o Iuda i te autâ e te oto.
ו [Vau]
6 E vavahi oia i to ˈna tiahapa,+ mai te huru ra e tamaru i roto i te aua.
Ua faahope* oia i ta ˈna oroa.+
Ua rave Iehova ia haamoˈehia te oroa e te Sabati i Ziona,
E i roto i to ˈna inoino rahi, aita oia e haapao ra i te arii e te tahuˈa.+
ז [Zaina]
Ua tuu oia i te mau patu o to ˈna mau pare etaeta i te rima o te enemi.+
Ua faaroohia te tutuô i roto i te fare o Iehova,+ mai i te mahana oroa.
ח [Heta]
8 Ua faaoti Iehova e haamou i te patu paruru o te tamahine o Ziona.+
Ua huti oia i te taura faito.+
Aita oia i tapea i to ˈna rima i te haamouraa.*
E rave oia ia oto te patu paruru e te aua.
Ua haaparuparuhia raua.
ט [Teta]
9 Ua mure to ˈna mau uputa i roto i te fenua.+
Ua haamou e ua ofati oia i to ˈna mau raau tarava.
Tei rotopu to ˈna arii e to ˈna huiarii i te mau nunaa.+
Aita e ture.* Aita atoa ta ta ˈna mau peropheta e orama no ǒ mai ia Iehova.+
י [Ioda]
10 Te parahi mamû ra te mau matahiapo o te tamahine o Ziona.+
E taora ratou i te repo i nia i to ratou upoo e e oomo ratou i te ahu oto.+
Ua piˈo to Ierusalema mau vahine apî* i to ratou upoo i raro i te repo.
כ [Kapha]
11 Ua rohirohi to ˈu mata i te taˈi-noa-raa.+
Te horuhoru nei to ˈu aau.
Ua purehu to ˈu upaa i raro i te repo, no te hiˈaraa te tamahine* a to ˈu nunaa,+
No te mea te matapoiri ra te mau tamarii e aiû i te mau mahora o te oire.+
ל [Lameda]
12 Te ani noa nei ratou i to ratou metua vahine: “Teihea te huero maa e te uaina?,”+
A matapoiri ai ratou mai te tahi taata pepe i te mau mahora o te oire,
A faarue mǎrû noa mai ai to ratou ora* i roto i te rima o to ratou metua vahine.
מ [Mema]
13 Eaha te hiˈoraa ta ˈu e nehenehe e horoa,
Aore ra i te aha vau e faahohoˈa ˈi ia oe, e te tamahine o Ierusalema e?
I te aha vau e faaau ai ia oe, no te tamahanahana ia oe, e te tamahine apî* o Ziona e?
Mai te moana ra hoi to oe hiˈaraa i te rahi.+ O vai te nehenehe e rapaau ia oe?+
נ [Nuna]
14 Mea haavare e mea faufaa ore te mau orama ta ta oe mau peropheta i ite,+
E aita ratou i faaite i ta oe hape ia ore oe ia hopoi-tîtî-hia,+
Te ite orama noa ra râ ratou i te parau haavare e te hape no oe.+
ס [Sameha]
15 E popo te feia atoa e haere ra na te purumu ma te vahavaha ia oe.+
E hio ratou ma te maere+ e e tairiiri i to ratou upoo i te tamahine o Ierusalema, a na ô ai:
“Tera anei te oire tei parauhia: ‘E haviti tia roa to ˈna, te oaoaraa o te fenua taatoa’?”+
פ [Pe]
16 Ua hamǎmǎ to oe mau enemi atoa i to ratou vaha ia oe.
E hio ratou e e mauu to ratou niho a na ô ai: “Ua horomii tatou ia ˈna.+
Teie te mahana ta tatou i tiai na!+ Ua tae mai, e ua ite tatou i te reira!”+
ע [Oina]
17 Ua rave o Iehova i ta ˈna i faaoti.+ Ua faatupu oia i ta ˈna i parau,+
Ta ˈna i faaue mea maoro aˈenei.+
Ua vavahi oia ma te aumihi ore.+
Ua vaiiho oia i te enemi ia oaoa ia oe. Ua faarahi oia i te puai* o to oe mau enemi.
צ [Sadi]
18 Te tiaoro nei to ratou aau ia Iehova, e te aua o te tamahine o Ziona e.
Ia tahe te roimata mai te tahora i te po e te ao.
Eiaha oe e faafaaea, eiaha to oe mata* e faafaaea.
ק [Kopha]
19 A tia mai! A tutuô i te po, a haamata ˈi te mau araraa.
A haamahora i to oe aau i mua i te aro o Iehova ma te roimata.
A faateitei i to oe rima ia ˈna no te ora o ta oe mau tamarii,
O te matapoiri ra i te mau poro aroâ atoa no te oˈe.+
ר [Resa]
20 Inaha e Iehova, a hiˈo mai i tei faautuahia e oe.
E amu noa anei te mau vahine i ta ratou iho aiû,* ta ratou iho mau tamarii oraora maitai?+
Aore ra e haapohehia anei te mau tahuˈa e te mau peropheta i roto i te nao o Iehova?+
ש [Sina]
21 Te tarava ra te tino pohe o te tamaroa apî e te ruau i raro na te mau aroâ.+
Ua pohe to ˈu mau vahine apî* e to ˈu mau tane apî i te ˈoˈe.+
Ua haapohe oe ia ratou i te mahana o to oe riri. Ua taparahi pohe oe ma te ore e aumihi atu.+
ת [Tau]
22 E titau oe i te mehameha no ǒ mai i te mau vahi atoa mai te huru ra e no te hoê mahana oroa.+
I te mahana o te riri rahi tahoo o Iehova, aita hoê i ora ˈtu aore ra i ora mai.+
Te mau tamarii ta ˈu i fanau* e ta ˈu i rave, ua haapohehia e to ˈu enemi.+
א [Alepha]
3 O vau tei ite i te hepohepo no te raau o to ˈna riri rahi.
2 Ua tiahi oia ia ˈu e e faahaere oia ia ˈu na te poiri, eiaha na te maramarama.+
3 Oia mau, e toro noa oia i to ˈna rima no te faautua ia ˈu i te mahana taatoa.+
ב [Beta]
4 Ua haapê oia i to ˈu iˈo e to ˈu iri.
Ua ofati oia i to ˈu mau ivi.
5 Ua haaati oia ia ˈu. Ua haaati oia ia ˈu i te taero toavaava+ e te mauiui.
6 Ua faahepo oia ia ˈu ia parahi i te mau vahi poiri, mai te taata tei pohe mea maoro aˈenei.
ג [Gimela]
7 Ua faatia oia i te hoê aua ati aˈe ia ˈu, a ore atu ai au e nehenehe e ora ˈtu.
Ua taamu oia ia ˈu i te fifi veo teiaha.+
8 E ia tiaoro vau ia ˈna ia tauturu mai no te hepohepo, e patoi* oia i ta ˈu pure.+
ד [Daleta]
10 E tiai oia no te tamoemoe ia ˈu mai te hoê daba, mai te hoê liona e tapuni ra.+
12 Ua faatô* oia i ta ˈna fana, e ua faariro oia ia ˈu ei fa no te teˈa.
ה [He]
13 Ua patia oia i to ˈu mape i te teˈa* o ta ˈna vairaa teˈa.
14 Ua riro vau ei ataraa na te mau nunaa atoa, ei manaˈo tumu no ta ratou himene i te mahana taatoa.
15 Ua faaî oia ia ˈu i te mau mea avaava e ua faataero ia ˈu i te raau tupu avaava.+
ו [Vau]
17 Te faaere ra oe ia ˈu* i te hau. Ua moˈe ia ˈu te mea maitai.
18 No reira vau e parau ai: “Ua ore to ˈu hanahana, oia atoa to ˈu tiaturiraa ia Iehova.”
ז [Zaina]
19 A haamanaˈo i to ˈu hepohepo e to ˈu faaearaa aita e nohoraa,+ te raau tupu avaava e te taero toavaava.+
20 E haamanaˈo mau â oe* e e piˈo mai oe ia ˈu ra.+
21 Tera ta ˈu e haamanaˈo ra i roto i to ˈu aau, no reira vau e tiai maite ai.+
ח [Heta]
22 No te here taiva ore o Iehova i ore ai to tatou parau i hope,+
Eita hoi to ˈna aroha hamani maitai e mure.+
23 E aroha hamani maitai apî to ˈna i tera e tera poipoi.+ Mea ravai oe i te haapao maitai.+
24 “O Iehova ta ˈu tuhaa,”+ ta ˈu* ïa i parau, “no reira vau e tiai maite ai ia ˈna.”+
ט [Teta]
25 Mea maitai Iehova i nia i tei tiaturi ra ia ˈna,+ te taata* e imi noa ra ia ˈna.+
26 Mea maitai ia tiai mamû* noa+ i te faaoraraa no ǒ mai ia Iehova.+
27 Mea maitai no te hoê taata ia amo i te zugo i to ˈna apîraa.+
י [Ioda]
28 Ia parahi o ˈna anaˈe e ia mamû noa ia tuu te Atua i te zugo i nia ia ˈna.+
29 Ia tuu oia i to ˈna vaha i raro roa i te repo,+ peneiaˈe te vai noa ra te tiaturiraa e ora mai oia.+
30 Ia tuu atu oia i to ˈna papariˈa i tei tairi mai ia ˈna. Ia faaino-roa-hia oia.
כ [Kapha]
31 Eita hoi Iehova e faarue ia tatou e a muri noa ˈtu.+
32 Noa ˈtu ua faatupu oia i te oto, e aroha hamani maitai atoa mai oia ia au i te rahi o to ˈna here taiva ore.+
33 Eita e itehia i roto i to ˈna aau i te hinaaro e haamauiui aore ra e faaoto i te mau tamarii a te taata.+
ל [Lameda]
34 E taataahi i te feia atoa o te fenua nei tei tapeahia i te avae,+
35 E faaere i te hoê taata i te parau-tia i mua i Tei Teitei Roa ˈˈe,+
36 E taviri i te hoê taata i te haavaraa,
Tera te mau ohipa ta Iehova e ore e farii.
מ [Mema]
37 O vai te nehenehe e paraparau a rave atu ai ia tupu tei parauhia ma te ore Iehova e faaue i te reira?
38 Mai roto mai i te vaha o Tei Teitei Roa ˈˈe,
Eita te mea ino e te mea maitai e haere amui mai i rapae.
39 Eaha te hoê taata ora e amuamu ai no te faahopearaa o ta ˈna hara?+
נ [Nuna]
40 E imi e e hiˈopoa anaˈe i to tatou haerea,+ e e hoˈi anaˈe ia Iehova.+
41 E tiaoro anaˈe i te Atua i te raˈi ma te aau rotahi e e faateitei anaˈe i to tatou rima i nia,+ a na ô ai:
42 “Ua hara e ua orure hau matou,+ e aita oe i faaore i ta matou hara.+
ס [Sameka]
43 Ua riri oe e aita oe i farii ia matou ia faafatata ˈtu.+
Ua aˈuaˈu e ua haapohe oe ia matou ma te aroha ore.+
44 Ua tuu oe i te hoê ata a ore atu ai matou e nehenehe e faafatata ˈtu, a ore atu ai ta matou pure e nehenehe e na roto atu.+
45 Ua faariro oe ia matou ei pehu e ei pera i rotopu i te mau nunaa.”
פ [Pe]
46 Ua hamǎmǎ pauroa to matou enemi i te vaha ia matou.+
47 Te mehameha e te marei ta matou tuhaa,+ te ati e te haamouraa.+
48 Te tahe nei to ˈu roimata no te ati o te tamahine a to ˈu nunaa.+
ע [Oina]
49 Te taˈi noa nei to ˈu mata aita e faaearaa,+
50 E ia hiˈo roa mai Iehova i raro e ia ite mai oia mai nia mai i te raˈi.+
51 E oto vau ia ite to ˈu mata i tei tupu no te mau tamahine atoa o to ˈu oire.+
צ [Sadi]
52 Ua aˈuaˈu mai to ˈu mau enemi ia ˈu mai te hoê manu aita e tumu.
53 Ua faaore ratou i to ˈu ora i roto i te apoo. Te taora noa mai nei ratou i te ofai i nia ia ˈu.
54 Ua na nia te mau pape i to ˈu upoo i te taheraa mai, e ua parau vau: “Ua oti roa vau!”
ק [Kopha]
55 Ua tiaoro vau i to oe iˈoa, e Iehova, mai te hohonuraa mai o te apoo.+
56 A faaroo mai i to ˈu reo. Eiaha e tapiri i to oe tariˈa ia pii au ia tauturu mai, ia tamahanahana mai.
57 Ua tapiri mai oe ia ˈu i te mahana i pii ai au ia oe. Ua parau mai oe: “Eiaha e mǎtaˈu.”
ר [Resa]
58 Ua paruru oe ia ˈu* i te haavaraa, e Iehova, ua hoo mai oe i to ˈu ora.+
59 Ua ite oe, e Iehova, i te hape i ravehia i nia ia ˈu. A haava na ia ˈu ma te parau-tia.+
60 Ua ite oe i to ratou tahoo taatoa, ta ratou mau opuaraa ino atoa e rave i nia ia ˈu.
ש [Sina]
61 Ua faaroo oe i ta ratou mau faatihaehaeraa, e Iehova, pauroa ta ratou opuaraa ino e rave i nia ia ˈu,+
62 Te vaha o to ˈu mau enemi e ta ratou mutamutaraa ia ˈu i te mahana taatoa.
63 A hiˈo ia ratou! Te parahi ra ratou aore ra te tia ra, e faaooo ratou ia ˈu i ta ratou mau himene!
ת [Tau]
64 E tahoo oe ia ratou, e Iehova, ia au i ta ratou mau ohipa.
65 E faaetaeta oe i to ratou aau, a hopoi ai oe i te ino i nia ia ratou.
66 E aˈuaˈu oe ia ratou i roto i to oe riri, e Iehova, e e haamou oe ia ratou mai raro aˈe mai i to oe raˈi.
א [Alepha]
4 Auê te auro anaana i te marauraa, te auro tamâhia!+
Auê te mau ofai o te vahi moˈa+ i te haapurararaahia na te mau poro aroâ atoa!+
ב [Beta]
2 Area te mau tamarii here o Ziona, i faitohia na ta ratou auro tamâhia ia au i to ratou teiaha,*
Auê ratou i te hiˈohia mai te farii araea,
Te ohipa a te rima o te potera!
ג [Gimela]
3 Te urî taehae atoa te faaote ra i ta ˈna fanauˈa i te û,
Ua riro râ te tamahine a to ˈu nunaa ei mea ino roa,+ mai te ione i roto i te medebara.+
ד [Daleta]
4 Ua piri te arero o te aiû i to ˈna aroaro vaha no te poihâ.
Te taparu nei te mau tamarii i te maa,+ aita râ hoê e horoa ra i te tahi na ratou.+
ה [He]
5 Te feia tei matau na i te amu i te maa maitatai, te tarava ra ïa i te mau aroâ ma te pohe poia.*+
Te feia tei paari mai a oomo noa ˈi i te ahu uteute,+ te rave mai ra ïa i te puea rehu.
ו [Vau]
6 Mea rahi aˈe te utua* a te tamahine o to ˈu nunaa i te utua no te hara a Sodoma,+
Tei faatahurihia maa taime poto roa, aita hoê rima no te tauturu ia ˈna.+
ז [Zaina]
7 Mea mâ aˈe to ˈna mau Nazira+ i te hiona, mea uouo aˈe i te û.
Mea uteute aˈe ratou i te toˈa. Mea anaana te reira mai te saphira.
ח [Heta]
8 Ua riro to ratou hohoˈa ei mea ereere aˈe i te rehu.*
Eita te taata e ite mai o vai ratou i te mau aroâ.
Ua miomio to ratou iri i nia i to ratou mau ivi.+ Ua riro te reira mai te raau mǎrô.
ט [Teta]
9 Mea au aˈe tei pohe i te ˈoˈe i tei pohe i te oˈe,+
Tei pohe, mai te mea ra ua puta ratou no te iti o te maa i roto i te faaapu.
י [Ioda]
10 Ua vaipâ te rima o te mau vahine aumihi i ta ratou iho mau tamarii.+
Ua riro ratou ei maa oto na ratou a roohia ˈi te tamahine o to ˈu nunaa i te ati.+
כ [Kapha]
E e tutui oia i Ziona i te auahi o te haapau i to ˈna mau niu.+
ל [Lameda]
12 Aita te mau arii o te fenua e to te ao atoa nei i tiaturi
E tomo mai te enemi na te mau uputa o Ierusalema.+
מ [Mema]
13 Ua tupu te reira no te hara a ta ˈna mau peropheta e te hape a ta ˈna mau tahuˈa,+
Tei haamanii i te toto o te feia parau-tia i ǒ ˈna.+
נ [Nuna]
14 Ua overe matapo ratou+ na te mau aroâ.
Ua viivii ratou i te toto,+
A ore atu ai hoê e nehenehe e tapea i to ratou ahu.
ס [Sameka]
15 “A haere ê, outou tei viivii!” ta ratou ïa e pii ia ratou. “A haere ê! A haere ê! Eiaha e tapea ia matou!”
Ua riro hoi ratou ei feia nohoraa ore e te overe haere.
Ua parau te taata i rotopu i te mau nunaa: “Eita ratou e nehenehe e faaea mai i ǒ nei ia matou.*+
פ [Pe]
Eita te taata e faatura i te mau tahuˈa+ e e hamani maitai i te mau matahiapo.”+
ע [Oina]
17 I teie nei â, ua rohirohi to matou mata i te imi faufaa ore noa i te tauturu.+
Ua imi e ua imi â matou i te tauturu no ǒ mai i te hoê nunaa o te ore e nehenehe e faaora ia matou.+
צ [Sadi]
18 Ua aˈuaˈu ratou ia matou i to matou taahiraa avae atoa,+ ia ore matou ia nehenehe e haere na te mau mahora o to matou oire.
Ua fatata to matou hopea. Ua oti to matou pue mahana, ua tae mai hoi to matou hopea.
ק [Kopha]
19 Mea vitiviti aˈe te feia e aˈuaˈu ra ia matou i te aeto o te raˈi.+
Ua aˈuaˈu ratou ia matou i nia i te mau mouˈa. Ua tamoemoe ratou ia matou i te medebara.
ר [Resa]
20 Ua haru ratou i roto i to ratou apoo rahi+ i tei faatavaihia e Iehova,+ te aho o to matou apoo ihu,
No ˈna matou i parau ai: “I to ˈna marumaru e ora ˈi matou i rotopu i te mau nunaa.”
ש [Sina]
21 A oaoa e a popou, e te tamahine a Edoma e,+ oe o te parahi ra i te fenua o Ûza.
Ia oe atoa râ e horoahia ˈi te auˈa,+ e taero oe e e tatara oe i to oe ahu a vai tahaa noa ˈtu ai.+
ת [Tau]
22 Ua hope te utua o ta oe hape, e te tamahine o Ziona.
Eita oia e hopoi ê faahou ia oe.+
E haapao râ oia i ta oe hape, e te tamahine a Edoma.
E faaite oia i ta oe mau hara.+
5 A haamanaˈo, e Iehova, i ta matou i faaruru.
A hiˈo e ia ite mai oe i to matou haama.+
2 Ua tutuuhia ta matou mau faufaa i te feia aita matou i matau, to matou mau fare i te taata ê.+
3 Ua riro matou ei tamarii aita e metua tane. Mai te vahine ivi ra to matou mau metua vahine.+
4 E aufau matou no te inu i ta matou iho pape,+ e mea hoo mai ta matou iho vahie.
5 Fatata roa matou i te roaahia e te feia e aˈuaˈu ra ia matou.
Ua rohirohi matou, aita râ to matou e faafaaearaa.+
6 Te toro nei matou i to matou rima ia Aiphiti+ e ia Asura,+ ia navai ta matou maa e amu.
7 Aita faahou to matou mau tupuna tei hara na. Te amo nei râ matou i ta ratou mau hape.
8 Na te mau tavini i teie nei e faatere ia matou. Aita hoê no te haru mai ia matou i to ratou rima.
9 E faaruru matou i te pohe no te tii i ta matou maa+ no te taata o te medebara e ˈoˈe ta ratou.
10 Ua paapaa to matou iri mai te umu, no te maui ta te pohe poia e faatupu.+
11 O te mau vahine i Ziona ta ratou i faahaama,* te mau vahine apî* o te mau oire o Iuda.+
12 Ua taamu ratou i te rima o te huiarii a faatautau atu ai ia ratou,+ e aita te mau matahiapo i faaturahia.+
13 E amo te mau tane apî i te taviri huero maa, e e turori te tamaroa apî no te teiaha o te vahie.
14 Ua faarue te mau matahiapo i te uputa o te oire.+ Aita te mau tane apî e hauti ra i ta ratou upaupa.+
15 Ua faarue te oaoa i to matou aau. Ua riro ta matou ori ei otoraa.+
16 Ua topa te hei mai nia mai i to matou upoo. Ua ati matou, no te mea ua hara matou!
17 No reira to matou aau i maˈihia ˈi,+
E no teie mau mea e paruparu ai to matou mata,+
18 No te mouˈa Ziona ïa, tei ano.+ Te hahaere nei te mau alope i nia iho.
19 Area oe, e Iehova, te parahi ra oe i nia i te terono e a muri noa ˈtu.
E vai noa to oe terono i tera uˈi e tera uˈi.+
20 Eaha oe e haamoˈe ai ia matou e a muri noa ˈtu? Eaha oe e faarue ai ia matou mai tera te maoro?+
21 A faahoˈi ia matou ia oe ra, e Iehova, e e hoˈi atu iho â matou ia oe ra.+
A faahoˈi mai i te mau mahana maitai mai to te tau tahito ra.+
22 Tera râ, ua faarue roa oe ia matou.
E riri rahi noa â to oe ia matou.+
Na pene 1-4, e himene oto ïa papaihia ia au i te anairaa o te piapa Hebera.
Aore ra “aita i taoto aˈenei i te tane.”
Heb: “upoo.”
Aore ra “umere.”
Hiˈo i te titionare.
Te faahitihia ra o Ierusalema mai te hoê taata.
Heb: “aita i taoto aˈenei i te tane.”
Heb: “to ˈna vaha.”
Heb: “aita i taoto aˈenei i te tane.”
Heb: “tara.”
Heb: “taahi.”
Aore ra “faaore.”
Hiˈo i te titionare.
Heb: “horomiiraa.”
Aore ra “haapiiraa.”
Aore ra “aita i taoto aˈenei i te tane.”
E faahohoˈaraa pehepehe no te faaite paha i te aroha aore ra te aumauiui.
Hebera nephe. Hiˈo i te titionare.
Aore ra “aita i taoto aˈenei i te tane.”
Heb: “faateitei oia i te tara.”
Heb: “te tamahine a to oe mata.”
Aore ra “mau hotu.”
Heb: “aita i taoto aˈenei i te tane.”
Aore ra “fanau e mea oraora maitai.”
Aore ra “haafifi,” “faataupupu.”
Huri-atoa-hia “ua faarue ia ˈu ma te ore e faaapu ia ˈu.”
Heb: “taahi.”
Heb: “te mau tamarii.”
Hebera nephe. Hiˈo i te titionare.
Hebera nephe. Hiˈo i te titionare.
Hebera nephe. Hiˈo i te titionare.
Hebera nephe. Hiˈo i te titionare.
Aore ra “tiai ma te faaoromai.”
Hebera nephe. Hiˈo i te titionare.
Aore ra “i au na to ratou faufaa i to te auro maitai roa.”
Heb: “ua oti roa.”
Heb: “hape.”
Heb: “ereere.”
Aore ra “faaea mai i ǒ nei ei taata ê.”
Aore ra “mafera.”
Aore ra “aita i taoto aˈenei i te tane.”