ISAIA

 2 A faaroo mai, e te raˈi e, e a horoa mai i to tariˈa, e te fenua e,+

Teie hoi ta Iehova i parau:

“Ua faaamu vau i te tamaiti e ua paari mai,+

Ua orure hau râ ratou ia ˈu.+

 3 Ua ite maitai te puaatoro i to ˈna fatu,

E ua ite te asini i te vahi paruraa a to ˈna fatu.

Aita râ Iseraela i ite ia ˈu,*+

Aita to ˈu nunaa e haa ra ma te maramarama.”

 4 Ua ati taua nunaa rave hara ra,+

Te nunaa i teiaha roa i te hapa,

E huaai feia iino, e tamarii piˈo!

Ua faarue ratou ia Iehova.+

Ua faatura ore ratou i Tei Moˈa o Iseraela.

Ua huri tua ˈtu ratou ia ˈna.

Ua maˈihia te upoo taatoa,

E ua maˈihia te aau taatoa.+

E mutu, e pepe e e tutuˈa,

Aita i rapaauhia,* i taamuhia aore ra i tamǎrûhia i te monoˈi.+

 8 Ua vaiihohia te tamahine o Ziona mai te hoê tamaru* i roto i te faaapu vine,

Mai te hoê tiahapa i roto i te hoê faaapu totoma,

Mai te hoê oire i haaatihia.+

 9 Ahiri aita Iehova o te mau nuu* i vaiiho mai i te hoê toea ia ora,

Ua riro ïa tatou mai ia Sodoma ra

E mai ia Gomora atoa ra.+

“Ua navai roa vau i ta outou mau tusia taauahi mamoe oni+ e te mii o te mau animara haaporiahia,+

Mea au ore na ˈu te toto+ o te mau puaatoro oni apî,+ o te fanauˈa mamoe e te puaaniho.+

12 Ia haere mai outou i mua ia ˈu,+

Na vai i faaue ia outou

Ia taataahi i to ˈu mau aua?+

Te mau avaˈe apî,+ te mau Sabati,+ te faaararaa ia tairuru,+

Eita ta ˈu e nehenehe e faaoromai i ta outou faaohiparaa i te peu tahutahu+ a faatupu noa ˈi outou i ta outou mau tairururaa taa ê.

Ua riro te reira ei mea teiaha no ˈu.

Ua rohirohi roa vau i te amo i te reira.

15 Ia hohora outou i to outou rima,

E huna vau i to ˈu mata ia outou.+

Noa ˈtu mea rahi ta outou pure,+

Eita vau e faaroo.+

Ua î to outou rima i te toto.+

16 A horoi ia outou, a tamâ ia outou.+

A faaea i te rave i ta outou mau ohipa iino i mua i to ˈu mata.

Eiaha e rave faahou i te mea ino.+

17 A haapii i te rave i te mea maitai, a imi i te parau-​tia,+

A aˈo i te taata hamani ino,

A paruru i te mau tiaraa o te tamarii aita e metua tane,*

E a tauturu i te vahine ivi.”+

“Noa ˈtu mea uteute ta outou mau hara,

E uouo roa ïa mai te hiona,+

Noa ˈtu mea uteute mai te ahu uteute paˈo,

E riro ïa mai te huruhuru mamoe ra te uouo.

19 Ia hinaaro mau outou e auraro,

E amu ïa outou i te mau mea maitatai o te fenua.+

20 Mai te peu râ e patoi outou a orure hau atu ai,

E pau outou i te ˈoˈe,+

Na te vaha hoi o Iehova i parau i te reira.”

I î na hoi oia i te parau-tia,+

I parahi na te parau-tia i reira,+

I teie nei râ, e taparahi taata anaˈe ïa.+

22 Ua viiviihia ta oe ario,+

E ua anoihia ta oe ava* i te pape.

Aita ratou e haava ra i te feia aita e metua tane* ma te parau-tia,

E aita ratou e haapao ra i te mau haapeapearaa a te vahine ivi.+

24 No reira te Fatu mau, Iehova o te mau nuu,

Tei Puai o Iseraela, e parau ai:

“Ua navai tera! E faaore au i to ˈu mau enemi,

E e tahoo vau i to ˈu mau enemi.+

25 E fariu vau i to ˈu rima i nia ia oe,

E faaore au i te mau mea viivii atoa i roto ia oe

Mai te feia o te faatahe i te ario no te faaore i te mau mea viivii.+

26 E faahoˈi mai au i ta oe mau haava mai te omuaraa ra

E ta oe feia aˈo mai te haamataraa ra.+

27 I te parau-tia e hoohia mai ai o Ziona,+

E e hoˈi mai to ˈna nunaa ma te parau-tia.

28 E ofatihia te feia orure hau e te feia rave hara i te hoê â taime,+

E te feia e faarue ia Iehova, e mou ïa.+

29 E tupu hoi te haama i te mau tumu raau puai ta outou i hinaaro noa na,+

E e haama outou no te mau ô* ta outou i maiti na.+

30 E riro hoi outou mai te hoê tumu raau rahi e te rauere maemae,+

E mai te hoê ô aita e pape.

31 E riro te taata pautuutu ei aihere mǎrô,

E ta ˈna ohipa, ei pura auahi.

E ura raua,

Aita e taata no te tupohe atu.”

 2 I te pae hopea o te mau mahana,*

E haamau-papu-hia te mouˈa o te fare o Iehova

I nia i te mau tupuai mouˈa,+

E faateiteihia te reira i nia ˈˈe i te mau aivi,

E i reira te mau nunaa atoa e haere ai.+

“Haere mai, e pauma anaˈe i nia i te mouˈa o Iehova,

I te fare o te Atua o Iakoba.+

E haapii oia ia tatou i to ˈna mau eˈa,

E e haere tatou na to ˈna mau eˈa.”+

E matara mai hoi te ture* na Ziona mai,

E te parau a Iehova na Ierusalema mai.+

 4 E haava oia i rotopu i te mau nunaa

E e horoa oia i te aratairaa i* te nunaa e rave rahi.

E tupai ratou i ta ratou mau ˈoˈe ei auri arote

E ta ratou mau omore ei tipi tope raau.+

E ore te hoê nunaa e amo i ta ratou ˈoˈe i nia i te tahi nunaa,

E ore atoa ratou e haapii faahou i te tamaˈi.+

 5 A haere mai, e te huaai o Iakoba,

E haere anaˈe na roto i te maramarama o Iehova.+

 6 Ua faarue hoi oe i to nunaa, te huaai o Iakoba,+

No te mea ua î ratou i te mau mea no Hitia o te râ.

Te rave ra ratou i te peu tahutahu+ mai te mau Philiseti,

E mea rahi te tamarii a te feia ěê i ǒ ratou.

 7 Ua î to ratou fenua i te ario e te auro,

Eita e nehenehe e taio i te rahi o ta ratou mau pueraa taoˈa.

Ua î to ratou fenua i te puaahorofenua,

Eita e nehenehe e taio i te rahi o to ratou mau pereoo.+

Te piˈo ra ratou i mua i te ohipa a to ratou rima,

I mua i ta to ratou manimani rima i hamani.

 9 Te piˈo ra ïa te taata i raro, te faahaehaa ra ia ˈna,

E eita ta oe e nehenehe e faaore i ta ratou hara.

10 A haere i roto i te mato e a tapuni i roto i te repo

No te riri rahi tahoo uˈana o Iehova,

To ˈna mana e to ˈna hanahana.+

11 E faahaehaahia te mata teoteo o te taata,

E haapiˈohia i raro* te faateitei o te taata.

E roohia pauroa te taata teoteo e te faateitei i tera mahana,

Te taata atoa, tei faateiteihia anei aore ra te haihai,+

13 I nia i te mau tumu arezi atoa o Lebanona, tei teitei e tei faateiteihia

E i nia i te mau tumu alona atoa o Basana,

14 I nia i te mau mouˈa teitei atoa

E i nia i te mau aivi teitei atoa,

15 I nia i te mau pare teitei atoa e te mau patu etaeta atoa,

16 I nia i te mau pahi atoa o Taresisa+

E i nia i te mau pahi nehenehe atoa.

17 E tuuhia te teoteo o te taata i raro,

E haapiˈohia i raro* te faateitei o te taata.

19 E tomo te nunaa i roto i te mau ana o te mau mato

E i roto i te mau apoo o te fenua,+

No te riri rahi tahoo uˈana o Iehova,

To ˈna mana e to ˈna hanahana,+

Ia tia mai oia no te tairi i to te fenua i te mǎtaˈu.

20 I tera mahana, e rave te taata i ta ratou mau atua ario e auro faufaa ore

Ta ratou i hamani no ratou iho no te tipapa ˈtu i mua

A faarue atu ai i te reira i te mau iore e te mau iore pererau ra,+

21 Ia nehenehe ratou e tomo i roto i te mau apoo o te mau mato

E i roto i te mau afâ mato,

No te riri rahi tahoo uˈana o Iehova,

To ˈna mana e to ˈna hanahana,

Ia tia mai oia no te tairi i to te fenua i te mǎtaˈu.

22 A faaea na ïa i te tiaturi i te taata,

Tei te aho i roto i to ˈna apoo ihu hoi to ˈna ora.*

3 Inaha hoi, te faaore nei te Fatu mau ra o Iehova o te mau nuu*

Mai Ierusalema e mai Iuda mai i te tauturu e te maa ua rau te huru,

Pauroa te faraoa e te pape,+

 2 Te taata puai e te aito,

Te haava e te peropheta,+ te taata peu hiˈohiˈo e te matahiapo,

 3 Te raatira 50,+ te taata faaturahia e te taata aˈo,

Te taata peu manamana aravihi e te taata faarata ophi aravihi.+

 4 E faariro vau i te mau tamaroa ei huiarii no ratou,

E na te taata manaˈo feaa* e faatere ia ratou.

 5 E haavî te taata te tahi i te tahi,

Te taata tataitahi i to ˈna taata tupu.+

E aro te tamaroa i te taata paari,

E e aa te taata vahavahahia i te taata faaturahia.+

“E ere na ˈu e rapaau i to outou pepe,

Aita ta ˈu e maa e aita to ˈu e ahu i to ˈu fare.

 8 Ua hahi ê hoi Ierusalema,

E ua topa Iuda,

No te mea te patoi nei ratou ia Iehova i te parau e te ohipa.

E haerea orure hau to ratou i mua i to ˈna mata* hanahana.+

 9 Na to ratou hohoˈa mata e faahapa ia ratou,

E e faahiti ratou i ta ratou hara mai ia Sodoma.+

Eita ratou e tamata i te huna i te reira.

10 A parau i te feia parau-tia e maitai ratou.

E haamaitaihia ratou no ta ratou e rave.*+

E roohia oia i te ati,

Ta to ˈna hoi rima i rave, e ravehia i nia ia ˈna!

12 Area to ˈu nunaa, mea haavî roa to ratou mau tiaau ohipa ia ratou,

E na te mau vahine e faatere ia ratou.

To ˈu nunaa, te faaovere ra to outou mau aratai ia outou,

E te faahahi ê ra ratou i te aveia o to outou mau eˈa.+

13 Te faaineine nei Iehova i te faahapa.

Te tia nei oia i nia no te faautua i te mau nunaa.

“Ua tanina outou i te faaapu vine,

E tei roto i to outou mau fare te mau taoˈa ta outou i eiâ i te taata veve.+

15 Eaha outou i manaˈo ai e taataahi i to ˈu nunaa

E e haavî i te feia veve?,”*+ te parau ra te Arii hau ê e Fatu ra o Iehova o te mau nuu.

16 Te parau ra Iehova: “No te mea mea teoteo te mau tamahine o Ziona,

A haere ai ma te faateitei i te upoo,*

A hiˈo ai ma te faahinaaro, a haere ai ma te haapeu,

A faaatete ai i to ratou mau taamu poro avae,

17 E tairi atoa Iehova i te upoo o te mau tamahine o Ziona i te tutuˈa,

E e haapahure Iehova i to ratou rae.+

18 I tera mahana, e faaore Iehova i te nehenehe o to ratou mau tapea poro avae,

Te mau taamu upoo e faaunauna hohoˈa avaˈe apî,+

19 Te tapea tariˈa, te fifi rima e te puroˈu,

20 Te faanehenehe upoo, te fifi poro avae e te hatua ouma,

Te vairaa monoˈi noˈanoˈa e te taoˈa haamanuïa,

21 Te tapea rima e te tapea ihu,

22 Te ahu roa no te oroa, te tiputa aano, te ahu tapoˈi e te pute moni,

23 Te hiˈo mea tapea+ e te ahu lino,*

Te taamu upoo e te puroˈu.

24 E ere te monoˈi zuri,+ ei hauˈa ino râ.

E ere te hatua, ei taura râ.

E ere te faanahoraa rouru nehenehe, ei upoo pahure râ.+

E ere te ahu unauna, ei ahu oto râ.+

E e tapao auri vea, e ere te nehenehe.

25 E pohe to oe mau taata i te ˈoˈe,

E to oe feia puai i te tamaˈi.+

26 E oto e e hepohepo te mau tomoraa o Ziona,+

E e parahi oia i raro ma te oto.”+

“E amu matou i ta matou iho maa,

E e oomo i to matou iho ahu.

Tera râ, ia pii-noa-hia matou i to oe iˈoa

No te faaore i to matou haama.”*+

5 Ia himene na vau no ta ˈu here

I te hoê himene no nia i ta ˈu here e ta ˈna faaapu vine.+

Ua tanu oia i reira i te hoê vine maitai mea uteute te maa,

Ua patu i te tahi pare i ropu,

E ua ô i te tahi taataahiraa vine i roto.+

Ua tiaturi noa oia ia faahotu mai te reira i te vine maitai,

E vine oviri noa râ ta ˈna i faahotu mai.+

 3 “E teie nei, outou e parahi ra i Ierusalema, e outou to Iuda,

A haava na ia ˈu e te faaapu vine.+

 4 Eaha ˈtu â ta ˈu e nehenehe e rave no ta ˈu faaapu vine

Ta ˈu i ore i rave aˈena?+

No te aha, i to ˈu tiaturiraa e vine maitai te hotu mai,

E vine oviri noa ta te reira i faahotu mai?

 5 I teie nei, e faaite au ia outou

E nafea vau i ta ˈu faaapu vine:

E tatara vau i to ˈna aua,

E taninahia oia.+

E vavahi au i to ˈna patu ofai,

E e taataahihia oia.

 6 E faaano vau i te reira.+

Eita oia e topehia e eita e vaerehia na te hiti.

E poˈi roa oia i te raau taratara e te zizania,+

E e faaue au i te ata eiaha e faatopa i te ûa i nia iho.+

 7 O te nunaa o Iseraela hoi te faaapu vine a Iehova o te mau nuu.*+

O te feia no Iuda te faaapu mea au na ˈna.

I tiaturi noa na oia ia tupu te parau-tia,+

Inaha râ, e parau-tia ore tei tupu.

E i tiaturi na oia ia tupu te ohipa afaro,

Inaha râ, e autâ te faaroohia.”+

 8 Ua ati tei puoi i te hoê fare i te tahi atu fare+

E tei puoi i te hoê faaapu i te tahi atu faaapu+

E tae roa i te taime aita faahou e vahi vata

E o ratou anaˈe te ora i nia i tera fenua!

 9 Ua euhe Iehova o te mau nuu i to ˈu tariˈa

E rave rahi fare, noa ˈtu te rahi e te nehenehe,

Te riro ei mea hairiiri,

Aita hoê taata i roto.+

10 Hoê bato* hoi ta hoê ahuru akera* faaapu vine e faahotu,

E hoê noa epha* ta hoê homera* huero maa e faatupu.+

11 Ua ati te feia e tia i te poipoi roa no te inu i te ava,+

E o te faataere i te maororaa po ia ama roa ratou i te uaina!

12 E kinura ta ratou e te upaupa taura,

Te tariparau, te vivo e te uaina i ta ratou mau oroa.

Eita râ ratou e haapao i te ohipa a Iehova,

E eita e ite i te ohipa a to ˈna rima.

13 E hopoi-ê-hia ïa to ˈu nunaa

No te ite ore.+

E poia to ratou feia hanahana,+

E pauroa to ratou mau taata te poihâ.

14 No reira te Apoo* i faaaano ai ia ˈna

E i hamǎmǎ roa ˈi i to ˈna vaha.+

E o to ˈna unauna,* to ˈna mau nahoa maniania e to ˈna feia arearea

Te pou i roto, mea papu.

15 E e piˈo te taata i raro,

E haapiˈohia oia i raro,

E e haapiˈohia te mata o te faateitei i raro.

16 E faahanahanahia Iehova o te mau nuu i ta ˈna haavaraa.*

O te Atua mau, Tei Moˈa,+ te haamoˈa ia ˈna na roto i ta ˈna parau-tia.+

17 E e amu te fanauˈa mamoe i te aihere mai te huru ra tei to ratou vahi ra ratou.

E tamaa te feia ěê e noho ra i ǒ outou i te mau vahi ano o te mau animara îî maitai.

18 Ua ati te feia o te ume mai i ta ratou hapa i te mau taura o te haavare,

E ta ratou hara i te mau taura pereoo,

19 Ratou e parau ra: “Ia haavitiviti te Atua i ta ˈna ohipa,

Ia tae oioi mai te reira ia nehenehe matou e ite atu.

Ia tupu te opuaraa* a Tei Moˈa o Iseraela

Ia nehenehe matou e ite i te reira!”+

20 Ua ati te feia e parau ra mea ino te maitai, e mea maitai te ino,+

Te feia e parau ra e maramarama te poiri e e poiri te maramarama,

Te feia e parau ra mea momona te mea avaava, e mea avaava te mea momona!

21 Ua ati te feia e manaˈo ra e feruriraa paari to ratou

E mea maramarama ratou i ta ratou hiˈoraa!+

22 Ua ati te feia mea puai ratou no te inu i te uaina

E te taata mea aravihi ratou no te anoi i te ava,+

23 Te feia e faaore i te hara a te taata ino ia petahia ratou+

E e faaere i te taata parau-tia i te parau-tia!+

24 No reira, mai te arero auahi e faaama i te sitona mǎrô

E te aihere mǎrô e viriˈo i roto i te auahi,

E pê to ratou mau aˈa,

E e puehu to ratou mau tiare mai te ueue,

No te mea ua faarue ratou i te ture* a Iehova o te mau nuu

E ua faatura ore i te parau a Tei Moˈa o Iseraela.+

25 No reira te riri o Iehova e ura ˈi i nia i to ˈna nunaa,

E e toro oia i to ˈna rima i nia ia ratou no te tairi ia ratou.+

E aueue te mau mouˈa,

E e riro to ratou mau tino pohe mai te pera i te mau aroâ.+

No teie mau mea atoa i ore ai to ˈna riri i pee,

Mea toro noa râ to ˈna rima no te tairi.

26 Ua faatia oia i te tahi tapao* no te tahi nunaa atea.+

Ua hio oia ia haere mai ratou mai te mau otia o te fenua.+

E inaha, te haere oioi mai nei ratou.+

Aita te hatua ati aˈe to ratou tauupu i matara,

Aita atoa te taura o to ratou mau tiaa i mutu.

28 Mea oi pauroa ta ratou mau teˈa,

E mea tô* pauroa ta ratou fana.

Mai te ofai paari ra te mau avae o ta ratou mau puaahorofenua,

E mai te vero mataˈi te huira o to ratou mau pereoo.+

29 Mai to te liona ra to ratou uuru.

E uuru ratou mai te liona apî.+

E uuru e e haru ratou i te animara

E e hopoi ê ratou i te reira aita hoê no te faaora i te reira.

30 I tera mahana, e uuru ratou i nia ia ˈna

Mai te haruru o te miti.+

Pauroa te taata o te hiˈo i te fenua te ite i te poiri riaria.

Ua poiri-atoa-hia te maramarama no te ata.+

Papu e pohe au,*

E taata utu viivii hoi au,

E e ora na vau i rotopu i te feia utu viivii.+

Ua ite hoi to ˈu mata i te Arii, o Iehova o te mau nuu!”

Ua faaorehia ta oe hapa,

E ua faaorehia* ta oe hara.”

‘E na nia iho noa outou i te faaroo i te reira,

Eita râ outou e taa.

E ite â outou i taua mea noa ra,

Aita râ e haapiiraa ta outou e tapea mai.’+

10 A faariro i te aau o teie nunaa ei aau etaeta,+

A faariro i to ratou tariˈa ei tariˈa faaroo ore,+

E a tapiri i to ratou mata,

Ia ore to ratou mata ia ite

E to ratou tariˈa ia faaroo,

Ia ore to ratou aau ia taa

E ia ore ratou ia hoˈi mai a faaorahia mai ai to ratou maˈi.”+

“Ia purehu roa te mau oire e aita faahou anaˈe e taata e parahi ra i roto

E aita anaˈe e taata i roto i te mau fare

E ia ano roa te fenua e aita anaˈe e taata.+

12 Ia faaatea ê roa Iehova i te taata+

E ia parare roa te vai-ano-raa o te fenua.

“Eita e haere,

Eita atoa e tupu.

 8 O Damaseko hoi te oire pu o Suria,

E o Rezina te arii o Damaseko.

I roto noa e 65 matahiti

E purara roa ˈi Epheraima, a ore atu ai e parau-faahou-hia e nunaa.+

 9 O Samaria te oire pu o Epheraima,+

E o te tamaiti a Remalia te arii o Samaria.+

Aita anaˈe to outou e faaroo papu,

Eita outou e mau papu.”’”

 6 “No te mea ua faarue teie nunaa i te taheraa pape mǎrû o Siloa+

E te oaoa ra ratou ia Rezina e te tamaiti a Remalia,+

 7 Inaha, e hopoi mai Iehova i nia ia ratou

I te mau pape rahi uˈana o te Anavai,*

O te arii o Asura+ e to ˈna hanahana taatoa.

E vaipue te reira na to ˈna mau taheraa pape atoa,

E poˈi to ˈna mau hiti atoa

 8 A farara ˈtu ai i nia ia Iuda.

E vaipue roa oia e e na roto atu ia Iuda a raea roa ˈi te aˈî.+

E poˈi te aanoraa o to oe fenua i to ˈna na pererau hohorahia,

E Imanuela!”*+

A parau i ta outou e hinaaro e parau, eita râ e tupu,

Tei ia matou ra hoi te Atua!*+

Eiaha e mǎtaˈu i ta ratou e mǎtaˈu,

Eiaha e rûrû no te reira.

13 O Iehova o te mau nuu* ta outou e hiˈo ei mea moˈa,+

O ˈna ta outou e mǎtaˈu,

E no ˈna e rûrû ai outou.”+

14 E riro oia mai te tahi nao,*

E mai te tahi atoa ofai toteraa,

E mai te tahi mato turoriraa+

No na faatereraa arii e piti a Iseraela,

Ei herepata e ei marei

No tei parahi ra i Ierusalema.

15 E rave rahi o ratou te turori, te topa e te fatifati.

E mau ratou i te herepata a haruhia ˈtu ai.

16 A otaro i te haapapuraa papaihia.*

A titiro i te ture* i rotopu i ta ˈu mau pǐpǐ!

 2 Te feia tei haere na i roto i te poiri,

E maramarama rahi ta ratou i ite.

Oia atoa te feia e parahi ra i te fenua o te poiri rahi,

Ua anaana te maramarama i nia ia ratou.+

 3 Ua faarahi oe i te nunaa.

Ua faarahi oe i to ratou oaoa.

E oaoa ratou i mua ia oe

Mai te nunaa o te oaoa i te tau ootiraa,

Mai te feia o te tufa ma te oaoa i te mau taoˈa haruhia.

 4 Ua vavahi hoi oe i te zugo e faateimaha ra ia ratou,

Te raau i nia i to ratou tapono, te raau a te tiaau ohipa,

Mai i te mahana ra o Midiana.+

 5 Pauroa te tiaa o te faehau o te faaaueue i te fenua ia haere ratou

E pauroa te ahu tei puru i te toto

Te riro mai te vahie no te auahi.

 6 Ua fanauhia mai hoi hoê tamarii ia tatou,+

Ua horoahia mai te hoê tamaiti na tatou.

E e vai noa te faatereraa* i nia i to ˈna tapono.+

 7 E aano noa ˈtu â ta ˈna faatereraa*

E te hau aita e hopearaa,+

I nia i te terono o Davida+ e i roto i ta ˈna faatereraa arii.

E haamau-papu-hia+ e e turuhia te reira

Na roto i te parau-tia+ e te afaro,+

Mai teie nei e a muri noa ˈtu.

 8 E parau faaararaa ta Iehova ia Iakoba,

E ua tae mai te reira i nia ia Iseraela.+

 9 E te nunaa taatoa te ite i te reira,

O Epheraima e to Samaria,

O te parau ra ma te faateitei e te teoteo o te aau:

10 “Ua marua te ofai araea,

E patu faahou râ matou i te ofai taraihia.+

Ua tâpûhia te tumu sukamino,

E mono râ matou i te reira i te tumu arezi.”

11 E faatia Iehova i te mau enemi o Rezina no te aro ia ˈna

E e turai oia i to ˈna mau enemi ia ohipa,

12 o Suria na hitia o te râ mai e te mau Philiseti na tooa o te râ mai,*+

E pau o Iseraela i te amuhia e ratou ma te vaha hamǎmǎ.+

No teie mau mea atoa i ore ai to ˈna riri i pee,

Mea toro noa râ to ˈna rima no te tairi.+

13 Aita hoi te nunaa i hoˈi i Tei tairi ra ia ratou.

Aita ratou i imi ia Iehova o te mau nuu.+

14 E tâpû Iehova i Iseraela

I te upoo e te aero, te ohi e te amaa,* i te hoê â mahana.+

15 O te matahiapo e o tei faatura-roa-hia te upoo,

E o te peropheta e horoa ra i te mau haapiiraa hape te aero.+

16 Na te feia o te aratai ra i teie nunaa e faaovere ra ia ratou,

E ua painu te feia e arataihia ra.

17 No reira Iehova e ore ai e mauruuru i to ratou feia apî,

E eita oia e aroha i ta ratou mau tamarii aita e metua tane* e to ratou mau vahine ivi

No te mea e feia taiva e e feia ohipa ino ratou pauroa+

E e parau auraa ore anaˈe ta te mau vaha atoa.

No teie mau mea atoa i ore ai to ˈna riri i pee,

Mea toro noa râ to ˈna rima no te tairi.+

18 Te ama ra hoi te ino mai te auahi,

A pau atu ai te raau taratara e te zizania.

E ama te mau ruru aihere o te uru raau,

E e pee te reira ei ata au auahi.

19 No te riri rahi o Iehova o te mau nuu

I ama ˈi te fenua i te auahi,

E e riro te nunaa mai te vahie no te auahi.

20 E tâpû te tahi i te pae atau,

E poia noa râ oia.

E tamaa te tahi i te pae aui

Eita râ oia e paia.

E amu te taata tataitahi i te iˈo o to ˈna iho rima,

21 E amu Manase ia Epheraima,

E Epheraima ia Manase.

No teie mau mea atoa i ore ai to ˈna riri i pee,

Mea toro noa râ to ˈna rima no te tairi.+

10 Ua ati te feia o te haamana i te mau faatureraa hamani ino,+

O te faaineine noa i te mau ture haavî,

 2 No te faaere i te veve i to ratou mau tiaraa,

No te faaere i te feia riirii i rotopu i to ˈu nunaa i te parau-tia,+

A haru ai i te mau taoˈa a te vahine ivi

E a eiâ ˈi i ta te mau tamarii aita e metua tane!*+

 3 E nafea outou i te mahana e titauhia ˈi ta* outou,+

Ia tae mai te haamouraa na te atea mai?+

E horo outou ia vai e ani ai i te tauturu?+

E ihea outou e vaiiho ai i ta outou mau faufaa?*

 4 Aita ˈtu e ravea, e piˈo noa râ i raro e te feia tei tapeahia,

Aore ra e pohe e te feia tei haapohehia.

No teie mau mea atoa i ore ai to ˈna riri i pee,

Mea toro noa râ to ˈna rima no te tairi.+

 5 “Inaha, te taata no Asura,+

Te raau no te faaite i to ˈu riri+

E te raau i roto i to ˈna rima no te faaite i ta ˈu faautuaraa!

 6 E tono vau ia ˈna e aro i te tahi nunaa taiva,+

E aro i te nunaa tei faariri roa ia ˈu.

E faaue au ia ˈna e haru e e eiâ e rave rahi taoˈa

E e taataahi ia ratou mai te vari o te mau aroâ.+

 7 E ere râ tera ta ˈna e hinaaro,

E ere atoa tera ta to ˈna aau e opua.

Tei to ˈna aau hoi te haamouraa,

Te iriti-ê-raa e rave rahi nunaa, eiaha i te tahi noa.

 8 E parau hoi oia:

‘E ere anei to ˈu huiarii atoa i te arii?+

10 Ua mau i to ˈu rima te faatereraa arii a te mau atua faufaa ore,

Mea rahi aˈe ta ratou mau tii i ta Ierusalema e ta Samaria!+

11 Eita anei au e rave atoa ia Ierusalema e ta ˈna mau idolo

Mai ta ˈu i rave ia Samaria e to ˈna mau atua faufaa ore?’+

12 Ia oti ia Iehova pauroa ta ˈna ohipa i te mouˈa Ziona e i Ierusalema, e faautua Oia* i te arii o Asura no to ˈna aau teoteo e to ˈna teoteo, to ˈna mata faateitei.+ 13 Ua parau hoi oia:

‘E na reira vau ma te puai o to ˈu rima

E ma to ˈu paari, mea paari hoi au.

E faaore au i te otia o te mau nunaa+

E e eiâ vau i ta ratou mau taoˈa,+

E mai te tahi taata puai, e haavî au i to reira mau taata.+

14 Mai te hoê taata e tuu i to ˈna rima i roto i te tahi ofaaraa,

E mau i to ˈu rima te faufaa a te mau nunaa.

E mai te huero manu faaruehia ia haaputuhia,

E haaputu vau i to te fenua taatoa!

16 No reira te Fatu mau, o Iehova o te mau nuu,*

E haapiaoao ai i te feia poria,+

E e faaama ˈi i te tahi auahi ura i raro aˈe i to ˈna hanahana.+

17 E riro te Maramarama o Iseraela+ ei auahi,+

E Tei Moˈa no ˈna ei ura auahi.

E ura te reira e e pau ia ˈna ta ˈna zizania e ta ˈna raau taratara i te hoê noa mahana.

18 E faaore roa oia i* te hanahana o ta ˈna uru raau e ta ˈna faaapu maa hotu.

E riro te reira mai te tahi taata maˈi e haere noa ˈtu ra i te inoraa.+

19 E iti roa mai te mau tumu raau e toe ra i roto i ta ˈna uru raau

E nehenehe ai ta te hoê tamarii e taio i te rahiraa.

20 I tera mahana eita te toea o Iseraela

E tei ora mai no roto i te huaai o Iakoba

E turui faahou i nia i tei tairi ia ratou.+

E turui râ ratou i nia ia Iehova,

Tei Moˈa o Iseraela, ma te haapao maitai.

21 Te tahi toea noa,

Te toea o Iakoba, te hoˈi i te Atua puai.+

22 Noa ˈtu hoi to oe nunaa, e Iseraela,

Mai te one tahatai te rahi,

Hoê noa toea o ratou te hoˈi.+

Ua faaotihia te haamouraa,+

E e horomii te parau-tia* ia ratou.+

23 Oia mau, e tupu na te fenua taatoa

Te haamouraa faaotihia e te Arii hau ê e Fatu ra o Iehova o te mau nuu.+

27 I tera mahana, e tatarahia ta ˈna hopoia mai nia mai i to oe tapono,+

E ta ˈna zugo mai nia mai i to oe aˈî,+

E e ofatihia te zugo+ no te monoˈi.”*

28 Ua tae mai oia i Aiata.+

Ua na roto atu oia ia Migerona.

I Mîkamasa+ to ˈna vaiihoraa i ta ˈna mau taihaa.

29 Ua mairi ia ˈna te vahi papaˈu.

Ua taoto oia i Geba.+

Ua rûrû o Rama, ua horo ê Gibea+ o Saula.

E faaiteite oia i to ˈna poro rima i te mouˈa o te tamahine o Ziona,

Te aivi o Ierusalema.

33 Inaha, te tâpû nei te Fatu mau ra o Iehova o te mau nuu

I te mau amaa ma te haruru riaria mau.+

Te tâpûhia ra te mau tumu raau rarahi roa ˈˈe,

E te faahaehaahia ra te mau tumu raau teitei.

34 E faaore roa oia i te mau ruru tumu raau haehaa o te uru raau i te mauhaa auri,*

E e topa te mau tumu raau o Lebanona i tei puai.

11 E amaa apî+ te tupu mai no roto i te tumu i raro ra o Iese,+

E e horoa te hoê ohi+ no roto i to ˈna mau aˈa i te maa.

 2 E e parahi te varua o Iehova i nia ia ˈna,+

E noaa ˈi ia ˈna te paari+ e te haroˈaroˈa,

Te aˈoraa maitai e te puai,+

Te ite e te mǎtaˈu ia Iehova.

Eita oia e haava ia au i ta to ˈna mata e ite,

Eita atoa e tamaˈi atu na nia noa i ta to ˈna tariˈa e faaroo.+

 4 E haava oia i te taata rii ma te tano,*

E e tamaˈi atu oia ma te afaro no te maitai o te feia mǎrû o te fenua.

E tairi oia i te fenua i te raau o to ˈna vaha+

E e haapohe oia i te taata ino i te aho o to ˈna vaha.+

 5 E riro te parau-tia ei hatua ati aˈe to ˈna tauupu,

E e riro atoa te haapao maitai ei hatua no to ˈna tauupu.+

 6 E faafaaea te luko raua te fanauˈa mamoe maa taime,+

E e taoto te nemera e te fanauˈa puaaniho,

E* te fanauˈa puaatoro raua te liona, ratou pauroa e te animara haaporiahia.+

E na te tahi tamaroa iti e aratai ia ratou.

 7 Hoê â amuraa ta te puaatoro raua te daba,

E e tarava ta raua fanauˈa te tahi i pihai iho i te tahi.

 8 E hauti te aiû na pihai iho i te tapuniraa o te asepi,

E e tuu te tamarii ua mairi ta ˈna û i to ˈna rima i nia i te tapuniraa o te ophi taero.

 9 Aita e hamani-ino-raa,+

Aita e tuinoraa e tupu na to ˈu mouˈa moˈa atoa,+

No te mea e î te fenua i te ite ia Iehova

Mai te moana tei î i te miti.+

Ia ˈna e fariu ai te mau nunaa no te aratairaa,*+

E e hanahanahia to ˈna vahi faaearaa.

13 E ore te pohehae o Epheraima,+

E e mou te feia tei aro na ia Iuda.

Eita o Epheraima e pohehae ia Iuda,

Eita atoa o Iuda e aro ia Epheraima.+

14 Na nia mai i te mau taha aivi* o te mau Philiseti ratou ia purehu mai i tooa o te râ.

E haru amui ratou i te mau taoˈa a te nunaa no Hitia o te râ.

E toro ratou i to ratou rima* i nia ia Edoma+ e Moabi,+

E e auraro te ati Amona ia ratou.+

15 E vahi* Iehova i te ooa* o te miti o Aiphiti,+

E e amo oia i to ˈna rima i nia i te Anavai.*+

E tairi oia i to ˈna na tahora e hitu* i to ˈna aho paapaa,

E e faahaere oia i te taata i te tahi atu pae ma te tiaa i to ratou avae.

16 E ei purumu rahi+ na Asura mai no te toea o to ˈna nunaa,+

Mai te purumu rahi no Iseraela i te mahana i haere mai ai ratou i rapae i te fenua o Aiphiti.

“Mauruuru, e Iehova,

Noa ˈtu hoi i riri na oe ia ˈu,

Ua ore riirii noa to oe riri, e ua tamahanahana oe ia ˈu.+

E tiaturi au, eita vau e mǎtaˈu.+

O Ia* Iehova hoi to ˈu mana e to ˈu puai,

E ua riro oia ei faaora no ˈu.”+

 3 Ma te oaoa outou e huti mai ai i te pape

I te mau pape pihaa o te faaoraraa.+

“A haamauruuru ia Iehova, a tiaoro i to ˈna iˈoa,

A faaite i ta ˈna mau ohipa i te mau nunaa!+

 6 A umere e a tuô no te oaoa, outou to* Ziona,

Mea teitei hoi Tei Moˈa o Iseraela i rotopu ia outou.”

A pii atu ia ratou, a tarape atu,

Ia tomo mai ratou na te mau tomoraa o te feia tiaraa teitei.

Ua titau vau i ta ˈu mau aito no te faaite i to ˈu riri,

To ˈu mau taata o te oaoa ma te faaoru rahi.

 4 A faaroo na! E nahoa to te mau mouˈa.

E au ra e nahoa rahi mau ia faaroohia ˈtu!

A faaroo na! O te haruru o te mau faatereraa arii,

O te mau nunaa amuihia!+

 5 Na te tahi fenua atea mai ra ratou,+

Mai te hopea mai o te raˈi,

O Iehova e te mau mauhaa o to ˈna riri rahi tahoo,

No te tuino i te fenua taatoa.+

 7 No reira te mau rima atoa e paruparu ai,

E te aau o te mau taata atoa e toaruaru ai i te mǎtaˈu.+

Ua roohia ratou i te iriti e te mauiui,

Mai te tahi vahine e fanau ra.

E hiˈo ratou te tahi i te tahi ma te mehameha,

Ma te hohoˈa mata hepohepo rahi.

 9 Inaha, te tae mai ra te mahana o Iehova,

E ino e te iria e te riri ura,

No te faariro i te fenua ei riariaraa,+

E no te haamou i te feia rave hara mai nia mai i te fenua.

10 Eita hoi te fetia o te raˈi e to ratou mau pue fetia+

E horoa i to ratou maramarama.

E poirihia te mahana ia hiti mai te reira,

E eita te avaˈe e turama faahou.

11 E titau vau i ta tei parahi ra i nia i te fenua ia au i to ratou ino,+

E ta te feia ino ia au i ta ratou hape.

E faaore au i te faaoru rahi o te feia teoteo,

E e faahaehaa vau i te faateitei o te feia haavî.+

12 E rave au ia varavara aˈe te taata i te auro tamâhia,+

E ia varavara aˈe te huitaata i te auro no Ophira.+

13 No reira vau e faaaueue ai i te raˈi,

E e aueue te fenua a taa ˈtu ai i to ˈna vairaa+

I te riri rahi o Iehova o te mau nuu i te mahana o to ˈna riri ura.

14 Mai te zabi aˈuaˈuhia e mai te nǎnǎ aita hoê no te haaputuputu ia ratou,

E hoˈi te taata tataitahi i to ˈna nunaa.

E horo ê te taata tataitahi i to ˈna fenua.+

15 E patia-pipiha-roa-hia te taata atoa te itehia mai,

E te taata atoa te haruhia, e pohe ïa i te ˈoˈe.+

16 E haapohehia ta ratou mau tamarii i mua i to ratou mata,+

E haruhia te mau taoˈa i roto i to ratou mau fare,

E e maferahia ta ratou mau vahine faaipoipo.

17 Teie au e faatia nei i to Medai e aro ia ratou,+

O te haafaufaa ore i te ario

E te ore e au i te auro.

18 E haapurara ta ratou mau fana i te feia apî.+

Eita ratou e aroha aˈe,

Eita atoa e aumihi i te tamarii.

19 E e riro Babulonia, te mea hanahana aˈe* o te mau faatereraa arii,+

Te nehenehe o te mau Kaladaio e ta ratou teoteoraa,+

Mai ia Sodoma raua Gomora i to te Atua faatahuriraa ia raua.+

20 Eita oia e parahi-faahou-hia e te taata,

Eita atoa e riro ei vahi faaearaa no te mau uˈi atoa.+

Aita e Arabia e patia i to ˈna fare ie i reira,

E aita e tiai e faataoto i ta ˈna mau nǎnǎ i reira.

21 E taoto te mau animara o te medebara i reira.

E î to ratou mau fare i te okima.

E faaea te ione i reira,+

E e ouˈauˈa te puaaniho oviri* na reira.

22 E aoa te mau animara aoa i roto i to ˈna mau pare,

E te mau urî taehae i roto i to ˈna mau aorai unauna.

Fatata to ˈna taime, e eita to ˈna mau mahana e faaroahia.”+

 5 Ua ofati Iehova i te raau a te feia ino,

Te raau a te mau faatere,+

 6 Tei tairi noa na ma te taehae i te mau nunaa,+

Tei haavî i te mau nunaa ma te hamani ino noa ia ratou.+

 8 Te mau tumu berusi atoa te oaoa ia oe,

Oia atoa te mau tumu arezi no Lebanona.

E na ô ratou: ‘Mai to oe toparaa mai,

Aita e taata tâpû raau e haere mai e tâpû ia matou.’

 9 Te hautiuti atoa ra te Apoo* i raro nei

No te farerei ia oe ia tae mai oe.

No oe, e faaara oia i te feia puai ore i roto i te pohe,

Te mau raatira haavî* atoa o te fenua.

10 Te paraparau nei ratou paatoa e te na ô ra ia oe:

‘Ua riro atoa anei oe mai ia matou i te paruparu?

11 I raro i te Apoo* te hopoiraahia to oe teoteo,

E te taˈi o ta oe mau upaupa taura.+

Mea anai te toˈe i raro aˈe ia oe mai te tahi roˈi,

E o te mau tuˈa to oe ahu taoto.’

12 Auê hoi to oe toparaa mai nia mai i te raˈi,

E tera fetia anaana, te tamaiti a te aahiata!

Auê hoi to oe tâpûraahia i raro i te fenua,

Oe tei upootia na i nia i te mau nunaa!+

E faateitei au i to ˈu terono i nia ˈˈe i te mau fetia a te Atua,+

E e parahi au i nia i te mouˈa o te amuiraa,

I te mau vahi atea roa ˈˈe i apatoerau.+

14 E haere au i nia ˈˈe i te mau ata.

E faariro vau ia ˈu mai Tei Teitei Roa ˈˈe.’

15 Tera râ, e haapouhia oe i te Apoo,*

I te mau vahi atea roa ˈˈe o te apoo.

16 E mataitaihia oe e te feia e ite ra ia oe.

E hiˈopoa maite ratou ia oe, a na ô ai:

‘O te taata anei tera tei faaaueue i te fenua,

No ˈna i aueue ai te mau faatereraa arii,+

17 O tei faariro i te fenua parahihia e te taata ei medebara

E tei faatahuri i to ˈna mau oire,+

Tei ore i hinaaro i to ˈna feia tapeahia ia hoˈi i te fare?’+

18 Te tahi atu mau arii atoa o te mau nunaa,

Oia mau, pauroa ratou te tarava i roto i te hanahana,

Te taata tataitahi i roto i to ˈna menema.*

19 E faaruehia râ oe aita to oe e menema,

Mai te tahi ohi* mea haehia,

Ahuhia i te feia pohe tei patiahia i te ˈoˈe,

O te pou i te tahi apoo î i te ofai,

Mai te tahi tino pohe taataahihia.

20 Eita oe e amuihia ia ratou i roto i te tahi apoo hunaraa,

Ua haamou hoi oe i to oe fenua,

Ua haapohe oe i to oe nunaa.

21 A faaineine i te tahi vahi haapoheraa no to ˈna huaai,

No te hara a to ratou mau tupuna,

Ia ore ratou ia tia mai a haru atu ai i te fenua,

A î atu ai te fenua i to ratou mau oire.”

“Mai ta ˈu iho â i opua, mai te reira ia tupu,

E mai ta ˈu iho â i faaoti, tera te tupu.

25 E haaperehu vau i te taata no Asura i to ˈu fenua,

E e taataahi au ia ˈna i nia i to ˈu mau mouˈa.+

E tatarahia ta ˈna zugo i nia i to ˈu nunaa,

E e tatarahia ta ˈna hopoia mai nia mai i to ratou tapono.”+

26 Tera tei faaotihia* no te fenua taatoa,

E tera te rima tei ineine i te tairi i* te mau nunaa atoa.

27 Na Iehova hoi o te mau nuu i faaoti,

O vai te nehenehe e tapea i te reira?+

Ia toro to ˈna rima,

O vai te nehenehe e faahoˈi atu i te reira?+

29 “Eiaha e oaoa, Philisetia, pauroa outou,

No te mea noa ua ofatihia te raau a tei tairi na ia oe.

E ophi taero+ hoi te na roto mai i te huaai o te ophi,+

E e riro to ˈna huaai ei ophi taero peepee.

30 A amu ai te matahiapo o te feia riirii i te maa

E a taoto ai te feia veve ma te hau,

E haapohe au i to oe huaai i te oˈe,

E e haapohehia tei toe ra no roto mai ia oe.+

E au auahi te haere mai ra na apatoerau mai,

E aita e taata taere i roto i to ˈna anairaa faehau.”

Ua haamau Iehova i te niu o Ziona,+

E e haapu te feia riirii o to ˈna nunaa i ǒ ˈna.

No te mea ua haamouhia oia hoê noa po,

Ua haamamûhia Ara+ no Moabi.

No te mea ua haamouhia oia hoê noa po,

Ua haamamûhia Kira+ no Moabi.

 2 Ua pauma te taata i te Hiero* e i Dibona,+

I te mau vahi teitei no te taˈi.

I nia i to ratou tapoˈi fare e i ta ratou mau mahora, e auê ratou pauroa.

E topa turi ratou ma te taˈi.+

 4 Te tuô ra o Hesebona raua Eleale.+

Te faaroo-roa-hia ra to raua reo tae roa i Iahaza.+

I te eˈa e pauma ˈi i Luhi, e taˈi ratou a pauma ˈi.

E auê ratou no te ati a haere ai ratou i Horonaima.+

 6 Ua mǎrô roa hoi te mau pape o Nimirima.

Ua mǎrô te aihere,

Ua moˈe te aihere e aita e mea matie faahou.

 7 No reira e hopoi-ê-hia ˈi tei toe o tei haaputuhia e ratou e ta ratou mau faufaa.

Te na roto atu ra ratou i te peho o te mau tumu arobe.

Ua tae roa te auê i Egelaima.

Ua tae roa te auê i Beere-elima.

 9 Ua î roa hoi te mau pape o Dimona i te toto,

E mea rahi atu â ati ta ˈu no Dimona:

E liona no to Moabi te ora ˈtu

E no tei toe i nia i te fenua.+

16 A faatae i te tahi mamoe oni i te raatira o te fenua,

Mai Sêla ˈtu na roto i te medebara

Tae roa i te mouˈa o te tamahine o Ziona.

 2 Mai te tahi manu tei tiahihia i to ˈna ofaaraa,+

E na reira-atoa-hia te mau tamahine o Moabi i te mau vahi papaˈu o Aranona.+

E mou te taata haavî,

E hope te haamouraa,

E e mou te feia e taataahi ra ia vetahi ê i te fenua.

Eita te taata no te tiahapa o Davida o te parahi i nia iho e taiva.+

E haava oia ma te parau-tia e e faatupu oioi oia i te parau-tia.”+

 6 Ua faaroo tatou i te parau o te teoteo o Moabi, mea faaoru roa oia,+

Mea faateitei, mea teoteo e mea iria.+

E hope râ ta ˈna mau parau faufaa ore.

 7 E auê Moabi ia Moabi.

E auê ratou pauroa.+

 8 Ua mǎrô hoi te mau faaapu vine i nia i te taha aivi o Hesebona,+

Te vine a Sibema,+

Ua taataahi te mau raatira o te mau nunaa i to ˈna mau amaa uteute.*

Ua tae roa te reira i Iazera.+

Ua tae roa te reira i te medebara.

E puru roa outou i to ˈu roimata, e Hesebona orua Eleale,+

No te mea aita faahou te reo umere* no te maa auhune e te tau ootiraa.

10 Aita faahou te oaoa e te rearea i roto i te faaapu maa hotu,

E aita faahou e himene oaoa e e reo umere i te mau faaapu vine.+

Aita faahou te taata taataahi vine e taataahi faahou ra,

Ua haamamû hoi au i te reo umere.+

11 No reira vau i horuhoru ai i roto ia ˈu no Moabi,+

Mai te hautiraa kinura,

I roto roa ia ˈu, no Kira-haraseta.+

“Inaha, e ere faahou o Damaseko i te hoê oire,

E e riro oia ei haapueraa huˈahuˈa.+

 2 E faaruehia te mau oire o Aroera.+

E riro te reira ei vahi taotoraa na te mau nǎnǎ animara

Aita hoê e faariaria ia ratou.

 3 E mou te mau oire auahia i te patu i Epheraima,+

E te faatereraa arii a Damaseko.+

E e riro te toea o Suria

Mai te hanahana o te ati Iseraela,”* te parau ra Iehova o te mau nuu.*

 4 “I tera mahana, e iti mai te hanahana o Iakoba,

E e pararaihia to ˈna tino pautuutu.*

 5 E riro te reira mai te taata ooti ia haaputu i te amaa huero maa

E ia haaputu to ˈna rima i te mau peenave huero maa,

Mai te tahi taata ia ohi haere i te mau peenave huero maa i te peho o te ati Repha.+

 6 E toe noa mai te mea e nehenehe e ohi-haere-hia,

Mai te tumu olive ia tairiirihia:

E piti aore ra e toru olive para te toe i nia i te amaa teitei roa ˈˈe,

E maha aore ra e pae i nia i to ˈna mau amaa hotu,”+ te parau ra Iehova te Atua o Iseraela.

 9 I tera mahana, e riro to ˈna mau oire auahia i te patu mai te tahi vahi faaruehia i te uru raau,+

Mai te tahi amaa faaruehia i mua i te ati Iseraela.

E riro te reira ei vahi taata ore.

10 Ua moˈe hoi ia oe te Atua+ o te faaora ia oe.

Aita oe i haamanaˈo i te Mato+ o to oe haapuraa.

No reira oe e faanehenehe ai i ta oe mau faaapu

A tanu atu ai i reira i te ohi a te taata* ê.

11 Ia ao, e aua maitai oe i ta oe faaapu.

I te poipoi, e faatupu oe i ta oe mau huero maa,

Aita râ e maa ta oe e ooti i te mahana e roohia ˈi oe i te maˈi e te mauiui eita e ore.+

12 A faaroo na! E maniania rahi no ǒ i te nunaa e rave rahi,

Mai te moana ra ratou i te arepurepu!

E haruru rahi no ǒ i te mau nunaa,

Mai to te mau pape puai ra to ratou haruru!

E tamaˈi te Atua ia ratou, a horo ê atu ai ratou,

Mai te ota i nia i te mau mouˈa e puhihia ra e te mataˈi,

Mai te raau taratara e taviriviri ra i roto i te vero.

Tera te tuhaa a te feia tei eiâ ia matou

E te taoˈa a tei haru mai i ta matou mau taoˈa.

18 Ua ati te fenua o te vavâ manumanu

I te tuhaa fenua o te mau anavai o Etiopia!+

 2 E fano te mau vea ta ˈna e tono na te moana,

Na te mau pape na nia i te mau poti môˈu, a na ô ai:

“A haere, e te mau vea vitiviti,

I te hoê nunaa taata roa e te iri moremore,*

I te hoê nunaa mǎtaˈuhia i te mau vahi atoa,+

I te hoê nunaa puai e te haru fenua,*

Tei pau to ratou fenua i te mau anavai.”

 3 Outou pauroa to te fenua e outou e noho ra i nia i te fenua nei,

E ite outou mai te tahi tapao* faatiahia i nia i te mau mouˈa,

E e faaroo outou i te taˈi mai te otoraa pu.

“Eita vau e aueue, e e hiˈo noa vau* i to ˈu vahi haamau-papu-hia,

Mai te âhu anaana e te hihi mahana,

Mai te ata hupe a âhu ai i te tau ootiraa.

 5 Hou hoi te tau ootiraa,

Ua uaa anaˈe te mau tiare e ua riro anaˈe te tiare ei vine o te para ra,

E topehia te mau amaa i te tipi fefe,

E tâpûhia e e tatarahia te mau amaamaa taviriviri.

 6 E vaiiho-pauroa-hia te reira na te mau manu aˈuaˈu animara o te mouˈa

E na te mau animara o te fenua.

Ei nia iho noa te mau manu aˈuaˈu animara i te reira i te tau veavea,

E ei nia iho pauroa te animara o te fenua i te reira i te tau ootiraa.

 7 I tera taime, e hopoihia mai te ô na Iehova o te mau nuu*

No ǒ mai i te hoê nunaa taata roa e te iri moremore,

No ǒ mai i te hoê nunaa mǎtaˈuhia i te mau vahi atoa,

No ǒ mai i te hoê nunaa puai e te haru fenua,

Tei pau to ratou fenua i te mau anavai

I te vahi tei topahia i te iˈoa o Iehova o te mau nuu, te mouˈa Ziona.”+

E rûrû te mau atua faufaa ore o Aiphiti i mua ia ˈna,+

E e toaruaru te aau o Aiphiti.

 2 “E faaaraara vau i to Aiphiti ia aro i to Aiphiti,

E e aro ratou te tahi i te tahi,

Te taata atoa i to ˈna taeae e to ˈna taata tapiri,

Tera oire i tera oire, e tera faatereraa arii i tera faatereraa arii.

 3 E horuhoru o Aiphiti,

E e faarapu vau i ta ˈna mau opuaraa.+

E fariu ratou i to ratou mau atua faufaa ore,

I te feia tahutahu, te feia e demoni hiˈohiˈo to ratou e te feia hiˈohiˈo.+

 4 E tuu vau ia Aiphiti i te rima o te hoê raatira haavî,

E na te tahi arii ino e faatere ia ratou,”+ te parau ra te Fatu mau, o Iehova o te mau nuu.*

 5 E mǎrô roa te miti,

E mǎrô roa te mau anavai e e pau te pape e tahe ra i roto.+

 6 E e hauˈa ino te mau anavai.

E iti roa te pape o te mau taheraa pape o Nile i Aiphiti a mǎrô roa ˈtu ai.

 7 E mǎrô roa+ te mau raau tupu na te roa o te anavai Nile, i te muriavai o Nile,

E pauroa te fenua tei ueuehia i te huero maa na te roa o Nile.+

 8 E oto te feia ravaai,

E auê te feia e taora i te mǎtau i roto i te anavai Nile,

E e iti roa te feia e taora i te upeˈa i roto i te pape.

 9 E haama te feia e pahere i te lino+

E te feia raraa i te ahu uouo.

10 E taataahihia to ˈna feia raraa.

Pauroa te rave ohipa tarahuhia te oto.

“E huaai au no te feia feruriraa paari,

E huaai no te mau arii i tahito ra”?

13 E ohipa maamaa ta te huiarii o Zoana i rave.

Ua vare te huiarii o Nopha.+

Ua hahi ê Aiphiti i te mau raatira o to ˈna mau opu.

14 E feruriraa rapu ta Iehova i ninii i nia ia ˈna.+

E ua faahahi ê ratou ia Aiphiti i roto i ta ˈna mau ohipa atoa e rave,

Mai te tahi taata taero e peretete i roto i to ˈna pihaˈe.

15 E aita e ohipa ta Aiphiti e faatupu,

Te upoo anei aore ra te aero, te ohi anei aore ra te amaa.*

Te tae mai ra te ati mai te mataˈi vero mai apatoa mai,

Mai te medebara mai, te hoê fenua riariahia.+

Te taiva ra te taata taiva,

Te vavahi ra te taata vavahi.

Ua roohia vau i te iriti,

Mai to te vahine ia fanau.

E horuhoru roa ino vau no te faaroo atu.

Ua peapea roa ino vau no te hiˈo atu.

 7 Ite ihora oia i te tahi pereoo e e piti puaahorofenua,

Te tahi pereoo asini,

Te tahi pereoo kamela.

“Te tia noa nei au i nia i te pare tiairaa ia ao, e Iehova,

E e faaea vau i to ˈu vahi tiairaa i te mau po atoa.+

10 E to ˈu nunaa tei taataahihia,

Te maa o* to ˈu vahi tairiiriraa huero maa,*+

Ua faatia vau ia oe i ta ˈu i faaroo ia Iehova o te mau nuu,* te Atua o Iseraela.

I roto i te uru raau i te vahi papu pâpâmǎrô e taoto ai oe,

E te mau ratere no Dedana.+

14 A rave maa pape a afai atu ai na tei poihâ,

Outou to te fenua o Têma,+

E a hopoi i te faraoa na tei horo ê ra.

15 Ua horo ê hoi ratou i te ˈoˈe, te ˈoˈe tei tatarahia,

I te fana tei faatôhia, e i te ino mau o te tamaˈi.

 2 I huehue na oe,

E oire ahoahoa, e oire popou.

E ere i te ˈoˈe te poheraa to oe feia pohe,

E ere atoa i te aroraa to ratou poheraa.+

Pauroa te taata tei itehia mai tei hopoihia i te fare tapearaa,+

Noa ˈtu ua horo ê ratou i te atea.

 4 No reira vau i parau ai: “A fariu ê atu i to outou mata ia ˈu,

E e taˈi au ma te ahoaho.+

Eiaha e onoono i te tamahanahana ia ˈu

No te haamouraa o te tamahine a* to ˈu nunaa.+

 5 E mahana hoi no te horuhoru e te pau e te huehue,+

No ǒ mai i te Arii hau ê e Fatu ra, o Iehova o te mau nuu,*

I te Peho o te orama.

E vavahihia te aua,+

E tuôhia i te mouˈa ra.

 6 E rave Elama+ i te vairaa teˈa,

Te pereoo tamaˈi e te puaahorofenua,*

E e tatara* mai Kira+ i te paruru.

 7 E î to oe mau peho maitai roa ˈˈe

I te pereoo tamaˈi,

E tia te mau puaahorofenua* i te uputa,

 8 E e tatarahia te paruru a Iuda.

12 I tera mahana, e titau te Arii hau ê e Fatu ra o Iehova o te mau nuu

Ia taˈi e ia oto te taata,+

Ia hahu i to ratou upoo e ia oomo i te ahu oto.

13 Inaha râ, e faatupu ratou i te oroa e e oaoa ratou,

E tupaihia te puaatoro e te mamoe,

E inaˈi te maa e e uaina te inu.+

 3 Na nia i te pape e rave rahi te fanoraa te huero maa a Sihora,*+

Tei ootihia i pihai iho ia Nile, ta oe taoˈa aufau,

Ei faufaa na te mau nunaa.+

 4 Ia haama oe, e Sidona, oe te pare o te moana,

No te mea ua parau te moana:

“Aita vau i mauiui i te mauiui fanau, e aita vau i fanau,

Aita vau i faaamu i te tane apî, aita atoa vau i rave i te vahine apî.”*+

 5 Mai te faarooraahia te parau apî no Aiphiti,+

E ahoaho atoa te taata ia faaroo ratou i te parau apî no Turia.+

 8 Na vai i faaoti i te reira no Turia,

Oia tei opere i te hei arii,

E huiarii to ˈna feia hoo taoˈa,

E feia faaturahia na te fenua taatoa to ˈna feia tapihoo?+

 9 Na Iehova o te mau nuu* i faaoti i te reira,

No te haaviivii i to ˈna teoteoraa i to ˈna nehenehe rahi,

No te faahaama i te feia atoa tei faahanahanahia na te fenua atoa.+

11 Ua toro oia i to ˈna rima i nia i te moana.

Ua aueue te mau faatereraa arii ia ˈna.

12 E te parau ra oia: “Eita oe e oaoa faahou,+

E te vahine apî* tei haavîhia, tamahine a Sidona.

Teie taua nunaa ra, e ere o Asura,+

Tei faariro ia ˈna ei vahi no te mau animara o te medebara.

Ua faatia ratou i te mau pare no te haru i te oire.

Ua vavahi ratou i to ˈna mau pare etaeta,+

A riro atu ai oia ei pueraa huˈahuˈa.

14 A auê, e te mau pahi o Taresisa,

Ua vavahihia hoi to outou pare.+

A hauti maite i ta oe kinura.

A himene e rave rahi himene,

Ia haamanaˈohia oe.”

Te nunaa e te tahuˈa,

Te tavini tane e to ˈna fatu tane,

Te tavini vahine e to ˈna fatu vahine,

Tei hoo mai e tei hoo atu,

Tei tipeehia ˈtu e tei tipee mai,

Tei tarahu atu e tei tarahu mai.+

 3 E pau roa te fenua taatoa.

E haruhia pauroa te taoˈa i reira,+

Na Iehova hoi i faahiti i tera parau.

 5 Ua haaviiviihia te fenua e to ˈna mau taata,+

Ua tâuˈa ore hoi ratou i te mau ture,+

Ua taui i te faatureraa,+

E ua ofati i te faufaa vai maoro.*+

 6 No reira te fenua i pau ai i te ati,+

E e hara ta te feia atoa e parahi ra i reira.

No reira to te reira fenua i iti roa mai ai,

E aita rea taata tei toe mai.+

 7 Te oto* nei te uaina apî, te oriorio nei te vine,+

E te autâ nei te feia atoa tei oaoa na te aau.+

 8 Aita faahou te oto oaoa o te tariparau.

Ua ore te maniania a te feia arearea.

Aita faahou te oto oaoa o te kinura.+

 9 Aita e himene ia inu te taata i te uaina,

E mea maramara te ava no te feia inu.

10 Ua vavahihia te oire ano.+

Ua tapirihia pauroa te fare, aita e taata e tomo i roto.

Ua ore roa te oaoa.

Ua morohi te oaoaraa o te fenua.+

12 E pueraa huˈahuˈa noa te oire.

Ua vavahihia te uputa ei pueraa huˈahuˈa.+

Mai te tumu olive ia tairiirihia,+

Mai te ohi-haere-raa ia hope te pofairaa vine.+

14 E tuô ratou,

E umere ratou.

15 No reira ratou e faahanahana ˈi ia Iehova i te tuhaa fenua o te maramarama.*+

E faahanahana ratou i te iˈoa o Iehova te Atua o Iseraela i te mau motu o te moana.+

Ua ati au! Ua taiva te feia taiva.

Ma te taiva te taivaraa mai te feia taiva ia ˈu.”+

18 Te taata atoa e horo ê i te haruru riaria, e topa ïa i roto i te apoo,

E te taata e haere mai ra i rapae i te apoo, e mau ïa i roto i te marei.+

E tatarahia hoi te mau uputa pape o te raˈi,

E e aueue te mau niu o te fenua.

19 Ua parari roa te fenua.

Ua aueue te fenua.

Ua iriti roa te fenua.+

20 Te peretete ra te fenua mai te taero ava,

E te taueue ra mai te tahi tamaru i te mataˈi.

Mea teiaha ta ˈna hara i nia ia ˈna,+

E e topa oia e eita e tia faahou mai.

21 I tera mahana, e haapao Iehova i te nuu o te vahi teitei i nia ra

E i te mau arii o te fenua i raro nei.

22 E e haaputuputuhia ratou

Mai te feia tei tapeahia e haaputuputuhia i roto i te apoo,

E e ponaohia ratou i roto i te piha tapearaa.

I muri aˈe e rave rahi mahana e haapaohia ˈi ratou.

23 E horuhoru te atiraa avaˈe,

E e haama te mahana anaana,+

Ua riro hoi Iehova o te mau nuu* ei Arii+ i te mouˈa Ziona+ e i Ierusalema,

Ma te hanahana i mua i te mau matahiapo o to ˈna nunaa.*+

E faateitei au ia oe, e arue au i to iˈoa,

E ohipa faahiahia hoi ta oe i rave,+

Tei opuahia* mai mutaa iho mai.+

Ua faatupu oe i ta oe i parau,+ e ua faaite oe e nehenehe oe e tiaturihia.

 2 Ua riro hoi te hoê oire ia oe ei pueraa ofai,

Te hoê oire auahia i te patu ei pueraa huˈahuˈa.

E ere te pare o te taata ê i te oire faahou.

E ore roa ˈtu te reira e patu-faahou-hia.

 3 No reira oe e faahanahanahia ˈi e te tahi nunaa puai.

E mǎtaˈuhia oe e te oire o te mau nunaa haavî.+

 4 Ua riro hoi oe ei pare no te feia riirii,

Ei pare no te taata veve e ahoaho ra,+

Ei haapuraa ia tupu te vero ûa,

E ei marumaru ia âhu roa.+

Ia farara te feia haavî mai te vero ûa i nia i te pǎpai,

 5 Mai te âhu i te fenua mǎrô,

E faaiti mai oe i te maniania a te feia ěê.

Mai te âhu e iti mai i te marumaru o te ata,

E na reira atoa te himene a te feia haavî ia haamamûhia.

 6 I nia i teie mouˈa,+ e faaineine Iehova o te mau nuu* no te mau nunaa atoa

I te tahi tamaaraa ma te maa maitatai,+

Te tahi tamaaraa ma te uaina maitai roa,*

Ma te maa maitatai mea ravai te puo ivi,

Ma te uaina maitai roa e te titiahia.

 7 I nia i teie mouˈa, e faaore* oia i te ahu e puohu ra i te mau nunaa atoa

E te tapoˈi* tei raraahia i nia i te mau nunaa atoa.

 8 E horomii* oia i te pohe e a muri noa ˈtu,+

E e tamǎrô te Arii hau ê e Fatu ra o Iehova i te roimata o to ratou mau mata atoa.+

E faaore oia i te hapa a to ˈna nunaa mai nia mai i te fenua taatoa,

Na Iehova hoi i parau.

Ua tiaturi tatou ia ˈna,+

E e faaora oia ia tatou.+

10 E vai noa hoi te rima o Iehova i nia i teie mouˈa,+

E e taataahihia Moabi i to ˈna vahi+

Mai te amaa huero maa e taataahihia i nia i te tahi pueraa para.

11 E toro oia i to ˈna rima i nia ia ˈna

Mai te taata ˈau e toro i to ˈna rima no te ˈau,

E e huri oia i to ˈna teoteo i raro+

I te mau raveraa aravihi a to ˈna rima.

12 E e huri oia i raro

I te oire auahia i te patu, e to ˈna* mau aua paruru.

E huri oia i te reira i raro, i nia mau i te repo.

 2 A tatara i te mau uputa+ ia nehenehe te nunaa parau-tia e tomo,

E nunaa haerea haapao maitai noa.

 3 E paruru oe i te feia e turui papu ra i nia ia oe.*

E faafanaˈo oe ia ratou i te hau mure ore,+

No te mea o oe ta ratou e tiaturi ra.+

 4 A tiaturi ia Iehova e a muri noa ˈtu,+

O Ia* Iehova hoi te Mato mure ore.+

Ua tuu oia i te reira i raro,

Ua tuu oia i te reira i raro i te fenua,

Ua taora oia i te reira i raro i te repo.

 6 E taataahihia te reira i te avae,

Te avae o tei hamani-ino-hia, te taahiraa a te feia riirii.”

No te mea e mea afaro oe,

E haamanina oe i te purumu o te taata parau-tia.

 8 Te pee nei hoi matou i te eˈa o ta oe mau haavaraa, e Iehova,

Tei ia oe ra to matou tiaturiraa.

 9 E hinaaro rahi to te hohonuraa o to ˈu aau ia oe i te po.

Oia mau, i roto ia ˈu,* te imi noa nei au ia oe.+

Ia haava hoi oe i te fenua,

E haapii to te fenua i te parau-tia.+

10 Noa ˈtu e hamani-maitai-hia te taata ino,

Eita oia e haapii i te parau-tia.+

I te fenua atoa o te parau-tia,* e ohipa ino ta ˈna,+

E eita oia e ite i te teitei o Iehova.+

12 E Iehova, e tuu mai oe i te hau ia matou,+

No te mea, te mau ohipa atoa ta matou i rave,

Na oe i rave no matou.

13 E Iehova to matou Atua, na te tahi mau fatu ê atu ia oe i faatere ia matou,+

To oe anaˈe râ iˈoa ta matou e faahiti.+

Ua haapao hoi oe ia ratou

No te haamou ia ratou e no te faaore roa i to ratou parau.

15 Ua faarahi oe i te nunaa, e Iehova,

Ua faarahi oe i te nunaa.

Ua faahanahana oe ia oe.+

16 E Iehova, i roto i te ahoaho ua fariu ratou ia oe.

I to oe aˈoraa ia ratou, ua haamahora ratou i ta ratou pure ma te paraparau mǎrû.+

17 Mai te vahine hapû ua fatata i te fanau

E roohia ra i te mauiui fanau e e tuô ra no te mauiui,

Mai tera atoa ïa matou i ta oe raveraa, e Iehova.

18 Ua hapû matou, ua roohia i te mauiui fanau,

Mai te huru râ ua fanau matou i te mataˈi.

Aita matou i hopoi i te faaoraraa i te fenua,

E aita hoê i fanauhia no te parahi i te fenua.

A ara e a umere,

Outou to te repo!+

E au te hupe i ǒ outou i te hupe o te poipoi,*

E e vaiiho te fenua ia ora faahou mai* te feia puai ore i roto i te pohe.

20 Haere, to ˈu nunaa, a tomo i roto i to outou mau piha i roto,

A tapiri i te opani.+

A tapuni maa taime

E ia ore roa te riri rahi tahoo.*+

21 Inaha hoi, te haere mai ra Iehova mai to ˈna vahi mai

No te titau i ta te feia no teie fenua ia au i ta ratou hara,

E e faaiteitehia te toto tei haamaniihia i nia i te fenua,

E eita to ˈna feia tei haapohehia e huna-faahou-hia.”

27 I tera mahana, ma ta ˈna ˈoˈe etaeta e te rahi e te puai,+

E haapao ai Iehova ia Leviatana,* te ophi heehee noa,

Ia Leviatana, te ophi taviriviri,

E e haapohe oia i tera animara rahi e ora ra i roto i te miti.

E paruru vau ia ˈna i te po e te ao,

Ia ore hoê ia rave ino ia ˈna.+

Ia imi oia ia ˈu ia hau mâua.

Ia hau mâua e imi ai oia ia ˈu.”

 6 I te mau mahana i muri mai, e aˈahia Iakoba,

E tiarehia e e oteohia Iseraela,+

E e î te fenua i te maa hotu.+

 9 Mea na reira ïa te hara a Iakoba e faaorehia ˈi,+

E teie mau te hopearaa ua hopoi-ê-anaˈe-hia ta ˈna hara:

E faariro oia pauroa te ofai o te fata

Mai te puˈa tei vavahihia,

E aita e raau haamoriraa* e e vairaa mea noˈanoˈa e toe mai.+

10 E vai ano hoi te oire auahia i te patu.

E haapaehia e e faaruehia te mau vahi aihere mai te medebara.+

I reira te fanauˈa puaatoro e amu ai i te aihere e e tarava ˈi

E e amu oia i to ˈna mau amaa.+

11 Ua mǎrô anaˈe to ˈna mau amaamaa,

E haere mai te mau vahine e ofati i te reira

No te tahu i te auahi.

No reira Tei hamani ia ratou e ore ai e aroha ia ratou,

E eita Tei haamau ia ratou e hamani maitai ia ratou.+

28 Ua ati te hei arii* faahua* o te mau taero ava o Epheraima+

E te tiare maemae o to ˈna nehenehe hanahana,

Tei nia i te peho ruperupe o te feia tei taero i te uaina!

Mai te vero ûa paari, te vero mataˈi haamou,

Mai te vero uira o te pape pue uˈana,

E huri oia i te reira i raro i te fenua.

 3 E taataahihia i te avae+

Te mau hei arii faahua* o te feia taero ava o Epheraima.

 4 E e riro te tiare maemae o to ˈna nehenehe hanahana,

Tei nia i te peho ruperupe,

Mai te tumu suke tei maahia na mua ˈˈe i te tau auhune.

 7 E e hahi ê atoa ratou no te uaina.

E peretete ratou i ta ratou mau ava.

E hahi ê te tahuˈa e te peropheta no te ava.

E faahuru ê te uaina i to ratou feruriraa.

E e peretete ratou no ta ratou ava.

E hahi ê ratou i ta ratou mau orama,

E e turori ratou i ta ratou mau haavaraa.+

 8 Ua î hoi ta ratou mau amuraa maa i te pihaˈe faufau,

Aita e vahi aita e pihaˈe i nia iho.

 9 E horoahia te ite ia vai,

E e faataahia te poroi ia vai?

I tei mairi noa ˈtu ra ta ratou û,

Tei tatara-noa-hia ˈtu mai nia mai i te tîtî?

10 Mai teie hoi: “E faaueraa na nia iho i te faaueraa, e faaueraa na nia iho i te faaueraa,

E reni na nia iho i te reni, e reni na nia iho i te reni,*+

Maa vahi iti i ǒ nei, maa vahi iti i ǒ atu.”

“E faaueraa na nia iho i te faaueraa, e faaueraa na nia iho i te faaueraa,

E reni na nia iho i te reni, e reni na nia iho i te reni,*+

Maa vahi iti i ǒ nei, maa vahi iti i ǒ atu,”

E ia haere ratou,

E turori e e topa ofera ratou.

E fatifati, e topa ratou i roto i te marei e e noaahia.+

14 A faaroo ïa i te parau a Iehova, outou faaoru ma,

Outou te feia faatere i teie nunaa i Ierusalema,

15 E parau hoi outou:

“Ua faaau hoi matou i te tahi faufaa ia Pohe ra,+

E e faaauraa* ta matou ia Apoo ra.

Ia tae mai te ûa rahi,

Eita matou e raeahia,

Ua haapu hoi matou i roto i te hoê haavare

E ua tapuni matou i roto i te hoê mea hape.”+

“Te haamau nei au i Ziona i te tahi ofai tamatahia,+

Te ofai tihi faufaa roa+ o te hoê niu papu.+

17 E e riro ia ˈu te ture tia ei reni faito+

E te parau-tia ei mauhaa faaafaro reni.*+

E vavahi te ûa paari i te haapuraa o te mau haavare,

E e pape-pue-hia te vahi hunaraa.

18 E faaorehia ta outou faufaa ia Pohe ra,

E eita ta outou faaauraa ia Apoo* ra e mau.+

Ia tae mai te ûa rahi,

E perehu roa outou i te reira.

19 Ia tae noa mai te reira,

E hopoi-ê-hia outou.+

E tae mai hoi te reira i tera e tera poipoi,

Ia ao e ia po.

20 Mea poto roa hoi te roˈi no te tarava roa i nia iho,

E mea huˈa roa te tapoˈi no te puohu atu.

21 E tia hoi Iehova i nia mai i te mouˈa Perazima.

E hautiuti oia mai i te peho i pihai iho ia Gibeona,+

No te rave i ta ˈna ohipa, ta ˈna ohipa maere,

E ia faatupu oia i ta ˈna ohipa, ta ˈna ohipa maere.+

22 Atira na ïa outou i te faaooo,+

Ia ore te taura i taamuhia ˈi outou ia vî atu â,

Ua faaroo hoi au i te Arii hau ê e Fatu ra o Iehova o te mau nuu

E ua faaotihia e haamou i te fenua taatoa.+

23 A horoa mai i te tariˈa faaroo e a faaroo i to ˈu reo.

A haapao e a faaroo i ta ˈu e parau.

25 Ia manina ia ˈna te repo,

Eita anei oia e hue i te kumina ereere e e ueue i te kumina i reira?

E eita anei oia e tanu i te sitona, te mileto e te kerite no te mono i te reira

E te sitona oviri+ na te hiti?

26 Mea tano hoi te huru haapiiraa* a to ˈna Atua ia ˈna.

Na ˈna e haapii ia ˈna.+

27 Eita te kumina ereere e haaperehuhia i te mauhaa taataahi huero maa,+

E eita te huira pereoo e faahaerehia na nia iho i te kumina.

E tairihia râ te kumina ereere i te raau,

E te kumina i te tâpû raau.

Eita, eita oia e tairi noa.+

E ia faahaere oia i te huira pereoo puaahorofenua i nia iho,

Eita oia e haaperehu i te reira.+

29 No ǒ atoa mai te reira ia Iehova o te mau nuu,

Ta ˈna te aˈoraa* faahiahia

E ta ˈna te raveraa puai mau.*+

Ia mairi tera e tera matahiti.

Ia tupu noa te mau oroa matahiti.+

 2 E hopoi mai râ vau i te hepohepo i nia ia Ariela,+

E e tupu te heva e te oto,+

E e riro oia i ta ˈu hiˈoraa mai ta te Atua tahuraa auahi o te fata.+

 3 E faatia vau i te puhapa ati aˈe ia oe,

E haaati au ia oe i te tahi aua

E e faatia vau i te puhapa no te aro ia oe.+

 4 E tuuhia oe i raro.

Mai raro mai i te repo e paraparau ai oe,

E eita ta oe mau parau e faaroo-maitai-hia no te repo.

No raro mai i te repo to oe reo+

Mai te reo o te hoê taata e demoni hiˈohiˈo to ˈna,

E faahiti-mǎrû-hia ta oe mau parau mai te repo mai.

 5 E au to oe nahoa enemi* i te one puehu,+

Te nahoa taata haavî mai te huˈahuˈa sitona e pee i te mataˈi.+

 6 E haapao mai Iehova o te mau nuu* ia oe

I te patiri, te aueueraa fenua e te haruru rahi,

I te mataˈi rahi, te vero e te ura auahi o te tahi auahi ura.”+

 7 I reira te nahoa no te mau nunaa atoa e aro ra ia Ariela,+

Pauroa te aro ra ia ˈna,

Te mau pare no te aro ia ˈna,

E te feia e faahepohepo ra ia ˈna,

O ratou te riro mai te tahi moemoeâ, te tahi orama i te po.

 8 E riro te reira mai te tahi taata tei poia e moemoeâ ra e te tamaa ra oia,

Ua poia râ oia ua ara anaˈe mai,

E mai te tahi taata tei poihâ e moemoeâ ra e te inu ra oia,

Ua poihâ râ e ua rohirohi oia ua ara anaˈe mai.

Tera ïa te tupu no te nahoa no te mau nunaa atoa

E aro ra i te mouˈa Ziona.+

 9 Ia hitimahuta e ia maere outou.+

A haamatapo ia outou e ia matapohia outou.+

Ua taero ratou, eiaha râ i te uaina.

Te peretete ra ratou, eiaha râ no te ava.

10 E varea taoto rahi hoi ta Iehova i ninii i nia ia outou.+

Ua tapo oia i to outou mata, te mau peropheta,+

E ua tapoˈi i to outou upoo, te feia ite orama.+

13 Te parau ra Iehova: “Te tapiri mai ra teie mau taata ia ˈu i to ratou vaha

E te faahanahana ra ratou ia ˈu i to ratou utu,+

Ua atea roa râ to ratou aau ia ˈu.

E ua niuhia to ratou mǎtaˈu ia ˈu i nia i te faaueraa a te taata tei haapiihia ia ratou.+

14 No reira, o vau faahou te rave i te ohipa faahiahia no teie nunaa,+

E maere e maere â ratou.

E morohi te paari o to ratou feia feruriraa paari,

E e hunahia te maramarama o to ratou feia haroˈaroˈa.”+

E rave ratou i ta ratou mau ohipa i roto i te poiri,

A parau ai: “O vai te ite mai ra?

17 Fatata roa, e riro Lebanona ei faaapu maa hotu,+

E e hiˈohia te faaapu maa hotu mai te tahi uru raau.+

18 I tera mahana, e faaroo te tariˈa turi i te mau parau a te buka,

E no roto mai i te rumaruma e te poiri e ite ai te mata o te matapo.+

19 E oaoa rahi to te taata mǎrû ia Iehova,

E e oaoa te taata veve i Tei Moˈa o Iseraela.+

20 E mou hoi te taata haavî,

E ore te parau o te faaoru,

E e haamouhia te taata atoa tei ineine noa i te rave i te ino,+

21 Tei faahapa ia vetahi ê ma te haavare,

Tei tuu i te marei no tei paturu i te mea tia* i te uputa o te oire,+

E tei faaere i te taata parau-tia i te haavaraa parau-tia na roto i te parau faufaa ore.+

“Eita o Iakoba e haama faahou,

E eita to ˈna hohoˈa mata e maheˈaheˈa* faahou.+

23 E ite hoi oia i ta ˈna mau tamarii,

Te ohipa a to ˈu rima, i ǒ ˈna,+

E haamoˈa ratou i to ˈu iˈoa.

Oia mau, e haamoˈa ratou i Tei Moˈa o Iakoba,

E e mǎtaˈu ratou i te Atua o Iseraela ma te faatura.+

24 E noaa te maramarama i te feia horuhoru,

E e farii te feia amuamu i te haapiiraa.”

30 “Ua ati te mau tamaiti haapaari,”+ te parau ra Iehova,

“Ratou o te faatupu ra i te mau opuaraa e ere na ˈu,+

O te faaau ra i te faufaa,* e ere râ i te mea arataihia e to ˈu varua,

A apǎpǎ noa ˈtu ai ta ratou hara.

 2 E pou ratou i Aiphiti+ ma te ore e ani i to ˈu manaˈo,+

No te imi i te parururaa a* Pharao

E no te haapu i raro aˈe i te marumaru o Aiphiti!

 3 E riro râ te parururaa a Pharao ei parau haama no outou,

E te haapuraa i raro aˈe i te marumaru o Aiphiti ei parau faahaama.+

 4 Tei Zoana hoi to ˈna huiarii,+

E ua tapae ta ˈna mau tia i Hanesa.

 5 E haama ratou pauroa

No te tahi nunaa aita e faufaa no ratou,

O te ore e horoa mai i te tauturu e te tahi faufaa,

E haama anaˈe râ e te faahaamaraa.”+

Na te fenua o te ahoaho e te mauiui,

O te liona, te liona uuru,

O te ehidena e te ophi taero peepee,*

Te faauta ra ratou i ta ratou mau faufaa i nia i te tua o te asini

E ta ratou maa i nia i te puu o te kamela.

 8 “A haere i teie nei, a papai i te reira i nia i te pǎpǎ i mua ia ratou,

E a tapao i te reira i roto i te hoê buka,+

Ia faaohipahia te reira a muri aˈe

Ei haapapuraa e a muri noa ˈtu.+

 9 E nunaa orure hau hoi teie,+ e tamarii haavare,+

E tamarii o te ore e hinaaro e faaroo i te ture* a Iehova.+

“I te mea ua faarue outou i ta ˈu parau,+

E tiaturi outou i te taviri e te haavare

E e turui outou i nia i te reira,+

13 E riro teie hape mai te tahi patu afâ,

Mai te tahi patu teitei opupu ua fatata i te marua.

14 E tupararihia te reira mai te farii rahi a te potera,

Ua parari roa hoi e aita hoê huˈahuˈa e toe mai

No te ohi mai i te auahi no roto i te tahuraa auahi

Aore ra no te taipu i te pape i roto i te tahi haapueraa* pape.”

“Ia hoˈi mai outou ia ˈu e ia faafaaea, e ora outou.

Tei te vai-hau-noa-raa e te tiaturiraa to outou puai.”+

17 Hoê tausani te rûrû i te faariariaraa a hoê noa taata.+

E pae taata te faariaria ia outou, e horo ê outou

E e riro tei toe i rotopu ia outou mai te tahi tira i nia i te tupuai mouˈa,

Mai te tahi pou tapao i nia i te aivi.+

18 Tera râ, te tiai nei Iehova ma te faaoromai no* te hamani maitai ia outou,+

E e tia oia i nia no te aroha hamani maitai ia outou.+

27 Inaha, te tae mai ra te iˈoa o Iehova na te atea mai,

Te ura ra to ˈna riri e ua haaatihia i te ata meumeu.

Ua î to ˈna vaha i te riri,

E e au to ˈna arero i te auahi ura.+

28 E au to ˈna varua* i te tahora pape uˈana e raea roa ˈi te aˈî,

No te faaaueue i te mau nunaa i roto i te titia o te haamouraa.*

E e tavaha+ to te mau nunaa no te faahahi ê ia ratou.

29 E au râ ta outou himene mai te tahi himene himenehia i te po

Ia faaineine outou* i te oroa,+

E e au to outou aau mai to te taata

E haere ma* te vivo

I te mouˈa o Iehova, i te Mato o Iseraela.+

30 E rave Iehova ia faaroohia to ˈna reo puai+

E e faaite oia i to ˈna rima+ o te topa ma te riri ura,+

Ma te ura auahi o te auahi ura,+

E pou pape+ e te vero uira e te ofai ûa paari.+

31 E mehameha hoi Asura no te reo o Iehova.+

E tairi oia ia Asura i te raau.+

32 E ia rutu Iehova i ta ˈna raau

No te faautua ia Asura,

E faaroohia te tariparau e te kinura,+

Ia amo oia i to ˈna rima i nia ia ratou i te aroraa.+

33 Ua ineine ê na hoi ta ˈna Topheta.*+

Ua faaineine-atoa-hia te reira no te arii.+

Ua faahohonu e ua faaaano oia i te apǎpǎraa raau,

Ma te auahi e te vahie e rave rahi.

Na te aho o Iehova, mai te tahi taheraa ofai ura,

E tutui i te reira.

31 Ua ati te feia o te pou i Aiphiti e imi i te tauturu,+

O te turui i nia i te mau puaahorofenua,+

O te tiaturi i te mau pereoo tamaˈi no to ratou rahiraa,

E i te mau puaahorofenua tamaˈi* no to ratou puai.

Aita râ ratou e hiˈo ra i Tei Moˈa o Iseraela,

E aita ratou e imi ra ia Iehova.

 2 E Atua paari atoa râ oia, e hopoi mai oia i te ati,

E e faatupu mau â oia i ta ˈna mau parau.

E tia oia no te aro i te pǔpǔ taata ohipa ino

E te feia e turu ra i te feia ohipa ino.+

 3 E taata noa râ to Aiphiti, e ere i te Atua.

E iˈo ta ratou mau puaahorofenua, e ere i te varua.+

Ia toro Iehova i to ˈna rima,

E turori te taata tauturu

E e topa te taata e tauturuhia ra.

Hoê â mouraa ratou pauroa.

 4 Teie hoi ta Iehova i parau ia ˈu:

“Mai te liona, te liona apî puai, ia uuru i nia i te animara ta ˈna e aˈuaˈu ra,

Ia amuihia te hoê pǔpǔ tiai mamoe no te aro ia ˈna,

E eita oia e riaria i to ratou reo,

Eita e hitimahuta i ta ratou maniania,

E na reira Iehova o te mau nuu* e pou mai ai e aro

No te mouˈa Ziona e no to ˈna aivi.

 8 E e topa te taata Asura i te ˈoˈe, eiaha ta te hoê taata.

E na te hoê ˈoˈe, e ere na te hoê taata, e haapau ia ˈna.+

E horo ê oia no te ˈoˈe,

E e faahepohia to ˈna feia apî ia rave i te ohipa.

 9 E moˈe to ˈna mato no te riaria,

E e mehameha to ˈna huiarii no te pou tapao,” te parau ra Iehova,

No ˈna te maramarama* i Ziona e na ˈna te umu i Ierusalema.

32 Inaha, e faatere te hoê arii+ no te parau-tia,+

E e mana mai te huiarii no te ohipa afaro.

 2 E e riro ratou tataitahi ei tapuniraa* i te mataˈi,

Ei haapuraa i te vero ûa,

Mai te taheraa pape i te fenua pape ore,+

Mai te marumaru o te tahi mato rahi i te tahi fenua mǎrô.

 3 Eita faahou ïa te mata o te feia e ite ra e tapiri-faahou-hia,

E e haapao mai te tariˈa o te feia e faaroo ra.

 4 E feruri maite te aau o te feia iria i te ite,

E mea hee noa e mea papu te parau a te feia uu.+

 5 Eita te maamaa e parau-faahou-hia e taata horoa noa,

E te taata tâuˈa ore i te mea afaro e taata tiaraa teitei.

 6 E parau haapaoraa ore hoi ta te maamaa,

E e opua to ˈna aau i te ohipa ino,+

No te haaparare i te ohipa taiva* e no te parau i te parau haapaoraa ore no Iehova,

No te vaiiho i te taata poia ia poia noa

E no te faaere i tei poihâ ra i te tahi mea ia inu.

 7 Mea ino te mau raveraa a te taata tâuˈa ore i te mea afaro.+

E turai oia i te taata ia pee i te haerea haama

No te rave ino i tei ahoaho ra ma te haavare,+

Noa ˈtu e parau atoa te taata veve i te mea tia.

 8 E faaitoito te taata horoa i te faatupu i te aau horoa noa,

E e tutava oia i te horoa noa.*

10 Hau rii hoê matahiti, e rûrû outou te mau tamahine haapao ore,

Aita hoi e maa te haaputuhia mai ia hope te pofairaa vine.+

A tatara i to outou mau ahu,

E a taamu mai i te ahu oto i nia i to outou tauupu.+

12 A tupaipai i to outou ouma ma te oto

No te mau faaapu tupu maitai e no te mau tumu vine hotu.

13 E î hoi te fenua o to ˈu nunaa i te raau taratara.

E tapoˈi te reira i te mau fare oaoa atoa,

Oia mau, i te oire popou.+

14 Ua faaruehia hoi te pare faaetaetahia.

Ua vaiihohia te oire maniania.+

Ua riro Ophela+ e te pare tiairaa ei fenua taata ore no te hoê tau maoro,

Ei parahiraa au mau no te asini oviri,

Ei fenua e amu ai te animara i te aihere i reira,+

15 Tae roa i te taime e niniihia ˈi te varua o te Atua i nia ia tatou,+

E riro te medebara ei faaapu maa hotu,

E e hiˈohia te faaapu maa hotu mai te tahi uru raau.+

16 E e parahi te parau-tia i te medebara,

E te ohipa tano i roto i te faaapu maa hotu.+

17 E hau te hopearaa o te parau-tia mau,+

E hau e e taiâ ore mure ore ta te parau-tia mau e horoa.+

18 E parahi to ˈu nunaa i te hoê vahi hau e te papu,

I te nohoraa papu e te faaearaa hau.+

19 E parahurahu râ te uru raau i te ûa paari,

E e nina-roa-hia te oire.

20 E oaoa outou tei ueue i te huero maa na te roaraa o te hiti pape,

Tei tuu i te puaatoro e te asini.”+

33 Ua ati oe te taata haamou tei ore i haamouhia,+

Oe te taata taiva tei ore i taivahia!

Ia riro oe ei puai*+ no matou i te mau poipoi atoa,

Oia mau, to matou faaoraraa i te taime ahoaho.+

 4 Mai te vivi taehae ia haaputuputu, oia atoa te mau faufaa ta oe i haru ia haaputuputuhia.

E popore te taata i te reira mai te mau aere vivi.

 5 E faateiteihia Iehova,

Tei te teiteiraa hoi i nia roa to ˈna parahiraa.

 6 O ˈna te papuraa o to oe oraraa,*

E te rahi o te faaoraraa,+ te paari, te ite e te mǎtaˈu ia Iehova,+

Tera ta ˈna taoˈa.

 7 Inaha, te tuô ra to ratou mau aito i roto i te aroâ.

Te auê ra te mau vea hopoi i te parau hau.

 8 Aita e taata i nia i te mau purumu rahi.

Aita e taata e ratere ra na nia i te mau eˈa.

Ua ofati oia* i te faufaa.

Ua faarue oia i te mau oire.

Aita oia e tâuˈa ra i te taata.+

Ua riro Sarona mai te medebara,

E te ere ra Basana raua Karemela i to raua rauere.+

10 “I teie nei, e tia mai au i nia,” te parau ra Iehova,

“I teie nei, e faahanahana vau ia ˈu.+

I teie nei, e faateitei au ia ˈu.

14 Te mǎtaˈu ra te feia rave hara i Ziona ra.+

Te rûrû ra te feia taiva:

15 Te taata o te pee noa i te parau-tia,+

O te parau i te mea afaro,+

O te haapae i te apî e noaa mai i te ohipa taviri,

Aita to ˈna rima i rave mai i te peta,+

O te tapiri i to ˈna tariˈa i te parau o te taparahiraa taata,

E o te tapo i to ˈna mata ia ore ia ite i te mea ino,

16 E parahi oia i te mau vahi teitei.

To nia iho to ˈna haapuraa* papu i te mau pare mato,

E horoahia mai ta ˈna maa,

E e pape noa ta ˈna.”+

17 E hiˈo to oe mata i te tahi arii i roto i to ˈna unauna.

E ite te reira i te tahi fenua atea.

19 Eita oe e ite faahou i te nunaa vahavaha,

E nunaa mea fifi* roa ia taa i to ratou reo,

E reo maumau to ratou ta oe e ore e taa.+

E ite to oe mata ia Ierusalema mai te tahi nohoraa hau,

E fare ie eita e hautihia.+

E ore roa te mau naero rahi o te fare ie e tatarahia,

E eita hoê o to ˈna mau taura e mutu.

21 I reira hoi Tei Teitei, Iehova,

E riro ai no tatou ei tuhaa fenua o te mau anavai, o te mau taheraa pape aano,

Aita e pahi mea hôe e fano na reira

E aita e pahi rahi e na reira i te fano.

22 O Iehova hoi to tatou Haava,+

O Iehova to tatou Iriti ture,+

O Iehova to tatou Arii.+

Na ˈna e faaora ia tatou.+

23 E matara te mau taura,

Eita te tira e mau, eita atoa e tuuhia te ie.

I taua tau ra, e operehia te faufaa e rave rahi tei haruhia.

E rave atoa te pirioi i te tahi tuhaa rahi o te taoˈa haruhia.+

34 A tapiri mai e a faaroo mai ia ˈu,

Outou te mau nunaa.

Ia faaroo te fenua nei e to reira,

Te fenua e pauroa tei tupu i reira.

 2 E riri rahi tahoo hoi to Iehova i te mau nunaa atoa,+

E riri rahi to ˈna i ta ratou nuu taatoa.+

E faataa oia ia ratou no te haamouraa.

E horoa oia ia ratou ia haapohehia.+

 3 E faaruehia i rapae tei taparahi-pohe-hia,

E e mâˈi te hauˈa ino o to ratou tino pohe.+

E tahe te mau mouˈa no to ratou toto.*+

 4 E pê te nuu taatoa o te raˈi,

E e otarohia te raˈi mai te otaro.

E oriorio ta ratou nuu taatoa,

Mai te rauere mǎrô te topa mai nia mai i te tumu vine

E mai te suke mǎrô mai nia mai i te tumu suke.

E pou mai te reira i nia ia Edoma no te haavaraa,+

I nia i te nunaa ta ˈu i faataa no te haamouraa.

E î te reira i te mii,+

I te toto o te mau mamoe oni apî e te mau puaaniho,

I te mii o te mape o te mau mamoe oni.

Te faaineine ra hoi Iehova i te tahi tusia i Bozara,

Te tahi taparahiraa rahi i te fenua o Edoma.+

 7 E pou te mau puaatoro oni oviri e o ratou,

Te puaatoro oni apî e te puaatoro oni puai.

E puru to ratou fenua i te toto,

E puru te repo o to ratou fenua i te mii.”

 8 E mahana tahooraa hoi ta Iehova,+

E matahiti faautuaraa i te haavaraa no nia ia Ziona.+

 9 E tauihia to ˈna* mau tahora ei tapau,

E to ˈna repo ei ofai ura,

E e riro to ˈna fenua mai te tapau ura.

10 I te po e te ao, e ore te reira e pohe.

E pee noa to ˈna au auahi i nia e a muri noa ˈtu.

E vai ano noa oia i tera e tera uˈi.

Eita hoê e na reira i te haere e a muri noa ˈtu.+

11 E riro oia i te kata e te puaa taratara,

E e ora te tehemesa tariˈa roa e te oreba i ǒ.

E toro te Atua* na nia ˈˈe ia ˈna i te taura faito o te aore

E te tapau faito* o te anoraa.

12 Eita hoê o to ˈna huimana e faarirohia ei arii,

E e mou to ˈna huiarii taatoa.

13 E tupu te raau taratara i roto i to ˈna mau pare etaeta,

Te raau tupu taratara e te aihere taratara i roto i to ˈna mau pare.

E riro oia ei tapuniraa no te mau urî taehae,+

Ei aua no te mau ione.

14 E farerei te mau animara o te medebara i te mau animara aoa,

E e pii te mau puaaniho oviri* te tahi i te tahi.

15 I reira te ophi e hamani ai i to ˈna ofaaraa a ofaa ˈtu ai,

E e faataoto oia i to ˈna mau huero a haaputuputu atu ai i raro aˈe i to ˈna marumaru.

Aita hoê aˈe o ratou e moˈe.

Aita hoê aˈe o ratou e ere i te tahi apiti,

Na te vaha hoi o Iehova i horoa i te faaueraa,

E na to ˈna varua i haaputuputu ia ratou.

17 Na ˈna i tuu i te kelero no ratou,

E na to ˈna iho rima i faito i te vahi ta ratou e faaea.*

E fatu ratou i te reira e a muri noa ˈtu.

E parahi ratou i reira e hope noa ˈtu te mau uˈi atoa.

35 E oaoa roa te medebara e te fenua mǎrô,+

E e oaoa te vahi papu pâpâmǎrô e e uaa mai te tiare.+

 2 E uaa iho â te reira.+

E oaoa e e umere te reira.

E horoahia no te reira te hanahana o Lebanona,+

Te unauna o Karemela+ e o Sarona.+

 3 A faaitoito i te mau rima paruparu,

E a faaetaeta i te mau turi e rûrû ra.+

Inaha, e haere mai to outou iho Atua ma te tahoo,

E haere mai te Atua ma te faautuaraa.+

 5 I taua tau ra, e araara te mata o te matapo,+

E e faaroo te tariˈa o te tariˈa turi.+

 6 I taua tau ra, e ouˈauˈa te pirioi mai te aili,+

E e umere te vaha o te vava.+

E pihaa hoi te mau pape i te medebara,

E te mau tahora i te vahi papu pâpâmǎrô.

 7 E riro te fenua tei mǎrô no te âhu ei pape hopuna î i te opaero,

E te repo mǎrô ei pape pihaa.+

I roto i te mau tapuniraa e faafaaea ˈi te urî taehae,+

E tupu te matie, te aeho e te môˈu.

 8 E ei purumu rahi to reira,+

Oia mau, e eˈa parauhia te Eˈa o te moˈaraa.

Ua faataahia te reira no te taata tei fariihia ia haere na taua eˈa ra.

Aita hoê aˈe maamaa e hahaere na reira.

 9 Aita e liona na reira,

E aita e animara taehae e haere mai na taua eˈa ra.

Eita ratou e itehia na reira.+

Te mau taata noa tei hoohia mai te haere na reira.+

E umere e e oaoa ratou,

E e horo ê te oto e te autâ.+

O vai ta oe i faateitei i to oe reo+

E ta oe i hiˈo atu ma to oe mata teoteo?

24 Na roto i ta oe mau tavini ua faatihaehae oe ia Iehova+ e ua parau oe:

‘I ta ˈu rahiraa pereoo tamaˈi

E pauma vau i nia i te mau vahi teitei o te mau mouˈa,+

Te mau vahi atea roa ˈˈe o Lebanona.

25 E ô vau i te apoo pape a inu atu ai i te pape.

E haamǎrô vau i te mau taheraa pape* o Aiphiti i te tapuae o to ˈu avae.’

27 Eita to ratou mau taata e tauturuhia.

E mǎtaˈu ratou e e faahaamahia.

E riro ratou mai te raau tupu o te mau faaapu e te aihere,

Mai te aihere o te mau tapoˈi fare o te paapaa i te mataˈi no hitia o te râ.

28 Ua ite maitai râ vau ia parahi oe, ia haere oe i rapae, ia tomo oe i roto,+

E ia riri oe ia ˈu,+

29 No te mea ua tae roa to oe riri ia ˈu+ e ta oe uuru i to ˈu tariˈa.+

E tuu ïa vau i ta ˈu tarou i roto i to oe ihu e ta ˈu tavaha+ i ropu i to oe utu,

E e faahoˈi au ia oe na te eˈa i haere mai ai oe.”

“Eita oia e tomo mai i teie oire,+

Eita oia e teˈa i ǒ nei,

Eita oia e aro ia ˈna e te paruru

E eita oia e hamani i te tahi eˈa paumaraa no te aro mai.”’+

34 ‘Na te eˈa i haere mai ai oia e hoˈi ai oia.

Eita oia e tomo mai i teie oire,’ te parau ra Iehova.

35 ‘E paruru vau i teie oire+ a faaora ˈtu ai i te reira no to ˈu iˈoa+

E no ta ˈu tavini ra o Davida.’”+

10 Ua na ô vau: “Aita â vau i ruau atura

No te tomo na te mau uputa o te Apoo.*

E ore au e hiˈo faahou i te huitaata

A amui ai au i te mau taata o te vahi e mou ai te mau mea atoa.

12 Ua tatarahia e ua afai-ê-hia to ˈu nohoraa+

Mai te fare ie o te tiai mamoe.

Ua otaro vau i to ˈu ora mai te taata raraa.

E tâpû oia ia ˈu mai te taura raraa.

Mai te liona râ, te tamau noa ra oia i te ofatifati i to ˈu mau ivi atoa.

Mai te ao e tae roa i te po e aratai oe ia ˈu i te hopea.+

14 Mai te susa aore ra te ogura, te tamau noa ra ïa vau i te taˈitaˈi.+

Te tamau noa ra vau i te uuru mai te uupa.+

‘E Iehova, to roto vau i te ahoaho rahi.

A tauturu mai ia ˈu!’*+

E haere au ma te haehaa* i to ˈu rahiraa matahiti atoa

No to ˈu* ahoaho rahi.*

16 ‘E Iehova, i teie mau mea* e ora ˈi te taata atoa,

E i te reira e ora noa ˈi au.*

17 Inaha, aita vau i ite i te hau, e ahoaho rahi râ to ˈu.

No to oe râ here ia ˈu,

Ua faaherehere oe ia ˈu* i te apoo o te haamouraa.+

18 Eita hoi te Apoo* e nehenehe e faahanahana ia oe,+

Eita te pohe e nehenehe e arue ia oe.+

19 O te taata ora, te taata ora te nehenehe e arue ia oe,

Mai ia ˈu i teie mahana.

20 E Iehova, a faaora mai ia ˈu,

E hauti matou i ta ˈu mau himene i te mau upaupa taura+

I te mau mahana atoa o to matou oraraa i te fare o Iehova.’”+

 2 “A paraparau i te aau o Ierusalema,*

E a faaite ia ˈna ua oti ta ˈna ohipa titauhia,

Ua faaorehia ta ˈna hapa.+

 4 Ia faateiteihia te mau peho atoa,

E ia faahaehaahia te mau mouˈa e aivi atoa.

Ia haamaninahia te vahi puupuu,

E ia riro te vahi ofaifai ei peho.+

 5 E faaitehia te hanahana o Iehova,+

E e ite te taata atoa i te reira,+

Na te vaha hoi o Iehova i parau.”

 7 E mǎrô te aihere ota,

E maemae te tiare,+

No te mea te puhi ra te aho* o Iehova i nia iho.+

 8 E mǎrô te aihere ota,

E maemae te tiare,

E vai noa râ te parau a to tatou Atua e a muri noa ˈtu.”+

 9 A pauma i nia i te tahi mouˈa teitei,

Oe te vahine e hopoi mai i te parau apî oaoa no Ziona.+

A faateitei i to oe reo ma te puai,

Oe te vahine e hopoi mai i te parau apî oaoa no Ierusalema.

10 Inaha, e tae mai te Arii hau ê e Fatu ra o Iehova ma te puai,

E na to ˈna rima e faatere no ˈna.+

A hiˈo na, tei ia ˈna ra ta ˈna haamaitairaa,

E tei mua ia ˈna te aufauraa ta ˈna e aufau.+

I to ˈna rima e haaputu ai oia i te mau fanauˈa mamoe,

E i nia i to ˈna ouma e amo ai oia ia ratou.

12 O vai tei faito i te pape i roto i to ˈna apu rima+

E tei faito i te raˈi i te tiapana* o to ˈna rima?

O vai tei haaputu i te repo o te fenua i roto i te farii faito+

Aore ra tei faito i te teiaha o te mau mouˈa

E to te mau aivi?

13 O vai tei faito* i te varua o Iehova,

E o vai te nehenehe e haapii e e aˈo atu ia ˈna?+

14 O vai ta ˈna i ani i te manaˈo ia rahi atu â to ˈna maramarama,

O vai te haapii ia ˈna i te eˈa o te parau-tia,

Aore ra te haapii ia ˈna i te ite,

Aore ra te faaite ia ˈna i te eˈa o te maramarama mau?+

15 Inaha, e au te mau nunaa i te topata pape i roto i te hoê patete,

E mai te huˈa repo i nia iho i te faito ia hiˈohia ratou.+

16 Eita atoa o Lebanona e navai ia ama noa te auahi,*

E eita to reira mau animara e navai no te tusia taauahi.

17 Pauroa te nunaa i mua ia ˈna mai te huru ra aita ratou.+

E hiˈo oia ia ratou mai te tahi mea faufaa ore, mai te huru ra aita ratou.+

19 E faatô te rimaî i te idolo,

E tapiri te taata tupai auri i te auro i nia iho,+

E e tupai oia i te fifi ario.

20 E maiti oia i te tahi tumu raau no ta ˈna ô,+

E tumu raau o te ore e pê.

E imi oia i te hoê rimaî aravihi

No te tarai i te tahi tii o te ore e marua.+

22 Te vai ra hoê o te parahi ra i nia ˈˈe i te menemeneraa o te fenua,+

E e au te mau taata e parahi ra i nia iho i te vivi.

Te huti ra oia i te raˈi mai te tahi ahu rairai,

E te hohora ra oia i te reira mai te tahi fare ie ia parahi i roto.+

23 E faariro oia i te mau tia mana ei mea faufaa ore,

E te mau haava* o te fenua mai te huru ra aita ratou.

24 No tanu-noa-hia ˈtu ra ratou,

No ueue-noa-hia ˈtu ra ratou,

Aita â to ratou aˈa i toro roa ˈtura i raro i te fenua,

E puhihia ratou a mǎrô atu ai,

E e pee ratou i te mataˈi mai te sitona mǎrô.+

Na Tei aratai ra ia ratou mai te hoê nuu.

E pii oia ia ratou pauroa i to ratou iˈoa.+

No to ˈna mana rahi mau e to ˈna puai faahiahia,+

Aita hoê o ratou i moˈe.

27 Eaha oe e parau ai, e Iakoba, e eaha oe e na ô ai, e Iseraela:

‘Aita Iehova e ite ra i to ˈu haerea,

E aita te Atua e tâuˈa ra i te mau ohipa tano ore ta ˈu e faaruru ra’?+

29 E horoa oia i te puai i tei rohirohi

E te itoito rahi i tei ere ra i te puai.*+

30 E rohirohi e e paruparu te mau tamaroa,

E turori e e topa te mau tane apî,

31 E puai-faahou-hia râ te feia e tiaturi ra ia Iehova.

E horo ratou e eita e paruparu.

E haere ratou e eita e rohirohi.”+

41 “A faaroo mai ia ˈu a mamû noa ˈi,* outou te mau motu.

Ia puai faahou te mau nunaa.

 2 Na vai i titau i te hoê aito no te hitiraa mai o te mahana,*+

A pii mai ai ia ˈna i to ˈna pae avae* ma te parau-tia,

No te tuu i te mau nunaa ia ˈna

E no te faaauraro i te mau arii ia ˈna?+

Na vai e faariro ia ratou ei repo puehu i mua i ta ˈna ˈoˈe,

Mai te sitona mǎrô puhihia i te mataˈi i mua i ta ˈna fana?

 3 E aˈuaˈu oia ia ratou, a haere ai ma te haafifi-ore-hia

I nia i te mau eˈa ta to ˈna avae i ore i haere aˈenei.

 4 O vai tei na reira na e tei rave i te reira,

A titau ai i te mau uˈi mai te haamataraa mai?

O vau, o Iehova, te Atua mai te haamataraa mai,+

E oia atoa i te mau uˈi hopea ra, o vau â te Atua.”+

 6 E tauturu te taata tataitahi i to ˈna hoa

E e parau i to ˈna taeae: “Ia puai oe.”

 7 E faaitoito ïa te rimaî i te taata tupai auri.+

E faaitoito te taata e haamanina maoti ta ˈna hamara

I te taata e tupai ra i nia i te tupairaa auri.

 8 “O oe râ, e Iseraela, ta ˈu tavini,+

O oe, e Iakoba, ta ˈu i maiti,+

Te huaai o to ˈu hoa o Aberahama,+

 9 O oe, o ta ˈu i rave mai te hopea mai o te fenua,+

E o oe, o ta ˈu i pii mai te mau vahi atea roa ˈˈe.

Ua parau vau ia oe: ‘O oe ta ˈu tavini.+

Ua maiti au ia oe. Aita vau i faarue ia oe.+

E haapuai au ia oe, oia mau, e tauturu vau ia oe,+

E mau iho â oe ia ˈu i to ˈu rima atau parau-tia.’

12 E imi oe i te feia e taputô ia oe, eita râ oe e ite mai ia ratou.

E riro te feia e tamaˈi ia oe mai te huru ra aita ratou, ei mea faufaa ore.+

13 Te haru nei hoi au, o Iehova to oe Atua, i to oe rima atau.

O vau te parau nei ia oe: ‘Eiaha e mǎtaˈu. E tauturu vau ia oe.’+

14 Eiaha e mǎtaˈu, e tera ra toˈe* e Iakoba,+

E Iseraela, e tauturu vau ia oe,” te parau ra Iehova, Tei hoo mai ia oe,+ Tei Moˈa o Iseraela.

15 Inaha, ua faariro vau ia oe ei mauhaa no te faataa i te huero maa i to ˈna tumu,+

Ei mauhaa apî oi no te faataa i te huero maa i to ˈna tumu.

E taataahi oe i te mau mouˈa, e haaperehu oe i te reira

E e faariro oe i te mau aivi mai te ota.

16 E hue oe ia ratou i nia,

E e pee ratou i te mataˈi.

E purara ratou i te mataˈi vero.

E oaoa oe ia Iehova,+

E e haapeu oe i Tei Moˈa o Iseraela.”+

18 E faatahe au i te anavai na te mau aivi ruperupe ore+

E te pape pihaa i te mau peho.+

E faariro vau i te medebara ei pape hopuna î i te opaero

E te fenua pape ore ei pape pihaa.+

19 I roto i te medebara, e tanu vau i te tumu arezi,

Te tumu sitima e te tumu hedesa e te tumu paina.+

I te vahi papu pâpâmǎrô, e tanu vau i te tumu berusi

Hoê â tanuraa e te tumu tedara e te tumu tasura,+

20 Ia hiˈo mai te taata atoa e ia ite

E ia haapao mai e ia taa ia ratou

Na te rima o Iehova i rave i te reira,

E na Tei Moˈa o Iseraela i poiete i te reira.”+

A parau mai ia matou no nia i te mau mea tahito,*

Ia feruri matou i te reira e ia ite i te hopearaa.

23 A parau mai ia matou eaha te tupu a muri aˈe,

Ia nehenehe matou e ite e atua outou.+

Oia mau, a rave i te tahi mea, mea maitai aore ra mea ino,

Ia maere matou a ite ai i te reira.+

24 Inaha, aita outou,

E mea faufaa ore ta outou ohipa.+

25 Ua titau vau i te tahi taata no apatoerau mai e e haere mai oia,+

Hoê taata no te hitiraa mai o te mahana*+ e e tiaoro oia i to ˈu iˈoa.

E taataahi oia i te feia faatere* mai te huru ra e araea ratou,+

Mai te potera e taataahi i te araea rarirari.

26 O vai tei parau mai i te reira mai te haamataraa mai, ia ite tatou,

Aore ra mai tahito mai â, ia parau tatou: ‘Ua tano oia’?+

28 Ua tamau râ vau i te hiˈo, e aita hoê aˈe taata.

Aita hoê i rotopu ia ratou no te horoa mai i te aˈoraa.

Ua tuu vau i to ˈu varua i roto ia ˈna.+

E hopoi oia i te parau-tia i te mau nunaa ěê.+

 2 Eita oia e tuô aore ra e faateitei i to ˈna reo,

E eita oia e rave ia faaroohia to ˈna reo i te aroâ.+

 3 Eita oia e ofati i te aeho tei perehu,

E eita oia e tupohe i te uiti e ama rii noa ra.+

 4 Eita oia e paruparu aore ra e perehu e ia haamau roa oia i te parau-tia i nia i te fenua.+

E te tiai noa ra te mau motu i ta ˈna ture.*

 5 Teie ta te Atua mau, o Iehova, e parau ra,

Te Atua poiete o te raˈi e te Atua Rahi o te hohora i te reira,+

Tei hamani i te fenua e te mau mea atoa i nia iho,+

Tei horoa i te aho no te taata i reira+

E te puai ora no te feia e haere ra na reira:+

 6 “O vau, o Iehova, tei titau ia oe ma te parau-tia.

Ua rave au i to oe rima.

E paruru vau ia oe e e horoa vau ia oe ei faufaa no te taata+

E ei maramarama no te mau nunaa,+

 7 Ia faaaraara oe i te mata o te matapo,+

Ia aratai oe i tei tapeahia i rapae i te piha tapearaa

E te feia e parahi ra i roto i te poiri i rapae i te fare tapearaa.+

 8 O vau o Iehova. O to ˈu iˈoa tera.

E ore au e horoa* i to ˈu hanahana no vetahi ê,

E ta ˈu arueraa no te mau tii nanaˈohia.+

 9 A hiˈo, ua tupu te mau mea matamua.

I teie nei, te faaite nei au i te mea apî.

10 A himene ia Iehova i te himene apî,+

Ta ˈna arueraa mai te hopea mai o te fenua,+

Outou te fano ra na te miti e te mau mea atoa i roto,

Outou te mau motu e to reira mau taata.+

11 Ia faateitei te medebara e to ˈna mau oire i to ratou reo,+

Te mau nohoraa e faaeahia ra e Kedara.+

Ia umere te mau taata o te mato.

Ia tuô ratou mai te mau tupuai mouˈa mai.

12 Ia faahanahana ratou ia Iehova

E ia faaite i ta ˈna arueraa na te mau motu.+

E tuô oia e e huro oia.

E faaite oia e mea puai aˈe oia i to ˈna mau enemi.+

Mai te vahine e fanau ra,

E autâ vau, e paupau to ˈu aho, e aita e aho faahou i te hoê â taime.

15 E haamou vau i te mau mouˈa e aivi

E e haamǎrô i te mau raau tupu atoa i reira.

E taui au i te mau anavai ei motu*

E e haamǎrô vau i te mau pape hopuna î i te opaero.+

16 E aratai au i te matapo na te tahi eˈa ta ratou i ore i ite+

E e faahaere au ia ratou na te mau eˈa ta ratou i ore i matau.+

E taui au i te poiri ei maramarama i mua ia ratou+

E te vahi ofaifai ei fenua manina.+

17 E hoˈi ratou i muri e e haama roa,

Te feia o te tiaturi ra i te tii taraihia,

Te feia o te parau ra i te tii faatôhia:* “O outou to matou mau atua.”+

18 A faaroo, outou te tariˈa turi.

A hiˈo e ia ite outou te matapo.+

19 O vai te matapo maori râ ta ˈu tavini,

Te tariˈa turi mai te vea ta ˈu i tono?

O vai te matapo mai tei haamaitaihia e au,

Te matapo mai te tavini a Iehova?+

21 No ta ˈna hoi parau-tia,

Te oaoa ra Iehova i te faariro i te ture* ei mea faahiahia e te hanahana.

22 E nunaa râ teie tei haruhia ta ratou mau taoˈa e tei eiâhia.+

Pauroa ratou tei mau i roto i te apoo e tei faatapunihia i roto i te mau fare tapearaa.+

Ua haruhia ta ratou mau taoˈa aita hoê no te faaora ia ratou,+

E ua eiâhia ratou aita e taata no te parau: “A faahoˈi mai ia ratou!”

24 Na vai i horoa ia Iakoba i te feia eiâ

E ia Iseraela i te feia haru taoˈa?

Aita ratou i hinaaro e pee i to ˈna mau eˈa,

E aita ratou i auraro i ta ˈna ture.*+

25 Ua tamau noa ïa oia i te ninii i to ˈna riri rahi tahoo i nia ia ratou,

To ˈna riri e te uˈana o te tamaˈi.+

43 Teie nei, teie ta Iehova e parau ra,

To oe Atua poiete, e Iakoba, tei hamani ia oe, e Iseraela:+

 2 Ia haere oe na roto i te mau pape, ei pihai iho vau ia oe,+

E ia na roto oe i te mau anavai, e ore oe e ninahia.+

Ia haere oe na roto i te auahi, eita oe e paapaa,

Eita atoa oe e uteute i te ura auahi.

 3 O vau hoi o Iehova to oe Atua,

Tei Moˈa o Iseraela, to oe Faaora.

Ua horoa vau ia Aiphiti ei hoo no oe,

Ia Etiopia e ia Sipa ei taui no oe.

 4 Ua riro hoi oe ei mea here-rahi-hia i to ˈu mata,+

Ua faaturahia oe, e ua here au ia oe.+

No reira vau e horoa ˈi i te taata ei mono ia oe

E te mau nunaa ei taui no to oe ora.

E aratai au i to oe huaai mai hitia o te râ mai

E e haaputuputu vau ia oe mai tooa o te râ mai.+

A aratai mai i ta ˈu mau tamaiti na te atea mai, e ta ˈu mau tamahine mai te hopea o te fenua mai,+

 7 Te taata atoa tei piihia ma to ˈu nei iˈoa+

E tei poietehia e au no to ˈu iho hanahana,

Tei hamanihia e au.’+

 8 A aratai i rapae i te tahi nunaa matapo, noa ˈtu e mata to ratou,

E e tariˈa turi, noa ˈtu e tariˈa to ratou.+

 9 Ia putuputu te mau nunaa atoa i te hoê â vahi,

E ia amui mai te mau taata.+

Ia faaite mai ratou i to ratou mau ite no te haapapu ua tano ratou,

Aore ra ia faaroo vetahi ê e ia parau: “E parau mau te reira!’”+

10 “O outou to ˈu mau ite,”+ te parau ra Iehova,

“Oia mau, ta ˈu tavini, ta ˈu i maiti,+

Ia ite outou o vai au, ia tiaturi outou ia ˈu

E ia taa ia outou o vau â te Atua.+

Aita e Atua i hamanihia na mua ˈˈe ia ˈu,

E i muri aˈe ia ˈu aita hoê aˈe.+

12 “Na ˈu i parau eaha te tupu, na ˈu i faaora ia outou e i faaite i te reira