IEREMIA

1 Teie te mau parau a Ieremia* te tamaiti a Hilikia, hoê o te mau tahuˈa i Anatota+ i te fenua o Beniamina. 2 Tae maira te parau a Iehova ia ˈna i te 13 o te matahiti faatereraa a Iosia+ te tamaiti a Amôna,+ te arii o Iuda. 3 Tae atoa maira ta ˈna parau i te mau mahana o Iehoiakima+ te tamaiti a Iosia, te arii o Iuda, e hope roa te 11 o te matahiti faatereraa a Zedekia+ te tamaiti a Iosia, te arii o Iuda, tae roa i te hopoi-ê-raahia to Ierusalema i te pae o te avaˈe.+

4 Tae maira te parau a Iehova ia ˈu, e na ô ra:

Ua faariro vau ia oe ei peropheta no te mau nunaa.”

 6 Parau atura râ vau: “Auê, e te Arii hau ê e Fatu ra o Iehova!

Aita vau i ite i te paraparau,+ e tamarii* noa hoi au.”+

 7 Parau maira Iehova ia ˈu:

“Eiaha e parau: ‘E tamarii noa vau.’

9 Toro maira Iehova i to ˈna rima e tapea ihora i to ˈu vaha.+ E parau maira Iehova ia ˈu: “Ua tuu vau i ta ˈu mau parau i roto i to oe vaha.+ 10 Inaha, i teie mahana ua horoa vau ia oe i te mana i nia i te mau nunaa e i nia i te mau faatereraa arii, no te iriti tumu e no te huri i raro, no te haamou e no te vavahi, no te patu e no te tanu.”+

11 Tae faahou maira te parau a Iehova ia ˈu, e na ô ra: “Eaha ta oe e ite ra, Ieremia?” Na ô atura ïa vau: “Te ite ra vau i te amaa o te hoê tumu sekadi.”*

12 Parau maira Iehova ia ˈu: “Tera iho â ta oe i ite, ua ara roa hoi au no te faatupu i ta ˈu parau.”

13 Tae maira te parau a Iehova ia ˈu no te piti o te taime, e na ô ra: “Eaha ta oe e ite ra?” Parau atura ïa vau: “Te ite ra vau i te hoê pani* e pihaa ra,* e mea hipa to ˈna auvaha mai apatoerau mai i apatoa. 14 Parau maira Iehova ia ˈu:

2 Tae maira te parau a Iehova ia ˈu e na ô ra: 2 “A haere e faaite i to Ierusalema: ‘Teie ta Iehova e parau ra:

 3 I moˈa na Iseraela no Iehova,+ o te mau hotu matamua o ta ˈna ootiraa.”’

‘Te taata atoa o te amu haapau ia ˈna, ua hara ïa.

E roohia ratou i te ati,’ te parau ra Iehova.+

 5 Teie ta Iehova e parau ra:

Ua faariro outou i ta ˈu tuhaa ei mea hairiiri.+

 8 Aita te mau tahuˈa i ui: ‘Teihea o Iehova?’+

10 ‘Tera râ, a fano atu i te mau fenua na te hiti miti* o to Kitima+ e a hiˈo.

11 Ua taui aˈena anei te hoê nunaa i to ˈna mau atua no te tahi mea e ere i te atua?

Ua taui râ to ˈu iho nunaa i to ˈu hanahana no te tahi mea faufaa ore.+

14 ‘E tavini anei Iseraela aore ra e tîtî tei fanauhia i roto i te fare o to ˈna fatu?

Eaha ïa ta ˈna mau taoˈa i haruhia ˈi?

Ua faariro ratou i to ˈna fenua ei riariaraa.

Ua taninahia to ˈna mau oire, e aita faahou e taata i reira.

16 E amu te mau taata o Nopha+ e Tehaphanehesa+ i to nia i to oe upoo.

Ua parau râ oe: “Eita vau e tavini ia oe,”

23 E nafea oe e nehenehe ai e parau: ‘Aita vau i haaviivii ia ˈu.

Aita vau i pee i te mau Baala’?

A hiˈo i to oe haerea i te peho.

A feruri i ta oe i rave.

O vai te nehenehe e haavî ia ˈna a tupu ai to ˈna hinaaro?

Eita tei imi ra ia ˈna e rohirohi.

Ia tae i to ˈna tau* e itehia mai oia e ratou.

Ua parau râ oe: ‘Aita e faufaa!+

27 E parau ratou i te hoê tumu raau: ‘O oe to ˈu metua tane,’+

E i te hoê ofai: ‘Na oe i fanau ia ˈu.’

Ua huri tua mai râ ratou ia ˈu, aita i fariu mai.+

28 Teihea ˈtura ïa to oe mau atua ta oe i hamani no oe?+

29 ‘Eaha outou e faahapa noa ˈi ia ˈu?

Eaha outou pauroa i orure hau ai ia ˈu?’+ te parau ra Iehova.

30 Ua tairi au i ta oe mau tamarii, ua mâuˈa râ.+

31 E tera uˈi, a feruriruri i te parau a Iehova.

Eaha tera mau taata, to ˈu nunaa, i parau ai: ‘Te overe noa nei matou.

Eita matou e haere faahou ia oe ra’?+

E inaha, ua haamoˈe to ˈu iho nunaa ia ˈu e rave rahi mahana i teie nei.+

33 Mea aravihi mau â oe, e tera vahine, no te imi i te here!

Ua haamatau oe ia oe i te haerea o te ino.+

35 E parau râ oe: ‘Aita ta ˈu e hapa.

Ua fariu ê iho â ïa to ˈna riri ia ˈu.’

36 Eaha oe e manaˈo ai e ere i te mea ino to oe huru taiva?

3 Te ui ra te taata: “Ia tuu ê te hoê tane i ta ˈna vahine faaipoipo e ia faarue mai oia ia ˈna a riro atu ai i te tahi atu tane, e hoˈi faahou anei te tane ia ˈna ra?”

Aita anei tera fenua i viivii roa?+

 2 “A hiˈo i te mau aivi ruperupe ore e a mataitai.

Teihea te vahi aita oe i taoto i te tane?*

6 I te mau mahana a faatere ai te arii Iosia,+ parau maira Iehova ia ˈu: “‘Ua ite anei oe eaha ta Iseraela taiva i rave? Ua haere oia i nia i te mau mouˈa teitei atoa e i raro aˈe i te mau tumu raau ruperupe atoa no te taiata.+ 7 I muri aˈe atoa i to ˈna raveraa i teie mau ohipa, ua parau noa vau ia ˈna ia hoˈi mai ia ˈu ra,+ aita râ oia i hoˈi mai. E ua hiˈo noa Iuda i to ˈna tuahine taiva.+ 8 I to ˈu iteraa i te reira, tuu ê ihora vau ia Iseraela taiva na roto i te hoê parau faataaraa+ no to ˈna faaturiraa.+ Aita râ to ˈna tuahine taiva o Iuda i mǎtaˈu. Ua haere atoa oia e taiata.+ 9 Ua manaˈo oia e ere ta ˈna taiataraa i te mea ino, e ua tamau oia i te haaviivii i teie fenua e i te faaturi e te ofai e te tumu raau.+ 10 Noa ˈtu teie mau mea atoa, aita to ˈna tuahine taiva o Iuda i hoˈi mai ia ˈu ra ma to ˈna aau atoa, ma te haavarevare noa râ,’ te parau ra Iehova.”

11 Parau maira Iehova ia ˈu: “Mea parau-tia aˈe Iseraela taiva ia Iuda taiva.+ 12 A haere e poro i teie mau parau i apatoerau:+

“‘“A hoˈi mai, e Iseraela taiva e,” te parau ra Iehova.’+ ‘“Eita vau e hiˈo riri* ia oe,+ e Atua taiva ore hoi au,” te parau ra Iehova.’ ‘“Eita vau e inoino e a muri noa ˈtu. 13 A faˈi noa mai ua hara oe, ua orure hau hoi oe ia Iehova to oe Atua. Ua tamau hoi oe i te taoto i te mau atua ěê i raro aˈe i te mau tumu raau ruperupe atoa, aita râ oe i auraro i to ˈu reo,” te parau ra Iehova.’”

14 “A hoˈi mai, outou te mau tamarii taiva,” te parau ra Iehova. “Ua riro hoi au ei fatu mau no* outou. E e rave au ia outou, hoê no roto mai i te hoê oire e e piti no roto mai i te hoê utuafare, e e aratai au ia outou i Ziona.+ 15 E e horoa vau i te tiai mamoe no outou o te rave i to ˈu hinaaro,*+ e e faaamu ratou ia outou i te ite e te haroˈaroˈa. 16 E rahihia outou e to outou huaai i nia i te fenua i tera mau mahana,” te parau ra Iehova.+ “Eita ratou e parau faahou: ‘Te afata o te faufaa a Iehova!’ Eita te reira e manaˈohia, eita e haamanaˈohia aore ra e mihihia, e eita e hamani-faahou-hia. 17 I tera tau, e piihia Ierusalema te terono o Iehova.+ E pauroa te nunaa te putuputu no te arue i te iˈoa o Iehova i Ierusalema,+ e eita ratou e mârô faahou i te pee i to ratou iho aau ino.”

18 “I tera mau mahana e haere amui ratou, te nunaa o Iuda e te nunaa o Iseraela,+ e e haere amui mai ratou mai te fenua apatoerau mai i te fenua ta ˈu i horoa no to ratou mau tupuna ei tuhaa.+ 19 E ua manaˈo vau: ‘Ia ˈu te oaoa i te faariroraa ia oe ei tamaiti e i to ˈu horoaraa i te fenua hinaarohia no oe, te tuhaa nehenehe roa ˈˈe i rotopu i te mau nunaa!’*+ Ua manaˈo atoa vau e pii mai oe ia ˈu: ‘To ˈu Metua!’ e eita oe e faaea i te pee mai ia ˈu. 20 ‘Oia mau mai te hoê vahine faaipoipo taiva e faarue i ta ˈna tane faaipoipo,* ua na reira atoa oe, e te nunaa o Iseraela, i te taivaraa ia ˈu,’+ te parau ra Iehova.”

22 “A hoˈi mai, outou te mau tamarii taiva.

E rapaau vau i to outou feruriraa taiva.”+

23 Oia mau, e haavare te mau aivi e te ahoaho i nia i te mau mouˈa.+

Oia mau, tei ia Iehova to matou Atua te faaoraraa o Iseraela.+

3 Teie hoi ta Iehova e parau ra i to Iuda e tei parahi ra i Ierusalema:

 5 A faaite i te reira i Iuda e a poro i te reira i Ierusalema.

A tuô e a faaoto i te pu tara na teie fenua atoa.+

 6 A faatia i te tahi tapao* e faaite ra i te eˈa e tae ai i Ziona.

A imi i te haapuraa, e eiaha e faaea noa,”

Te faahaere mai ra hoi au i te ati na apatoerau mai,+ e ati rahi.

Ua faarue oia i to ˈna vahi no te faariro i to oe fenua ei riariaraa.

E faaanohia to oe mau oire, e aita faahou e taata i reira.+

10 Parau atura vau: “Auê te Arii hau ê e Fatu ra o Iehova! Ua haavarevare mau â oe i teie nunaa+ e tei parahi ra i Ierusalema, a na ô ai: ‘E fanaˈo outou i te hau,’+ tei raro aˈe râ te ˈoˈe i to matou arapoa.”

11 I taua tau ra, e parauhia i teie nunaa e to Ierusalema:

12 I ta ˈu faaueraa e farara mai ai te mataˈi puai na tera mau vahi.

I teie nei, e faaite au i te mau faautuaraa i nia ia outou.

Mea vitiviti aˈe ta ˈna mau puaahorofenua i te aeto.+

Ua ati tatou, ua pau hoi tatou!

14 A tamâ i to oe aau no te iriti ê i te ino, e Ierusalema, ia faaorahia oe.+

Ehia â maororaa e tapea noa ˈi oe i te manaˈo ino?

18 “E faaruru oe i te faahopearaa o to oe haerea e ta oe mau ohipa.+

19 Auê au i te ahoaho,* auê au i te ahoaho!

E mauiui rahi to roto i to ˈu mafatu.

Te otuˈituˈi puai ra to ˈu mafatu i roto ia ˈu.

E tamarii haapao ore ratou, o te ore e feruri.

23 Hiˈo ihora vau i to ratou fenua, e inaha te vai ano ra e aita e taata.+

Hiˈo ihora vau i te raˈi, e aita faahou to ˈna maramarama.+

30 I teie nei ua ano oe, eaha ïa ta oe e rave?

Te parau ra oia a hohora ˈi oia i to ˈna apu rima:+

“Ua ati au, ua rohirohi roa hoi au* no te feia haapohe!”

5 A haere na te mau aroâ o Ierusalema.

A hiˈo haere e a mataitai.

 2 Noa ˈtu e parau ratou: “Te horeo nei au i te ora o Iehova!,”

E horeo noa ratou i te mea haavare.+

 3 E Iehova, eita anei to oe mata e imi i te haapao maitai?+

I tairi na oe ia ratou, aita râ ratou i oto.*

I haamou na oe ia ratou, aita râ ratou i farii i te aˈo.+

 4 Na ô ihora râ vau i roto ia ˈu: “Papu, o te feia haihai tera.

E hahaehia te taata atoa e haere i rapae.

 7 E nafea vau e nehenehe ai e faaore i teie hara ta oe?

 9 “Eiaha anei au ia faautua ia ratou no teie mau mea?,” te parau ra Iehova.

“Eiaha anei au ia tahoo i nia i teie huru nunaa?”+

Ia hoˈi mai te reira i nia ia ratou!”

14 No reira teie ta Iehova, te Atua o te mau nuu,* e parau ra:

15 “Teie au e tono atu nei i te hoê nunaa na te atea mai no te aro ia outou, e te nunaa o Iseraela,”+ te parau ra Iehova.

“E nunaa tei vai ê na.

17 E pau ia ratou ta oe i ooti e ta oe faraoa.+

E pau ia ratou ta oe mau tamaiti e ta oe mau tamahine.

E pau ia ratou ta oe nǎnǎ puaatoro e ta oe nǎnǎ mamoe.

E pau ia ratou ta oe mau tumu vine e ta oe mau tumu suke.

E haamou ratou i to oe mau oire auahia i te patu o ta oe e tiaturi ra i te ˈoˈe.”

18 “I tera atoa râ mau mahana,” te parau ra Iehova, “eita vau e haamou roa ia outou.+ 19 E ia ui ratou: ‘Eaha Iehova to tatou Atua i rave ai i teie mau mea atoa ia tatou?,’ e pahono oe ia ratou: ‘Mai ia outou i faarue ia ˈu no te tavini i te hoê atua ê i to outou fenua, e tavini atoa ïa outou i te feia ěê i te hoê fenua e ere no outou.’”+

21 “A faaroo mai, e teie nunaa maamaa e te maramarama* ore:+

24 E eita ratou e na ô i roto i to ratou aau:

26 E taata ino hoi to rotopu i to ˈu nunaa.

Te moemoe noa ra ratou, mai te feia haru manu e tipou ra.

E tuu ratou i te marei haapohe.

O te taata ta ratou e haru.

No reira ratou i puaihia ˈi e i taoˈahia ˈi.

Eita ratou e paturu i te haavaraa a te tamarii aita e metua tane,+

Ia apîhia ratou.

E e faaere ratou i te veve i te parau-tia.’”+

29 “Eiaha anei au ia faautua ia ratou no teie mau mea?,” te parau ra Iehova.

“Eiaha anei au ia tahoo i nia i teie huru nunaa?

30 E ohipa faufau e te ino roa tei tupu i teie fenua:

E mea au na to ˈu nunaa mai tera.+

Eaha râ ta outou e rave ua tae anaˈe mai te hopea?”

6 A haapu, e te huaai o Beniamina, i te tahi vahi atea ia Ierusalema.

E ati hoi te tae mai ra na apatoerau mai, e ati rahi.+

 2 E hohoˈa te tamahine o Ziona i te tahi vahine huiarii nehenehe.+

 3 E haere mai te mau tiai e ta ratou mau nǎnǎ.

 4 “A faaineine ia outou no te aro* ia ˈna!

A tia mai, e e aro anaˈe ia ˈna i te avatea!”

 6 Teie hoi ta Iehova o te mau nuu* e parau ra:

“A tâpû i te raau a faatia ˈtu ai i te tahi aua ati aˈe ia Ierusalema.+

 9 Teie ta Iehova o te mau nuu e parau ra:

“E ohi-pauroa-hia tei toe mai o Iseraela mai te peenave vine e toe ra o te hoê tumu vine.

A faahaere faahou mai i to rima mai te tahi pofai vine i roto i te faaapu vine.”

10 “O vai ta ˈu e paraparau e e faaara?

O vai te faaroo mai?

Inaha, ua piri to ratou tariˈa,* a ore atu ai ratou e nehenehe e haapao mai.+

E toro hoi au i to ˈu rima no te tairi i tei parahi ra i teie fenua,” te parau ra Iehova.

Aita nei hoi e hau.+

15 Te haama ra anei ratou i te mau mea hairiiri ta ratou i rave?

Aita roa ˈtu ratou e haama ra!

Aita atoa ratou i ite eaha te haama!+

E hiˈa ïa ratou i rotopu i tei hiˈa ê na.

Ia faautua vau ia ratou, e turori ratou,” te parau ra Iehova.

16 Teie ta Iehova e parau ra:

“A tia i te maaraa purumu e a hiˈo.

E na ô râ ratou: “Eita matou e haere na reira.”+

Ua na ô râ ratou: “Eita matou e horoa i te tariˈa faaroo.”+

18 “A faaroo mai ïa outou te mau nunaa!

19 A faaroo mai, e te fenua!

21 Teie ïa ta Iehova e parau ra:

22 Teie ta Iehova e parau ra:

23 E rave mai ratou i te fana e te mahae.

Mea ino roa ratou e e ore e aroha noa ˈˈe.

E faanaho ratou ia ratou no te aroraa, mai te tahi taata tamaˈi o te aro ia oe, e te tamahine o Ziona.”

24 Ua faarooroo matou i to ratou parau.

29 Ua paapaa te puhipuhi.

E tapau te matara mai roto mai i ta ratou auahi.

7 Teie te parau a Iehova tei tae mai ia Ieremia: 2 “A tia i te uputa o te fare o Iehova e a poro i reira i teie poroi: ‘A faaroo i te parau a Iehova, outou pauroa te nunaa o Iuda e tomo ra na teie mau uputa no te piˈo i mua ia Iehova. 3 Teie ta Iehova o te mau nuu,* te Atua o Iseraela, e parau ra: “A faatitiaifaro i to outou haerea e ta outou mau ohipa, e e vaiiho vau ia outou ia parahi â i teie vahi.+ 4 Eiaha e tiaturi i te mau parau haavare e eiaha e parau: ‘Teie* te hiero o Iehova, te hiero o Iehova, te hiero o Iehova!’+ 5 Ia faatitiaifaro mau â outou i to outou haerea e ta outou mau ohipa, ia paturu mau â outou i te parau-tia ia haavahia te tahi taata e to ˈna taata tupu,+ 6 ia ore outou e haavî i te taata ěê e noho ra i rotopu ia outou, te otare* e te vahine ivi,+ ia ore outou e haamanii i te toto hara ore i teie vahi, e ia ore outou e pee i te tahi atu mau atua a fifi hoi outou,+ 7 e vaiiho ïa vau ia outou ia parahi â i teie vahi, i teie fenua ta ˈu i horoa no to outou mau tupuna e a muri noa ˈtu.”’”*

8 “Te tiaturi nei râ outou i te mau parau haavare,+ eita roa ˈtu outou e faufaahia i te reira. 9 Mea tia anei ia eiâ+ outou, ia haapohe i te taata, ia faaturi, ia horeo i te parau haavare,+ ia pûpû i te tusia* ia Baala,+ ia pee i te mau atua aita outou i matau, 10 a haere mai ai i muri iho e tia i mua ia ˈu i roto i teie fare tei mairihia i to ˈu iˈoa e a na ô ai: ‘E faaorahia matou,’ noa ˈtu teie mau mea faufau atoa ta outou e rave ra? 11 Te hiˈo ra anei outou i teie fare tei mairihia i to ˈu iˈoa ei ana no te eiâ?+ Tera hoi ta ˈu e ite ra,” te parau ra Iehova.

12 “‘Tera râ, a haere i teie nei i to ˈu nao* i Silo,+ i reira to ˈu haamauraa i to ˈu iˈoa no te taime matamua,+ e a hiˈo eaha ta ˈu i rave i to ˈu nao no te ino o to ˈu nunaa o Iseraela.+ 13 Ua tamau noa râ outou i te rave i teie mau mea atoa,’ te parau ra Iehova, ‘e noa ˈtu ua paraparau noa â vau ia outou,* aita outou i faaroo.+ Ua tamau noa vau i te pii ia outou, aita râ outou i pahono mai.+ 14 No reira, mai ta ˈu iho â i rave ia Silo,+ e na reira atoa vau i te fare tei mairihia i to ˈu iˈoa+ e ta outou e tiaturi ra,+ e i teie vahi ta ˈu i horoa no outou e no to outou mau tupuna. 15 E tiahi au ia outou mai mua i to ˈu aro, mai ta ˈu iho â i tiahi i to outou mau taeae atoa, pauroa te huaai o Epheraima.’+

16 “O oe râ, eiaha e pure no teie nunaa. Eiaha e tiaoro mai, e pure mai aore ra e taparuparu mai ia ˈu no ratou,+ eita hoi au e faaroo ia oe.+ 17 Aita anei oe e ite ra i ta ratou e rave ra i roto i te mau oire o Iuda e na te mau aroâ o Ierusalema? 18 Te ohi ra te mau tamarii i te vahie, te tutui ra te mau metua tane i te auahi, te ôi ra te mau vahine faaipoipo i te faraoa no te hamani i te pane ei tusia na te Arii vahine o te raˈi,*+ e te ninii ra ratou i te tusia uaina na te tahi atu mau atua no te faainoino ia ˈu.+ 19 ‘O vau anei râ ta ratou e haamauiui* ra?’ te parau ra Iehova. ‘E ere anei o ratou iho, a haama ˈtu ai ratou?’+ 20 Teie ïa ta te Arii hau ê e Fatu ra o Iehova e parau ra: ‘Inaha, e manii atu to ˈu riri e to ˈu riri rahi tahoo i nia i teie vahi,+ i nia i te taata e te animara, i nia i te tumu raau o teie fenua e te maa o te repo. E ura to ˈu riri e eita e pohe.’+

21 “Teie ta Iehova o te mau nuu, te Atua o Iseraela, e parau ra: ‘A haere a apiti i ta outou mau tusia taauahi taatoa i ta outou mau tusia ê atu, e a amu i te reira.+ 22 I te mahana hoi a aratai mai ai au i to outou mau tupuna i rapae i te fenua o Aiphiti, aita vau i parau aore ra i faaue i te tahi mea ia ratou no nia i te mau tusia taauahi taatoa e te tahi atu mau tusia.+ 23 Teie râ ta ˈu i faaue ia ratou: “A faaroo i to ˈu reo, e e riro vau ei Atua no outou, e e riro outou ei nunaa no ˈu.+ Ia haere outou na te eˈa ta ˈu e faaite ia outou, ia maitai hoi outou.”’+ 24 Aita râ ratou i faaroo aore ra i fariu mai i to ratou tariˈa.+ Ua haapao ratou i ta ratou iho mau opuaraa,* a onoono ai i te pee i to ratou aau ino,+ e ua otohe ratou, aita i haere i mua, 25 mai te mahana mai â i haere mai ai to outou mau tupuna i rapae i te fenua o Aiphiti tae roa mai i teie mahana.+ Ua tamau noa ïa vau i te tono i ta ˈu mau tavini atoa te mau peropheta ia outou ra, a tono noa ˈi ia ratou i tera e tera mahana.*+ 26 Aita râ ratou i hinaaro e faaroo ia ˈu, e aita i fariu mai i to ratou tariˈa.+ Ua haapaari ratou,* e ua rave i te ohipa ino aˈe i ta to ratou mau tupuna!

27 “E parau iho â oe i teie mau parau atoa ia ratou,+ eita râ ratou e faaroo ia oe. E pii iho â oe ia ratou, eita râ ratou e pahono ia oe. 28 E e na ô oe ia ratou: ‘Teie te nunaa aita i faaroo i te reo o Iehova to ratou Atua e aita i farii i ta ˈna aˈo. Ua moˈe te haapao maitai e aita atoa ratou i faahiti i te reira.’*+

29 “A tâpû haapoto roa ino i to oe rouru aita i tâpûhia aˈenei* e a faarue atu, e i nia i te mau aivi ruperupe ore a himene i te tahi himene oto, aita hoi Iehova i hinaaro faahou i teie uˈi tei faariri ia ˈna e e faarue oia ia ratou. 30 ‘Ua rave hoi te nunaa o Iuda i te mea ino i to ˈu aro,’ te parau ra Iehova. ‘Ua tuu ratou i ta ratou mau idolo faufau i roto i te fare tei mairihia i to ˈu iˈoa, no te haaviivii i te reira.+ 31 Ua patu ratou i te mau vahi teitei o Topheta, tei te peho o te Tamaiti a Hinoma,*+ no te tanina i ta ratou mau tamaiti e ta ratou mau tamahine,+ e ohipa ta ˈu i ore i faaue e tei ore i tupu aˈenei i roto i to ˈu aau.’*+

32 “‘No reira,’ te parau ra Iehova, ‘inaha te haere mai ra te mau mahana e ore ai teie vahi e parau-faahou-hia o Topheta aore ra te peho o te Tamaiti a Hinoma,* te peho râ o te taparahi-pohe-raa. E hunahia te taata pohe i Topheta haapao apǐ roa.+ 33 E e riro te tino pohe o teie nunaa ei maa na te mau manu o te raˈi e na te mau animara o te fenua, aita hoê e faariaria ia ratou.+ 34 E faaore au i te tutuô o te popou e o te oaoa, te reo o te tane faaipoipo-apî-hia e te reo o te vahine faaipoipo-apî-hia,+ i roto i te mau oire o Iuda e na te mau aroâ o Ierusalema, e faaanohia hoi teie fenua.’”+

8 “I tera tau,” te parau ra Iehova, “e tatarahia te ivi o te mau arii o Iuda, te ivi o to ˈna huiarii, te ivi o te mau tahuˈa, te ivi o te mau peropheta, e te ivi o tei parahi na i Ierusalema mai roto mai i to ratou mau menema. 2 E huehia te reira i mua i te mahana, te avaˈe, e te nuu taatoa o te raˈi ta ratou i here na, i tavini na, i pee na, i imi na e i mua i te reira i piˈo ai ratou.+ Eita te reira e haaputuputuhia, eita atoa e hunahia. E riro te reira mai te pera i nia i te fenua.”+

3 “E te toea o teie nunaa ino te ora mai, e maiti ratou i te pohe eiaha râ te ora i te mau vahi atoa e haapurara ˈi au ia ratou,” te parau ra Iehova o te mau nuu.*

4 “E e parau oe ia ratou: ‘Teie ta Iehova e parau ra:

“E topa anei ratou a ore atu ai e tia faahou mai?

Ia hinaaro hoê e hoˈi mai, eita anei te tahi atu e hoˈi atoa mai?

 5 Eaha teie nunaa, tei parahi ra i Ierusalema, e taiva noa ˈi ia ˈu?

 6 Ua haapao vau e ua faaroo noa ia ratou, aita râ e tano ra ta ratou huru paraparau.

Aita hoê taata i tatarahapa no to ˈna ino aore ra i ui: ‘Eaha ta ˈu i rave?’+

E tamau te taata tataitahi i te rave mai ia vera ma, mai te hoê puaahorofenua e horo ra i te aroraa.

Aita râ to ˈu iho nunaa e taa ra i te haavaraa a Iehova.”’+

 8 ‘E nafea outou e nehenehe ai e parau: “E feruriraa paari to matou, e tei ia matou ra te ture* a Iehova”?

Inaha hoi, ua faaohipahia te penitara haavare*+ a te mau papai parau no te haavare noa.

 9 Ua faahaamahia te feia feruriraa paari.+

Ua faariariahia ratou a haruhia ˈtu ai.

Aita nei hoi e hau.+

12 Te haama ra anei ratou i te mau mea hairiiri ta ratou i rave?

Aita roa ˈtu ratou e haama ra!

Aita atoa ratou i ite eaha te haama!+

E hiˈa ïa ratou i rotopu i tei hiˈa ê na.

Ia faautua vau ia ratou, e turori ratou,’+ te parau ra Iehova.

13 ‘Ia haaputuputu vau ia ratou, e haamou vau ia ratou,’ te parau ra Iehova.

‘Aita e vine te vaiihohia i nia i te tumu vine, e aita e suke i nia i te tumu suke, e e mǎrô te mau rauere.

E e ere ratou i ta ˈu i horoa na ratou.’”

14 “Eaha tatou e parahi noa ˈi i ǒ nei?

E haaputuputu anaˈe e e tomo anaˈe i roto i te mau oire auahia i te patu+ a pohe atu ai i reira.

16 Te faaroohia ra te maˈitihe o ta ˈna mau puaahorofenua mai Dana mai.

“Aita anei Iehova i Ziona?

Aore ra aita anei to ˈna arii i reira?”

Ua riaria roa vau.

22 Aita anei e raau* i Gileada?+

Aore ra aita anei e taata rapaau* i reira?+

Eaha te maˈi o te tamahine a to ˈu nunaa i ore ai i ora?+

 2 Auê, ahani to ˈu e puhaparaa ratere i te medebara!

Ua haapii ratou i to ratou arero ia haavare.+

E faarohirohi ratou ia ratou i te raveraa i te ino.

 6 Te ora nei oe i rotopu i te haavarevare.

No to ratou haavarevare, aita ratou i hinaaro e ite o vai au,” te parau ra Iehova.

 7 No reira teie ta Iehova o te mau nuu* e parau ra:

 8 E teˈa haapohe to ratou arero o te parau i te haavarevare.

 9 “Eiaha anei au ia faautua ia ratou no teie mau mea?” te parau ra Iehova.

“Eiaha anei au ia tahoo i nia i teie huru nunaa?+

Ua horo ê te mau manu o te raˈi e te mau animara, ua reva ratou.+

12 To vai te feruriraa paari no te taa i te reira?

O vai ta te vaha o Iehova i parau, ia faaite mai oia?

Eaha te fenua i mou ai?

13 Pahono maira Iehova: “No te mea ua faarue ratou i ta ˈu ture* ta ˈu i tuu i mua ia ratou, e no te mea aita ratou i pee i te reira e i faaroo i to ˈu reo. 14 Aita râ, ua onoono ratou i te pee i to ratou iho aau,+ e ua pee i te mau tii o Baala, mai ta to ratou mau metua i haapii ia ratou.+ 15 No reira, teie ta Iehova o te mau nuu, te Atua o Iseraela, e parau ra: ‘Teie au e faaamu nei i teie nunaa i te raau tupu avaava, e e faainu vau ia ratou i te pape taero.+ 16 E haapurara vau ia ratou i rotopu i te mau nunaa ta ratou e to ratou mau metua i ore i matau,+ e e faatae au i te tahi ˈoˈe na muri mai ia ratou e ia mou roa ratou ia ˈu.’+

19 Ua faaroohia te reo oto mai Ziona mai:+

“Auê te ati e!

Auê te rahi o to tatou haama!

Ua faarue hoi tatou i te fenua, e ua vavahi ratou i to tatou mau fare.”+

20 Outou te mau vahine, a faaroo i te parau a Iehova.

Ia taa i to outou tariˈa te parau a to ˈna vaha.

22 A parau: ‘Teie ta Iehova e parau ra:

23 Teie ta Iehova e parau ra:

24 “Ia haapeu râ te taata haapeu i teie:

25 “Inaha, te tae mai ra te mau mahana,” te parau ra Iehova, “e faautua ˈi au i te taata atoa, tei peritomehia e aita nei hoi ratou i peritomehia,+ 26 to Aiphiti,+ to Iuda,+ te ati Edoma,+ te ati Amona,+ to Moabi+ e te taata atoa tei tâpûhia to ratou rouru tae roa i te aoao o te upoo e o te parahi ra i te medebara.+ Mea peritome-ore-hia hoi te mau nunaa atoa, e te nunaa taatoa o Iseraela tei peritome-ore-hia te aau.”+

10 A faaroo i ta Iehova parau faaara ia outou, e te nunaa o Iseraela. 2 Teie ta Iehova e parau ra:

 3 Mea faufaa ore hoi te mau peu a te mau nunaa.

 6 Aita hoê aˈe mai ia oe, e Iehova.+

E Atua rahi oe, e e iˈoa rahi to oe e te puai.

 8 Mea maamaa ratou pauroa e eita ratou e feruri.+

Mea faufaa ore mau â te haapiiraa no ǒ mai i te tahi tumu raau.+

E ahu taura ninamu e te huruhuru mamoe vareau to taua mau idolo ra.

Mea hamanihia ratou pauroa e te feia aravihi.

10 Area Iehova, e Atua mau â ïa.

O ˈna te Atua ora+ e te Arii mure ore.+

11* Teie ta outou e parau ia ratou:

14 E haa te taata atoa ma te feruri ore e te ite ore.

15 Mea faufaa ore ratou, e ohipa o te faaooohia.+

E mou ratou i te mahana e faautuahia ˈi ratou.

O Iehova o te mau nuu* to ˈna iˈoa.+

18 Teie hoi ta Iehova e parau ra:

19 Ua ati au no to ˈu hiˈaraa!*+

Eita to ˈu pepe e ora.

E ua parau vau: “Tera iho â to ˈu maˈi, e ia faaoromai au i te reira.

20 Ua haamouhia to ˈu fare ie, e ua tâpûhia pauroa te taura o to ˈu fare ie.+

Ua faarue ta ˈu mau tamarii ia ˈu e aita faahou ratou.+

Aita e taata faahou no te hohora i to ˈu fare ie aore ra no te huti i te ie o to ˈu fare ie.

22 A faaroo na! E parau apî! Te tae mai ra!

23 Ua ite maitai au, e Iehova, eita e haere i te taata ia ite mai i to ˈna eˈa o ˈna anaˈe.

Aita e tiaraa to te taata e haere ra ia aratai i to ˈna mau taahiraa.+

11 Teie te parau a Iehova tei tae mai ia Ieremia: 2 “A faaroo mai i te mau parau o teie faufaa, outou pauroa!

“A faaite i te reira* i te mau taata no Iuda e tei parahi ra i Ierusalema 3 e a na ô atu: ‘Teie ta Iehova te Atua o Iseraela e parau ra: “Ua ati* te taata o te ore e faaroo i te mau parau o teie faufaa,+ 4 ta ˈu i faaue i to outou mau tupuna ia haapao i te mahana i aratai ai au ia ratou i rapae i te fenua o Aiphiti,+ i rapae i te umu faatahe auri,+ a na ô ai: ‘A faaroo i to ˈu reo, e a rave i te mau mea atoa ta ˈu e faaue ia outou. E riro ïa outou ei nunaa no ˈu e e riro vau ei Atua no outou,+ 5 ia faatupu hoi au i ta ˈu i horeo i to outou mau tupuna, e horoa no ratou i te fenua e tahe noa te û e te meri,+ mai i teie mahana.’”’”

E pahono atura vau: “Amene,* e Iehova.”

6 Parau maira ïa Iehova ia ˈu: “A faaite haere i teie mau parau atoa i roto i te mau oire o Iuda e na te mau aroâ o Ierusalema: ‘A faaroo mai i te mau parau o teie faufaa, e a faaohipa i te reira. 7 Ua faaara maitai hoi au i to outou mau tupuna mai te mahana i aratai ai au ia ratou i rapae i te fenua o Aiphiti tae roa mai i teie mahana, a faaara noa ˈi ia ratou:* “A faaroo i to ˈu reo.”+ 8 Aita râ ratou i faaroo aore ra i fariu mai i to ratou tariˈa. Ua onoono ratou tataitahi i te pee i to ratou aau ino.+ Faatae maira ïa vau i nia ia ratou i te mau parau atoa o teie faufaa ta ˈu i faaue ia ratou ia haapao e aita ratou i faaohipa.’”

9 E parau maira Iehova ia ˈu: “Ua opua te mau taata no Iuda e tei parahi ra i Ierusalema e orure hau ia ˈu. 10 Ua rave ratou i te mau hape ta to ratou mau tupuna i rave na, a ore ai ratou e hinaaro e faaroo i ta ˈu mau parau.+ Ua pee atoa ratou i te tahi atu mau atua e ua tavini ia ratou.+ Ua ofati te nunaa o Iseraela e te nunaa o Iuda i ta ˈu faufaa ta ˈu i faaau i to ratou mau tupuna.+ 11 Teie ïa ta Iehova e parau ra: ‘Teie au e faatae nei i nia ia ratou i te tahi ati+ eita ta ratou e nehenehe e ape. Ia pii mai ratou ia ˈu ia tauturu ia ratou, eita vau e faaroo atu.+ 12 E fariu ïa to te mau oire o Iuda e tei parahi ra i Ierusalema i te mau atua ta ratou e pûpû i te tusia* e ta ratou e pii ia tauturu ia ratou,+ eita roa ˈtu râ taua mau atua ra e faaora ia ratou a roohia ˈi ratou i te ati. 13 Hoê â hoi rahiraa to to oe mau atua e to oe mau oire, e Iuda, e hoê â rahiraa fata ta oe i faatia no te mea* haama e te mau aroâ i Ierusalema, e fata no te pûpû i te tusia ia Baala.’+

14 “O oe* râ, eiaha e pure no teie nunaa. Eiaha e tiaoro mai aore ra e pure no ratou,+ eita hoi au e faaroo ia tiaoro mai ratou ia ˈu no to ratou ati.

I te iˈo moˈa* anei e ape ai ratou i te ati ia tae mai i nia ia outou?*

E oaoa anei outou i taua taime ra?

17 “Ua faaite Iehova o te mau nuu,* Tei tanu ia outou,+ e ati te tae mai i nia ia outou, e te nunaa o Iuda, no te ino ta outou e te nunaa o Iseraela i rave, a faainoino ai outou ia ˈu i te pûpûraa i te tusia ia Baala.”+

19 Mai te hoê fanauˈa mamoe rata vau e arataihia ra ia tupaihia.

Aita vau i ite e opuaraa ino ta ratou ia ˈu:+

21 No reira, teie ta Iehova e parau ra no te mau taata no Anatota+ o te imi ra i te rave i to oe ora e o te na ô ra: “Eiaha oe e tohu i te iˈoa o Iehova,+ a pohe oe i to matou rima,” 22 teie ïa ta Iehova o te mau nuu e parau ra: “Teie au e faautua nei ia ratou. E pohe te mau taata apî i te ˈoˈe,+ e e pohe ta ratou mau tamaiti e ta ratou mau tamahine i te oˈe.+ 23 E ore roa hoê o ratou e toe mai, no te mea e faatae mai au i te ati i nia i te mau taata no Anatota+ i te matahiti e faautua ˈi au ia ratou.”

 2 Ua tanu oe ia ratou, e ua tupu to ratou aˈa.

Ua tupu ratou e ua hotu.

Te faahiti noa nei ratou ia oe, mea atea râ to ratou aau* ia oe.+

Ua parau hoi ratou: “Eita oia e ite mai i tei roohia e matou.”

Ua pii ratou ia oe ma te reo puai.

 7 “Ua faarue au i to ˈu fare.+ Ua haapae au i ta ˈu tuhaa.+

Ua tuu vau i to ˈu hoa here i te rima o to ˈna mau enemi.+

 8 Ua riro ta ˈu tuhaa no ˈu mai te hoê liona i roto i te uru raau.

Ua uuru oia ia ˈu.

No reira vau i hae ai ia ˈna.

Ua faariro ratou i to ˈu tuhaa fenua nehenehe mau ei fenua pâpâmǎrô taata ore.

11 Ua riro te reira ei fenua tuinohia.

Aita hoê taata e ora hau noa.

13 E sitona ta ratou i ueue, e raau taratara râ ta ratou i ooti.+

Ua tautoo ratou i te ohipa, no te faufaa ore râ.

14 Teie ta Iehova e parau ra i to ˈu mau taata tupu ino atoa, o te hauti nei i te tuhaa ta ˈu i faafatu i to ˈu nunaa Iseraela:+ “Teie au e iriti tumu nei ia ratou mai nia mai i to ratou fenua,+ e e iriti au i te nunaa o Iuda mai rotopu ia ratou. 15 Ua iriti tumu anaˈe râ vau ia ratou, e aroha hamani maitai faahou vau ia ratou e e faahoˈi ia ratou tataitahi i ta ˈna tuhaa e to ˈna fenua.”

16 “E ia haapii mau â ratou i te haerea o to ˈu nunaa e ia horeo i to ˈu ora, a na ô ai: ‘Te horeo nei au i te ora o Iehova!’ mai ta ratou iho â i haapii i to ˈu nunaa ia horeo i te iˈoa o Baala, i reira e horoahia ˈi te hoê vahi no ratou i rotopu i to ˈu nunaa. 17 Ia ore râ ratou ia hinaaro e faaroo, e iriti tumu atoa vau i tera nunaa, e iriti tumu e e haamou roa vau ia ratou,” te parau ra Iehova.+

13 Teie ta Iehova i parau ia ˈu: “A haere a hoo mai i te tahi hatua lino no oe e a hatua i to oe tauupu i te reira, eiaha râ ia rari i te pape.” 2 Hoo maira ïa vau i te hatua mai ta Iehova i parau mai e hatua ihora vau i to ˈu tauupu. 3 E tae faahou maira te parau a Iehova ia ˈu no te piti o te taime e na ô ra: 4 “A rave i te hatua ta oe i hoo mai e ta oe e hatua ra e a tia i nia, a haere i Eupharate, e i reira oe e huna ˈi i te hatua i roto i te hoê afâ mato.” 5 Haere atura ïa vau e huna ihora i te reira i pihai iho i Eupharate, mai ta Iehova iho â i faaue ia ˈu.

6 E rave rahi râ mahana i muri aˈe, parau maira Iehova ia ˈu: “A tia, a haere i Eupharate, e a rave mai i te hatua ta ˈu i faaue ia oe e huna i reira.” 7 Haere atura ïa vau i Eupharate, ô ihora vau i te vahi i huna ˈi au i te hatua, rave maira vau i te reira e ite ihora vau ua ino te hatua, ua faufaa ore roa.

8 Tae maira te parau a Iehova ia ˈu e na ô ra: 9 “Teie ta Iehova e parau ra: ‘E na reira atoa vau i te haamou i te teoteo o Iuda e te teoteo rahi roa ino o Ierusalema.+ 10 Teie mau taata ino o te ore e hinaaro ra e faaroo i ta ˈu mau parau,+ o te onoono ra i te pee i to ratou iho aau,+ e o te pee ra i te tahi atu mau atua, o te tavini ra ia ratou e o te piˈo ra i mua ia ratou, e riro ïa ratou mai teie hatua faufaa ore roa.’ 11 ‘Mai te hoê hatua hoi tei ati i te tauupu o te tahi taata, ua rave atoa vau ia ati maite te nunaa taatoa o Iseraela e te nunaa taatoa o Iuda ia ˈu,’ te parau ra Iehova, ‘ia riro ratou no ˈu ei nunaa,+ ei iˈoa,+ ei arueraa, e ei mea nehenehe. Aita râ ratou i faaroo.’+

12 “E ia faatae atoa oe i teie poroi ia ratou: ‘Teie ta Iehova te Atua o Iseraela e parau ra: “Ia faaîhia te mau farii rahi atoa i te uaina.”’ E e pahono ratou ia oe: ‘Aita anei matou i ite aˈena e ia faaîhia te mau farii rahi atoa i te uaina?’ 13 I reira oe e parau ai ia ratou: ‘Teie ta Iehova e parau ra: “Teie au e faaî nei i te mau taata atoa e parahi ra i teie fenua i te uaina haapao taero ratou,+ te mau arii e parahi ra i nia i te terono o Davida, te mau tahuˈa e te mau peropheta, e pauroa to Ierusalema. 14 E e vavahi au ia ratou te tahi i nia i te tahi, te mau metua e te mau tamarii atoa,” te parau ra Iehova.+ “Eita vau e aumihi aore ra e oto noa ˈˈe aore ra e aroha hamani maitai ia ratou. Aita hoê mea e tapea ia ˈu ia haamou ia ratou.”’+

15 A faaroo mai e a haapao mai.

Eiaha e faateitei, ua paraparau hoi Iehova.

19 Ua piri te uputa o* te mau oire no apatoa, e aita hoê no te tatara i te reira.

Ua hopoi-tîtî-hia pauroa to Iuda, ua hopoi-tîtî-roa-hia ratou.+

20 A hiˈo e ia ite oe i te feia e haere mai ra na apatoerau mai.+

Teihea te nǎnǎ tei horoahia ˈtu, ta oe mau mamoe nehenehe?+

Eita anei oe e roohia i te mauiui fanau, mai to te vahine ia fanau?+

22 E ia parau oe i roto i to oe aau: ‘Eaha vau i roohia ˈi i teie mau mea?’+

No ta oe ïa hape rahi i hahaehia ˈi to oe hiti ahu+

E i rave-ino-hia ˈi to oe poro avae.

23 E nehenehe anei te hoê ati Kusa* e taui i te û o to ˈna iri, aore ra te hoê nemera i to ˈna mau patapata?+

24 No reira, e haapurara vau ia ratou mai te aihere mǎrô puhihia e te mataˈi no te medebara.+

Ua ati oe, e Ierusalema!

Ehia â maororaa e vai viivii noa ˈi oe?”+

14 Teie te parau a Iehova tei tae mai ia Ieremia no nia i te mau paˈurâ:+

 2 Te oto ra Iuda,+ e ua pê to ˈna mau uputa.

 3 E e faaue te mau fatu i ta ratou mau tavini* e tii i te pape.

E haere ratou i te mau apoo* pape e aita e pape i itehia mai.

E hoˈi ratou e ta ratou mau farii aita e pape to roto.

 6 E tia te mau asini oviri i nia i te mau aivi ruperupe ore.

Eiaha e faarue ia matou.

10 Teie ta Iehova e parau ra no nia i teie nunaa: “Mea au na ratou e overe haere.+ Aita ratou i haavî i to ratou avae.+ No reira Iehova i ore ai i mauruuru ia ratou.+ I teie nei, e haamanaˈo oia i ta ratou hape e e faautua ia ratou no ta ratou mau hara.”+

11 Parau maira Iehova ia ˈu: “Eiaha e pure mai ia maitai teie nunaa.+ 12 Ia haapae ratou i te maa, eita vau e faaroo i ta ratou mau taparuparuraa,+ e ia pûpû ratou i te mau tusia taauahi taatoa e te mau tusia huero maa, eita vau e mauruuru i te reira.+ I te ˈoˈe, te oˈe e te maˈi pee* hoi au e faaore ai ia ratou.”+

13 Pahono atura vau: “Auê, e te Arii hau ê e Fatu ra o Iehova! Teie te mau peropheta e parau nei ia ratou: ‘Eita outou e faaruru i te ˈoˈe, e eita outou e roohia i te oˈe, e hau mau râ ta ˈu e faafanaˈo ia outou i teie nei vahi.’”+

14 Parau maira Iehova ia ˈu: “Te tohu nei te mau peropheta i te haavare i to ˈu iˈoa.+ Aita vau i tono ia ratou, i faaue ia ratou aore ra i paraparau ia ratou.+ E orama haavare, e tohuraa faufaa ore e te haavare o to ratou aau ta ratou e tohu nei ia outou.+ 15 No reira, teie ta Iehova e parau ra no te mau peropheta e tohu ra i to ˈu iˈoa, noa ˈtu aita vau i tono ia ratou, e o te parau nei e eita teie fenua e faaruru i te ˈoˈe aore ra te oˈe: ‘I te ˈoˈe e te oˈe e mou ai tera mau peropheta.+ 16 E e taorahia te feia ta ratou e tohu nei i roto i te mau aroâ o Ierusalema no te oˈe e te ˈoˈe, e aita hoê no te huna ia ratou,+ o ratou, ta ratou mau vahine faaipoipo, ta ratou mau tamaiti e ta ratou mau tamahine, e ninii hoi au i nia ia ratou i te ati tei au ia ratou.’+

Ua haaati hoi te peropheta e te tahuˈa i te hoê fenua ta ratou i ore i matau.’”+

19 Ua faarue roa anei oe ia Iuda, aore ra ua haafaufau anei oe* ia Ziona?+

Eaha oe i tairi ai ia matou, e aita ˈtura e faaoraraa maˈi no matou?+

A haamanaˈo i ta oe faufaa i faaau ia matou e eiaha e faaore i te reira.+

E ere anei o Oe anaˈe te nehenehe, e Iehova to matou Atua?+

15 Parau maira Iehova ia ˈu: “Noa ˈtu o Mose raua Samuela te tia i mua ia ˈu,+ eita vau e hamani maitai* i teie nunaa. A faaatea ˈtu ia ratou mai mua ia ˈu. Ia haere atu ratou. 2 E ia parau mai ratou ia oe: ‘Ia haere matou ihea?,’ e pahono oe ia ratou: ‘Teie ta Iehova e parau ra:

“Tei faataahia no te ati pohe, i te ati pohe!

Tei faataahia no te ˈoˈe, i te ˈoˈe!+

Tei faataahia no te oˈe, i te oˈe!

E tei faataahia no te faatîtîraa, i te faatîtîraa!”’+

3 “‘E e maha ati*+ ta ˈu e faatae i nia ia ratou,’ te parau ra Iehova, ‘te ˈoˈe no te haapohe, te urî no te tari i to ratou mau tino pohe, te mau manu o te raˈi e te mau animara o te fenua no te amu haapau e no te haamou i te toe mai.+ 4 E e faariro vau ia ratou ei riariaraa no te mau faatereraa arii atoa o te fenua nei+ no Manase te tamaiti a Hezekia, te arii o Iuda, no ta ˈna i rave i Ierusalema.+

 6 ‘Ua taiva oe ia ˈu,’ te parau ra Iehova.+

‘Te huri tua noa nei oe ia ˈu.*+

E toro ïa vau i to ˈu rima e tairi e e haamou ia oe.+

Ua fiu roa vau i te aroha ia oe.*

 7 E e hue au ia ratou i nia, i te patia, i te mau uputa o te oire.

E faaere au ia ratou i te tamarii.+

 8 E riro ta ratou mau vahine ivi ei mea rahi aˈe i mua ia ˈu i te one o te moana.

E faatae au i te hoê taata haamou no te tairi ia ratou i te avatea, te mau metua vahine e te mau tane apî.

E faatae taue au i te arepurepu e te mehameha i nia ia ratou.

A tahoo ia ˈu i te feia e hamani ino ra ia ˈu.+

Eiaha e faataere i te riri, a pohe au ia ratou.*

Ia ite mai oe e no oe au e faahapahia ˈi mai teie.+

17 Eita vau e parahi e te feia e arearea e e oaoa noa.+

18 No te aha e vai noa ˈi to ˈu mauiui e e ore ai to ˈu pepe e ora?

Eita to ˈu pepe e hinaaro e ora.

19 No reira, teie ta Iehova e parau ra:

20 “Te faariro nei au ia oe ei patu veo haapaarihia i rotopu i teie nunaa.+

16 Tae faahou maira te parau a Iehova ia ˈu e na ô ra: 2 “Eiaha oe e rave i te tahi vahine faaipoipo na oe, e eiaha ei tamaiti e ei tamahine ta oe i teie fenua. 3 Teie hoi ta Iehova e parau ra no te mau tamaiti e tamahine o te fanauhia i ǒ nei e no to ratou mau metua vahine e to ratou mau metua tane o te fanau mai ia ratou i teie fenua: 4 ‘E pohe ratou i te maˈi pohe,+ aita râ e taata e oto aore ra e huna ia ratou. E riro ratou mai te pera i nia i te repo.+ E pohe ratou i te ˈoˈe e te oˈe,+ e e riro to ratou tino pohe ei maa na te mau manu o te raˈi e na te mau animara o te fenua.’

 6 O te feia tiaraa teitei e te feia haihai atoa te pohe i teie fenua.

9 “Teie hoi ta Iehova o te mau nuu,* te Atua o Iseraela, e parau ra: ‘I ǒ nei i teie fenua, i to outou mau mahana e i mua maitai i to outou mata, e faaore au i te umere e te oaoa, te reo o te tane faaipoipo-apî-hia e te reo o te vahine faaipoipo-apî-hia.’+

10 “Ia faaite oe i teie mau parau atoa i teie nunaa, e ui ratou ia oe: ‘Eaha Iehova i faautua ˈi ia matou i teie ati rahi atoa? Eaha ta matou hape e eaha ta matou hara i rave ia Iehova to tatou Atua?’+ 11 E pahono oe ia ratou: ‘“No te mea ua faarue to outou mau tupuna ia ˈu,”+ te parau ra Iehova, “e ua tamau noa ratou i te pee i te tahi atu mau atua, i te tavini ia ratou e i te piˈo i mua ia ratou.+ O vau râ, ua faarue ïa ratou ia ˈu, e ta ˈu ture, aita ïa ratou i haapao.+ 12 E mea ino aˈe to outou haerea i to to outou mau tupuna,+ e te pee ra outou tataitahi i te etaeta o to outou aau ino, aita râ e faaroo ra ia ˈu.+ 13 No reira, e huri au ia outou i rapae i teie fenua i te tahi fenua aita outou e aita atoa to outou mau tupuna, i matau,+ e i reira e haamori iho â outou i te tahi atu mau atua i te ao e te po,+ no te mea eita vau e hamani maitai ia outou.”’

14 “‘Tera râ,’ te parau ra Iehova, ‘te tae mai ra te mau mahana e ore ai ratou e parau faahou: “Te horeo nei matou i te ora o Iehova, o tei aratai i te nunaa o Iseraela i rapae i te fenua o Aiphiti!”+ 15 E parau râ ratou: “Te horeo nei matou i te ora o Iehova, o tei aratai i te nunaa o Iseraela mai te fenua i apatoerau mai e mai te mau fenua atoa i haapurara ˈi oia ia ratou!” E e faahoˈi mai au ia ratou i to ratou fenua, ta ˈu i horoa no to ratou mau tupuna.’+

17 To nia iho hoi to ˈu mata i ta ratou mau mea atoa e rave ra.*

17 “Ua papaihia te hara a Iuda i te tahi penitara auri.

 4 E haapae oe ma te hinaaro mau i ta oe tuhaa ta ˈu i horoa na oe.+

E ama te reira e a muri noa ˈtu.”

 5 Teie ta Iehova e parau ra:

 6 E riro oia mai te tahi tumu raau moˈemoˈe i te vahi taata ore.

 9 Mea haavarevare aˈe te aau i te tahi atu mau mea atoa e mea atâta roa.*+

O vai tei ite maitai i te reira?

14 A faaora i to ˈu maˈi, e Iehova, e e ora to ˈu maˈi.

15 Inaha, te vai ra o te parau mai ra ia ˈu:

“Teihea te parau a Iehova?+

Ia tupu na hoi te reira!”

17 Eiaha e haamehameha ia ˈu.

O oe to ˈu haapuraa ia roohia vau i te ati.

19 Teie ta Iehova i parau mai ia ˈu: “A haere a tia i te uputa o te mau tamaiti a teie nunaa, mea na reira te mau arii o Iuda e haere ai i rapae e e tomo mai ai, e i te mau uputa atoa o Ierusalema.+ 20 E parau oe ia ratou: ‘A faaroo i te parau a Iehova, outou te mau arii o Iuda, te nunaa taatoa o Iuda, e pauroa tei parahi ra i Ierusalema, o te tomo na taua mau uputa ra. 21 Teie ta Iehova e parau ra: “A ara ia outou, e eiaha e amo i te tahi faufaa i te mahana Sabati aore ra e faaô mai i te reira na te mau uputa o Ierusalema.+ 22 Eiaha outou e afai i te tahi faufaa i rapae i to outou fare i te mahana Sabati, e eiaha roa ˈtu outou e rave i te ohipa.+ Ia moˈa noa te mahana Sabati, mai ta ˈu iho â i faaue i to outou mau tupuna.+ 23 Aita râ ratou i faaroo aore ra i fariu mai i to ratou tariˈa, e ua onoono noa ratou i te ore* e faaroo mai e e farii i te aˈo.”’+

24 “‘“Mai te peu râ e faaroo maitai mai outou ia ˈu,” te parau ra Iehova, “e eita outou e faaô mai i te tahi faufaa na te mau uputa o teie oire i te mahana Sabati, e e haapao noa outou i te Sabati ei mahana moˈa ma te ore e rave i te ohipa i taua mahana ra,+ 25 e tomo atoa ïa te mau arii e te huiarii o te parahi ra i nia i te terono o Davida+ na te mau uputa o teie oire, na nia iho i te pereoo e te puaahorofenua, ratou e to ratou huiarii, te mau taata no Iuda e tei parahi ra i Ierusalema.+ E e parahihia teie oire e a muri noa ˈtu. 26 E e haere mai te taata na te mau oire mai o Iuda, te mau vahi ati aˈe ia Ierusalema, te fenua o Beniamina,+ te faa,+ te tuhaa fenua mouˈa, e na te Negeba* mai, a hopoi mai ai i te tusia taauahi taatoa,+ te tusia huero maa,+ te tapau libano, te tusia haamauruururaa e te tahi atu mau tusia+ i roto i te fare o Iehova.+

27 “‘“Ia ore râ outou e faaroo mai ia ˈu, a ore ai e haapao i te Sabati ei mahana moˈa e a amo aore ra a faaô mai ai i te faufaa na te mau uputa o Ierusalema i te mahana Sabati, e tutui au i to ˈna mau uputa, e e pau mau â to ˈna mau pare etaeta i te reira+ e eita te auahi e pohe.”’”+

18 Teie te parau a Iehova tei tae mai ia Ieremia: 2 “A tia e a pou i te fare o te potera,+ e i reira vau e faaite ai ia oe i ta ˈu mau parau.”

3 Pou ihora ïa vau i te fare o te potera, e te ohipa ra oia i nia i ta ˈna mauhaa potera. 4 Te farii râ ta te potera e hamani ra i te araea, ua ino ïa i roto i to ˈna rima. Hamani faahou ihora ïa te potera i te reira ei farii ê atu, ia au iho â i te hohoˈa ta ˈna i hinaaro.*

5 E tae maira te parau a Iehova ia ˈu e na ô ra: 6 “‘Eita anei ta ˈu e nehenehe e rave ia outou mai ta teie potera i rave, e te nunaa o Iseraela?’ te parau ra Iehova. ‘Inaha, mai te araea i roto i te rima o te potera, o outou atoa ïa i roto i to ˈu rima, e te nunaa o Iseraela.+ 7 Ia parau vau e iriti tumu, e huri i raro e e haamou vau i te tahi nunaa aore ra faatereraa arii,+ 8 e ia haapae taua nunaa ra i to ˈna ino ta ˈu i faahapa, e taui atoa ïa vau i to ˈu manaˈo no nia* i te ati ta ˈu i opua e faatae i nia ia ratou.+ 9 Ia parau râ vau e patu e e tanu vau i te tahi nunaa aore ra faatereraa arii, 10 e ia rave taua nunaa ra i te mea ino i to ˈu aro e ia ore e faaroo i to ˈu reo, e taui ïa vau i to ˈu manaˈo no nia* i te maitai ta ˈu i opua e rave no ratou.’

11 “I teie nei, a parau na i te mau taata no Iuda e tei parahi ra i Ierusalema: ‘Teie ta Iehova e parau ra: “Teie au e faaineine* nei i te tahi ati e e feruri nei e nafea ia faautua ia outou. A fariu ê mai na i ta outou mau ohipa ino, e a faatitiaifaro i to outou haerea e ta outou mau raveraa.”’”+

12 Ua parau râ ratou: “Aita e apî!+ E pee hoi matou i to matou iho mau manaˈo, e e haa matou tataitahi ia au i te etaeta o to matou aau ino.”+

13 Teie ïa ta Iehova e parau ra:

“A uiui na i te mau nunaa.

O vai tei faaroo i te parau mai teie?

E ohipa riaria mau â ta te tamahine apî* a Iseraela i rave.+

14 E moˈe anei te hiona mai nia mai i te mau taha mouˈa mato o Lebanona?

Aore ra e mǎrô anei te pape haumârû e tahe ra na te atea mai?

15 Ua haamoˈe râ to ˈu nunaa ia ˈu.+

Pauroa te taata o te haere atu na reira, e hiˈo atu ïa ma te riaria e e tairiiri i to ratou upoo.+

17 Mai te mataˈi na hitia o te râ mai, e haapurara vau ia ratou i mua i te enemi.

E faaite atu vau ia ratou i to ˈu tua, eiaha to ˈu aro, i te mahana e roohia ˈi ratou i te ati.”+

18 E ua parau ratou: “Mai, feruri anaˈe i te tahi opuaraa ino ia Ieremia,+ e vai noa hoi te ture* i to tatou mau tahuˈa, te aˈoraa i te feia feruriraa paari e te parau i te mau peropheta. Mai, faaino anaˈe ia ˈna* e eiaha e haapao i ta ˈna e parau ra.”

20 E faahoˈihia anei te maitai i te ino?

Ua ô hoi ratou i te tahi apoo no te rave i to ˈu ora.+

Ia faaerehia ta ratou mau vahine faaipoipo i te tamarii e ia riro ratou ei vahine ivi.+

19 Teie ta Iehova i parau: “A haere i ǒ te tahi potera+ e hoo mai i te tahi farii araea. A rave atoa i te tahi mau matahiapo o te nunaa e te tahi mau matahiapo o te mau tahuˈa, 2 e a haere i te peho o te Tamaiti a Hinoma,+ i te tomoraa o te Uputa o te huˈahuˈa farii araea. E i reira, a poro i te mau parau ta ˈu e faaite ia oe. 3 E parau oe: ‘A faaroo i te parau a Iehova, outou te mau arii o Iuda e tei parahi ra i Ierusalema. Teie ta Iehova o te mau nuu,* te Atua o Iseraela, e parau ra:

“‘“Te faatae mai nei au i te tahi ati i nia i teie vahi, e e taˈi na tariˈa o te feia e faaroo i te reira. 4 No te mea ua faarue ratou ia ˈu+ e ua faariro i teie vahi ei mea huru ê.+ I reira ratou e pûpû ai i te tusia i te tahi atu mau atua, ta ratou, to ratou mau tupuna e te mau arii o Iuda i ore i matau, e ua î teie vahi ia ratou i te toto o te feia hara ore.+ 5 Ua patu ratou i te mau vahi teitei a Baala no te tanina i ta ratou mau tamarii ei tusia taauahi taatoa na Baala,+ e ohipa ta ˈu i ore i faaue aore ra i parau e tei ore i tupu aˈenei i roto i to ˈu aau.”’*+

6 “‘“No reira,” te parau ra Iehova, “inaha, te haere mai ra te mau mahana e ore ai teie vahi e parau-faahou-hia o Topheta aore ra te peho o te Tamaiti a Hinoma, te peho râ o te taparahi-pohe-raa.+ 7 E faahape au i te mau opuaraa a Iuda e a Ierusalema i teie vahi, e e pohe ratou ia ˈu i te ˈoˈe i mua i to ratou mau enemi e i te rima o te feia e imi ra i te rave i to ratou ora. E e horoa vau i to ratou tino pohe ei maa na te mau manu o te raˈi e na te mau animara o te fenua.+ 8 E e faariro vau i teie oire ei riariaraa e ei hioraa faaooo. Te taata atoa o te haere na reira, e hiˈo atu ïa ma te riaria e e hio no to ˈna mau ati atoa.+ 9 E e rave au ia amu ratou i te iˈo o ta ratou mau tamaiti e tamahine, e e amu ratou tataitahi i te iˈo o to ratou taata tupu, no te mea ua haaatihia te oire e to ratou mau enemi e te feia e imi ra i te rave i to ratou ora,+ e no to ratou hepohepo rahi.”’

10 “I muri iho, a haaparari i te farii i mua i te mata o te mau tane e na muri ia oe, 11 e a parau ia ratou: ‘Teie ta Iehova o te mau nuu e parau ra: “Mai teie au e haaparari ai i teie nunaa e teie oire, mai te tahi taata o te haaparari i te tahi farii a te potera, a ore roa ˈtu ai e nehenehe e tataî. E e huna ratou i te feia pohe i Topheta haapao apǐ roa te vahi hunaraa.”’+

12 “‘Tera ta ˈu e rave i teie vahi e i to reira mau taata,’ te parau ra Iehova, ‘ia riro teie oire mai ia Topheta. 13 E e riro te mau fare o Ierusalema e te mau fare o te mau arii o Iuda mai teie vahi, o Topheta,+ i te viivii. Oia mau, pauroa te fare i pûpûhia ˈi te tusia i nia i te mau tafare i te nuu taatoa o te raˈi+ e i reira i niniihia ˈi te tusia uaina na te tahi atu mau atua.’”+

14 I to Ieremia hoˈiraa mai na Topheta mai i reira Iehova i te tonoraa ia ˈna e tohu, tia ihora oia i roto i te aua o te fare o Iehova e parau atura i te nunaa taatoa: 15 “Teie ta Iehova o te mau nuu, te Atua o Iseraela, e parau ra: ‘Teie au e faatae mai nei i nia i teie oire e te mau oire tapiri atoa pauroa te ati ta ˈu i parau e faatae mai, no te mea ua onoono noa ratou i te ore* e faaroo mai i ta ˈu mau parau.’”+

20 Te faaroo noa ra Pasura te tamaiti a Imera, te tahuˈa, o ˈna atoa te tiaau rahi i roto i te fare o Iehova, ia Ieremia e tohu ra i teie mau mea. 2 Tupai ihora Pasura ia Ieremia te peropheta e tamau ihora i te raau tapearaa i nia ia ˈna+ i te Uputa teitei aˈe o Beniamina e tae atu ai i te fare o Iehova. 3 Ananahi aˈe râ, i to Pasura tatararaa ia Ieremia mai te raau tapearaa, parau atura Ieremia ia ˈna:

“Ua topa Iehova ia oe, eiaha i te iˈoa Pasura, o Mehameha ati aˈe râ.+ 4 Teie hoi ta Iehova e parau ra: ‘E faariro vau ia oe ei mehameharaa no oe e no to oe mau hoa atoa, e e pohe ratou i te ˈoˈe a to ratou mau enemi i mua i to oe mata.+ E e tuu vau ia Iuda taatoa i te rima o te arii o Babulonia, e e hopoi ê oia ia ratou i Babulonia e e haapohe oia ia ratou i te ˈoˈe.+ 5 E e tuu vau pauroa te faufaa a teie oire, pauroa ta ˈna taihaa, pauroa ta ˈna taoˈa moni rahi, e pauroa te taoˈa a te mau arii o Iuda, i te rima o to ratou mau enemi.+ E e haruhia ratou e ta ratou mau faufaa atoa, a afaihia ˈtu ai i Babulonia.+ 6 O oe râ, Pasura, e pauroa te taata e ora ra i roto i to oe fare, e hopoi-tîtî-hia ïa outou. E afaihia oe i Babulonia e i reira oe e pohe ai, e e hunahia oe i reira e to oe mau hoa atoa, no te mea e haavare ta oe i tohu ia ratou.’”+

 7 Ua faahitimahuta oe ia ˈu, e Iehova, e ua hitimahuta vau.

Ua faaohipa oe i to oe puai i nia ia ˈu, e o oe tei upootia.+

No te parau a Iehova, ua tuhihia e ua faainohia vau i te mahana taatoa.+

Te parau ra ratou: “A faahapa ia ˈna. E faahapa anaˈe ia ˈna!”

Te taata atoa e parau mai: “Ei ia oe te hau,” te tiai noa ra ïa ia hiˈa vau.+

11 Tei pihai iho râ Iehova ia ˈu mai te tahi aito e mǎtaˈuhia.+

No reira te feia e hamani ino ra ia ˈu e turori ai, a ore atu ai e upootia.+

E ite ratou i te haama rahi, eita hoi ratou e manuïa.

Eita e moˈehia to ratou faahaamaraahia e a muri noa ˈtu.+

13 A himene ia Iehova! A arue ia Iehova!

Ua faaora hoi oia i te taata* veve i te rima o te feia ohipa ino.

14 Ia vai te ino i nia i te mahana i fanauhia ˈi au!

Ia ore ia haamaitaihia te mahana i fanau ai to ˈu metua vahine ia ˈu!+

15 Ia vai te ino i nia i te taata o te faaite i to ˈu metua tane i teie parau apî oaoa:

“E tamaiti ta oe i fanauhia mai, e tamaroa!,”

A oaoa roa ˈtu ai oia.

16 Ia riro taua taata ra mai te mau oire ta Iehova i faataahuri ma te tatarahapa ore.

Ia faaroo oia i te tutuô i te poipoi e te oto faaararaa i te avatea.

21 Tae maira te parau a Iehova ia Ieremia i to te arii Zedekia+ tonoraa ia Pasura+ te tamaiti a Malakia e ia Zephania+ te tamaiti a Maaseia te tahuˈa, no te ani ia ˈna: 2 “A uiui na ia Iehova no matou, no te mea te aro mai ra te arii Nebukanesa no Babulonia ia matou.+ Peneiaˈe e rave Iehova hoê o ta ˈna mau ohipa faahiahia no matou, a vaiiho mai ai Nebukanesa ia matou.”+

3 Parau maira Ieremia ia ratou: “Teie ta outou e parau ia Zedekia: 4 ‘Teie ta Iehova te Atua o Iseraela e parau ra: “Teie au e huri nei i nia ia outou* i te mau mauhaa tamaˈi i roto i to outou rima, ta outou e faaohipa ra no te aro i te arii o Babulonia+ e te mau Kaladaio tei haaati ia outou i rapaeau mai i te aua. E e haaputuputu vau ia ratou i ropu i teie oire. 5 E o vau te aro ia outou+ i to ˈu rima faatorohia e te puai, i te riri, te riri rahi tahoo e te inoino rahi.+ 6 E tairi au i tei parahi ra i roto i teie oire, te taata e te animara atoa. I te tahi maˈi pee* rahi e pohe ai ratou.”’+

7 “‘“E i muri iho i te reira,” te parau ra Iehova, “e tuu vau i te arii Zedekia no Iuda, ta ˈna mau tavini e te mau taata o teie oire, oia hoi te feia e ora ˈtu i te maˈi pee, te ˈoˈe e te oˈe, i te rima o te arii Nebukanesa no Babulonia, i te rima o to ratou mau enemi, e i te rima o te feia e imi ra i te rave i to ratou ora.+ E haapohe oia ia ratou i te ˈoˈe. Eita oia e aroha ia ratou, eita e aumihi e eita atoa e aroha hamani maitai.”’+

8 E e parau oe i teie nunaa: ‘Teie ta Iehova e parau ra: “Teie au e tuu nei i mua ia oe i te eˈa o te ora e te eˈa o te pohe. 9 Te feia e faaea noa i roto i teie oire, e pohe ïa i te ˈoˈe e te maˈi pee. Area te feia o te haere i rapae, a tuu atu ai ia ratou i te mau Kaladaio e haaati ra ia outou, e ora noa ïa, e o to ratou ora te taoˈa haruhia.”’*+

10 “‘“Ua faaoti hoi au e faatae mai i nia i teie oire i te ati eiaha râ te maitai,”+ te parau ra Iehova. “E tuuhia teie oire i te rima o te arii o Babulonia,+ e e tanina oia i te reira.”+

11 “‘Oe te arii o Iuda, e outou e parahi ra i roto i to ˈna aorai, a faaroo i te parau a Iehova. 12 Outou to te aorai o Davida, teie ta Iehova e parau ra:

‘Outou râ e parau ra: “O vai te pou mai e aro ia matou?

E na vai e tomo i to matou nohoraa?,”

22 Teie ta Iehova e parau ra: “A pou atu i te aorai* o te arii o Iuda, e a faatae atu i teie poroi. 2 E parau oe: ‘A faaroo i te parau a Iehova, e te arii o Iuda e parahi ra i nia i te terono o Davida, oe, ta oe mau tavini e to oe nunaa, te feia e tomo na teie mau uputa. 3 Teie ta Iehova e parau ra: “A turu i te mea afaro e te parau-tia. A faaora i tei eiâhia i te rima o te taata taviri. Eiaha e rave ino i te taata ê e noho ra i rotopu ia outou, e eiaha e hamani ino i te tamarii aita e metua tane* aore ra te vahine ivi.+ E eiaha e haamanii i te toto hara ore i teie fenua.+ 4 Ia haapao maitai hoi outou i te faaohipa i teie parau, e tomo mai ïa te mau arii e parahi ra i nia i te terono o Davida+ na te mau uputa o teie aorai, na nia iho i te pereoo e te puaahorofenua, ratou, ta ratou mau tavini e to ratou nunaa.”’+

5 “‘Ia ore râ outou ia auraro i teie mau parau, te horeo nei au i to ˈu nei ora,’ te parau ra Iehova, ‘e riro teie aorai ei vahi ano.’+

8 “‘E e haere e rave rahi nunaa na pihai iho i teie oire ma te parau te tahi i te tahi: “Eaha Iehova i na reira ˈi i teie oire rahi?”+ 9 E e pahonohia ratou: “No te mea ua faarue ratou i te faufaa a Iehova to ratou Atua e ua piˈo i mua i te tahi atu mau atua e ua tavini ia ratou.”’+

11 “Teie hoi ta Iehova e parau ra no Saluma*+ te tamaiti a Iosia, te arii o Iuda e faatere ra ei mono i to ˈna metua tane o Iosia+ e tei faarue i teie vahi: ‘Eita oia e hoˈi faahou mai i ǒ nei. 12 E pohe hoi oia i te vahi e hopoi-ê-hia ˈi oia, e eita oia e ite faahou i teie fenua.’+

15 No te mea anei mea rahi aˈe ta oe arezi e faaohipa ra e faatere noa ˈi oe?

‘Eita anei te feia tei matau ia ˈu e na reira?’ te parau ra Iehova.

“Auê, to ˈu taeae! Auê, to ˈu tuahine!”

Eita te taata e oto ia ˈna, a na ô ai:

“Auê, to ˈu fatu! Auê, to ˈu arii!”

21 Ua paraparau vau ia oe a ora ˈi oe ma te taiâ ore.

Ua parau râ oe: ‘Eita vau e faaroo.’+

I reira oe e haama ˈi e e faahaamahia ˈi no to oe mau ati atoa.

24 “‘Te horeo nei au i to ˈu nei ora,’ te parau ra Iehova, ‘noa ˈtu o oe Konia*+ te tamaiti a Iehoiakima,+ te arii o Iuda, te tapea rima titiro i nia iho i to ˈu rima atau, e tatara mau â vau ia oe mai reira mai! 25 E tuu vau ia oe i te rima o te feia e imi ra i te rave i to oe ora, i te rima o te feia ta oe e mǎtaˈu, i te rima o Nebukanesa te arii o Babulonia, e i te rima o te mau Kaladaio.+ 26 E e huri au ia oe e to oe metua vahine tei fanau ia oe i te tahi atu fenua aita outou i fanauhia i reira, e i reira outou e pohe ai. 27 E eita roa ratou e hoˈi faahou i te fenua ta ratou* e mihi ra.+

29 E to te fenua e, to te fenua e, to te fenua e, a faaroo i te parau a Iehova.

30 Teie ta Iehova e parau ra:

23 “Ua ati te mau tiai e haamou ra e e haapurara ra i te mau mamoe ta ˈu e aratai ra!,” te parau ra Iehova.+

2 No reira, teie ta Iehova te Atua o Iseraela e parau ra no te mau tiai e aratai ra i to ˈu nunaa: “Ua haapurara outou i ta ˈu mau mamoe. Te haapurara noa nei outou ia ratou, e aita outou i haapao ia ratou.”+

“No reira, e haapao vau ia outou no ta outou mau ohipa ino,” te parau ra Iehova.

3 “I reira vau e haaputuputu ai i te toea o ta ˈu mau mamoe mai te mau fenua atoa i haapurara ˈi au ia ratou,+ a faahoˈi mai ai ia ratou i te vahi e amu ai ratou i te aihere,+ e e tamariihia ratou a rahi atu ai.+ 4 E e faatoroa vau i nia ia ratou i te tahi mau tiai o te tiai mau â ia ratou.+ Eita ratou e mǎtaˈu aore ra e riaria faahou, e eita hoê e moˈe,” te parau ra Iehova.

5 “Inaha,” te parau ra Iehova, “te tae mai ra te mau mahana e faatoroa ˈi au no Davida i te hoê ohi* parau-tia.+ E e faatere te hoê arii,+ e faaite oia i te haroˈaroˈa e e turu oia i te mea afaro e te parau-tia i teie fenua.+ 6 I to ˈna mau mahana, e faaorahia Iuda+ e e parahi o Iseraela ma te taiâ ore.+ E teie te iˈoa ia piihia oia: O Iehova to tatou parau-tia.”+

7 “Tera râ,” te parau ra Iehova, “te tae mai ra te mau mahana e ore ai ratou e parau faahou: ‘Te horeo nei matou i te ora o Iehova, o tei aratai i te nunaa o Iseraela i rapae i te fenua o Aiphiti!’+ 8 E parau râ ratou: ‘Te horeo nei matou i te ora o Iehova, o tei aratai e tei faahoˈi mai i te huaai o te nunaa o Iseraela mai te fenua i apatoerau mai e mai te mau fenua atoa i haapurara ˈi oia ia ratou,’ e e parahi ratou i to ratou iho fenua.”+

9 E parau vau i te mau peropheta:

Te mauiui ra to ˈu aau.

Te rûrû ra to ˈu mau ivi atoa.

Mea ino to ratou haerea, e te faaohipa ra ratou i to ratou mana ma te tano ore.

11 “O te peropheta e te tahuˈa atoa tei viivii.*+

Tae roa i roto i to ˈu iho fare, ua ite mai au i to ratou ino,”+ te parau ra Iehova.

13 “E e ohipa hairiiri ta ˈu i ite i ǒ te mau peropheta o Samaria.+

14 E e ohipa riaria ta ˈu i ite i ǒ te mau peropheta o Ierusalema.

15 Teie ïa ta Iehova o te mau nuu* e parau ra no te mau peropheta:

No te mau peropheta o Ierusalema hoi i parare ai te ohipa taiva na teie fenua taatoa.”

16 Teie ta Iehova o te mau nuu e parau ra:

“Eiaha e faaroo i te mau parau a te mau peropheta e tohu ra ia outou.+

Te haavarevare nei ratou ia outou.*

O vai tei haapao i ta ˈna parau no te faaroo i te reira?

I te mau mahana hopea e taa maitai ai ia outou te reira.

21 Aita vau i tono i te mau peropheta, ua horo râ ratou.

Aita vau i paraparau ia ratou, ua tohu râ ratou.+

23 “E Atua anei au i te taime noa tei pihai iho noa mai au,” te parau ra Iehova, “e ere anei e Atua atoa vau i te taime tei te atea ê au?”

24 “E nehenehe anei te tahi taata e tapuni i te hoê vahi moˈe eita ta ˈu e nehenehe e ite ia ˈna?”+ te parau ra Iehova.

“Aita anei au e faaî ra i te raˈi e te fenua?”+ te parau ra Iehova.

25 “Ua faaroo vau i te mau peropheta e tohu nei i te haavare i to ˈu iˈoa: ‘Ua moemoeâhia vau! Ua moemoeâhia vau!’+ 26 Ehia â maororaa e vai noa ˈi te manaˈo i roto i te aau o te mau peropheta e tohu i te haavare? E peropheta ratou no te haavarevare o to ratou iho aau.+ 27 Ta ratou opuaraa, ia moˈe i to ˈu nunaa to ˈu iˈoa na roto i te mau moemoeâ ta ratou e faatia ra te tahi i te tahi, mai to ratou mau tupuna ua moˈe ia ratou to ˈu iˈoa no Baala.+ 28 Ia faatia te peropheta tei moemoeâhia i ta ˈna moemoeâ! Area te taata tei ia ˈna ra ta ˈu parau, ia faaite ïa i te reira ma te parau mau.”

“Eaha te tuatiraa o te huˈahuˈa sitona e te huero sitona?” te parau ra Iehova.

29 “E ere anei mai te auahi iho â ta ˈu parau,”+ te parau ra Iehova, “e mai te hamara tupai auri o te tuparari i te mato?”+

30 “No reira, teie au e faautua nei i te mau peropheta,” te parau ra Iehova, “o te eiâ ra i ta ˈu mau parau te tahi i te tahi.”+

31 “Teie au e faautua nei i te mau peropheta,” te parau ra Iehova, “tera e faaohipa ra i to ratou arero no te parau: ‘Te parau ra oia!’”+

32 “Teie au e faautua nei i te mau peropheta o te mau moemoeâ haavare,” te parau ra Iehova, “o te faatia ra i te reira e o te faahahi ê ra i to ˈu nunaa i ta ratou mau haavare e to ratou faateiteiraa ia ratou.”+

“Aita hoi au i tono aore ra i faaue ia ratou. Aita roa ˈtu ïa e ohipa maitai ta ratou e horoa na teie nunaa,”+ te parau ra Iehova.

33 “E ia ui mai teie nunaa, te tahi peropheta aore ra tahuˈa ia oe: ‘Eaha te hopoia teimaha* a Iehova?,’ e pahono ïa oe ia ratou: ‘“O outou te nunaa te hopoia teimaha! E e faarue vau ia outou,”+ te parau ra Iehova.’ 34 E te peropheta, te tahuˈa aore ra te tahi atu taata o te parau: ‘Teie te hopoia* teimaha a Iehova!,’ e haapao ïa vau i taua taata ra e to ˈna utuafare. 35 Teie ta outou tataitahi e parau ra i to outou taata tupu e to outou taeae: ‘Eaha ta Iehova i pahono? E eaha ta Iehova i parau?’ 36 Eiaha râ outou e faahiti faahou i te hopoia* teimaha a Iehova, inaha te hopoia* teimaha, o ta outou iho ïa parau, e ua taui outou i te mau parau a te Atua ora, o Iehova o te mau nuu, to tatou Atua.

37 “Teie ta oe e parau i te peropheta: ‘Eaha ta Iehova i pahono ia oe? E eaha ta Iehova i parau? 38 Mai te peu e faahiti noa oe i te hopoia* teimaha a Iehova, teie ïa ta Iehova e parau ra: “No te mea te parau ra oe: ‘O teie parau te hopoia* teimaha a Iehova,’ e ua opani hoi au ia oe ia parau: “Te hopoia* teimaha a Iehova!,”’ 39 inaha e amo vau ia oe a taora ê atu ai ia oe mai mua i to ˈu aro, oe e te oire ta ˈu i horoa no oe e to oe mau tupuna. 40 E e faatae mai au i nia ia oe i te haama mure ore e te faahaamaraa mure ore, o te ore e moˈehia.”’”+

24 Faaite maira ïa Iehova ia ˈu e piti farii suke tei tuuhia i mua i te hiero o Iehova. Ua hopoi ê na Nebukanesa te arii o Babulonia ia Iekonia*+ te tamaiti a Iehoiakima,+ te arii o Iuda, e te huiarii o Iuda, te feia rimaî e te feia tupai auri.* Ua hopoi oia ia ratou mai Ierusalema mai i Babulonia.+ 2 E suke maitai roa to roto hoê farii, e au i te suke tei hotu na mua ˈˈe i te tau auhune. I roto râ i te tahi atu farii, e suke ino roa ïa eita e nehenehe e amu.

3 Ui maira Iehova ia ˈu: “Eaha ta oe e ite ra, e Ieremia?” Pahono atura ïa vau: “E suke. Mea maitai roa te mau suke maitai, area te mau suke ino, mea ino roa ïa eita e nehenehe e amu.”+

4 Tae maira ïa te parau a Iehova ia ˈu, e na ô ra: 5 “Teie ta Iehova te Atua o Iseraela e parau ra: ‘Mai teie mau suke maitai, e hiˈo ïa vau ma te farii maitai i to Iuda tei hopoi-ê-hia, ta ˈu i tiahi mai teie vahi i te fenua o te mau Kaladaio. 6 Ei nia iho noa to ˈu mata ia ratou no to ratou maitai, e e faahoˈi mai au ia ratou i teie fenua.+ E patu vau ia ratou e eita vau e vavahi. E tanu vau ia ratou e eita vau e iriti tumu.+ 7 E e horoa vau no ratou i te hoê aau e hinaaro e ite mai ia ˈu, e ite o vau o Iehova.+ E riro ratou ei nunaa no ˈu, e e riro vau ei Atua no ratou,+ e hoˈi mai hoi ratou ia ˈu ma to ratou aau atoa.+

8 “‘No te mau suke ino râ e mea ino roa eita e nehenehe e amu,+ teie ta Iehova e parau ra: “Mai tera ïa ta ˈu huru hiˈoraa ia Zedekia+ te arii o Iuda, i to ˈna huiarii, to Ierusalema e toe ra i teie fenua, e te feia e parahi nei i te fenua o Aiphiti.+ 9 E faariro vau ia ratou ei riariaraa no te mau faatereraa arii atoa o te fenua nei+ no te ati ta ˈu e faatae i nia ia ratou, ei faainoraa,+ ei parau paari, ei faaoooraa e ei ati na te mau vahi atoa e haapurara ˈi au ia ratou.+ 10 E e faatae au i nia ia ratou i te ˈoˈe,+ te oˈe e te maˈi pee,*+ haapao mou roa ratou i teie fenua ta ˈu i horoa no ratou e to ratou mau tupuna.”’”

25 Tae maira te parau a te Atua ia Ieremia no nia i te nunaa taatoa o Iuda i te maha o te matahiti faatereraa a Iehoiakima+ te tamaiti a Iosia, te arii o Iuda, i te matahiti matamua o te faatereraa a te arii Nebukanesa no Babulonia. 2 Teie ta Ieremia te peropheta i parau no nia i* te nunaa taatoa o Iuda e te taata atoa e parahi ra i Ierusalema:

3 “Mai te 13 o te matahiti faatereraa a Iosia+ te tamaiti a Amôna, te arii o Iuda, tae roa mai i teie mahana, a 23 ïa matahiti, ua tae mai te parau a Iehova ia ˈu, e ua paraparau noa â vau ia outou,* aita râ outou i faaroo.+ 4 E ua tono Iehova i ta ˈna mau tavini atoa te mau peropheta ia outou, e ua tono noa â ia ratou,* aita râ outou i faaroo aore ra i fariu mai i to outou tariˈa no te faaroo.+ 5 Ua parau ratou: ‘A fariu ê mai na outou tataitahi i to outou haerea ino e ta outou mau ohipa ino.+ E nehenehe ïa outou e parahi maoro i te fenua ta Iehova i horoa mea maoro aˈenei no outou e no to outou mau tupuna. 6 Eiaha e pee i te tahi atu mau atua, e tavini e e piˈo i mua ia ratou, a inoino atu ai au i te ohipa a to outou rima, aˈunei au e faatae ai i te ati i nia ia outou.’

7 “‘Aita râ outou i faaroo ia ˈu,’ te parau ra Iehova. ‘Ua faainoino râ outou ia ˈu i te ohipa a to outou rima, a roohia ˈtu ai outou i te ati.’+

8 “No reira, teie ta Iehova o te mau nuu* e parau ra: ‘“No te mea aita outou i faaroo i ta ˈu mau parau, 9 te titau nei au i te mau nunaa atoa no apatoerau,”+ te parau ra Iehova, “te titau nei au i te arii Nebukanesa no Babulonia, ta ˈu tavini,+ e e tono vau ia ratou e aro i teie fenua+ e te feia e parahi ra i reira e teie mau nunaa atoa ati aˈe.+ E faataa vau ia ratou no te haamouraa e e faariro vau ia ratou ei riariaraa, ei hioraa faaooo, e ei vahi ano e a muri noa ˈtu. 10 E faaore au mai reira mai i te tutuô o te popou e o te oaoa,+ te reo o te tane faaipoipo-apî-hia e te reo o te vahine faaipoipo-apî-hia,+ te maniania o te taviri huero maa e te maramarama o te mori. 11 E e riro teie fenua taatoa ei vahi ano e ei riariaraa, e ia tavini teie mau nunaa i te arii o Babulonia e 70 matahiti.”’+

12 “‘Ua hope anaˈe râ e 70 matahiti,+ e faautua vau i te arii o Babulonia e to ˈna nunaa no ta ratou hape,’+ te parau ra Iehova, ‘e e faariro vau i te fenua o te mau Kaladaio ei vahi ano e a muri noa ˈtu.+ 13 E faatae au i nia i tera fenua i te mau parau atoa ta ˈu i parau no nia i te reira, pauroa tei papaihia i roto i teie buka ta Ieremia i tohu no nia i te mau nunaa atoa. 14 E rave rahi hoi nunaa e arii puai+ te faariro ia ratou ei tîtî no ratou,+ e e faahoˈi au i ta ratou ia au i ta ratou mau ohipa e ta to ratou rima i hamani.’”+

15 Teie hoi ta Iehova te Atua o Iseraela i parau ia ˈu: “A rave atu i teie auˈa uaina o te riri rahi tahoo i to ˈu rima, e a faainu i te reira i te mau nunaa atoa e tono ai au ia oe. 16 E e inu ratou, e peretete e e haa ratou mai te taata maamaa no te ˈoˈe ta ˈu e faatae nei no te tairi ia ratou.”+

17 Rave maira ïa vau i te hapaina i roto i te rima o Iehova e faainu atura vau i te reira i te mau nunaa atoa i tono ai Iehova ia ˈu:+ 18 a haamata ˈi na Ierusalema e te mau oire o Iuda,+ to ˈna mau arii e to ˈna huiarii, no te faariro i te reira ei vahi ano, ei riariaraa, ei hioraa faaooo e ei ati,+ mai i teie nei mahana, 19 o Pharao te arii o Aiphiti i muri iho e ta ˈna mau tavini, to ˈna huiarii e to ˈna nunaa taatoa,+ 20 e pauroa te taata ê e ora ra i to ratou fenua, pauroa te arii o te fenua o Ûza, pauroa te arii o te fenua o te mau Philiseti,+ Asekelona,+ Gaza, Ekerona e te feia e toe ra i Asadoda, 21 Edoma,+ Moabi+ e te ati Amona,+ 22 pauroa te arii o Turia, pauroa te arii o Sidona+ e te mau arii o te motu i nia i te moana, 23 Dedana,+ Têma, Buza e te feia atoa ua tâpûhia te rouru tae roa i te aoao o te upoo,+ 24 pauroa te arii o to Arabia+ e pauroa te arii o te mau nunaa rau e parahi ra i te medebara, 25 pauroa te arii o Zimeri, pauroa te arii o Elama+ e pauroa te arii o Medai,+ 26 pauroa te arii no apatoerau, to pihai iho e to te atea, te tahi i muri iho i te tahi, e pauroa te tahi atu faatereraa arii o te ao nei e vai ra i nia i te fenua, e te arii Seseka*+ te inu i te reira i muri iho.

27 “E e parau oe ia ratou: ‘Teie ta Iehova o te mau nuu, te Atua o Iseraela, e parau ra: “A inu haapao taero, a pihaˈe e a topa ˈtu, a ore atu ai outou e nehenehe e tia mai+ no te ˈoˈe ta ˈu e faatae nei no te tairi ia outou.”’ 28 E ia ore ratou e hinaaro e rave mai i te hapaina i to oe rima no te inu, a parau ia ratou: ‘Teie ta Iehova o te mau nuu e parau ra: “A inu, e faaueraa teie! 29 Inaha hoi, mai te peu e faatae au i te ati i nia i te oire tei mairihia i to ˈu iˈoa+ na mua, e ere ïa no te vaiiho noa ia outou ma te ore e faautuahia.”’+

“‘E faautuahia iho â outou, te titau nei hoi au i te hoê ˈoˈe no te tairi i te mau taata atoa o te fenua nei,’ te parau ra Iehova o te mau nuu.

E uuru uˈana oia i nia i to ˈna faaearaa.

Na ˈna e haava i te mau taata atoa.+

E e tuu oia i te taata ino i te ˈoˈe,’ te parau ra Iehova.

32 Teie ta Iehova o te mau nuu e parau ra:

33 “‘E te feia tei pohe ia Iehova i tera mahana, mai te hoê pae ïa haere roa i te tahi atu pae o te fenua. Eita ratou e otohia, eita atoa e haaputuputuhia e e hunahia. E riro ratou mai te pera i nia i te fenua.’

34 A auê, outou te mau tiai, e a tuô!

26 I te haamataraa te faatereraa a Iehoiakima+ te tamaiti a Iosia, te arii o Iuda, tae maira teie parau a Iehova: 2 “Teie ta Iehova e parau ra: ‘A tia i roto i te aua o te fare o Iehova e a faaite i te parau o* te mau taata atoa o te mau oire o Iuda o te haere mai ra e haamori* i te fare o Iehova. A faaite ia ratou i te mau parau atoa ta ˈu e faaue ra ia oe e parau, eiaha hoê parau ia tatarahia. 3 Peneiaˈe e faaroo mai ratou e e fariu ê ratou tataitahi i to ratou haerea ino, e e taui au i to ˈu manaˈo no nia* i te ati ta ˈu e opua e faatae i nia ia ratou no ta ratou mau ohipa ino.+ 4 A parau ia ratou: “Teie ta Iehova e parau ra: ‘Ia ore outou ia faaroo ia ˈu a pee ai i ta ˈu ture* ta ˈu i tuu i mua ia outou, 5 a faaroo ai i te mau parau a ta ˈu mau tavini te mau peropheta, ta ˈu e tono noa nei â ia outou,* ta outou i ore i faaroo atu,+ 6 e faariro ïa vau i teie fare mai ia Silo,+ e e faariro vau i teie oire ei faainoraa na te mau nunaa atoa o te fenua nei.’”’”+

7 E faaroo aˈera te mau tahuˈa e te mau peropheta e te nunaa taatoa ia Ieremia i te faaiteraa i teie mau parau i roto i te hiero* o Iehova.+ 8 E i te otiraa ia Ieremia i te faaite i te mau parau atoa ta Iehova i faaue ia ˈna e parau i te nunaa taatoa, haru maira ïa te mau tahuˈa e te mau peropheta e te nunaa taatoa ia ˈna e parau maira: “E pohe mau â oe. 9 Eaha oe i tohu ai i te iˈoa o Iehova, a na ô ai: ‘E riro teie fare mai ia Silo, e e haamouhia teie oire e e faaruehia aita hoê taata i roto’?” E putuputu aˈera te nunaa ati aˈe ia Ieremia i roto i te hiero* o Iehova.

10 I te faarooraa te huiarii o Iuda i teie mau parau, faarue atura ratou i te aorai* o te arii e pauma aˈera i te hiero* o Iehova e parahi ihora i te tomoraa o te uputa apî o te hiero o Iehova.+ 11 Parau atura te mau tahuˈa e te mau peropheta i te huiarii e te nunaa taatoa: “E tano ia haapohehia teie taata,+ no te mea ua tohu oia i te ati no teie oire mai ta to outou iho tariˈa i faaroo.”+

12 Parau ihora Ieremia i te huiarii taatoa e te nunaa taatoa: “Na Iehova i tono ia ˈu e tohu i te mau parau atoa ta outou i faaroo+ no teie fare e no teie oire. 13 No reira i teie nei, a faatitiaifaro i to outou haerea e ta outou mau ohipa e a faaroo i te reo o Iehova to outou Atua, e e taui Iehova i to ˈna manaˈo no nia* i te ati ta ˈna i parau e faatae i nia ia outou.+ 14 O vau râ, tei roto ïa i to outou rima. A rave ia ˈu mai ta outou e manaˈo ra mea maitai e mea tia i ta outou hiˈoraa. 15 Ia papu râ ia outou e ia haapohe noa ˈtu outou ia ˈu, ei nia ia outou, teie oire e te feia e parahi ra i reira te toto hara ore, ua tono mau â hoi Iehova ia ˈu e faaite i teie mau parau atoa ia outou.”

16 Parau aˈera te huiarii e te nunaa taatoa i te mau tahuˈa e te mau peropheta: “Eita e tano ia haapohehia teie taata, ua paraparau hoi oia ia tatou i te iˈoa o Iehova to tatou Atua.”

17 Hau atu â, tia aˈera vetahi o te mau matahiapo o te fenua e paraparau aˈera i te amuiraa taatoa o te nunaa: 18 “I te mau mahana o Hezekia+ te arii o Iuda, ua tohu Mika+ no Moreseta, e ua parau oia i te nunaa taatoa o Iuda: ‘Teie ta Iehova o te mau nuu* e parau ra:

19 “Ua haapohe anei Hezekia te arii o Iuda e pauroa to Iuda ia ˈna? Aita anei oia i mǎtaˈu ia Iehova e i taparu ia Iehova ia hamani maitai ia ˈna,* ia taui Iehova i to ˈna manaˈo no nia* i te ati ta ˈna i parau e faatae i nia ia ratou?+ Te hopoi mai ra hoi tatou i te hoê ati rahi i nia ia tatou.

20 “E e taata ê atu â tei tohu i te iˈoa o Iehova, o Urîa te tamaiti a Semaia no Kiriata-iearima,+ tei tohu i te ati no teie oire e no teie fenua ma te mau parau mai ta Ieremia. 21 Faaroo aˈera te arii+ e to ˈna mau taata puai atoa e pauroa te huiarii i ta ˈna mau parau, e imi ihora te arii i te haapohe ia ˈna.+ I te faarooraa Urîa i te reira, mǎtaˈu ihora oia, e horo ê atura oia i Aiphiti. 22 Tono atura te arii Iehoiakima ia Elenatana+ te tamaiti a Akabora e te tahi atu mau taata na muri ia ˈna i Aiphiti. 23 Hopoi maira ratou ia Urîa mai Aiphiti mai e tuu atura ia ˈna i te arii Iehoiakima ra, tei tairi ia ˈna i te ˈoˈe+ a taora ˈtu ai i to ˈna tino pohe i roto i te menema o te mau taata rii.”

24 Ua turu râ Ahikama+ te tamaiti a Saphana+ ia Ieremia, aita ˈtura ïa oia i tuuhia i te nunaa ia haapohehia oia.+

27 I te omuaraa o te faatereraa a Iehoiakima te tamaiti a Iosia, te arii o Iuda, tae maira teie parau a Iehova ia Ieremia: 2 “Teie ta Iehova i parau ia ˈu: ‘A hamani i te taura e te raau zugo, e a tuu i te reira i nia i to aˈî. 3 I muri iho, a hopoi i te reira i te arii o Edoma,+ te arii o Moabi,+ te arii o te ati Amona,+ te arii o Turia+ e te arii o Sidona+ na roto i te mau vea tei haere mai i Ierusalema ia Zedekia ra te arii o Iuda. 4 A parau ia ratou ia horoa i teie faaueraa i to ratou mau arii:

“‘“Teie ta Iehova o te mau nuu,* te Atua o Iseraela, e parau ra, teie ta outou e parau i to outou mau arii: 5 ‘Na ˈu i hamani i te fenua, te huitaata e te mau animara e vai ra i nia i te fenua i to ˈu puai rahi e to ˈu rima faatorohia, e ua horoa vau i te reira i te taata atoa ta ˈu i hinaaro.*+ 6 E i teie nei, ua tuu vau i tera mau fenua atoa i te rima o ta ˈu tavini o Nebukanesa+ te arii o Babulonia. Tae noa ˈtu te mau animara oviri o te fenua ta ˈu i horoa ˈtu no te tavini ia ˈna. 7 Pauroa te nunaa te tavini ia ˈna, ta ˈna tamaiti e ta ˈna mootua tae roa i te taime e hiˈa ˈi to ˈna iho nunaa,+ i te taime e faariro ai e rave rahi nunaa e arii rahi ia ˈna ei tîtî no ratou.’+

8 “‘“‘Ia ore te tahi nunaa aore ra faatereraa arii e hinaaro e tavini ia Nebukanesa te arii o Babulonia e e tuu i to ratou aˈî i raro aˈe i te zugo a te arii o Babulonia, e faautua vau i taua nunaa ra i te ˈoˈe,+ te oˈe e te maˈi pee,’* te parau ra Iehova, ‘haapao mou roa ratou ia ˈu i te rima o Nebukanesa.’

9 “‘“‘No reira, eiaha e faaroo i ta outou mau peropheta, taata peu hiˈohiˈo, taata moemoeâ, taata peu manamana e tahutahu, o te parau nei ia outou: “Eita outou e tavini i te arii o Babulonia.” 10 E haavare hoi ta ratou e tohu nei ia outou, ia hopoi-ê-roa-hia outou i to outou fenua, ia haapurara vau ia outou e ia mou outou.

11 “‘“‘Te nunaa râ o te tuu i to ratou aˈî i raro aˈe i te zugo a te arii o Babulonia a tavini atu ai ia ˈna, e vaiiho ïa vau ia ratou ia faaea noa* i to ratou fenua,’ te parau ra Iehova, ‘no te faaapu i te reira e no te parahi i reira.’”’”

12 Tera atoa ta ˈu i parau ia Zedekia+ te arii o Iuda, a na ô ai: “A tuu i to outou aˈî i raro aˈe i te zugo a te arii o Babulonia e a tavini ia ˈna e to ˈna nunaa, e ora noa ïa outou.+ 13 Eaha hoi oe e to oe nunaa e pohe ai i te ˈoˈe,+ te oˈe+ e te maˈi pee,+ mai ta Iehova i parau no te nunaa o te ore e tavini i te arii o Babulonia? 14 Eiaha e faaroo i te mau parau a te mau peropheta o te parau nei ia outou: ‘Eita outou e tavini i te arii o Babulonia,’+ no te mea e haavare ta ratou e tohu nei ia outou.+

15 “‘Aita hoi au i tono ia ratou,’ te parau ra Iehova, ‘e haavare râ ta ratou e tohu nei i to ˈu iˈoa, ia haapurara hoi au ia outou, a mou atu ai outou, outou e te mau peropheta e tohu nei ia outou.’”+

16 E ua parau vau i te mau tahuˈa e i teie nunaa taatoa: “Teie ta Iehova e parau ra: ‘Eiaha e faaroo i te mau parau a ta outou mau peropheta o te tohu nei ia outou: “Inaha, fatata roa te mau taihaa o te fare o Iehova i te faahoˈihia mai Babulonia mai!”+ E haavare hoi ta ratou e tohu nei ia outou.+ 17 Eiaha e faaroo ia ratou. A tavini i te arii o Babulonia, e ora noa ïa outou.+ Eaha hoi teie oire e riro ai ei vahi ano? 18 Mai te peu râ e peropheta iho â ratou e mai te peu tei ia ratou ra te parau a Iehova, ia taparu na ïa ratou ia Iehova o te mau nuu ia ore te mau taihaa e toe ra i roto i te fare o Iehova, i roto i te aorai* o te arii o Iuda e i Ierusalema ia hopoihia i Babulonia.’

19 “Teie hoi ta Iehova o te mau nuu e parau ra no nia i te mau pou,+ te Miti,*+ te mau pereoo*+ e te mau taihaa e toe ra tei vaiihohia i roto i teie oire, 20 ta Nebukanesa te arii o Babulonia i ore i rave i to ˈna hopoi-ê-raa ia Iekonia te tamaiti a Iehoiakima, te arii o Iuda, mai Ierusalema i Babulonia, oia atoa pauroa te huimana o Iuda e o Ierusalema,+ 21 oia mau, teie ta Iehova o te mau nuu, te Atua o Iseraela, e parau ra no nia i te mau taihaa tei vaiihohia i roto i te fare o Iehova, i roto i te aorai* o te arii o Iuda e i Ierusalema: 22 ‘“I Babulonia te reira e hopoihia ˈi,+ a vai atu ai i reira tae roa i te mahana e haapao atu ai au,” te parau ra Iehova. “I reira vau e rave mai ai e e faahoˈi mai ai i te reira i teie vahi.”’”+

28 I taua noa matahiti ra, i te omuaraa o te faatereraa a Zedekia+ te arii o Iuda, i te maha o te matahiti, i te pae o te avaˈe, parau maira te peropheta Hanania te tamaiti a Azura no Gibeona+ ia ˈu i roto i te fare o Iehova i mua i te mau tahuˈa e te mau taata atoa: 2 “Teie ta Iehova o te mau nuu,* te Atua o Iseraela, e parau ra: ‘E ofati au i te zugo a te arii o Babulonia.+ 3 I roto e piti matahiti, e faahoˈi mai au i teie vahi pauroa te taihaa o te fare o Iehova ta Nebukanesa te arii o Babulonia i rave i teie vahi a hopoi atu ai i Babulonia.’”+ 4 “‘E e faahoˈi mai au i teie vahi ia Iekonia+ te tamaiti a Iehoiakima,+ te arii o Iuda, e pauroa to Iuda tei hopoi-ê-hia i Babulonia,’+ te parau ra Iehova, ‘e ofati hoi au i te zugo a te arii o Babulonia.’”

5 Paraparau atura Ieremia te peropheta ia Hanania te peropheta i mua i te mau tahuˈa e te mau taata atoa e tia ra i roto i te fare o Iehova. 6 Parau ihora Ieremia te peropheta: “Amene!* Ia na reira Iehova! Ia faatupu Iehova i ta oe mau parau i tohu, a faahoˈi mai ai mai Babulonia mai i teie vahi i te mau taihaa o te fare o Iehova e te feia atoa tei hopoi-ê-hia! 7 A faaroo na râ i teie poroi ta ˈu e faaite ia oe e i te nunaa taatoa. 8 Mea maoro aˈenei, i tohu na te mau peropheta na mua ˈˈe ia ˈu e na mua ˈˈe ia oe no nia e rave rahi fenua e faatereraa arii puai, e tupu te tamaˈi, te ati e te maˈi pee.* 9 Ia tohu te tahi peropheta i te hau e ia tupu te parau a taua peropheta ra, i reira e itehia ˈi e mea tonohia mau â taua peropheta ra e Iehova.”

10 Rave ihora Hanania te peropheta i te raau zugo mai nia mai i te aˈî o te peropheta Ieremia e ofati ihora.+ 11 E parau atura Hanania i mua i te taata atoa: “Teie ta Iehova e parau ra: ‘Mai teie au ia ofati i te zugo ta Nebukanesa te arii o Babulonia i tuu i nia i te aˈî o te mau nunaa atoa i roto e piti matahiti.’”+ E reva ˈtura Ieremia te peropheta.

12 I muri iho i to Hanania te peropheta ofatiraa i te raau zugo mai nia mai i te aˈî o Ieremia te peropheta, tae maira teie poroi a Iehova ia Ieremia: 13 “A haere a parau ia Hanania: ‘Teie ta Iehova e parau ra: “E zugo raau ta oe i ofati,+ ei mono râ, e zugo auri ta oe e hamani.” 14 Teie hoi ta Iehova o te mau nuu, te Atua o Iseraela, e parau ra: “E zugo auri ta ˈu e tuu i nia i te aˈî o teie mau nunaa atoa ia tavini ratou ia Nebukanesa te arii o Babulonia, e ia tavini iho â ratou ia ˈna.+ Tae noa ˈtu te mau animara oviri o te fenua ta ˈu e horoa ˈtu ia ˈna.”’”+

15 Parau atura Ieremia te peropheta ia Hanania+ te peropheta: “A faaroo na e Hanania! Aita Iehova i tono ia oe, ua turai râ oe i teie nunaa ia tiaturi i te haavare.+ 16 Teie ïa ta Iehova e parau ra: ‘Inaha, e faaore au ia oe mai nia i te fenua. E pohe oe i teie matahiti, ua turai hoi oe i te taata ia orure hau ia Iehova.’”+

17 Pohe atura Hanania te peropheta i taua matahiti ra, i te hitu o te avaˈe.

29 Teie te mau parau o te rata ta Ieremia te peropheta i hapono mai Ierusalema mai i te mau matahiapo i rotopu i te feia tei hopoi-ê-hia, te mau tahuˈa, te mau peropheta e te nunaa taatoa, ta Nebukanesa i hopoi ê mai Ierusalema i Babulonia, 2 i muri aˈe i to te arii Iekonia,+ te metua vahine o te arii,+ te mau tia mana, te huiarii o Iuda e o Ierusalema, te feia rimaî e te feia tupai auri* faarueraa mai ia Ierusalema.+ 3 Ua hapono oia i te rata i te rima o Elasa te tamaiti a Saphana+ e o Gemaria te tamaiti a Hilikia, ta Zedekia+ te arii o Iuda i tono i Babulonia ia Nebukanesa ra te arii o Babulonia. Te na ô ra tera rata:

4 “Teie ta Iehova o te mau nuu,* te Atua o Iseraela, e parau ra i te feia atoa tei hopoi-ê-hia, ta ˈu i hopoi ê mai Ierusalema i Babulonia: 5 ‘A hamani i te fare e a parahi i roto. A tanu i te mau tumu raau maa hotu e a amu i to ratou maa hotu. 6 A rave i te vahine faaipoipo na outou e ei tamaiti e ei tamahine ta outou. A rave i te vahine faaipoipo na ta outou mau tamaiti e a faaipoipo i ta outou mau tamahine, ia fanau atoa mai ratou i te tamaiti e te tamahine. Ia rahi outou i reira, e eiaha ia iti mai. 7 E a faatupu i te hau o te oire i hopoi ê ai au ia outou, e a pure ia Iehova no ˈna, inaha i to ˈna hau e hau atoa ˈi outou.+ 8 Teie hoi ta Iehova o te mau nuu, te Atua o Iseraela, e parau ra: “Eiaha outou e vare i ta outou mau peropheta e taata peu hiˈohiˈo i rotopu ia outou,+ e eiaha e faaroo i te mau moemoeâ ta ratou e moemoeâ ra. 9 Inaha ‘e haavare ta ratou e tohu nei ia outou i to ˈu iˈoa. Aita vau i tono ia ratou,’+ te parau ra Iehova.”’”

10 “Teie hoi ta Iehova e parau ra: ‘Ua hope anaˈe e 70 matahiti i Babulonia, e haapao vau ia outou,+ e e faatupu vau i ta ˈu parau fafau a faahoˈi mai ai ia outou i teie vahi.’+

11 “‘Ua ite maitai hoi au i te mau manaˈo ta ˈu e manaˈo ra no outou,’ te parau ra Iehova, ‘e manaˈo hau, e ere i te manaˈo ati,+ no te horoa ˈtu i te tahi oraraa no a muri aˈe e te tahi tiaturiraa.+ 12 E e pii e e pure mai outou ia ˈu, e e faaroo vau ia outou.’+

13 “‘E imi outou ia ˈu e e itehia vau e outou,+ ma to outou aau atoa hoi e imi ai outou ia ˈu.+ 14 E vaiiho vau ia outou ia ite mai ia ˈu,’+ te parau ra Iehova. ‘E haaputuputu vau i to outou mau tîtî e e amui au ia outou pauroa mai roto mai i te mau nunaa e vahi atoa i haapurara ˈi au ia outou,’+ te parau ra Iehova. ‘E e faahoˈi mai au ia outou i te vahi mai reira vau i te hopoi-ê-raa ia outou.’+

15 “Ua parau râ outou: ‘Ua horoa mai Iehova i te peropheta na tatou i Babulonia.’

16 “Teie hoi ta Iehova e parau ra i te arii e parahi ra i nia i te terono o Davida+ e i te feia atoa e faaea ra i roto i teie oire, to outou mau taeae aita i hopoi-ê-hia na muri ia outou: 17 ‘Teie ta Iehova o te mau nuu e parau ra: “Teie au e faatae nei i nia ia ratou i te ˈoˈe, te oˈe e te maˈi pee,*+ e e faariro vau ia ratou mai te suke pê,* mea ino roa eita e nehenehe e amu.”’+

18 “‘E e aˈuaˈu vau ia ratou i te ˈoˈe,+ te oˈe e te maˈi pee, e e faariro vau ia ratou ei riariaraa no te mau faatereraa arii atoa o te fenua nei, ei ati,+ ei maereraa, ei hioraa faaooo,+ e ei faainoraa i rotopu i te mau nunaa atoa e haapurara ˈi au ia ratou,+ 19 no te mea aita ratou i faaroo i ta ˈu mau parau i faatae ia ratou na roto i ta ˈu mau tavini te mau peropheta,’ te parau ra Iehova, ‘a tono noa ˈi au ia ratou.’*+

“‘Aita râ outou i faaroo,’+ te parau ra Iehova.

20 “No reira, a faaroo i te parau a Iehova, outou pauroa tei hopoi-ê-hia, ta ˈu i hopoi mai Ierusalema i Babulonia. 21 Teie ta Iehova o te mau nuu, te Atua o Iseraela, e parau ra no Ahaba te tamaiti a Kolaia e no Zedekia te tamaiti a Maaseia, o te tohu nei i te haavare ia outou i to ˈu iˈoa:+ ‘Teie au e tuu nei ia raua i te rima o Nebukanesa te arii o Babulonia, e e haapohe oia ia raua i mua i to outou mata. 22 E e riro te ati ta raua e faaruru ei parau faainoraa i rotopu i to Iuda atoa tei hopoi-ê-hia i Babulonia, o te na ô: “Ia faariro Iehova ia oe mai ia Zedekia e mai ia Ahaba, ta te arii o Babulonia i tunu paa i te auahi!” 23 E ohipa haama hoi ta raua i rave i Iseraela,+ ua faaturi raua i te mau vahine faaipoipo a to raua mau taata tupu e ua parau i te haavare i to ˈu iˈoa, aita hoi au i faaue i te reira.+

“‘“Ua ite au i ta raua i rave, e ua ite mata vau i te reira,”+ te parau ra Iehova.’”

24 “E e parau oe ia Semaia+ no Nehelama: 25 ‘Teie ta Iehova o te mau nuu, te Atua o Iseraela, e parau ra: “No te mea ua hapono oe i to Ierusalema taatoa, ia Zephania+ te tamaiti a Maaseia, te tahuˈa, e i te mau tahuˈa atoa, i te rata i to oe iˈoa e na ô ra: 26 ‘Ua faatoroa Iehova ia oe ei tahuˈa eiaha râ ia Iehoiada te tahuˈa ei tiaau o te fare o Iehova, e na oe e haapao i te maamaa o te haa mai te hoê peropheta, a haamau ai ia ˈna i roto i te raau tapearaa e te fifi arapoa auri.+ 27 Eaha ïa oe i ore ai i tamaˈi ia Ieremia no Anatota,+ e haa ra mai te hoê peropheta i rotopu ia outou?+ 28 Ua faatae atoa mai oia i te poroi ia matou ra i Babulonia, e na ô ra: “E maoro te reira! A hamani i te fare e a parahi i roto. A tanu i te mau tumu raau maa hotu e a amu i to ratou maa hotu,+ . . . ”’”’”

29 I to Zephania+ te tahuˈa taioraa i tera rata ia Ieremia te peropheta, 30 tae maira te parau a Iehova ia Ieremia e na ô ra: 31 “A hapono i teie poroi i te feia atoa tei hopoi-ê-hia: ‘Teie ta Iehova e parau ra no nia ia Semaia no Nehelama: “No te mea ua tohu Semaia ia outou, aita hoi au i tono ia ˈna, e ua tamata oia i te turai ia outou ia tiaturi i te haavare,+ 32 teie ïa ta Iehova e parau ra: ‘Teie au e haapao nei ia Semaia no Nehelama e to ˈna huaai. Aita hoê o to ˈna huaai e ora ˈtu i rotopu i teie nunaa, e eita oia e ite i te maitai ta ˈu e rave no to ˈu nunaa,’ te parau ra Iehova, ‘ua turai hoi oia i te taata ia orure hau ia Iehova.’”’”

30 Teie te parau a Iehova tei tae mai ia Ieremia: 2 “Teie ta Iehova te Atua o Iseraela e parau ra: ‘A papai i roto i te hoê buka pauroa te parau ta ˈu e faaite ia oe. 3 “A faaroo mai,” te parau ra Iehova. “Te tae mai ra te mau mahana e haaputuputu ai au i te mau tîtî o to ˈu nunaa, o Iseraela e o Iuda,”+ te parau ra Iehova, “e e faahoˈi mai ai au ia ratou i te fenua ta ˈu i horoa no to ratou mau tupuna, e e fatu faahou ratou i te reira.”’”+

4 Tera ta Iehova i parau ia Iseraela e Iuda.

 5 Teie ta Iehova e parau ra:

 6 A uiui na e nehenehe anei te hoê tane e fanau.

Eaha to ratou hohoˈa mata i maheˈaheˈa ˈi?

 7 Auê! E mahana riaria* hoi tera mahana.+

E faaorahia mai râ oia.”

8 “E i taua mahana ra,” te parau ra Iehova o te mau nuu,* “e ofati au i te zugo mai nia mai i to ratou aˈî, e e mutu roa ia ˈu ta ratou mau taura. E eita te taata ěê e faatîtî faahou ia ratou. 9 E tavini ratou ia Iehova to ratou Atua e ia Davida to ratou arii ta ˈu e faatoroa no ratou.”+

11 “Tei pihai iho hoi au ia oe,” te parau ra Iehova, “no te faaora ia oe.

12 Teie hoi ta Iehova e parau ra:

“Aita e rapaauraa no to oe hiˈaraa.+

Eita to oe pepe e ora.

Aita e rapaauraa no to oe maˈi.

14 Ua haamoˈe ta oe mau tane atoa ia oe.+

Eita ratou e imi faahou ia oe.

15 Eaha oe e tuô ai no to oe hiˈaraa?

Eita to oe mauiui e ore!

‘Ziona, tei ore e tâuˈahia.’”+

18 Teie ta Iehova e parau ra:

19 Mai reira mai e faaroohia ˈi te himene haamauruururaa e te ata.+

E haapao vau i te feia atoa e haavî ra ia ratou.+

E haafatata mai au ia ˈna, e e faafatata mai oia ia ˈu.”

“Aita anaˈe, o vai e tae ia ˈna ia* faafatata mai ia ˈu?” te parau ra Iehova.

22 “E e riro outou ei nunaa no ˈu,+ e e riro vau ei Atua no outou.”+

I te mau mahana hopea e taa ˈi ia outou te reira.+

31 “I taua tau ra,” te parau ra Iehova, “e riro vau ei Atua no te mau fetii atoa o Iseraela, e e riro ratou ei nunaa no ˈu.”+

 2 Teie ta Iehova e parau ra:

 3 Mai te atea ê mai to Iehova faraa mai ia ˈu e parauraa:

“Ua here au ia oe i te here mure ore.

No reira vau i faafatata mai ai ia oe ia ˈu nei ma te here taiva ore.*+

 4 E patu faahou â vau ia oe e e patu-faahou-hia oe.+

 6 E tae mai hoi te mahana e tuô ai te feia tiai i nia i te mau mouˈa o Epheraima:

‘A tia mai, e pauma anaˈe i Ziona, ia Iehova ra to tatou Atua.’”+

 7 Teie hoi ta Iehova e parau ra:

“A tuô ma te oaoa no Iakoba.

A umere no te mea to mua ˈˈe outou i te mau nunaa.+

 8 E faahoˈi mai au ia ratou mai te fenua no apatoerau mai.+

E haaputuputu vau ia ratou pauroa mai te mau vahi atea roa ˈˈe o te fenua nei.+

Ei amuiraa rahi e hoˈi mai ai ratou i ǒ nei.+

 9 E tae mai ratou ma te taˈi.+

E aratai au ia ratou a taparuparu mai ai ratou.

E Metua hoi au no Iseraela, e o Epheraima ta ˈu matahiapo.”+

“Tei haapurara ia Iseraela, e haaputuputu ïa ia ratou pauroa.

Na ˈna e haapao ia ratou mai te tahi tiai e haapao i ta ˈna nǎnǎ.+

E taui au i to ratou oto ei oaoaraa.+

E tamahanahana vau ia ratou, a horoa ˈtu ai i te oaoa ia ore ratou e oto faahou.+

15 “Teie ta Iehova e parau ra:

‘E reo tei faaroohia i Rama,+ e oto e te taˈi rahi:

O Rahela te taˈi ra i ta ˈna mau tamarii.*+

16 Teie ta Iehova e parau ra:

‘E hoˈi mai ratou mai te fenua mai o te enemi.’+

17 ‘E te vai ra te tahi tiaturiraa no to oe oraraa no a muri aˈe,’+ te parau ra Iehova.

‘E hoˈi mai ta oe mau tamarii i to ratou iho tuhaa fenua.’”+

20 “E ere anei Epheraima i te hoê tamaiti poiherehia e au, te hoê tamarii here?+

I te mau taime atoa hoi e tamaˈi ai au ia ˈna, e haamanaˈo noa vau ia ˈna.

No reira vau* e horuhoru ai ia ˈna.+

E e aroha mau â vau ia ˈna,” te parau ra Iehova.+

A haapao maitai i te purumu rahi, te purumu ia na reira oe i te haere.+

A hoˈi, e te tamahine apî* a Iseraela, a hoˈi i tera mau oire no oe ra.

22 Ehia â maororaa e feaa ˈi oe, te tamahine taiva?

Ua poiete hoi Iehova i te tahi mea apî i nia i te fenua:

E ru te tahi vahine i te tapapa i te tahi tane.”

23 Teie ta Iehova o te mau nuu,* te Atua o Iseraela, e parau ra: “E parau-faahou-hia teie mau parau i te fenua o Iuda e to ˈna mau oire atoa ia haaputuputu vau i to ratou mau tîtî i reira: ‘Ia haamaitai Iehova ia oe, te nohoraa parau-tia,+ te mouˈa moˈa.’+ 24 E i reira e parahi ai pauroa to Iuda e to to ˈna mau oire atoa, te feia faaapu e te feia o te aratai i te mau nǎnǎ.+ 25 E faaitoito hoi au i tei* rohirohi e e haapuai au i te feia* atoa e paruparu ra.”+

26 I reira iho, ara maira vau e hiˈo haere ihora, e mea au maitai to ˈu taotoraa.

27 “Inaha,” te parau ra Iehova, “te tae mai ra te mau mahana e faarahi ai au i te taata o te nunaa o Iseraela e o te nunaa o Iuda e ta ratou atoa animara.”+

28 “I vai noa na to ˈu mata i nia ia ratou no te iriti tumu, no te huri i raro, no te vavahi, no te haamou e no te tuino,+ e vai noa atoa ïa to ˈu mata i nia ia ratou no te patu e no te tanu,”+ te parau ra Iehova. 29 “I taua mau mahana ra, eita e parau-faahou-hia: “O te mau metua tei amu i te vine pî, o te niho râ o te mau tamarii tei mania.’+ 30 E pohe râ te taata tataitahi no ta ˈna iho hape. Te taata atoa o te amu i te vine pî, to ˈna niho te mania.”

31 “Inaha,” te parau ra Iehova, “te tae mai ra te mau mahana e faaau ai au i te tahi faufaa apî i te nunaa o Iseraela e i te nunaa o Iuda.+ 32 E ere taua faufaa ra mai te faufaa ta ˈu i faaau i to ratou mau tupuna i te mahana i tapea ˈi au i to ratou rima no te aratai mai ia ratou i rapae i te fenua o Aiphiti,+ ‘ta ˈu faufaa ta ratou i ofati,+ noa ˈtu o vau to ratou fatu mau,’* te parau ra Iehova.”

33 “Teie hoi te faufaa ta ˈu e faaau i te nunaa o Iseraela i muri aˈe i taua mau mahana ra,” te parau ra Iehova. “E tuu vau i ta ˈu ture i roto ia ratou,+ e i roto i to ratou aau e papai ai au i te reira.+ E e riro vau ei Atua no ratou, e e riro ratou ei nunaa no ˈu.”+

34 “Eita ratou tataitahi e haapii faahou i to ratou taata tupu e i to ratou taeae, a na ô ai: ‘Ia ite outou o vai Iehova!’+ E ite hoi ratou pauroa o vai au, mai te taata haihai e tae noa ˈtu i te taata tiaraa teitei,”+ te parau ra Iehova. “E faaore hoi au i ta ratou hape, e eita vau e haamanaˈo faahou i ta ratou hara.”+

37 Teie ta Iehova e parau ra: “‘Ahani e nehenehe e faito i te raˈi i nia e e hiˈopoa haere i te mau niu o te fenua i raro, e nehenehe atoa ïa vau e faarue i te huaai taatoa o Iseraela no te mau mea atoa ta ratou i rave,’ te parau ra Iehova.”+

38 “Inaha,” te parau ra Iehova, “te tae mai ra te mau mahana e patu-faahou-hia ˈi te oire+ no Iehova mai te Pare o Hananela+ tae roa i te Uputa i te poro.+ 39 E haere afaro noa te taura faito+ tae roa i te aivi o Gareba, a tioi atu ai i Goa. 40 E te peho taatoa o te mau tino pohe e te rehu* e pauroa te faaapu tae roa i te peho o Kiderona,+ haere atu ai i te poro o te Uputa o te puaahorofenua+ i hitia o te râ, e riro ïa ei mea moˈa no Iehova.+ E ore roa te reira e iriti-tumu-faahou-hia aore ra e vavahi-faahou-hia.”

32 Tae maira te parau a Iehova ia Ieremia i te 10 o te matahiti faatereraa a Zedekia te arii o Iuda, oia hoi i te 18 o te matahiti faatereraa a Nebukanesa.+ 2 I taua tau ra, te haaati ra te mau nuu a te arii o Babulonia ia Ierusalema, e ua tapeahia Ieremia te peropheta i roto i te Aua o te tiai+ i roto i te aorai* o te arii o Iuda. 3 Ua tapea hoi Zedekia te arii o Iuda ia ˈna,+ a na ô ai: “Eaha oe e na reira ˈi i te tohu? Te parau nei oe: ‘Teie ta Iehova e parau ra: “E tuu vau i teie oire i te rima o te arii o Babulonia, e e haru oia i te reira,+ 4 e eita Zedekia te arii o Iuda e ora ˈtu i te mau Kaladaio, no te mea e tuuhia mau â oia i te rima o te arii o Babulonia, e e paraparau oia ia ˈna e aro e aro, e e ite oia ia ˈna e mata e mata.”’+ 5 ‘E hopoi oia ia Zedekia i Babulonia, e i reira oia e faaea ˈi tae roa i te taime e haapao ai au ia ˈna,’ te parau ra Iehova. ‘Noa ˈtu e tamau outou i te aro i te mau Kaladaio, eita outou e upootia.’”+

6 Ua parau Ieremia: “Teie te parau a Iehova tei tae mai ia ˈu: 7 ‘E haere Hanamela te tamaiti a Saluma te taeae o to oe metua tane ia oe e e na ô atu: “A hoo mai no oe i to ˈu tâpû fenua i Anatota,+ no te mea tei ia oe ra na mua roa te tiaraa e hoo mai i te reira.”’”+

8 Haere maira Hanamela te tamaiti a te taeae o to ˈu metua tane ia ˈu, mai ta Iehova iho â i parau, i roto i te Aua o te tiai, e parau maira: “A hoo mai na i to ˈu tâpû fenua i Anatota, i te fenua o Beniamina, tei ia oe ra hoi te tiaraa e fatu e e hoo mai i te reira. A hoo mai i te reira no oe.” Taa ihora ia ˈu tera iho â ta Iehova i faaoti.

9 Hoo maira ïa vau i te tâpû fenua i Anatota ia Hanamela te tamaiti a te taeae o to ˈu metua tane. Faito ihora vau no ˈna i te moni,+ e hitu sekela* e hoê ahuru moni ario. 10 Papai atura vau i te hoê parau,+ titiro atura, titau atura i na ite,+ e faito atura i te moni. 11 Rave maira vau i te parau hoo, tei titirohia ia au i te faaueraa e te titauraa o te ture, e te parau hoo aita i titirohia, 12 e horoa ˈtura vau i te parau hoo ia Baruka+ te tamaiti a Neria+ te tamaiti a Mahaseia i mua ia Hanamela te tamaiti a te taeae o to ˈu metua tane, i mua i na ite tei papai i nia iho i te parau hoo e pauroa te ati Iuda e parahi ra i roto i te Aua o te tiai.+

13 E faaue atura vau ia Baruka i mua ia ratou, a na ô ai: 14 “Teie ta Iehova o te mau nuu,* te Atua o Iseraela, e parau ra: ‘A rave i teie na parau, teie parau hoo tei titirohia e te tahi atu parau aita i titirohia, e a tuu i te reira i roto i te hoê farii araea, ia vai maoro te reira.’ 15 Teie hoi ta Iehova o te mau nuu, te Atua o Iseraela, e parau ra: ‘E hoo-faahou-hia mai te fare, te tâpû fenua e te faaapu vine i teie fenua.’”+

16 Horoa ˈtura vau i te parau hoo ia Baruka te tamaiti a Neria e pure ihora vau ia Iehova, a na ô ai: 17 “Auê, e te Arii hau ê e Fatu ra o Iehova! Inaha, na oe i hamani i te raˈi e te fenua i to oe mana rahi+ e i to oe rima faatorohia. Aita e mea faahiahia roa ˈˈe no oe, 18 Tei faaite i te here taiva ore i te taata e rave rahi tausani, o te vaiiho râ i te mau tamarii ia amo i te utua a te hara a to ratou mau metua,+ te Atua mau, Tei rahi e te puai, o Iehova o te mau nuu to ˈna iˈoa. 19 Mea faahiahia ta oe aˈoraa* e mea puai ta oe mau ohipa,+ e hiˈopoa to oe mata i te mau haerea atoa o te taata,+ no te horoa i te taata tataitahi ia au i to ˈna haerea e ia au i ta ˈna e rave.+ 20 Ua faatupu oe i te tapao e te semeio i te fenua o Aiphiti, o te haamanaˈohia ra tae roa mai i teie mahana, e mai tera ïa to oe roo i tui ai i Iseraela e i rotopu i te huitaata,+ mai i teie nei mahana. 21 E ua aratai oe i to oe nunaa o Iseraela i rapae i te fenua o Aiphiti, ma te tapao, ma te semeio, ma te rima puai, ma te rima faatorohia e ma te ohipa riaria mau.+

22 “I muri iho, ua horoa oe no ratou i teie fenua ta oe i horeo e horoa no to ratou mau tupuna,+ e fenua e tahe noa te û e te meri.+ 23 E ua tomo ratou i tera fenua e ua fatu i te reira, aita râ ratou i faaroo i to oe reo aore ra i haapao i ta oe ture. Aita ratou i rave i te hoê aˈe mea ta oe i faaue ia ratou, i faatae ai oe i teie mau ati atoa i nia ia ratou.+ 24 Inaha, ua haere mai te taata e hamani i te eˈa paumaraa ati aˈe te oire no te haru i te reira.+ E no te ˈoˈe,+ te oˈe e te maˈi pee,*+ e topa mau â te oire i roto i te rima o te mau Kaladaio o te aro ra i te reira. Ua tupu pauroa ta oe i parau, mai ta oe e ite nei. 25 Ua parau mai râ oe, e te Arii hau ê e Fatu ra o Iehova: ‘A hoo mai no oe i te tâpû fenua i te moni e a titau i te tahi mau ite,’ noa ˈtu e tuuhia mau â te oire i te rima o te mau Kaladaio.”

26 Pahono atura Iehova ia Ieremia: 27 “O vau o Iehova, te Atua o te huitaata atoa. Te vai ra anei te tahi mea faahiahia roa ˈˈe no ˈu? 28 Teie ïa ta Iehova e parau ra: “E tuu vau i teie oire i te rima o te mau Kaladaio e i te rima o Nebukanesa te arii o Babulonia, e e haru oia i te reira.+ 29 E e tomo mai te mau Kaladaio o te aro i teie oire e e tanina ratou i teie oire e ia paapaa roa te reira+ e te mau fare e pûpû ai te taata i te tusia na Baala i nia iho i te mau tafare, e e ninii ai i te tusia uaina na te tahi atu mau atua no te faainoino ia ˈu.’+

30 “‘Ua rave noa hoi te nunaa o Iseraela e to Iuda i te mea ino i to ˈu aro, mai to ratou apîraa mai â.+ Ua faainoino noa te nunaa o Iseraela ia ˈu i te ohipa a to ratou rima,’ te parau ra Iehova. 31 ‘Ua faatupu noa hoi teie oire i to ˈu riri e to ˈu riri rahi tahoo+ mai te mahana mai â i patuhia ˈi te reira tae roa mai i teie mahana, ia faaorehia ïa te reira mai mua i to ˈu aro,+ 32 no te ino atoa ta te nunaa o Iseraela e to Iuda i rave no te faainoino ia ˈu, ratou, to ratou mau arii,+ to ratou huiarii,+ to ratou mau tahuˈa, ta ratou mau peropheta+ e to Iuda e te feia e parahi ra i Ierusalema. 33 To ratou tua ta ratou i huri noa mai ia ˈu, e ere râ to ratou aro.+ Noa ˈtu ua tamata noa â vau i te haapii ia ratou,* aita hoê o ratou i faaroo no te farii i te aˈo.+ 34 E ua tuu ratou i ta ratou mau idolo faufau i roto i te fare tei mairihia i to ˈu iˈoa no te haaviivii i te reira.+ 35 Hau atu â, ua patu ratou i te mau vahi teitei no Baala i te peho o te Tamaiti a Hinoma,*+ no te tanina i ta ratou mau tamaiti e ta ratou mau tamahine no Moleha,+ e ohipa ta ˈu i ore i faaue ia ratou+ e tei ore i tupu aˈenei i roto i to ˈu aau* e rave i tera huru ohipa hairiiri, a hara ˈtu ai o Iuda.’

36 “No reira, teie ta Iehova te Atua o Iseraela e parau ra no teie oire ta oe e parau ra e tuuhia i te rima o te arii o Babulonia i te ˈoˈe, te oˈe e te maˈi pee: 37 ‘E haaputuputu vau ia ratou pauroa mai te mau fenua atoa i haapurara ˈi au ia ratou i roto i to ˈu riri, to ˈu riri rahi tahoo e to ˈu inoino rahi,+ e e faahoˈi mai au ia ratou i teie vahi e e vaiiho vau ia ratou ia parahi ma te taiâ ore.+ 38 E e riro ratou ei nunaa no ˈu, e e riro vau ei Atua no ratou.+ 39 E e horoa vau no ratou hoê noa aau+ e hoê noa eˈa ia mǎtaˈu noa ratou ia ˈu, no to ratou maitai e no te maitai o ta ratou mau tamarii i muri mai ia ratou.+ 40 E e faaau vau ia ratou i te hoê faufaa mure ore,+ e eita vau e faaea i te hamani maitai ia ratou.+ E e tuu vau i te mǎtaˈu ia ˈu i roto i to ratou aau, ia ore ratou ia fariu ê mai ia ˈu.+ 41 E oaoa roa vau i te hamani maitai ia ratou,+ e e tanu papu vau ia ratou i teie fenua,+ ma to ˈu aau atoa e to ˈu puai* atoa.’”

42 “Teie hoi ta Iehova e parau ra: ‘Mai ta ˈu iho â i faatae i teie ati rahi atoa i nia i teie nunaa, e faatae atoa mai au i nia ia ratou pauroa te maitai* ta ˈu i fafau ia ratou.+ 43 E e hoo-faahou-hia mai te tâpû fenua i teie fenua,+ noa ˈtu te parau nei outou: “E fenua ano aita e taata e aita e animara, e ua tuuhia i te rima o te mau Kaladaio.”’

44 “‘E hoohia mai te tâpû fenua i te moni, e papaihia e e titirohia te mau parau hoo, e e titauhia te mau ite i te fenua o Beniamina,+ i te mau vahi ati aˈe Ierusalema, i te mau oire o Iuda,+ i te mau oire o te tuhaa fenua mouˈa, i te mau oire o te faa+ e i te mau oire no apatoa, no te mea e faahoˈi mai au i to ratou mau tîtî,’+ te parau ra Iehova.”

33 To roto â Ieremia i te Aua tiairaa+ i te tapearaahia, tae maira te parau a Iehova ia Ieremia no te piti o te taime, e na ô ra: 2 “Teie te parau a Iehova Tei poiete i te fenua, o Iehova o tei hamani e tei haamau papu i te reira, o Iehova to ˈna iˈoa: 3 ‘A pii mai ia ˈu, e e pahono atu vau ia oe e e faaite atu iho â vau ia oe i te mau mea faahiahia e te taa ore aita oe i ite.’”+

4 “Teie hoi ta Iehova te Atua o Iseraela e parau ra no nia i te mau fare o teie oire e te mau fare o te mau arii o Iuda o te vavahihia ei paruru i mua i te eˈa paumaraa no te haru i te oire e i mua i te ˈoˈe,+ 5 e no nia i te feia o te haere mai e aro i te mau Kaladaio, a î ai teie mau vahi i te tino pohe o te feia ta ˈu i haapohe i roto i to ˈu riri e to ˈu riri rahi tahoo, te feia ta ˈu i huna i to ˈu aro i teie oire no ta ratou ohipa ino: 6 ‘E afaro mai oia e e oraora maitai faahou mai oia ia ˈu,+ e e faaora vau i to ratou maˈi e e horoa vau no ratou i te hau rahi e te parau mau.+ 7 E faahoˈi mai au i te mau tîtî o Iuda e te mau tîtî o Iseraela,+ e e patu vau ia ratou mai ta ˈu i rave i te omuaraa.+ 8 E tamâ vau ia ratou i ta ratou hapa atoa no ta ratou mau hara ia ˈu,+ e e faaore au i ta ratou hapa atoa no ta ratou mau hara e ta ratou mau hapa ia ˈu.+ 9 E oaoa vau no te roo maitai o teie oire, e e riro oia ei tumu e aruehia ˈi e e faahanahanahia ˈi au e te mau nunaa atoa o te fenua nei o te faaroo i te maitai atoa ta ˈu e rave no ratou.+ E e mǎtaˈu e e rûrû ratou+ no te maitai atoa ta ˈu e rave no ˈna e te hau atoa ta ˈu e horoa ˈtu.’”+

10 “Teie ta Iehova e parau ra: ‘I teie vahi ta outou e parau e vahi ano, aita e taata e aita e animara, i roto i te mau oire o Iuda e na te mau aroâ ano o Ierusalema, aita e ratere, aita e taata e parahi ra i reira e aita e animara, e faaroo-faahou-hia 11 te tutuô o te popou e o te oaoa,+ te reo o te tane faaipoipo-apî-hia, te reo o te vahine faaipoipo-apî-hia, te reo o te feia e parau ra: “A haamauruuru ia Iehova o te mau nuu,* e Atua maitai hoi Iehova.+ E vai â to ˈna here taiva ore e a muri noa ˈtu!”’+

“‘E hopoi mai ratou i te mau tusia haamauruururaa i roto i te fare o Iehova,+ e faahoˈi mai hoi au i to teie fenua tei hopoi-tîtî-hia, a riro atu ai ratou mai i te omuaraa,’ te parau ra Iehova.”

12 “Teie ta Iehova o te mau nuu e parau ra: ‘I teie fenua ano, aita e taata e aita e animara, e i roto i to ˈna mau oire atoa, e ite-faahou-hia te mau vahi aihere e nehenehe ai te mau tiai e vaiiho i ta ratou mau nǎnǎ ia faafaaea.’+

13 “‘I roto i te mau oire o te tuhaa fenua mouˈa, i roto i te mau oire o te faa, i roto i te mau oire no apatoa, i te fenua o Beniamina, i te mau vahi ati aˈe ia Ierusalema,+ e i roto i te mau oire o Iuda,+ e haere faahou te mau nǎnǎ na raro aˈe i te rima o te taata o te taio ia ratou,’ te parau ra Iehova.”

14 “‘Inaha,’ te parau ra Iehova, ‘te tae mai ra te mau mahana e faatupu ai au i te parau fafau oaoa ta ˈu i faahiti no nia i te nunaa o Iseraela e te nunaa o Iuda.+ 15 I taua mau mahana ra e i taua taime ra, e faatupu vau i te tahi ohi* parau-tia no Davida,+ e o te mea afaro e te parau-tia ta ˈna e faatupu i teie fenua.+ 16 I taua mau mahana ra, e faaorahia Iuda+ e e parahi Ierusalema ma te taiâ ore.+ E teie te iˈoa ia piihia oia: O Iehova to tatou parau-tia.’”+

17 “Teie hoi ta Iehova e parau ra: ‘E vai â te huaai o Davida e o te parahi i nia i te terono o Iseraela,+ 18 e ei taata noa iho â to rotopu i te mau tahuˈa ati Levi o te tia mai i mua ia ˈu no te pûpû i te mau tusia taauahi taatoa e te tahi atu mau tusia e no te tutui i te mau tusia huero maa.’”

19 E tae faahou maira te parau a Iehova ia Ieremia e na ô ra: 20 “Teie ta Iehova e parau ra: ‘Te mahana noa ˈtu e nehenehe ai ta outou e faaore i ta ˈu faufaa no nia i te ao e ta ˈu faufaa no nia i te po, ia ore te ao e te po ia tae mai i to raua taime faataahia,+ 21 i reira noa ïa te faufaa ta ˈu i faaau ia Davida ta ˈu tavini e nehenehe ai e faaorehia,+ a ore atu ai e noaa mai ta ˈna tamaiti o te faatere ei arii i nia i to ˈna terono,+ oia atoa ïa te faufaa ta ˈu i faaau i te mau tahuˈa ati Levi, ta ˈu mau tavini.+ 22 Mai te nuu o te raˈi eita e nehenehe e taiohia e te one o te miti eita e nehenehe e faitohia, mai tera atoa ia faarahi au i te huaai o ta ˈu tavini o Davida e te ati Levi e tavini ra ia ˈu.’”

23 E tae faahou maira te parau a Iehova ia Ieremia e na ô ra: 24 “Aita anei oe i tapao i ta teie nunaa e parau ra: ‘E faarue Iehova i na fetii e piti ta ˈna i maiti’? E aita ratou e faatura ra i to ˈu nunaa e aita e hiˈo faahou ra ia ratou mai te hoê nunaa.

25 “Teie ta Iehova e parau ra: ‘Mai ia ˈu iho â i haamau i ta ˈu faufaa no nia i te ao e te po,+ te mau ture* o te raˈi e o te fenua,+ 26 e ore roa atoa ïa vau e faarue i te huaai o Iakoba e o Davida ta ˈu tavini, aita e mea e tapea ia ˈu ia rave i te taata i rotopu i to ˈna huaai no te faatere i te huaai o Aberahama, o Isaaka e o Iakoba. E haaputuputu hoi au i to ratou mau tîtî+ e e aroha vau ia ratou.’”+

34 Te aro ra Nebukanesa te arii o Babulonia, ta ˈna nuu taatoa, te mau faatereraa arii atoa o te fenua nei ta ˈna e faatere ra e te mau nunaa atoa ia Ierusalema e te mau oire atoa ati aˈe,+ i tae mai ai te parau a Iehova ia Ieremia e na ô ra:

2 “Teie ta Iehova te Atua o Iseraela e parau ra: ‘A haere e paraparau ia Zedekia+ te arii o Iuda e a na ô atu: “Teie ta Iehova e parau ra: ‘E tuu vau i teie oire i te rima o te arii o Babulonia, e e tanina oia i te reira.+ 3 Eita oe e ora ˈtu i to ˈna rima, inaha e haru-mau-â-hia oe e e tuuhia ˈtu oe ia ˈna ra.+ E ite oe i te arii o Babulonia e mata e mata, e e paraparau oia ia oe e aro e aro, e e haere oe i Babulonia.’+ 4 A faaroo mai râ i te parau a Iehova, e Zedekia te arii o Iuda: ‘Teie ta Iehova e parau ra no nia ia oe: “Eita oe e pohe i te ˈoˈe. 5 Ma te hau oe e pohe ai,+ e e tutuihia te mea noˈanoˈa i to oe hunaraa mai tei ravehia na no to oe mau metua, te mau arii tei faatere na mua ˈˈe ia oe, e e otohia oe a parauhia ˈi: ‘Auê, e fatu e!’ Inaha, ‘tera ta ˈu i parau,’ te parau ra Iehova.”’”’”

6 Faaite atura ïa Ieremia te peropheta i teie mau parau atoa ia Zedekia te arii o Iuda i Ierusalema, 7 te aro ra ïa te mau nuu a te arii o Babulonia ia Ierusalema e i te mau oire atoa o Iuda e toe ra,+ oia hoi Lakisa+ e Azeka,+ tera anaˈe hoi na oire auahia i te patu o Iuda e toe ra.

8 Tae maira te parau a Iehova ia Ieremia i muri iho i to te arii Zedekia faaauraa i te faufaa i to Ierusalema atoa e faatiamâ i to ratou mau tîtî,+ 9 oia hoi ia faatiamâ te taata tataitahi i to ˈna mau tîtî Hebera, te tane e te vahine, ia ore hoi hoê noa ˈˈe e tapea i to ˈna taata tupu ati Iuda ei tîtî no ˈna. 10 Faaroo aˈera ïa pauroa te huiarii e pauroa te taata i taua parau ra. I fafau na ratou tataitahi na roto i taua faufaa ra e faatiamâ i to ratou mau tîtî tane e tîtî vahine e eiaha e tapea maoro atu â ia ratou ei tîtî. Ua faaroo ratou e ua tuu i te mau tîtî ia haere. 11 I muri aˈe râ, faahoˈi maira ratou i te mau tîtî tane e tîtî vahine ta ratou i faatiamâ, e faariro faahou aˈera ia ratou ei tîtî. 12 Tae maira ïa te parau a Iehova ia Ieremia no ǒ mai ia Iehova ra e na ô ra:

13 “Teie ta Iehova te Atua o Iseraela e parau ra: ‘Ua faaau vau i te tahi faufaa i to outou mau tupuna+ i te mahana i aratai ai au ia ratou i rapae i te fenua o Aiphiti, te fenua o te faatîtîraa,+ a na ô ai: 14 “Ua hope anaˈe e hitu matahiti, e faatiamâ outou tataitahi i to outou taeae Hebera tei hoohia ˈtu ia outou e tei tavini ia outou e ono matahiti. E faatiamâ outou ia ˈna.”+ Aita râ to outou mau tupuna i faaroo mai ia ˈu aore ra i fariu mai i to ratou tariˈa. 15 Outou râ, ua taui ïa i to outou haerea aita i maoro aˈenei* e ua rave i te mea tia i to ˈu aro ma te faatiamâ i to outou mau taata tupu e ua faaau outou i te tahi faufaa i mua ia ˈu i roto i te fare tei mairihia i to ˈu iˈoa. 16 I muri iho râ, ua taui to outou manaˈo e ua haafaufaa ore outou i to ˈu iˈoa+ ma te faahoˈi mai i to outou mau tîtî tane e tîtî vahine ta outou i tuu ia haere i te mau vahi atoa ta ratou e hinaaro, e ua faariro faahou outou ia ratou ei tîtî.’

17 “Teie ïa ta Iehova e parau ra: ‘Aita outou i faaroo mai ia ˈu i to outou fafauraa e faatiamâ outou tataitahi i to outou taeae e to outou taata tupu.+ No reira, e fafau vau i teie nei e tuu noa ’tu vau ia outou,’ te parau ra Iehova, ‘i te ˈoˈe, te maˈi pee* e te oˈe,+ e e faariro vau ia outou ei riariaraa no te mau faatereraa arii atoa o te fenua nei.+ 18 E teie te tupu i nia i te feia o tei ofati i ta ˈu faufaa ma te ore e haapao i te mau parau o te faufaa ta ratou i faaau i mua ia ˈu i to ratou tâpûraa na ropu i te fanauˈa puaatoro e to ratou haereraa na ropu i na apaapa e piti,+ 19 oia hoi te huiarii o Iuda, te huiarii o Ierusalema, te mau tia mana, te mau tahuˈa e pauroa to teie fenua o tei haere na ropu i na apaapa fanauˈa puaatoro: 20 E tuu vau ia ratou i to ratou mau enemi e i te feia e imi ra i te rave i to ratou ora, e e riro to ratou tino pohe ei maa na te mau manu o te raˈi e na te mau animara o te fenua.+ 21 E e tuu vau ia Zedekia te arii o Iuda e to ˈna huiarii i te rima o to ratou mau enemi, o te feia e imi ra i te rave i to ratou ora, e o te mau nuu a te arii o Babulonia,+ o te faarue mai ia outou.’+

22 “‘E horoa vau i te tahi faaueraa,’ te parau ra Iehova, ‘e e faahoˈi mai au ia ratou i teie oire. E aro, e haru e e tanina ratou i teie oire.+ E e faariro vau i te mau oire o Iuda ei vahi ano, aita faahou e taata i roto.’”+

35 Tae maira te parau a Iehova ia Ieremia i te mau mahana o te faatereraa a Iehoiakima+ te tamaiti a Iosia, te arii o Iuda, e na ô ra: 2 “A haere i ǒ te ati Rekabi,+ a paraparau ia ratou e a aratai ia ratou i te fare o Iehova, i roto hoê o na piha tamaaraa.* I reira, a horoa ˈtu i te uaina ia inu ratou.”

3 Aratai ihora ïa vau ia Iaazania te tamaiti a Ieremia te tamaiti a Habazinia, to ˈna mau taeae, ta ˈna mau tamaiti atoa, e pauroa te utuafare o te ati Rekabi 4 i roto i te fare o Iehova. Afai ihora vau ia ratou i te piha tamaaraa a te mau tamaiti a Hanana te tamaiti a Igedalia, e taata no te Atua mau. To pihai iho taua piha ra i te piha tamaaraa a te huiarii, to nia noa mai i te piha tamaaraa a Maaseia te tamaiti a Saluma te tiai opani. 5 Tuu atura vau i te hapaina î i te uaina i mua i te mau tane o te utuafare o te ati Rekabi e na ô atura ia ratou: “A inu i te uaina.”

6 Na ô maira râ ratou: “Eita matou e inu i te uaina, no te mea ua horoa mai Iehonadaba*+ te tamaiti a Rekabi to matou tupuna i teie faaueraa: ‘Eiaha roa outou e inu i te uaina e a muri noa ˈtu, outou e ta outou mau tamarii. 7 E eiaha roa outou e hamani i te fare, e ueue i te huero maa aore ra e tanu, eiaha atoa ei faaapu vine ta outou. Ia faaea noa râ outou i raro aˈe i te fare ie, a nehenehe atu ai outou e ora maoro i te fenua ta outou e parahi ra ei taata ěê.’ 8 E tamau noa ïa matou i te faaroo i te mau parau atoa ta Iehonadaba te tamaiti a to matou tupuna o Rekabi i faaue ia matou e haapao, eita roa ˈtu matou e inu i te uaina, matou, ta matou mau vahine faaipoipo, ta matou mau tamaiti e ta matou mau tamahine. 9 E eita matou e hamani i te fare no te parahi i roto, e aita atoa ta matou e faaapu vine, e faaapu aore ra e huero maa. 10 E tamau noa matou i te ora i raro aˈe i te fare ie e i te faaroo i te mau parau atoa ta Iehonadaba* to matou tupuna i faaue ia matou e haapao. 11 Tera râ, i to Nebukanesa te arii o Babulonia haereraa mai e aro i teie fenua,+ na ô aˈera matou: ‘Mai, tomo anaˈe i Ierusalema ia ora ˈtu tatou i te nuu a te mau Kaladaio e to Suria,’ e i teie nei te ora nei matou i Ierusalema.”

12 E tae maira te parau a Iehova ia Ieremia e na ô ra: 13 “Teie ta Iehova o te mau nuu,* te Atua o Iseraela, e parau ra: ‘A haere a parau i te mau taata no Iuda e te feia e parahi ra i Ierusalema: “Aita anei au i tamau noa i te taparuparu ia outou ia faaroo i ta ˈu mau parau?”+ te parau ra Iehova. 14 “Ua faaue Iehonadaba te tamaiti a Rekabi i to ˈna huaai eiaha e inu i te uaina, e ua haapao ratou i ta ˈna mau parau ma te ore e inu i te uaina tae roa mai i teie mahana, a faaroo ai i te faaueraa a to ratou tupuna.+ O vau râ, ua paraparau noa â ïa ia outou,* aita râ outou i faaroo ia ˈu.+ 15 E ua tono noa ˈtu vau i ta ˈu mau tavini atoa te mau peropheta ia outou, a tono noa â ˈi ia ratou*+ ia parau atu: ‘A fariu ê mai na outou tataitahi i to outou haerea ino,+ e a rave i te mea tia! Eiaha e pee e e tavini i te tahi atu mau atua. E nehenehe ïa outou e parahi noa i te fenua ta ˈu i horoa no outou e to outou mau tupuna.’+ Aita râ outou i fariu mai i to outou tariˈa aore ra i faaroo mai ia ˈu. 16 Ua haapao te huaai o Iehonadaba te tamaiti a Rekabi i te faaueraa a to ratou tupuna.+ Teie râ mau taata, aita ïa i faaroo mai ia ˈu.”’”

17 “Teie ïa ta Iehova, te Atua o te mau nuu, te Atua o Iseraela, e parau ra: ‘E faatae au i nia ia Iuda e i nia i te feia atoa e parahi ra i Ierusalema pauroa te ati ta ˈu i faaara ia ratou,+ ua paraparau hoi au ia ratou, aita râ ratou i hinaaro e faaroo mai, e ua pii noa vau ia ratou, aita râ ratou i hinaaro e pahono mai.’”+

18 E na ô atura Ieremia i te utuafare o te ati Rekabi: “Teie ta Iehova o te mau nuu, te Atua o Iseraela, e parau ra: ‘No te mea ua faaroo outou i te faaueraa a to outou tupuna o Iehonadaba e te tamau noa ra outou i te haapao pauroa ta ˈna faaueraa, a rave ai mai ta ˈna iho â i faaue ia outou, 19 teie ta Iehova o te mau nuu, te Atua o Iseraela, e parau ra: “Ei huaai noa iho â to Iehonadaba* te tamaiti a Rekabi no te tavini i mua i to ˈu aro.”’”

36 I te maha o te matahiti faatereraa a Iehoiakima+ te tamaiti a Iosia, te arii o Iuda, tae maira teie parau a Iehova ia Ieremia e na ô ra: 2 “A rave i te tahi otaro* e a papai i nia iho pauroa te parau ta ˈu i parau ia oe no nia ia Iseraela, ia Iuda+ e te mau nunaa atoa,+ mai te mahana matamua mai â i paraparau ai au ia oe i te mau mahana a faatere ai Iosia tae roa mai i teie mahana.+ 3 Peneiaˈe ia faaroo to te nunaa o Iuda pauroa te ati ta ˈu e opua ra e faatae i nia ia ratou, e fariu ê mai ratou i to ratou haerea ino, a nehenehe atu ai au e faaore i ta ratou hape e ta ratou hara.”+

4 Titau ihora Ieremia ia Baruka+ te tamaiti a Neria, e faahiti atura Ieremia pauroa te parau ta Iehova i parau ia ˈna, e papai ihora Baruka i te reira i roto i te otaro.*+ 5 Faaue atura Ieremia ia Baruka: “Ua tapeahia vau e eita ta ˈu e nehenehe e tomo i roto i te fare o Iehova. 6 Na oe ïa e tomo atu i roto e e taio haapuai i te mau parau a Iehova ta ˈu i faahiti ia oe e ta oe i papai i roto i te otaro. A taio i te reira i te fare o Iehova i te tahi mahana haapaeraa maa i mua i to reira mau taata atoa, tae noa ˈtu te mau taata atoa no Iuda tei haere mai na to ratou mau oire mai. 7 Peneiaˈe e faaroo Iehova i ta ratou aniraa i ta ˈna farii maitai, e e fariu ê mai ratou tataitahi i to ratou haerea ino, mea uˈana hoi to Iehova riri e riri rahi tahoo i teie nunaa.”

8 Rave ihora ïa Baruka te tamaiti a Neria pauroa ta Ieremia te peropheta i faaue ia ˈna. Ua taio haapuai oia i te mau parau a Iehova i roto i te otaro* i te fare o Iehova.+

9 I te pae o te matahiti faatereraa a Iehoiakima+ te tamaiti a Iosia, te arii o Iuda, i te iva o te avaˈe, haapae aˈera pauroa te taata o Ierusalema e pauroa te taata o te mau oire o Iuda tei tae mai i Ierusalema, i te maa i mua ia Iehova.+ 10 Taio haapuai atura Baruka i te mau parau a Ieremia i roto i te otaro* i mua i te mau taata atoa i te fare o Iehova, i roto i te piha o* Gemaria+ te tamaiti a Saphana+ te papai parau, i te aua i nia ˈˈe, i te tomoraa o te uputa apî o te fare o Iehova.+

11 I to Mikaia te tamaiti a Gemaria te tamaiti a Saphana faarooraa i te mau parau atoa a Iehova i roto i te otaro,* 12 pou ihora oia i te aorai* o te arii, i te piha o te papai parau. Te parahi ra i reira pauroa te huiarii:* Elisama+ te papai parau, Delaia te tamaiti a Semaia, Elenatana+ te tamaiti a Akabora,+ Gemaria te tamaiti a Saphana, Zedekia te tamaiti a Hanania e te tahi atu huiarii atoa. 13 Faaite atura Mikaia ia ratou i te mau parau atoa ta ˈna i faaroo i to Baruka taioraa i te otaro* i mua i te taata.

14 Tono aˈera ïa pauroa te huiarii ia Iehudi te tamaiti a Netania te tamaiti a Selemia te tamaiti a Kusi, ia Baruka ra no te parau: “A rave i te otaro ta oe i taio i mua i te taata e a haere mai.” Rave ihora ïa Baruka te tamaiti a Neria i te otaro e haere maira ia ratou ra. 15 Parau atura ratou ia ˈna: “A parahi mai na, e a taio haapuai mai i te otaro.” Taio ihora ïa Baruka i te reira ia ratou.

16 I to ratou iho â faarooraa i te mau parau atoa, hiˈo aˈera te tahi i te tahi ma te mǎtaˈu, e parau atura ia Baruka: “E faaite mau â matou i te arii i teie mau parau atoa.” 17 E ui atura ratou ia Baruka: “A faaite mai na mea nafea to oe papairaa i teie mau parau atoa. Na Ieremia anei i faahiti atu ia oe?” 18 Pahono maira Baruka ia ratou: “E, na ˈna i faahiti mai ia ˈu i teie mau parau atoa, e na ˈu i papai i te reira i te inita i nia i teie otaro.”* 19 Parau atura te huiarii ia Baruka: “A haere a tapuni, orua Ieremia, e eiaha e faaite i te taata teihea orua.”+

20 Vaiiho aˈera ratou i te otaro i roto i te piha o Elisama te papai parau, haere aˈera i ǒ te arii, i roto i te aua, e faaite atura ia ˈna pauroa te parau ta ratou i faaroo.

21 Tono ihora ïa te arii ia Iehudi+ e tii i te otaro e rave maira Iehudi i te reira i roto i te piha o Elisama te papai parau. Taio ihora Iehudi i te reira i mua i te arii e pauroa te huiarii e tia noa ra i pihai iho i te arii. 22 Tei te iva ïa o te avaˈe.* Te parahi ra te arii i roto i te fare no te tau toˈetoˈe, a ama noa ˈi te auahi i roto i te tahuraa i mua ia ˈna. 23 Ua oti anaˈe ia Iehudi i te taio e toru aore ra e maha tuhaa, e tâpû te arii i taua mau tuhaa ra i te tipi a te papai parau, a taora ˈtu ai i roto i te auahi e ama ra i roto i te tahuraa, haapao pau roa te otaro taatoa i roto i te auahi. 24 E aita te arii e aita atoa ta ˈna mau tavini atoa i mǎtaˈu noa ˈˈe i to ratou faarooraa i teie mau parau atoa, e aita ratou i hahae i to ratou ahu. 25 Ua taparu Elenatana,+ Delaia+ e Gemaria+ i te arii eiaha e tutui i te otaro, aita râ oia i faaroo ia ratou. 26 Hau atu â, faaue ihora te arii ia Ierameela te tamaiti a te arii, ia Seraia te tamaiti a Azeriela e ia Selemia te tamaiti a Abedeela e haere e haru ia Baruka te papai parau e ia Ieremia te peropheta. Ua faatapuni noa râ Iehova ia raua.+

27 I muri iho i to te arii tutuiraa i te otaro to nia iho te mau parau ta Ieremia i faahiti e ta Baruka i papai, tae faahou maira te parau a Iehova ia Ieremia+ e na ô ra: 28 “A rave i te tahi atu otaro e a papai i nia iho pauroa te parau tei papaihia i nia i te otaro matamua, ta Iehoiakima te arii o Iuda i tutui.+ 29 E e parau oe no Iehoiakima te arii o Iuda: ‘Teie ta Iehova e parau ra: “Ua tutui oe i teie otaro e ua parau oe: ‘Eaha oe i papai ai i nia iho: “E haere mai iho â te arii o Babulonia e haamou i teie fenua, a ore atu ai e taata e e animara faahou”?’+ 30 Teie ïa ta Iehova e parau ra no Iehoiakima te arii o Iuda: ‘Aita hoê aˈe o to ˈna huaai e parahi i nia i te terono o Davida,+ e e vaiiho-noa-hia to ˈna tino pohe i te âhu ia ao e i te toˈetoˈe ia po.+ 31 E faautua vau ia ˈna, to ˈna huaai e ta ˈna mau tavini no ta ratou hape, e e faatae au i nia ia ratou, i nia i te feia e parahi ra i Ierusalema e i nia i te mau taata no Iuda pauroa te ati ta ˈu i parau e faatae i nia ia ratou,+ no te mea aita ratou i faaroo.’”’”+

32 Rave ihora ïa Ieremia i te tahi atu otaro e horoa ˈtura ia Baruka te tamaiti a Neria, te papai parau.+ E faahiti atura Ieremia pauroa te parau o te otaro* ta Iehoiakima te arii o Iuda i tutui+ e papai ihora Baruka i te reira. E mea rahi atu â te parau mai tera te huru tei faaôhia mai.

37 E haamata ihora te arii Zedekia+ te tamaiti a Iosia i te faatere ei mono ia Konia*+ te tamaiti a Iehoiakima, ua faariro hoi Nebukanesa te arii o Babulonia ia ˈna ei arii no te fenua o Iuda.+ 2 Aita râ oia, ta ˈna mau tavini e te mau taata o te fenua i faaroo i te mau parau ta Iehova i faahiti na roto ia Ieremia te peropheta.

3 E tono ihora te arii Zedekia ia Iehukala+ te tamaiti a Selemia e ia Zephania+ te tamaiti a Maaseia te tahuˈa ia Ieremia te peropheta no te parau atu: “A pure na ia Iehova to tatou Atua no tatou.” 4 Te haere noa ra Ieremia ma te tiamâ na rotopu i te nunaa, aita â hoi oia i tuuhia ˈtura i roto i te fare tapearaa.+ 5 Ua tere mai hoi te nuu a Pharao mai Aiphiti mai.+ I to te mau Kaladaio o te haaati ra ia Ierusalema faarooraa i te reira, faarue maira ratou ia Ierusalema.+ 6 Tae maira ïa te parau a Iehova ia Ieremia te peropheta e na ô ra: 7 “Teie ta Iehova te Atua o Iseraela e parau ra: ‘Teie ta orua e parau i te arii o Iuda o tei tono mai ia orua e uiui ia ˈu: “Inaha, te nuu a Pharao o te haere mai ra e tauturu ia outou, e hoˈi ïa i to ˈna fenua, o Aiphiti.+ 8 E e hoˈi mai te mau Kaladaio, e aro, e haru e e tanina i teie oire.”+ 9 Teie ta Iehova e parau ra: “Eiaha outou e haavare ia outou iho a na ô ai: ‘E haere ê iho â te mau Kaladaio ia tatou nei,’ no te mea eita ratou e haere ê. 10 Noa ˈtu e tairi outou i te nuu taatoa a te mau Kaladaio o te aro ra ia outou e o to ratou noa mau taata pepe te toe mai, e tia mai taua mau taata ra mai roto mai i to ratou mau fare ie e e tanina ratou i teie oire.”’”+

11 I to te nuu Kaladaio faarueraa mai ia Ierusalema no te nuu a Pharao,+ 12 hinaaro ihora Ieremia e haere mai Ierusalema mai i te fenua o Beniamina+ no te fanaˈo i ta ˈna tuhaa i reira i rotopu i to ˈna nunaa. 13 I to ˈna râ taeraa i te Uputa o Beniamina, haru ihora te tiai tiaau, o Iriia te iˈoa te tamaiti a Selemia te tamaiti a Hanania ia Ieremia te peropheta e na ô maira: “Te horo ra oe i ǒ te mau Kaladaio!” 14 Na ô atura râ Ieremia: “Ua hape oe! Aita vau e horo ra i ǒ te mau Kaladaio.” Aita râ Iriia i faaroo ia ˈna. Tapea ihora ïa oia ia Ieremia e aratai ihora ia ˈna i te huiarii ra. 15 Ua riri te huiarii ia Ieremia,+ e tairi aˈera ratou ia ˈna e tapea ˈtura ia ˈna+ i roto i te tapearaa* i roto i te fare o Iehonatana te papai parau, tei faarirohia ei fare tapearaa. 16 Ua tuuhia Ieremia i roto i te piha tapearaa* i roto hoê o na piha i raro i te fenua, e e rave rahi mahana to ˈna faaearaa i reira.

17 Faaue ihora te arii Zedekia ia tiihia Ieremia, e uiui omoˈe atura te arii ia ˈna i roto i to ˈna aorai.*+ Ui atura oia: “Ua paraparau anei Iehova ia oe?” Pahono maira Ieremia: “E!” e na ô faahou maira: “E tuuhia oe i te rima o te arii o Babulonia!”+

18 Na ô atoa maira Ieremia i te arii Zedekia: “Eaha ta ˈu hara i rave ia oe, i ta oe mau tavini e i teie nunaa, i tuuhia ˈi au i roto i te fare tapearaa? 19 Teihea ˈtura ïa ta outou mau peropheta tei tohu ia outou: ‘Eita te arii o Babulonia e aro mai ia outou e i teie fenua’?+ 20 I teie nei, a faaroo mai na, e to ˈu fatu te arii. A farii na i ta ˈu taparuparuraa. Eiaha e faahoˈi ia ˈu i te fare o Iehonatana+ te papai parau, a pohe au i ǒ.”+ 21 Faaue ihora ïa te arii Zedekia ia tapeahia Ieremia i roto i te Aua tiairaa,+ e pauroa te mahana e horoahia na ˈna hoê tâpû faraoa no ǒ mai i te aroâ o te feia eu faraoa,+ haapao pau roa te faraoa i roto i te oire.+ E faaea noa ihora Ieremia i roto i te Aua tiairaa.

38 Tera râ, faaroo aˈera Sephatia te tamaiti a Matatana, Gedalia te tamaiti a Pasura, Iukala+ te tamaiti a Selemia e Pasura+ te tamaiti a Malakia i to Ieremia parauraa i te nunaa taatoa: 2 “Teie ta Iehova e parau ra: ‘Te taata o te faaea noa i roto i teie oire, e pohe ïa i te ˈoˈe, te oˈe e te maˈi pee.*+ Area te taata o te tuu ia ˈna i* te mau Kaladaio, e ora noa ïa. O to ˈna ora te taoˈa haruhia* e e ora oia.’+ 3 Teie ta Iehova e parau ra: ‘E tuuhia mau â teie oire i te nuu a te arii o Babulonia, e e haru oia i te reira.’”+

4 Na ô atura te huiarii i te arii: “A haapohe na i teie taata,+ na roto hoi i tera mau huru parau e faatoaruaru ai oia i* te mau faehau e toe ra i roto i teie oire, e oia atoa te nunaa taatoa. Te imi ra hoi teie taata, eiaha te hau o teie nunaa, to ratou râ ati.” 5 Pahono maira te arii Zedekia: “Inaha, tei to outou rima ra oia, eita hoi ta te arii e nehenehe e tapea ia outou.”

6 Rave ihora ïa ratou ia Ieremia e huri ihora ia ˈna i roto i te tura pape a Malakia te tamaiti a te arii, to roto hoi i te Aua tiairaa.+ Ua haapou ratou ia Ieremia i te taura. Aita râ e pape to roto i te tura, e vari anaˈe, e haamata ihora Ieremia i te mure i roto i te vari.

7 Faaroo ihora Ebeda-meleka+ te taata Etiopia, e tia mana* i te aorai* o te arii, e ua tuu ratou ia Ieremia i roto i te tura pape. Te parahi ra hoi te arii i te Uputa o Beniamina.+ 8 Haere ihora ïa Ebeda-meleka i rapae i te aorai* o te arii e paraparau i te arii, a na ô ai: 9 “E to ˈu fatu te arii, mea ino ta taua mau taata ra i rave ia Ieremia te peropheta! Ua huri ratou ia ˈna i roto i te tura pape, e e pohe oia i reira no te poia, aita hoi e faraoa faahou i roto i te oire.”+

10 Faaue ihora ïa te arii ia Ebeda-meleka te taata Etiopia: “A rave na muri ia oe e 30 tane i ǒ nei, e a huti mai ia Ieremia te peropheta i rapae i te tura pape hou oia a pohe ai.” 11 Rave ihora ïa Ebeda-meleka i na tane na muri ia ˈna, e tomo ihora i roto i te aorai* o te arii i te tahi vahi i raro aˈe i te vairaa taoˈa.+ I reira rave aˈera ratou i te tahi mau ahu rii mutumutu tahito e huˈahuˈa ahu tahito, e haapou ihora i te reira i te taura ia Ieremia ra i roto i te tura pape. 12 E parau atura Ebeda-meleka te taata Etiopia ia Ieremia: “A tuu na i te mau ahu rii mutumutu e huˈahuˈa ahu i raro aˈe i to oe ee e te taura.” Na reira ihora Ieremia, 13 e huti maira ratou ia Ieremia i te taura i rapae i te tura pape. E faaea noa ˈtura Ieremia i roto i te Aua tiairaa.+

14 Faaue ihora te arii Zedekia ia tiihia e ia arataihia mai Ieremia te peropheta ia ˈna ra i te toru o te tomoraa, e vai ra i roto i te hiero* o Iehova, e na ô atura te arii ia Ieremia: “E ohipa ta ˈu e ani ia oe. Eiaha oe e huna i te tahi parau ia ˈu.” 15 Na ô maira Ieremia ia Zedekia: “Ia parau vau ia oe, e haapohe mau â oe ia ˈu. E ia horoa ˈtu vau i te tahi aˈoraa, eita oe e faaroo ia ˈu.” 16 Horeo omoˈe ihora ïa te arii Zedekia ia Ieremia, a na ô ai: “Te horeo nei au i te ora o Iehova, o tei horoa mai i teie ora, eita vau e haapohe ia oe, e eita vau e tuu ia oe i tera mau taata o te imi ra i te rave i to oe ora.”

17 Na ô maira Ieremia ia Zedekia: “Teie ta Iehova te Atua o te mau nuu,* te Atua o Iseraela, e parau ra: ‘Ia tuu oe ia oe i te huiarii a te arii o Babulonia, e faahereherehia to oe ora e eita teie oire e taninahia. E faahereherehia oe e to oe utuafare.+ 18 Ia ore râ oe e tuu ia oe* i te huiarii a te arii o Babulonia, e tuuhia teie oire i te mau Kaladaio e e tanina ratou i te reira,+ e eita oe e ora ˈtu i to ratou rima.’”+

Ua haamure ratou i to oe avae i roto i te vari.

I teie nei, ua otohe ratou i muri.’

23 E pauroa ta oe vahine faaipoipo e ta oe tamaiti te arataihia ra i ǒ te mau Kaladaio e eita oe e ora ˈtu i to ratou rima, e haruhia râ oe e te arii o Babulonia,+ e no oe aˈe e taninahia ˈi teie oire.”+

24 Na ô atura Zedekia ia Ieremia: “Eiaha oe e faaite i teie mau parau i te tahi taata, ia ore oe ia pohe. 25 E ia faaroo noa ˈtu te huiarii e ua paraparau vau ia oe e ia haere noa mai ratou e ani ia oe: ‘A faaite mai na eaha ta oe i parau i te arii. Eiaha oe e huna i te tahi parau ia matou, e eita matou e haapohe ia oe.+ Eaha ta te arii i parau ia oe?,’ 26 e pahono ïa oe ia ratou: ‘Ua ani au i te arii eiaha e faahoˈi ia ˈu i te fare o Iehonatana, a pohe au i ǒ.’”+

27 I muri iho, haere maira pauroa te huiarii ia Ieremia ra e uiui maira ia ˈna. Faaite atura Ieremia ia ratou pauroa ta te arii i faaue ia ˈna e parau. Aita ˈtura ratou i paraparau faahou ia ˈna, aita hoi hoê aˈe i faaroo i ta raua aparauraa. 28 Faaea noa ihora Ieremia i roto i te Aua tiairaa+ tae roa i te mahana i haruhia ˈi Ierusalema. To reira â oia i to Ierusalema haruraahia.+

39 I te iva o te matahiti faatereraa a Zedekia te arii o Iuda, i te ahuru o te avaˈe, haere maira Nebukanesa te arii o Babulonia e ta ˈna nuu taatoa i Ierusalema, e haaati aˈera ratou i taua oire ra.+

2 I te 11 o te matahiti faatereraa a Zedekia, i te iva o te mahana o te maha o te avaˈe, faaapoo aˈera ratou i te aua o te oire.+ 3 E tomo ihora pauroa te huiarii a te arii o Babulonia e parahi ihora i te Uputa i ropu,+ oia hoi Neregala-sarezera te Samagara, Nebo-saresekima te Rabasarisa,* Neregala-sarezera te Rabamaga* e pauroa te toea o te huiarii a te arii o Babulonia.

4 I to Zedekia te arii o Iuda e pauroa te faehau iteraa ˈtu ia ratou, horo ê aˈera ratou+ i te po, a haere ai i rapae i te oire na te ô o te arii, na te uputa i ropu i na patu e piti, e haere noa ˈtura ratou na te eˈa e tae atu ai i te Araba.+ 5 Aˈuaˈu aˈera râ te nuu Kaladaio ia ratou, e noaahia ˈtura Zedekia i te mau vahi papu pâpâmǎrô o Ieriko.+ Haru aˈera ratou ia ˈna e aratai atura ia ˈna ia Nebukanesa te arii o Babulonia i Ribela+ i te fenua o Hamata,+ i reira to te arii faautuaraa ia ˈna. 6 Na nia i te faaueraa a te arii o Babulonia, haapohehia aˈera na tamaiti a Zedekia i mua i to ˈna aro i reira i Ribela. Na nia atoa i te faaueraa a te arii o Babulonia, haapohehia aˈera pauroa te huimana o Iuda.+ 7 Haapo ihora oia i te mata o Zedekia, e i muri iho, taamu atura oia ia ˈna i te fifi veo no te afai ia ˈna i Babulonia.+

8 Tanina aˈera te mau Kaladaio i te aorai* o te arii e te mau fare o te nunaa,+ e vavahi aˈera i te aua o Ierusalema.+ 9 Hopoi ê atura Nebuzaradana,+ te raatira o te mau tiai, i Babulonia i te feia i roto â i te oire, te feia tei horo ia ˈna ra, e te taata atoa e toe ra.

10 Vaiiho maira râ Nebuzaradana, te raatira o te mau tiai, i te fenua o Iuda vetahi o te mau taata veve roa ˈˈe, te feia aita hoê aˈe taoˈa ta ratou. I taua mahana ra, horoa atoa ˈtura oia na ratou i te faaapu vine e te tâpû fenua no te faaapu.*+

11 Horoa ihora râ Nebukanesa te arii o Babulonia ia Nebuzaradana te raatira o ta ˈna mau tiai, i teie faaueraa no Ieremia: 12 “A tii ia ˈna e a aupuru ia ˈna. Eiaha oe e rave ino ia ˈna, e a horoa ˈtu i ta ˈna e ani ia oe.”+

13 Tono ihora ïa Nebuzaradana te raatira o te mau tiai, Nebusabana te Rabasarisa,* Neregala-sarezera te Rabamaga* e pauroa te taata tiaraa teitei o te arii o Babulonia i te taata 14 e tatara mai ia Ieremia i te Aua tiairaa,+ e tuu atura ratou ia ˈna ia Gedalia+ ra te tamaiti a Ahikama+ te tamaiti a Saphana+ o tei afai ia ˈna i to ˈna fare. E ora ihora Ieremia i rotopu i te nunaa.

15 Te tapeahia ra Ieremia i roto i te Aua tiairaa+ i tae mai ai te parau a Iehova ia ˈna e na ô ra: 16 “A haere a parau ia Ebeda-meleka+ te taata Etiopia: ‘Teie ta Iehova o te mau nuu,* te Atua o Iseraela, e parau ra: “E faatupu vau i ta ˈu i parau no teie oire, te ati, e ere i te maitai. E i taua mahana ra, e ite mata oe i te reira.”’

17 “‘E faaora râ vau ia oe i taua mahana ra,’ te parau ra Iehova, ‘e eita oe e tuuhia i te feia ta oe e mǎtaˈu ra.’

18 “‘E rave mau â hoi au e ia ora ˈtu oe, e eita oe e pohe i te ˈoˈe. O to oe ora te taoˈa haruhia,*+ no te mea ua tiaturi oe ia ˈu,’+ te parau ra Iehova.”

40 Tae maira te parau a Iehova ia Ieremia i muri iho i to Nebuzaradana+ te raatira o te mau tiai vaiihoraa ia ˈna ia haere na Rama+ mai. I afai na Nebuzaradana ia Ieremia i reira ma te rima taamuhia i te fifi, e to rotopu Ieremia i te feia atoa o Ierusalema e o Iuda tei hopoi-ê-hia i Babulonia. 2 Rave ihora te raatira o te mau tiai ia Ieremia e parau atura: “Ua tohu Iehova to oe Atua i teie ati i nia i teie vahi, 3 e ua faatae mai Iehova i te reira mai ta ˈna iho â i parau, no te mea ua hara outou ia Iehova e aita outou i faaroo i to ˈna reo. No reira outou i roohia ˈi i te reira.+ 4 I teie mahana, e tatara vau i te mau fifi i nia i to oe rima. Mai te peu i to oe manaˈo mea maitai ia haere mai oe na muri ia ˈu i Babulonia, a haere mai ïa, e na ˈu e aupuru ia oe. Mai te peu râ eita oe e hinaaro e haere mai na muri ia ˈu i Babulonia, eiaha ïa e haere mai. A hiˈo! To mua ia oe teie fenua taatoa. A haere i te vahi ta oe e maiti.”+

5 Hou râ Ieremia a faaoti ai e hoˈi, parau atura Nebuzaradana: “A hoˈi ia Gedalia+ ra te tamaiti a Ahikama+ te tamaiti a Saphana,+ ta te arii o Babulonia i faatoroa i nia i te mau oire o Iuda, e a faaea ˈtu ia ˈna ra i rotopu i te huiraatira. Aita ra, a haere ïa i te vahi ta oe e maiti.”

Horoa ˈtura te raatira o te mau tiai i te tahi maa na ˈna e te tahi ô, e vaiiho atura ia ˈna ia haere. 6 Haere atura ïa Ieremia ia Gedalia ra te tamaiti a Ahikama i Mizepa,+ e faaea ˈtura ia ˈna ra i rotopu i te huiraatira tei vaiihohia i te fenua o Iuda.

7 I muri aˈe, faaroo aˈera pauroa te raatira nuu i rapae i te oire e ta ratou mau faehau e i faatoroa na te arii o Babulonia ia Gedalia te tamaiti a Ahikama i nia i te fenua o Iuda e i faatoroa na oia ia ˈna i nia i te mau tane, vahine e tamarii i rotopu i te feia veve o te fenua aita i hopoi-ê-hia i Babulonia.+ 8 Haere maira ïa ratou ia Gedalia ra i Mizepa.+ O Isemaela+ te tamaiti a Netania, Iohanana+ e Ionatana na tamaiti a Karea, Seraia te tamaiti a Tanahumeta, na tamaiti a Ephai te taata Netopha, e Iezania+ te tamaiti a te taata Maakata, e ta ratou atoa mau faehau. 9 Horeo ihora Gedalia te tamaiti a Ahikama te tamaiti a Saphana ia ratou e ta ratou mau faehau, a na ô ai: “Eiaha e mǎtaˈu i te tavini i te mau Kaladaio. A ora i teie fenua e a tavini i te arii o Babulonia, e maitai ïa outou.+ 10 O vau nei, i Mizepa vau e faaea ˈi no te tia ˈtu no outou i mua i te mau Kaladaio o te haere mai ia tatou nei. E haaputu râ outou i te uaina, te mau maa hotu o te tau auhune e te hinu e e tuu outou i te reira i roto i ta outou mau farii, e a parahi i te mau oire ta outou i rave.”+

11 Faaroo atoa aˈera pauroa te ati Iuda i Moabi, Amona e Edoma, oia atoa to te tahi atu mau fenua, e ua vaiiho te arii o Babulonia vetahi mau taata i Iuda e ua faatoroa oia ia Gedalia te tamaiti a Ahikama te tamaiti a Saphana i nia ia ratou. 12 Haamata aˈera ïa pauroa te ati Iuda na te mau vahi atoa i haapurarahia ˈi ratou i te hoˈi mai, e haere maira ratou i te fenua o Iuda, ia Gedalia ra i Mizepa. E haaputu aˈera ratou i te uaina e te maa hotu o te tau auhune e rave rahi roa.

13 Haere maira Iohanana te tamaiti a Karea e pauroa te raatira nuu no rapae mai i te oire ia Gedalia ra i Mizepa. 14 Parau maira ratou ia ˈna: “Aita anei oe i ite e ua tono mai Baalisa, te arii o te ati Amona,+ ia Isemaela te tamaiti a Netania no te haapohe ia oe?”+ Aita râ Gedalia te tamaiti a Ahikama i tiaturi ia ratou.

15 Parau omoˈe maira ïa Iohanana te tamaiti a Karea ia Gedalia i Mizepa: “Te hinaaro nei au e haere e haapohe ia Isemaela te tamaiti a Netania, e aita e taata e ite i te reira. No te aha e vaiiho ai ia ˈna ia haapohe ia oe, e no te aha e haapurarahia ˈi to Iuda taatoa o tei haaputuputu mai ia oe ra, e e pohe ai te toea o Iuda?” 16 Na ô atura râ Gedalia+ te tamaiti a Ahikama ia Iohanana te tamaiti a Karea: “Eiaha e na reira, e haavare hoi ta oe e parau ra no Isemaela.”

41 I te hitu o te avaˈe, haere maira Isemaela+ te tamaiti a Netania te tamaiti a Elisama, e huaai o te arii* e hoê o te feia tiaraa teitei o te arii, e hoê ahuru tane tei pee mai ia ˈna ia Gedalia ra te tamaiti a Ahikama i Mizepa.+ A tamaa ˈi ratou pauroa i Mizepa, 2 tia maira Isemaela te tamaiti a Netania e na tane hoê ahuru tei pee mai ia ˈna e haapohe aˈera ratou ia Gedalia te tamaiti a Ahikama te tamaiti a Saphana i te ˈoˈe. Haapohe aˈera ïa ratou i te taata ta te arii o Babulonia i faatoroa i nia i te fenua. 3 Haapohe atoa ihora Isemaela pauroa te ati Iuda ia Gedalia ra i Mizepa, tae noa ˈtu te mau faehau Kaladaio i reira.

4 I te piti o te mahana, i muri iho i to Gedalia haapoheraahia, hou a itehia ˈi te reira, 5 tae maira e 80 taata na Sekema,+ Silo+ e Samaria mai.+ Ua hahuhia to ratou taa, ua mahae to ratou ahu, ua otioti ratou ia ratou,+ e e tusia huero maa e te tapau libano+ to roto i to ratou rima no te fare o Iehova. 6 Haere atura ïa Isemaela te tamaiti a Netania na Mizepa ˈtu e farerei ia ratou, ma te taˈi a haere noa ˈi. I to ˈna farereiraa ia ratou, na ô atura oia: “A haere mai a hiˈo ia Gedalia te tamaiti a Ahikama.” 7 I to ratou râ tomoraa i te oire, taparahi pohe aˈera Isemaela te tamaiti a Netania e to ˈna mau taata ia ratou e huri aˈera ia ratou i roto i te tura pape.

8 Parau maira râ hoê ahuru o taua mau taata ra ia Isemaela: “Eiaha e haapohe ia matou, e haapueraa sitona, kerite, e te hinu e te meri hoi ta matou i huna i rapae i te oire.” Aita ˈtura ïa oia i haapohe ia ratou e to ratou mau taeae. 9 Huri ihora râ Isemaela pauroa te tino pohe o te feia ta ˈna i haapohe i roto i te hoê tura pape rahi ta te arii Asa i hamani a aro ai oia ia Baasa te arii o Iseraela.+ O taua tura pape ra ta Isemaela te tamaiti a Netania i faaî i te feia tei pohe ia ˈna.

10 Tapea ihora Isemaela pauroa te toea o te huiraatira o Mizepa,+ tae noa ˈtu te mau tamahine a te arii e pauroa te taata e toe ra i Mizepa, ta Nebuzaradana te raatira o te mau tiai i tuu i raro aˈe i te tiaauraa a Gedalia+ te tamaiti a Ahikama. Tapea ihora Isemaela te tamaiti a Netania ia ratou ei tîtî e reva ˈtura no te haere i ǒ te ati Amona.+

11 I te faarooraa Iohanana+ te tamaiti a Karea e pauroa te raatira nuu na muri ia ˈna i te ino atoa ta Isemaela te tamaiti a Netania i rave, 12 rave aˈera ratou pauroa te faehau e reva ˈtura e aro ia Isemaela te tamaiti a Netania. Noaahia ˈtura oia e ratou i pihai iho i te mau pape* rahi i Gibeona.

13 Oaoa ihora pauroa te taata ta Isemaela i tapea ei tîtî i to ratou iteraa mai ia Iohanana te tamaiti a Karea e pauroa te raatira nuu na muri ia ˈna. 14 Faahoˈi maira ïa i muri pauroa te taata ta Isemaela i tapea ei tîtî i Mizepa+ e haere faahou atura na muri ia Iohanana te tamaiti a Karea. 15 Ora ˈtura râ Isemaela te tamaiti a Netania e vaˈu o to ˈna mau taata ia Iohanana e haere aˈera ratou i ǒ te ati Amona.

16 Rave aˈera Iohanana te tamaiti a Karea e pauroa te raatira nuu tei pee mai ia ˈna, i te toea o te huiraatira o Mizepa, oia hoi te feia ta ratou i faaora i te rima o Isemaela te tamaiti a Netania, i muri iho i to ˈna haapoheraa ia Gedalia+ te tamaiti a Ahikama. Faahoˈi aˈera ratou i te tane, te faehau, te vahine, te tamarii e te tia mana na Gibeona mai. 17 Reva aˈera ïa ratou e faaea aˈera i te vahi nohoraa i Kemehama i pihai iho i Betelehema,+ ua opua hoi ratou e haere i Aiphiti+ 18 ia ore ratou ia noaahia e te mau Kaladaio. Te mǎtaˈu ra hoi ratou i te mau Kaladaio, no te mea ua haapohe Isemaela te tamaiti a Netania ia Gedalia te tamaiti a Ahikama, ta te arii o Babulonia i faatoroa i nia i te fenua.+

42 Haere maira pauroa te raatira nuu, Iohanana+ te tamaiti a Karea, Iezania te tamaiti a Hosaia, e pauroa te huiraatira, te taata haihai tae noa ˈtu i te taata rahi 2 e parau ia Ieremia te peropheta: “A faaroo mai na i ta matou taparuparuraa, e a pure ia Iehova to oe Atua no matou, no teie feia atoa e toe ra, mea iti hoi te toe ra,+ mai ta oe e ite ra. 3 Ia faaite mai Iehova to oe Atua ia matou i te eˈa ia na reira matou i te haere e eaha ta matou e rave e tia ˈi.”

4 Pahono atura Ieremia te peropheta ia ratou: “Na reira ïa. E pure au ia Iehova to outou Atua mai ta outou e ani mai ra. E e faaite atu vau ia outou pauroa ta Iehova e parau ia outou. Eita vau e huna i te tahi parau ia outou.”

5 Parau maira ratou ia Ieremia: “Ei ite parau mau e te haapao maitai o Iehova o te faahapa ia matou ia ore matou e rave mai ta Iehova iho â to oe Atua e faaue ia matou na roto ia oe. 6 Noa ˈtu e au matou i ta ˈna pahonoraa aore ra eita, e faaroo matou i te reo o Iehova to matou Atua, ta matou e ani nei ia oe e uiui, ia maitai hoi matou, no te mea e faaroo matou i te reo o Iehova to matou Atua.”

7 Hoê ahuru mahana i muri iho, tae maira te parau a Iehova ia Ieremia. 8 Titau ihora ïa Ieremia ia Iohanana te tamaiti a Karea, pauroa te raatira nuu na muri ia ˈna, e pauroa te huiraatira, te taata haihai tae noa ˈtu i te taata rahi.+ 9 Parau atura oia ia ratou: “Teie ta Iehova te Atua o Iseraela e parau ra, ta outou i ani mai ia ˈu e taparuparu no outou: 10 ‘Ia faaea mai iho â outou i teie fenua, e patu ïa vau ia outou e eita vau e vavahi ia outou, e e tanu vau ia outou e eita vau e iriti tumu ia outou, e tatarahapa hoi au i* te ati ta ˈu i faatae i nia ia outou.+ 11 Eiaha e mǎtaˈu no te arii o Babulonia ta outou e mǎtaˈu ra.’+

“‘Eiaha e mǎtaˈu no ˈna aˈe,’ te parau ra Iehova, ‘tei pihai iho hoi au ia outou no te faaora ia outou e no te faatiamâ ia outou i to ˈna rima. 12 E e aroha hamani maitai au ia outou, e e aroha hamani maitai+ oia ia outou, a faahoˈi atu ai ia outou i to outou fenua.

13 “‘Ia na ô râ outou: “Eita, eita matou e faaea mai i teie fenua!” e ia faaroo ore outou i te reo o Iehova to outou Atua, 14 a na ô ai: “Eita, e haere râ matou i te fenua o Aiphiti,+ i ǒ, eita matou e ite i te tamaˈi, e faaroo i te oto pu tara, aore ra e ere i te faraoa, i ǒ matou e ora ˈi,” 15 a faaroo mai ïa i te parau a Iehova, outou te toea o Iuda. Teie ta Iehova o te mau nuu,* te Atua o Iseraela, e parau ra: “Mai te peu ua faaoti papu outou e haere i Aiphiti e e haere iho â outou e faaea* i ǒ, 16 e noaahia ïa outou i te ˈoˈe ta outou e mǎtaˈu i ǒ i te fenua o Aiphiti, e te oˈe ta outou e taiâ ra, e na muri atu ïa ia outou i Aiphiti, e i reira outou e pohe ai.+ 17 Pauroa te taata tei faaoti e haere e faaea i Aiphiti, e pohe ïa i te ˈoˈe, te oˈe e te maˈi pee.* Aita hoê o ratou e ora ˈtu aore ra e ape i te ati ta ˈu e faatae i nia ia ratou.”’

18 “Teie hoi ta Iehova o te mau nuu, te Atua o Iseraela, e parau ra: ‘Mai to ˈu riri e to ˈu riri rahi tahoo ta ˈu i ninii i nia i tei parahi ra i Ierusalema,+ e ninii atoa ïa vau i to ˈu riri rahi tahoo i nia ia outou ia haere outou i Aiphiti, e e riro outou ei faainoraa, ei riariaraa, ei haamaraa e ei faaoooraa,+ e eita outou e ite faahou i teie vahi.’

19 “Ua paraparau Iehova ia outou, te toea o Iuda. Eiaha outou e haere i Aiphiti. Ia ite maitai outou e ua faaara vau ia outou i teie mahana 20 e e ere outou i to outou ora* no ta outou hape. Ua ani mai hoi outou ia ˈu ia taparuparu ia Iehova to outou Atua, a na ô ai: ‘A pure ia Iehova to matou Atua no matou, e a faaite mai ia matou pauroa ta Iehova to matou Atua e parau, e e na reira matou.’+ 21 E ua faaite au ia outou i teie mahana i ta ˈna i parau, eita râ outou e faaroo i te reo o Iehova to outou Atua, eita atoa outou e rave i ta ˈna i faaue ia ˈu e parau ia outou.+ 22 No reira, papu maitai i te ˈoˈe, te oˈe e te maˈi pee e pohe ai outou i te fenua ta outou e hinaaro ra e haere e faaea.”+

43 Faaite atura Ieremia i te huiraatira taatoa pauroa teie parau a Iehova to ratou Atua, pauroa te parau ta Iehova to ratou Atua i faaue ia ˈna e faaite ia ratou. I te otiraa, 2 na ô maira Azaria te tamaiti a Hosaia, Iohanana+ te tamaiti a Karea, e pauroa te feia teoteo ia Ieremia: “E haavare ta oe e parau ra! Aita Iehova to matou Atua i faaue ia oe ia parau: ‘Eiaha e haere e faaea i Aiphiti.’ 3 Na Baruka+ râ te tamaiti a Neria e parau ra ia oe ia paraparau ia matou mai tera, te hinaaro ra hoi oia ia topa matou i roto i te rima o te mau Kaladaio, ia pohe matou aore ra ia hopoi-ê-hia i Babulonia.”+

4 Faaroo ore aˈera ïa Iohanana te tamaiti a Karea, pauroa te raatira nuu e pauroa te huiraatira i te reo o Iehova a ore ai e faaea mai i te fenua o Iuda. 5 Rave aˈera râ Iohanana te tamaiti a Karea e pauroa te raatira nuu na muri ia ratou pauroa te toea o Iuda tei hoˈi mai na te mau nunaa atoa i haapurarahia ˈi ratou no te faaea i te fenua o Iuda.+ 6 Rave aˈera ratou i te tane, te vahine, te tamarii, te mau tamahine a te arii, e te taata atoa ta Nebuzaradana+ te raatira o te mau tiai i vaiiho atu ia Gedalia+ ra te tamaiti a Ahikama+ te tamaiti a Saphana,+ ia Ieremia atoa te peropheta e ia Baruka te tamaiti a Neria. 7 E tomo aˈera ratou i te fenua o Aiphiti, aita hoi ratou i faaroo i te reo o Iehova, e haere roa ˈtura ratou i Tahapanehesa.+

8 Tae maira te parau a Iehova ia Ieremia i Tahapanehesa e na ô ra: 9 “A rave i te mau ofai rarahi i roto i to rima, e a huna i te reira i te tapiri araea i roto i te paˈepaˈe ofai araea i te tomoraa o te aorai o Pharao i Tahapanehesa, i mua i te ati Iuda. 10 E a parau ia ratou: ‘Teie ta Iehova o te mau nuu,* te Atua o Iseraela, e parau ra: “E tii au ia Nebukanesa te arii o Babulonia ta ˈu tavini,+ e e tuu vau i to ˈna terono i nia mau â i taua mau ofai ra ta ˈu i huna, e e faatia oia i to ˈna fare ie arii na nia iho i te reira.+ 11 E e haere mai oia e e tairi oia i te fenua o Aiphiti.+ Tei faataahia no te ati pohe, no te ati pohe ïa, tei faataahia no te faatîtîraa, no te faatîtîraa ïa, e tei faataahia no te ˈoˈe, no te ˈoˈe ïa.+ 12 E e tutui au i te mau fare* o te mau atua o Aiphiti,+ e na ˈna e tanina i te reira a hopoi tîtî atu ai i taua mau atua ra. E vehî oia ia ˈna i te fenua o Aiphiti, mai te hoê tiai mamoe o te vehî ia ˈna i to ˈna ahu, e e reva oia mai reira ˈtu ma te hau.* 13 E e vavahi oia i te mau pou* o Bete-semesa* i te fenua o Aiphiti, e e tanina oia i te mau fare* o te mau atua o Aiphiti.”’”

44 Tae maira te parau a te Atua ia Ieremia no te ati Iuda atoa e parahi ra i te fenua o Aiphiti,+ tei parahi ra i Migadola,+ Tahapanehesa,+ Nopha*+ e i te fenua o Patarota,+ e na ô ra: 2 “Teie ta Iehova o te mau nuu,* te Atua o Iseraela, e parau ra: ‘Ua ite outou pauroa te ati ta ˈu i faatae i nia ia Ierusalema+ e i nia i te mau oire atoa o Iuda, e i teie mahana, ua ano te reira e aita e taata faahou i roto.+ 3 No te mau ohipa ino ïa ta outou i rave no te faainoino ia ˈu, a haere ai outou e pûpû i te tusia+ e a tavini ai i te tahi atu mau atua aita outou i matau, outou e to outou mau tupuna.+ 4 Ua tamau noa vau i te tono i ta ˈu mau tavini atoa te mau peropheta ia outou ra, a tono noa ˈi ia ratou,* a na ô ai: “Eiaha na outou e rave i teie ohipa hairiiri mea au ore roa na ˈu.”+ 5 Aita râ outou i faaroo aore ra i fariu mai i to outou tariˈa no te fariu ê mai i to outou ino a pûpû ai outou i te tusia i te tahi atu mau atua.+ 6 Ninii ihora ïa vau i to ˈu riri rahi tahoo e to ˈu riri i nia i te mau oire o Iuda e te mau aroâ o Ierusalema, a paapaa ˈtu ai te reira, e riro atura te reira ei vahi ano e te taata ore, mai i teie mahana.’+

7 “E teie ta Iehova te Atua o te mau nuu, te Atua o Iseraela, e parau ra: ‘Eaha outou e imi ai ia tae mai te ati rahi i nia ia outou,* a mou atu ai pauroa te tane e te vahine, te tamarii e te aiû, i Iuda, aita e taata e toe mai? 8 Eaha outou e faainoino ai ia ˈu i te mau ohipa a to outou rima i te pûpûraa i te tusia i te tahi atu mau atua i te fenua o Aiphiti i reira to outou haereraa e faaea? E mou outou, a riro atu ai outou ei faainoraa e ei haamaraa i rotopu i te mau nunaa atoa o te fenua nei.+ 9 Ua moˈe anei ia outou te mau ohipa ino a to outou mau tupuna, te mau ohipa ino a te mau arii o Iuda,+ te mau ohipa ino a ta ratou mau vahine faaipoipo,+ tae noa ˈtu ta outou iho mau ohipa ino e te mau ohipa ino a ta outou mau vahine faaipoipo,+ tei ravehia i te fenua o Iuda e na te mau aroâ o Ierusalema? 10 Tae roa mai i teie mahana aita outou i faahaehaa ia outou,* aita i mǎtaˈu,+ aita atoa i haapao i ta ˈu ture e ta ˈu mau faatureraa ta ˈu i horoa ˈtu ia outou e to outou mau tupuna.’+

11 “No reira, teie ta Iehova o te mau nuu, te Atua o Iseraela, e parau ra: ‘Ua faaoti au e faatae i te ati i nia ia outou, no te haamou pauroa to Iuda. 12 E e rave ê au i te toea o Iuda tei faaoti e haere e faaea i te fenua o Aiphiti, e e mou ratou pauroa i te fenua o Aiphiti.+ E pohe ratou i te ˈoˈe e e mou ratou i te oˈe. Te taata haihai tae noa ˈtu i te taata rahi, e pohe ïa i te ˈoˈe e te oˈe. E e riro ratou ei faainoraa, ei riariaraa, ei haamaraa e ei faaoooraa.+ 13 E faautua vau i te feia e parahi ra i te fenua o Aiphiti mai ia ˈu i faautua ia Ierusalema i te ˈoˈe, te oˈe e te maˈi pee.*+ 14 E te toea o Iuda tei haere e faaea i te fenua o Aiphiti, eita ïa e ora ˈtu no te hoˈi i te fenua o Iuda. E hinaaro ratou e hoˈi e faaea i ǒ, eita râ ratou e hoˈi, vetahi noa râ taata tei ora mai.’”

15 Pauroa te tane tei ite e i pûpû na ta ratou mau vahine faaipoipo i te tusia i te tahi atu mau atua, pauroa te vahine faaipoipo e tia ra na reira, e pǔpǔ rahi hoi, e pauroa te taata e faaea ra i te fenua o Aiphiti,+ i Patarota,+ pahono maira ïa ia Ieremia: 16 “Eita matou e faaroo i ta oe i parau ia matou i te iˈoa o Iehova. 17 E rave mau â râ matou i ta to matou vaha atoa i parau, e pûpû i te tusia i te Arii vahine o te raˈi* e e ninii i te tusia uaina na ˈna,+ mai ta matou iho â, to matou mau tupuna, to matou mau arii e huiarii i rave i te mau oire o Iuda e na te mau aroâ o Ierusalema a pue ai ta matou maa e a ora maitai ai matou, aita roa ˈtu matou i roohia i te ati. 18 Mai te taime râ i faaea ˈi matou i te pûpû i te tusia i te Arii vahine o te raˈi* e i te ninii i te tusia uaina na ˈna, ere atura matou i te mau mea atoa e mou atura matou i te ˈoˈe e te oˈe.”

19 Na ô atoa maira te mau vahine: “E i to matou pûpûraa i te tusia i te Arii vahine o te raˈi* e niniiraa i te tusia uaina na ˈna, e ere anei ia au i te parau faatia a ta matou mau tane faaipoipo i hamani ai matou i te pane ia au i to ˈna hohoˈa no te pûpû atu ei tusia e i ninii ai matou i te tusia uaina na ˈna?”

20 Parau atura ïa Ieremia i te nahoa taatoa, te tane e ta ratou mau vahine faaipoipo e te feia atoa e paraparau ra ia ˈna: 21 “Te mau tusia ta outou, to outou mau tupuna, to outou mau arii, to outou huiarii e to te fenua, i pûpû i roto i te mau oire o Iuda e te mau aroâ o Ierusalema,+ ua haamanaˈo Iehova i te reira, aita i moˈe ia ˈna! 22 Aita ˈtura Iehova i faaoromai faahou i ta outou mau peu ino e te mau ohipa hairiiri ta outou i rave, e riro atura to outou fenua ei vahi ano, ei riariaraa, ei faainoraa, aita e taata faahou i reira, mai i teie mahana.+ 23 Ua tae mai teie ati i nia ia outou, mai i teie mahana, no te mea ua pûpû outou i tera mau tusia e no te mea ua hara outou ia Iehova i te oreraa e faaroo i te reo o Iehova e te oreraa e pee i ta ˈna ture, ta ˈna mau faatureraa e ta ˈna mau haamanaˈoraa.”+

24 Parau atoa ˈtura Ieremia i te nahoa taatoa e i te mau vahine atoa: “A faaroo i te parau a Iehova, outou pauroa to Iuda e parahi ra i te fenua o Aiphiti. 25 Teie ta Iehova o te mau nuu, te Atua o Iseraela, e parau ra: ‘Ta to outou vaha e te vaha o ta outou mau vahine faaipoipo i parau, na to outou ïa rima i rave, ua parau hoi outou: “E tapea iho â matou i ta matou euhe, e pûpû i te tusia i te Arii vahine o te raˈi* e e ninii i te tusia uaina na ˈna.”+ Outou te mau vahine, e tapea iho â outou i ta outou euhe e e rave outou mai ta outou i euhe.’

26 “No reira, a faaroo mai i te parau a Iehova, outou pauroa to Iuda e parahi ra i te fenua o Aiphiti: ‘“Teie au e horeo nei i to ˈu iˈoa rahi,” te parau ra Iehova, “eita to ˈu iˈoa e faahiti-faahou-hia ia horeo te taata atoa no Iuda+ e parahi ra i te fenua taatoa o Aiphiti, a na ô ai: ‘Te horeo nei au i te Atua ora, te Arii hau ê e Fatu ra o Iehova!’+ 27 I teie nei, to nia iho to ˈu mata ia ratou no te faatae i te ati eiaha râ te maitai.+ Pauroa to Iuda e parahi ra i te fenua o Aiphiti te mou i te ˈoˈe e te oˈe, haapao mou roa ratou.+ 28 Te tahi noa te ora ˈtu i te ˈoˈe e te hoˈi i te fenua o Iuda na te fenua o Aiphiti mai.+ I reira ïa pauroa te toea o Iuda tei haere e faaea i te fenua o Aiphiti e ite ai ta vai te parau tei tupu: ta ˈu anei aore ra ta ratou!”’”

29 “‘E teie te tapao e ite ai outou e e faautua vau ia outou i teie vahi,’ te parau ra Iehova, ‘ia ite outou e e tupu iho â ta ˈu mau parau o te faaite ra i to outou ati: 30 Teie ta Iehova e parau ra: “E tuu vau ia Pharao Hophara te arii o Aiphiti i te rima o to ˈna mau enemi e o te feia e imi ra i te rave i to ˈna ora, mai ia ˈu i tuu ia Zedekia te arii o Iuda i te rima o Nebukanesa te arii o Babulonia, to ˈna enemi e imi ra i te rave i to ˈna ora.”’”+

45 Teie ta Ieremia te peropheta i parau ia Baruka+ te tamaiti a Neria i to ˈna papairaa i roto i te tahi buka i teie mau parau ta Ieremia i faahiti atu ia ˈna,+ i te maha o te matahiti faatereraa a Iehoiakima+ te tamaiti a Iosia, te arii o Iuda:

2 “Teie ta Iehova te Atua o Iseraela e parau ra no oe, e Baruka: 3 ‘Ua na ô oe: “Ua ati au, ua apiti mai hoi Iehova i te oto i to ˈu mauiui! Ua rohirohi roa vau i te autâ-noa-raa, e aita i itea mai ia ˈu te faafaaearaa.”’

4 “E parau oe ia ˈna: ‘Teie ta Iehova e parau ra: “Inaha, ta ˈu i patu, e vavahi au, e ta ˈu i tanu, e iriti tumu vau, oia hoi te fenua taatoa.+ 5 Tera râ, te imi* ra oe i te mau mea rahi no oe. A faaea i te imi i taua mau mea ra.”’

“‘Fatata hoi au i te faatae i te tahi ati i nia i te taata atoa,’+ te parau ra Iehova, ‘i te mau vahi atoa râ e haere ai oe, e horoa ˈtu vau i to oe ora ei taoˈa haruhia.’”*+

46 Teie te parau a Iehova ia Ieremia te peropheta no nia i te mau nunaa:+ 2 No Aiphiti,+ no nia i te nuu a Pharao Neko+ te arii o Aiphiti, tei tia na i pihai iho i te anavai Eupharate e tei pau i Karekemisa ia Nebukanesa te arii o Babulonia i te maha o te matahiti faatereraa a Iehoiakima+ te tamaiti a Iosia, te arii o Iuda:

 4 A tavaha i te mau puaahorofenua e a tauma i nia iho, outou te feia faahoro puaahorofenua.

A mau i to outou mau tiaraa e a oomo i to outou taupoo auri.

A faaanaana i te mau omore e a oomo i to outou ahu paruru.

 5 ‘Te ite ra vau te mehameha ra ratou, no te aha râ?

Te otohe ra ratou, ua pau to ratou mau aito.

Ua horo ê ratou ma te riaria, aita to ratou mau aito i fariu atu.

E mehameha na te mau vahi atoa,’ te parau ra Iehova.

 6 ‘Eita te feia vitiviti e nehenehe e horo ê, e eita te mau aito e nehenehe e ora ˈtu.

E haamou vau i te oire e tei parahi ra i roto.’

 9 A pauma, outou te mau puaahorofenua!

A tahua, outou te mau pereoo!

10 “No te Arii hau ê e Fatu ra o Iehova o te mau nuu* taua mahana ra, te mahana tahooraa no te tahoo i nia i to ˈna mau enemi. E e amu haapao paia te ˈoˈe ia ratou e e inu i to ratou toto haapao mâha to ˈna poihâ, e tusia* hoi ta te Arii hau ê e Fatu ra o Iehova o te mau nuu i te fenua no apatoerau i pihai iho i te anavai Eupharate.+

13 Teie te parau ta Iehova i parau ia Ieremia te peropheta no nia i te taeraa mai o Nebukanesa te arii o Babulonia no te tairi i te fenua o Aiphiti:+

14 “A faaite i te reira i Aiphiti, a poro i te reira i Migadola.+

A poro i te reira i Nopha* e i Tahapanehesa.+

15 Eaha to outou mau tane puai i hiˈa ˈi?

16 E rave rahi ratou e turori e e topa ra.

Te parau ra ratou te tahi i te tahi:

23 E tâpû hoi ratou i ta ˈna uru raau,’ te parau ra Iehova, ‘noa ˈtu e au ra e eita e haere ia tomo atu.

Mea rahi aˈe hoi ratou i te vivi, eita ratou e nehenehe e taiohia.

24 E faahaamahia te tamahine a Aiphiti.

E tuuhia oia i te nunaa no apatoerau.’+

25 “Te parau ra Iehova o te mau nuu, te Atua o Iseraela: ‘I teie nei, e haapao vau ia Amôna+ no No,+ ia Pharao, ia Aiphiti, i to ˈna mau atua+ e i to ˈna mau arii, oia mau, ia Pharao e pauroa te taata e tiaturi ra ia ˈna.’+

26 “‘E e tuu vau ia ratou i te feia e imi ra i te rave i to ratou ora, ia Nebukanesa te arii o Babulonia+ e ta ˈna mau tavini. I muri aˈe râ, e parahihia oia mai i te tau tahito,’ te parau ra Iehova.+

28 Eiaha ïa e mǎtaˈu, ta ˈu tavini o Iakoba,’ te parau ra Iehova, ‘tei pihai iho hoi au ia oe.

47 Teie te parau a Iehova ia Ieremia te peropheta no nia i te mau Philiseti,+ hou Pharao a tairi ai ia Gaza. 2 Teie ta Iehova e parau ra:

“Inaha, e pape te tae mai ra na apatoerau mai.

E riro te reira ei tahora uˈana.

 5 E pahure te upoo* o Gaza.

Ua haamamûhia o Asekelona.+

 6 E oe te ˈoˈe a Iehova,+

Afea oe e mamû ai?

A hoˈi i roto i to oe vehî.

A faafaaea e ia mamû noa oe.

48 No Moabi,+ teie ta Iehova o te mau nuu,* te Atua o Iseraela, e parau ra:

“Ua ati o Nebo,+ ua haamouhia hoi oia!

Ua faahaamahia e ua haruhia o Kiriataima.+

Ua faahaamahia e ua vavahihia te haapuraa* papu.+

 2 Eita o Moabi e arue-faahou-hia.

I Hesebona,+ ua opuahia to ˈna hiˈaraa:

‘Haere mai, e faaore anaˈe ia ˈna ei nunaa.’

 4 Ua vavahihia Moabi.

Te tutuô nei ta ˈna mau tamarii rii.

 5 I te eˈa e pauma ˈi i Luhi, e taˈi noa te taata a pauma noa ˈi.

E ia pou mai ratou na Horonaima mai, e faaroo ratou i te tutuôraa ahoaho no te ati.+

 6 A maue ê, a horo ê ia ora outou!

Ia riro outou mai te hoê tumu berusi i roto i te medebara.

10 Ua ati te taata e rave i tei poroihia e Iehova ma te haapao ore!

Ua ati te taata e tapea i ta ˈna ˈoˈe eiaha e faatahe i te toto!

12 “‘No reira,’ te parau ra Iehova, ‘inaha te haere mai ra te mau mahana e tono ai au i te taata no te faataahuri ia ratou. E faataahuri taua mau taata ra ia ratou e e hopoi ê i ta ratou mau farii, e e vavahi ratou i ta ratou mau farii rahi. 13 E haama te ati Moabi ia Kemosa, mai te nunaa o Iseraela e haama ia Betela, te vahi hoi ta ratou i tiaturi na.+

14 E nafea oe e nehenehe ai e parau: “E aito puai matou, tei ineine no te aroraa”?’+

Te parau ra te Arii, o Iehova o te mau nuu+ to ˈna iˈoa.

A parau ia ratou: ‘Auê, ua fati te raau puai, te raau o te nehenehe!’

19 A tia i pihai iho i te purumu e a hiˈo, oe e parahi ra i Aroera.+

A ui i te tane e maue ê ra e i te vahine e horo ê ra: ‘Eaha tei tupu?’

20 Ua faahaamahia e ua haamehamehahia Moabi.

A autâ e a tuô.

A faaite i Aranona+ e ua haamouhia Moabi.

21 “Ua tae mai te haavaraa i te fenua papu,*+ i nia ia Holona, Iahaza+ e Mephaata,+ 22 i nia ia Dibona,+ Nebo+ e Bete-dibilataima, 23 i nia ia Kiriataima,+ Bete-gamula e Bete-meona,+ 24 i nia ia Keriota+ e ia Bozara, e i nia i te mau oire atoa o te fenua o Moabi, to te atea e to pihai iho.

26 ‘A faataero ia ˈna i te ava,+ ua faateitei hoi oia ia ˈna i nia ˈˈe ia Iehova.+

27 E ere anei Iseraela i te faaoooraa na oe?+

Eita to Moabi e rave i te tahi ohipa.

Ua na nia ta oe mau amaa ruperupe i te miti.

Ua tae ratou i nia i te miti, i Iazera.

Ua tapea vau i te uaina ia manii ê mai i te taataahiraa vine.

Aita e taata e taataahi ma te reo umere.

E reo ê râ te faaroohia.’”+

34 “‘Te faaroohia ra te hoê tutuôraa mai Hesebona+ haere roa i Eleale.+

E mǎrô atoa te mau pape o Nimirima.+

E mou hoi te faufaa ta ˈna i faatupu.

39 ‘A hiˈo na ia ˈna i te mehameha e! A auê!

A hiˈo na i to Moabi huri-tua-raa no te haama!

40 “Teie hoi ta Iehova e parau ra:

‘E faatae hoi au i nia ia Moabi i te matahiti o to ratou faautuaraa,’ te parau ra Iehova.

46 ‘Ua ati oe, e Moabi!

Ua mou te nunaa o Kemosa.+

47 E haaputu râ vau i te mau tîtî o Moabi i te pae hopea o te mau mahana,’ te parau ra Iehova.

‘I ǒ nei e hope ai te faautuaraa a Moabi.’”+

49 No te ati Amona,+ teie ta Iehova e parau ra:

“Aita anei ta Iseraela e tamaiti?

Aita anei to ˈna e huaai?

Eaha o Malakama+ i fatu ai ia Gada?+

E eaha to ˈna mau taata e ora ˈi i te mau oire o Iseraela?”

‘E e fatu faahou Iseraela i te fenua ta ratou i rave mai ia ˈna,’+ te parau ra Iehova.

 3 ‘A auê, e Hesebona, ua haamouhia hoi o Ai!

A tutuô, e te mau oire ati aˈe ia Raba.

A oomo i te ahu oto.

 6 “‘I muri aˈe râ, e haaputuputu vau i te ati Amona tei hopoi-tîtî-hia,’ te parau ra Iehova.”

7 No Edoma, teie ta Iehova o te mau nuu e parau ra:

“Aita faahou anei e paari i Temana?+

Aita faahou anei ta te feia maramarama e aˈoraa maitai ia horoa?

Ua pê anei to ratou paari?

 8 A maue ê, a faahoˈi i muri!

A haere a parahi i te hohonuraa, outou e parahi ra i Dedana!+

10 E vaiiho tahaa râ vau ia Esau.

12 Teie hoi ta Iehova e parau ra: “Inaha, e inu iho â te feia tei ore i faautuahia e inu i te hapaina o te riri rahi. E vaiihohia anei ïa oe aita hoê aˈe utua? E faautuahia iho â oe, ia inu hoi oe i te reira.”+

13 “Ua horeo hoi au i to ˈu nei ora,” te parau ra Iehova, “e e riro Bozara ei riariaraa,+ ei faaoooraa, ei vahi ano e ei faainoraa. E e vai ano to ˈna mau oire atoa e a muri noa ˈtu.”+

17 “E ia riro Edoma ei riariaraa.+ E hiˈo te taata atoa e haere ra na pihai iho ia ˈna ma te riaria e e hio faaooo no to ˈna mau ati atoa. 18 Mai i Sodoma e i Gomora e i te mau oire tapiri tei haamouhia,”+ te parau ra Iehova, “aita e taata e parahi i reira, e aita e taata e ora i reira.+

19 “Inaha, e taata te haere mai e aro i te mau vahi e amu ai te animara i te aihere ma te taiâ ore mai te hoê liona+ no roto i te uru aihere meumeu i pihai iho i Ioridana, no te hoê taime poto râ, e rave au ia horo ê ratou* i to ratou fenua. E e faatoroa vau i te hoê aratai ta ˈu i maiti no ˈna. O vai hoi mai ia ˈu, e o vai te aa ia ˈu? O vai te tiai mamoe te nehenehe e mau i mua ia ˈu?+ 20 No reira, a faaroo i ta Iehova i faaoti* no Edoma e ta ˈna i manaˈo no te aro i tei parahi ra i Temana:+

E aratai-ê-hia mau â te mau fanauˈa o te nǎnǎ.

No ratou aˈe, e faaano oia i to ratou parahiraa.+

21 I te haruru o to ratou toparaa, ua aueue te fenua.

E tutuô te faaroohia ra!

Ua faaroo-roa-hia te haruru i te miti Uteute.+

23 No Damaseko:+

Ua riaria ratou e ua toaruaru.

E hepohepo to roto i te miti te ore e nehenehe e tamǎrû.

24 Ua toaruaru o Damaseko.

Ua huri oia no te maue ê, ua roohia râ oia i te taiâ.

28 No Kedara+ e te mau faatereraa arii a Hazora, ta Nebukanesa te arii o Babulonia i tairi, teie ta Iehova e parau ra:

30 “A maue ê, a horo ê i te atea!

A haere a parahi i te hohonuraa, outou e parahi ra i Hazora,” te parau ra Iehova.

“Aita to ˈna e uputa e e raau tarava. E ora noa ratou o ratou anaˈe.

34 Teie te parau a Iehova ia Ieremia te peropheta no nia ia Elama+ i te haamataraa o te faatereraa a Zedekia+ te arii o Iuda: 35 “Teie ta Iehova o te mau nuu e parau ra: ‘E ofati au i te fana a Elama,+ te tumu* o to ratou puai. 36 E faatae au i nia ia Elama i na mataˈi e maha no ǒ mai i na poro e maha o te raˈi, e e haapurara vau ia ratou i taua na mataˈi e maha ra. E haapurarahia to Elama na te mau nunaa atoa, aita e faataaraa.’”

37 “E haapurara vau i te ati Elama mai mua mai i to ratou mau enemi e mai mua mai i tei imi ra e rave i to ratou ora. E e faatae au i te ati i nia ia ratou, to ˈu riri ura,” te parau ra Iehova. “E e faatae au i te ˈoˈe e aˈuaˈu ia ratou e mou roa ˈtu ai ratou.”

38 “E e tuu vau i to ˈu terono i Elama,+ e e haapohe au i te arii e te huiarii no reira,” te parau ra Iehova.

39 “I te pae hopea râ o te mau mahana, e haaputuputu vau i te mau tîtî o Elama,” te parau ra Iehova.

50 Teie te parau ta Iehova i faaite no Babulonia,+ no te fenua o te mau Kaladaio, na roto ia Ieremia te peropheta:

 2 “A faaite i te reira i rotopu i te mau nunaa e a poro i te reira.

A faatia i te hoê tapao* e a poro i te reira.

Eiaha e huna i te hoê noa ˈˈe parau!

A parau: ‘Ua haruhia Babulonia.+

Ua faahaamahia Belâ.+

Ua haamehamehahia Merodaka.

Ua faahaamahia ta Babulonia mau tii.

Ua haamehamehahia ta ˈna mau idolo faufau.’*

 3 E nunaa hoi tei tae mai na apatoerau mai no te aro ia ˈna.+

4 “I tera mau mahana e i tera taime,” te parau ra Iehova, “e tae amui mai te nunaa o Iseraela e te nunaa o Iuda.+ E taˈi ratou a haere noa ˈi,+ e e imi amui ratou ia Iehova to ratou Atua.+ 5 E ani ratou eaha te eˈa e tae atu ai i Ziona, ma te fariu i to ratou aro i taua eˈa ra,+ a na ô ai: ‘Haere mai e e apiti anaˈe ia Iehova na roto i te hoê faufaa mure ore o te ore roa e moˈehia.’+ 6 Ua riro to ˈu nunaa ei nǎnǎ mamoe tei moˈe.+ Na to ratou iho mau tiai i faahahi ê ia ratou.+ Ua aratai ê taua mau tiai ra ia ratou i nia i te mau mouˈa, a overe atu ai ratou na nia mai i te mouˈa tae roa i te aivi. Ua moˈehia ia ratou to ratou vahi faaearaa. 7 Ua pau ratou i te amuhia+ e te feia atoa tei ite mai ia ratou, e ua parau to ratou mau enemi: ‘Aita ta matou e hapa, no te mea ua hara ratou ia Iehova, te vairaa o te parau-tia e te tiaturiraa o to ratou mau tupuna, o Iehova.’”

10 E riro Kaladaio ei taoˈa haruhia.+

E oaoa roa te feia atoa tei haru i ta ˈna mau taoˈa,”+ te parau ra Iehova.

12 Ua faahaamahia to outou metua vahine.+

Ua tatarahapa oia tei fanau ia outou.

15 A huro ia ˈna na te mau vahi atoa.

Ua tuu oia ia ˈna.*

A tahoo i nia ia ˈna.

A rave ia ˈna mai ta ˈna iho â i rave.+

17 “E mamoe haapurarahia te nunaa o Iseraela.+ Na te mau liona i haapurara ia ratou.+ O te arii o Asura tei amu ia ratou+ na mua. I muri iho, o Nebukanesa te arii o Babulonia tei honihoni i to ratou mau ivi.+ 18 No reira, teie ta Iehova o te mau nuu,* te Atua o Iseraela, e parau ra: ‘E rave au i te arii o Babulonia e i to ˈna fenua mai ta ˈu i rave i te arii o Asura.+ 19 E e faahoˈi au ia Iseraela i te vahi e amu ai oia i te aihere,+ e e amu oia i te aihere i nia i Karemela e i Basana,+ e e paia oia i nia i te mau mouˈa o Epheraima+ e Gileada.’”+

21 “A pauma e aro i te fenua o Merataima e tei parahi ra i Pekoda.+

Ia vavahihia ratou e ia mou roa,”* te parau ra Iehova.

“A rave pauroa ta ˈu i faaue ia oe.

23 Auê te hamara faatôhia o te fenua atoa nei i te vavahihia e te parari!+

Auê o Babulonia te riroraa ei riariaraa i rotopu i te mau nunaa!+

26 A haere mai e aro ia ˈna na te mau vahi atea mai.+

A iriti i ta ˈna mau vairaa huero maa.+

A haapue i ta ˈna mau taoˈa haruhia mai te pueraa huero maa.

A haamou roa ia ˈna.*+

Eiaha hoê taata to ˈna ia toe.

A puhapa ati aˈe ia ˈna. Eiaha hoê ia ora ˈtu.

A faautua ia ˈna ia au i ta ˈna ohipa.+

A rave ia ˈna mai ta ˈna iho â i rave.+

33 Teie ta Iehova o te mau nuu e parau ra:

Aita ratou i hinaaro e tuu ia ratou ia haere.+

34 Mea puai râ tei hoo mai ia ratou.+

O Iehova o te mau nuu to ˈna iˈoa.+

36 E ˈoˈe te tairi i te feia paraparau faufaa ore,* e e ohipa maamaa ta ratou e rave.

E ˈoˈe te tairi i to ˈna mau aito, e e riaria ratou.+

E ˈoˈe te tairi i ta ˈna pueraa taoˈa, e e haruhia te reira.+

38 Ua ati to ˈna mau pape, e mǎrô te reira.+

40 “E riro te reira mai te vavahiraa te Atua ia Sodoma e Gomora+ e te mau oire ati aˈe,”+ te parau ra Iehova, “aita e taata e parahi i reira, e aita e taata e ora i reira.+

42 E faaohipa ratou i te fana e te mahae.+

Mea ino roa ratou e eita e aroha hamani maitai.+

Mai te hoê noa taata, e apǎpǎ ratou a faaineine ai no te aro ia oe, te tamahine a Babulonia.+

44 “Inaha, e taata te haere mai e aro i te mau vahi e amu ai te animara i te aihere ma te taiâ ore mai te hoê liona no roto i te uru aihere meumeu i pihai iho i Ioridana, no te hoê taime poto râ, e rave au ia horo ê ratou* i to ratou fenua. E e faatoroa vau i te hoê aratai ta ˈu i maiti no ˈna.+ O vai hoi mai ia ˈu, e o vai te aa ia ˈu? O vai te tiai mamoe te nehenehe e mau i mua ia ˈu?+ 45 No reira, a faaroo i ta Iehova i faaoti* no Babulonia+ e ta ˈna i manaˈo no te aro i tei parahi ra i te fenua o te mau Kaladaio:

E aratai-ê-hia mau â te mau fanauˈa o te nǎnǎ.

No ratou aˈe, e faaano oia i to ratou parahiraa.+

51 Teie ta Iehova e parau ra:

 3 Eiaha te taata teˈa ia faatô* i ta ˈna fana.

Eiaha te hoê taata e ahu paruru to ˈna ia tia i nia.

Eiaha e aumihi i to ˈna mau tane apî.+

A haamou i ta ˈna nuu taatoa.

 5 Aita hoi Iseraela e Iuda i riro ei ivi i te ereraa i to ratou Atua, o Iehova o te mau nuu.*+

Ua î râ to raua fenua* i te hapa i te hiˈoraa a Tei Moˈa o Iseraela.

Eiaha outou ia pohe no ta ˈna hape.

Ua tae hoi te taime o ta Iehova tahooraa.

Te faahoˈi ra oia i ta ˈna no ta ˈna i rave.+

 8 Ua topa taue noa o Babulonia e ua parari.+

A auê ia ˈna!+

A tii i te zuri no to ˈna mauiui, peneiaˈe e ora to ˈna maˈi.”

 9 “Ua tamata matou i te faaora i te maˈi o Babulonia, aita râ to ˈna maˈi i ora.

A vaiiho ia ˈna, e haere anaˈe te taata tataitahi i to ˈna fenua.+

10 Ua haava Iehova ia tatou ma te parau-tia.+

A haere mai, e faatia anaˈe i Ziona i te ohipa a Iehova to tatou Atua.”+

11 “A faaanaana i te mau teˈa.+ A rave mai i te mau paruru menemene.*

O te tahooraa hoi teie a Iehova, te tahooraa no to ˈna hiero.

12 A faatia i te hoê tapao*+ no te aro i te aua o Babulonia.

A haapaari i te tiairaa, a tuu i te feia tiai i to ratou tiaraa.

A faaineine i te mau pǔpǔ tamoemoe.

17 E haa te taata atoa ma te feruri ore e te ite ore.

18 Mea faufaa ore ratou,+ e ohipa o te faaooohia.

E mou ratou i te mahana e faautuahia ˈi ratou.

O Iehova o te mau nuu to ˈna iˈoa.”+

Ia oe au e faaano ai i te mau faatereraa arii.

21 Ia oe au e vavahi ai i te puaahorofenua e to ˈna taata faahoro.

Ia oe au e vavahi ai i te pereoo tamaˈi e to ˈna taata faahoro.

22 Ia oe au e vavahi ai i te tane e te vahine.

Ia oe au e vavahi ai i te taata paari e te tamarii.

Ia oe au e vavahi ai i te tane apî e te vahine apî.

23 Ia oe au e vavahi ai i te tiai e ta ˈna nǎnǎ.

Ia oe au e vavahi ai i te taata faaapu e ta ˈna nǎnǎ animara.

Ia oe au e vavahi ai i te tavana e te huitoofa.

27 “A faatia i te hoê tapao* i te fenua.+

A faaoto i te pu tara i rotopu i te mau nunaa.

A faatoroa* i te mau nunaa e aro ia ˈna.*

A titau mai i te mau faatereraa arii no Ararata,+ no Mini e no Asekeneza+ no te aro ia ˈna.

A faatoroa i te hoê taata tihepu no te aro ia ˈna.

A faahaere mai i te mau puaahorofenua mai te aere vivi huruhuru.

30 Ua faarue to Babulonia mau aito i te aroraa.

Te parahi nei ratou i roto i to ratou mau pare etaeta.

Ua ere ratou i to ratou puai.+

Ua riro ratou mai te vahine.+

Ua tutuihia to ˈna mau fare.

Ua ofatihia te mau raau tarava o to ˈna mau uputa.+

33 Teie hoi ta Iehova o te mau nuu, te Atua o Iseraela, e parau ra:

“E au te tamahine a Babulonia i te tahi vahi tairiiriraa huero maa.*

Ua tae te taime e taataahi ai ia ˈna.

E tae oioi mai te tau ootiraa no ˈna.”

Ua tuu oia ia ˈu i raro mai te tahi farii aita hoê mea i roto.

Ua tiahi ê oia ia ˈu i te pape.

35 ‘Ia tae te ino tei ravehia i nia ia ˈu e to ˈu tino i nia ia Babulonia!’ te parau ra tei parahi ra i Ziona.+

‘E ia tae to ˈu toto i nia i tei parahi ra i Kaladaio,’ te parau ra Ierusalema.”

36 No reira, teie ta Iehova e parau ra:

E mǎrô to ˈna miti e ta ˈna mau apoo pape ia ˈu.+

38 E uuru amui ratou mai te mau liona apî.

E faaroohia ratou mai te fanauˈa liona.”

Auê o Babulonia i te riroraa ei riariaraa i rotopu i te mau nunaa!

42 Ua maraa mai te miti i nia ia Babulonia.

Ua poˈi roa oia i te rahi o te mau are miti.

43 Ua riro to ˈna mau oire ei riariaraa, ei fenua pape ore e ei medebara.

E fenua aita hoê e parahi i reira e e haere atu na reira.+

45 A haere ê mai rotopu mai ia ˈna, to ˈu nunaa!+

A horo ê a ora ˈtu ai outou+ i te riri ura o Iehova!+

46 Eiaha e toaruaru aore ra e riaria no te faatiaraa o te faaroohia i te fenua.

50 Outou tei ora ˈtu i te ˈoˈe, a haere, eiaha e faaea!+

E feia ěê hoi tei haere mai e aro i te mau vahi moˈa o te fare o Iehova.”+

E faaroohia te taˈi o to ratou reo.

E faahoˈi mau â oia i ta te taata mai ta ˈna i rave.+

58 Teie ta Iehova o te mau nuu e parau ra:

59 Teie te parau ta Ieremia te peropheta i faaue ia Seraia te tamaiti a Neria+ te tamaiti a Mahaseia ia ˈna i haere i Babulonia raua Zedekia te arii o Iuda i te maha o ta ˈna matahiti faatereraa. O Seraia te tiaau taoˈa a te arii. 60 Ua papai Ieremia i roto hoê noa buka i te mau ati atoa te tae mai i nia ia Babulonia, te mau parau atoa papaihia no nia ia Babulonia. 61 Hau atu â, ua parau Ieremia ia Seraia: “Ia haere oe e ia ite oe ia Babulonia, e taio haapuai oe i teie mau parau atoa. 62 I reira oe e parau ai: ‘E Iehova, ua parau oe e haamouhia teie vahi e eita faahou e parahihia e te taata aore ra te animara, e e vai ano oia e a muri noa ˈtu.’+ 63 E ia oti ia oe i te taio i teie buka, a taamu i te reira i te tahi ofai a taora ˈtu ai i ropu i Eupharate. 64 I reira oe e parau ai: ‘Mai te reira Babulonia e tomo ai a ore atu ai e tia faahou mai+ no te ati ta ˈu e faatae i nia ia ˈna. E e rohirohi ratou.’”+

I ǒ nei e hope ai te mau parau a Ieremia.

52 E 21 matahiti to Zedekia+ i to ˈna riroraa mai ei arii, e 11 matahiti to ˈna faatereraa i Ierusalema. O Hamutala+ te iˈoa o to ˈna metua vahine, e tamahine na Ieremia no Libena. 2 Ua rave noa oia i te mea ino i mua ia Iehova, mai ta Iehoiakima i rave.+ 3 No to Iehova riri i tupu ai taua mau mea ra i Ierusalema e i Iuda, e tiahi roa ˈtu ai oia ia ratou mai mua i to ˈna mata.+ E orure hau atura Zedekia i te arii o Babulonia.+ 4 I te iva o te matahiti faatereraa a Zedekia, i te ahuru o te mahana o te ahuru o te avaˈe, haere maira Nebukanesa te arii o Babulonia e ta ˈna nuu taatoa e aro ia Ierusalema. Puhapa aˈera ratou ati aˈe i te oire e faatia aˈera i te hoê aua haaatiraa.+ 5 Haaatihia ihora te oire e tae roa i te 11 o te matahiti faatereraa a te arii Zedekia.

6 I te iva o te mahana o te maha o te avaˈe,+ mea ino te oˈe i roto i te oire, e aita e maa faahou no te taata o taua fenua ra.+ 7 Faaapoohia ˈtura te patu o te oire, e horo ê aˈera te mau faehau atoa i te oire i te po na te uputa i ropu i na patu e piti i pihai iho i te ô o te arii, a haaati noa ˈi te mau Kaladaio i te oire. E haere noa ˈtura ratou na te eˈa e tae atu ai i te Araba.+ 8 Tapapa ihora râ te nuu Kaladaio i te arii, e noaa maira Zedekia+ ia ratou i te mau vahi papu pâpâmǎrô o Ieriko. Purara ê ihora ta ˈna mau faehau atoa mai pihai iho ia ˈna. 9 Haruhia ˈtura te arii, arataihia maira oia i Ribela i te fenua o Hamata, i te arii o Babulonia ra, e faautua ˈtura oia ia ˈna. 10 E haapohe atura te arii o Babulonia i te mau tamaiti a Zedekia i mua i to ˈna mata, e haapohe atoa ˈtura oia pauroa te huiarii o Iuda i reira i Ribela. 11 Haapo ihora te arii o Babulonia i te mata o Zedekia,+ ponao ihora ia ˈna i te tapea veo, hopoi atura ia ˈna i Babulonia e tapea noa ˈtura ia ˈna i reira e pohe noa ˈtu oia.

12 I te ahuru o te mahana o te pae o te avaˈe, oia hoi i te 19 o te matahiti faatereraa a te arii Nebukanesa no Babulonia, tae maira Nebuzaradana te raatira o te mau tiai i Ierusalema.+ E tavini o ˈna na te arii o Babulonia. 13 Tutui ihora oia i te fare o Iehova,+ te aorai* o te arii, e te mau fare atoa o Ierusalema. Ua tutui atoa oia i te mau fare rarahi atoa. 14 Vavahi aˈera te nuu Kaladaio o tei na muri mai i te raatira o te mau tiai i te mau patu e haaati ra ia Ierusalema.+

15 Hopoi ê atura Nebuzaradana te raatira o te mau tiai vetahi taata rii o te nunaa e te feia i roto â i te oire. Ua hopoi atoa oia i te feia tei horo i te arii ra o Babulonia, e te toea o te mau rimaî aravihi.+ 16 Vaiiho maira râ Nebuzaradana te raatira o te mau tiai vetahi o te mau taata veve roa ˈˈe o taua fenua ra no te tavini ei feia faaapu vine e ei feia rave i te ohipa titauhia.+

17 Vavahi ihora te mau Kaladaio i na pou veo+ o te hiero* o Iehova, te mau pereoo turairai+ e te Miti veo+ no roto mai i te hiero* o Iehova, e hopoi aˈera ratou pauroa te veo i Babulonia.+ 18 Rave atoa aˈera ratou i te mau farii rehu, te mau ope, te mau paoti uiti, te mau auˈa,+ te mau hapaina+ e te mau taihaa veo atoa o tei faaohipahia no te taviniraa i te hiero. 19 Rave aˈera te raatira o te mau tiai i te mau farii pape rarahi,+ te mau farii auahi, te mau auˈa, te mau farii rehu, te mau mori avae,+ te mau hapaina e te mau auˈa hamanihia i te auro e te ario mau.+ 20 No na pou e piti, te Miti, na 12 puaatoro veo+ i raro aˈe i te Miti e te mau pereoo turairai ta te arii Solomona i hamani no te hiero o Iehova, aita i tia ia faito i te teiaha o te veo o teie mau taoˈa.

21 No na pou, 18 kubiti* te teitei to te pou tataitahi, e ati te reira i te hoê taura faito 12 kubiti.+ E maha manimani* te meumeu o te veo, e mea apoopoo te reira. 22 E e veo te tapoˈi i nia iho. E pae kubiti te teitei to te tapoˈi tataitahi,+ e ua hamanihia te upeˈa e te mau remuna ati aˈe i te tapoˈi i te veo. Mai tera atoa te piti o te pou veo, oia atoa te mau remuna. 23 E 96 remuna na te hiti. Ia amuihia, 100 remuna ati aˈe te auri varavara.+

24 Hopoi tîtî atoa maira te raatira o te mau tiai ia Seraia+ te tahuˈa tiaau, ia Zephania+ te tahuˈa tauturu, e na toru tiai uputa.+ 25 Rave maira oia mai roto mai i te oire hoê tia mana o tei tuuhia i nia i te mau faehau, e hitu taata aˈo piri roa i te arii, oia atoa te papai parau o te raatira o te nuu, o te titau i te mau faehau o taua fenua ra, e 60 taata rii atoa o taua fenua ra o tei itehia mai i roto i te oire. 26 Hopoi tîtî maira Nebuzaradana te raatira o te mau tiai ia ratou e afai aˈera ia ratou i te arii ra o Babulonia i Ribela. 27 Haapohe ihora te arii o Babulonia ia ratou i Ribela+ i te fenua o Hamata. Mea na reira to Iuda i te hopoi-ê-raahia mai to ˈna fenua mai.+

28 Teie te mau taata ta Nebukanesa i hopoi ê: i te hitu o te matahiti o ta ˈna faatereraa, e 3 023 ati Iuda.+

29 I te 18 o te matahiti faatereraa a Nebukanesa,+ e 832 taata tei hopoihia mai Ierusalema mai.

30 I te 23 o te matahiti faatereraa a Nebukanesa, e 745 taata ta Nebuzaradana te raatira o te mau tiai i hopoi ê, e ati Iuda.+

Ia amuihia, e 4 600 taata tei hopoi-ê-hia.

31 E i te 37 o te matahiti i hopoi-ê-hia ˈi Iehoiakina+ te arii o Iuda, i te 25 o te mahana o te 12 o te avaˈe, tuu maira Evile-merodaka te arii o Babulonia ia* Iehoiakina te arii o Iuda e faahaere maira ia ˈna i rapae i te fare tapearaa.+ Tei te matahiti ïa i riro ai Evile-merodaka ei arii. 32 Paraparau maira oia ia ˈna ma te hamani maitai e faateitei ihora i to ˈna terono i nia ˈˈe i to te tahi atu mau arii i pihai iho ia ˈna i Babulonia. 33 Tatara ihora ïa Iehoiakina i to ˈna ahu tapearaa, e tamaa noa ˈtura oia i te amuraa maa a te arii i te roaraa o to ˈna oraraa. 34 I te mau mahana atoa o to ˈna oraraa, tae noa ˈtu i te mahana i pohe ai oia, e tuhaa maa no ǒ mai i te arii ra tei horoahia na ˈna i te mahana tataitahi.