PARALEIPOMENO* BUKA MATAMUA

5 Na tamaiti a Iapheta, o Gomera, Magoga, Madai, Iavana, Tubala,+ Meteka+ e Tirasa.+

6 Na tamaiti a Gomera, o Asekeneza, Riphata e Togarama.+

7 Na tamaiti a Iavana, o Elisa, Taresisa, Kitima e Rodanima.

8 Na tamaiti a Hama, o Kusa,+ Mizeraima, Puta e Kanaana.+

9 Na tamaiti a Kusa, o Sipa,+ Havila, Sabata, Raama+ e Sabateka.

Na tamaiti a Raama, o Seba e Dedana.+

10 Fanau maira ta Kusa o Nimeroda.+ O ˈna te matamua tei riro ei taata puai i te fenua.

11 Fanau maira ta Mizeraima te ati Luta,+ te ati Anami, te ati Lehabi, te ati Naphetuhi,+ 12 te ati Paterusi,+ te ati Kaseluhi (no roto mai ia ratou te mau Philiseti)+ e te ati Kaphatori.+

13 Fanau maira ta Kanaana o Sidona,+ ta ˈna matahiapo, e o Heta,+ 14 oia atoa te ati Iebusi,+ te ati Amori,+ te ati Geregasi,+ 15 te ati Hevi,+ te ati Araki, te ati Sîni, 16 te ati Aravada,+ te ati Zemari e te ati Hamata.

18 Fanau maira ta Arapakesada o Sela,+ e fanau maira ta Sela o Ebera.

19 E piti tamaiti ta Ebera. O Pelega*+ te iˈoa o te tahi, i to ˈna hoi tau i purara ˈi to te fenua. O Iokatana te iˈoa o to ˈna taeae.

20 Fanau maira ta Iokatana o Alemodada, Selepha, Hazaramaveta, Iera,+ 21 Hadorama, Uzala, Dikela, 22 Obala, Abimaela, Seba, 23 Ophira,+ Havila+ e Iobaba. E tamaiti anaˈe teie na Iokatana.

28 Na tamaiti a Aberahama, o Isaaka+ e Isemaela.+

29 Teie to ratou opu: Nebaiota+ ta Isemaela matahiapo, Kedara+ to muri mai, Adabeela, Mibesama,+ 30 Misema, Duma, Masa, Hadada, Têma, 31 Ietura, Naphisa, e Kedema. Tera te mau tamaiti a Isemaela.

32 Na tamaiti ta Ketura,+ ta Aberahama vahine faaipoipo tavini, i fanau mai, o Zimerana, Iokasana, Medana, Midiana,+ Isabaka e Tua.+

Na tamaiti a Iokasana, o Seba e Dedana.+

33 Na tamaiti a Midiana, o Epha,+ Ephera, Hanoka, Abida e Eledaa.

E tamaiti anaˈe teie na Ketura.

34 Fanau maira ta Aberahama o Isaaka.+ Na tamaiti a Isaaka, o Esau+ e Iseraela.+

35 Na tamaiti a Esau, o Eliphaza, Reuela, Ieusa, Ialama e Kora.+

36 Na tamaiti a Eliphaza, o Temana,+ Omara, Zepho, Gatama, Kenaza, Timena e Amaleka.+

37 Na tamaiti a Reuela, o Nahata, Zera, Sama e Miza.+

38 Na tamaiti a Seira,+ o Lotana, Sobala, Zibeona, Anaha, Disona, Etera e Disana.+

39 Na tamaiti a Lotana, o Hori e Homama. O Timena+ te tuahine o Lotana.

40 Na tamaiti a Sobala, o Alavana, Manahata, Ebala, Sepho e Onama.

Na tamaiti a Zibeona, o Aia e Anaha.+

41 Te tamaiti* a Anaha, o Disona.

Na tamaiti a Disona, o Hemedana, Esebana, Iterana e Kerana.+

42 Na tamaiti a Etera,+ o Bilihana, Zaavana e Akâna.

Na tamaiti a Disana, o Ûza e Arana.+

43 Teie te mau arii tei faatere i te fenua o Edoma+ hou te tahi arii i faatere ai i te ati Iseraela:*+ Bela te tamaiti a Beora. O Dinehaba te iˈoa o to ˈna oire. 44 I te poheraa Bela, na Iobaba te tamaiti a Zera no Bozara+ i faatere ei mono ia ˈna. 45 I te poheraa Iobaba, na Husama no te fenua o te ati Temana i faatere ei mono ia ˈna. 46 I te poheraa Husama, na Hadada te tamaiti a Bedada, tei upootia i nia ia Midiana i te tuhaa fenua o Moabi, i faatere ei mono ia ˈna. O Avite te iˈoa o to ˈna oire. 47 I te poheraa Hadada, na Samala no Masereka i faatere ei mono ia ˈna. 48 I te poheraa Samala, na Saura no Rehobota i te hiti anavai i faatere ei mono ia ˈna. 49 I te poheraa Saura, na Baala-hanana te tamaiti a Akabora i faatere ei mono ia ˈna. 50 I te poheraa Baala-hanana, na Hadada i faatere ei mono ia ˈna. O Pau te iˈoa o to ˈna oire, e Mehetabela te iˈoa o ta ˈna vahine faaipoipo, te tamahine a Matereda te tamahine a Mezahaba. 51 Pohe ihora Hadada.

Te mau raatira o Edoma, o te raatira Timena, te raatira Alava, te raatira Ieteta,+ 52 te raatira Oholibama, te raatira Ela, te raatira Pinona, 53 te raatira Kenaza, te raatira Temana, te raatira Mibezara, 54 te raatira Magadiela, te raatira Irama. Tera te mau raatira o Edoma.

2 Teie te mau tamaiti a Iseraela:+ Reubena,+ Simeona,+ Levi,+ Iuda,+ Isakara,+ Zebuluna,+ 2 Dana,+ Iosepha,+ Beniamina,+ Naphatali,+ Gada+ e Asera.+

3 Na tamaiti a Iuda, o Era, Onana e Sela. Na te tamahine a Sua ati Kanaana,+ i fanau i ta ˈna na tamaiti e toru. Mea au ore râ na Iehova ia Era ta Iuda matahiapo, haapohe ihora oia ia ˈna.+ 4 Fanau maira Tamara,+ ta Iuda hunoa vahine, i ta ˈna o Pereza+ e Zera. E pae tamaiti ta Iuda.

5 Na tamaiti a Pereza, o Hezerona e Hamula.+

6 Na tamaiti a Zera, o Zimeri, Etana, Hemana, Kalakola e Dara. E pae ratou.

7 Te tamaiti* a Karemi, o Akara.* Ua faatae oia i te ati i nia ia Iseraela+ ma te ore e haapao i te faaueraa no nia i te mau mea i faataahia no te haamouraa.+

8 Te tamaiti* a Etana, o Azaria.

9 Na tamaiti a Hezerona tei fanauhia mai na ˈna, o Ierameela,+ Rama+ e Kelubai.*

10 Fanau aˈera ta Rama o Aminadaba.+ Fanau aˈera ta Aminadaba o Nahasona+ te raatira o te huaai o Iuda. 11 Fanau aˈera ta Nahasona o Salama.+ Fanau aˈera ta Salama o Boaza.+ 12 Fanau aˈera ta Boaza o Obeda. Fanau aˈera ta Obeda o Iese.+ 13 Fanau aˈera ta Iese o Eliaba ta ˈna matahiapo, Abinadaba+ te piti, Simea te toru,+ 14 Netanela te maha, Radai te pae, 15 Ozema te ono e Davida+ te hitu. 16 To ratou nau tuahine, o Zeruia e Abigaila.+ Na tamaiti a Zeruia, o Abisai,+ Ioaba+ e Asahela,+ e toru ratou. 17 Fanau maira Abigaila ia Amasa,+ e te metua tane o Amasa, o Ietera ati Isemaela.

18 Fanau aˈera ta Kaleba* te tamaiti a Hezerona o Iesera, Sobaba e Aradona ia Azuba ra ta ˈna vahine faaipoipo e ia Ieriota ra. 19 I te poheraa Azuba, faaipoipo aˈera Kaleba ia Epherata,+ e fanau maira ta raua o Hura.+ 20 Fanau aˈera ta Hura o Uri. Fanau aˈera ta Uri o Bezaleela.+

21 I muri aˈe, taoto atura Hezerona i te tamahine a Makira,+ te metua tane o Gileada.+ Ua faaipoipo raua i te 60 o to Hezerona matahiti, e ua fanau mai ta raua o Seguba. 22 Fanau aˈera ta Seguba o Iaira,+ e 23 oire ta ˈna i te fenua o Gileada.+ 23 I muri aˈe, rave ihora to Gesura+ e to Suria+ ia Havota-iaira,+ ia Kenata+ atoa e to ˈna mau oire ati aˈe, e 60 oire. E huaai anaˈe ratou no Makira te metua tane o Gileada.

24 I muri aˈe i te poheraa o Hezerona+ i Kaleba-epherata, fanau maira Abia te vahine faaipoipo a Hezerona ia Asehura+ te metua tane o Tekoa.+

25 Na tamaiti a Ierameela te matahiapo a Hezerona, o Rama te matahiapo, Buna, Orena, Ozema e Ahia. 26 E vahine faaipoipo ê atu ta Ierameela o Atara te iˈoa. E metua vahine o ˈna no Onama. 27 Na tamaiti a Rama te matahiapo a Ierameela, o Maaza, Iamina e Ekera. 28 Na tamaiti a Onama, o Samai e Iada. Na tamaiti a Samai, o Nadaba e Abisura. 29 Te iˈoa o te vahine faaipoipo a Abisura, o Abihaila, o tei fanau mai ia Ahebana e Molida. 30 Na tamaiti a Nadaba, o Seleda e Aphaima. Ua pohe râ Seleda aita e tamaiti. 31 Te tamaiti* a Aphaima, o Isi. Te tamaiti* a Isi, o Sesana. Te tamaiti* a Sesana, o Ahelai. 32 Na tamaiti a Iada te taeae o Samai, o Ietera e Ionatana. Ua pohe râ Ietera aita e tamaiti. 33 Na tamaiti a Ionatana, o Pereta e Zaza. E huaai ratou no Ierameela.

34 Aita e tamaiti ta Sesana, e tamahine anaˈe. E tavini Aiphiti râ ta Sesana o Iareha te iˈoa. 35 Horoa ˈtura Sesana i ta ˈna tamahine ei vahine faaipoipo na Iareha ta ˈna tavini, e fanau maira ta raua o Atai. 36 Fanau aˈera ta Atai o Natana. Fanau aˈera ta Natana o Zabada. 37 Fanau aˈera ta Zabada o Ephalala. Fanau aˈera ta Ephalala o Obeda. 38 Fanau aˈera ta Obeda o Iehu. Fanau aˈera ta Iehu o Azaria. 39 Fanau aˈera ta Azaria o Heleza. Fanau aˈera ta Heleza o Eleasa. 40 Fanau aˈera ta Eleasa o Sisamai. Fanau aˈera ta Sisamai o Saluma. 41 Fanau aˈera ta Saluma o Iekamia. Fanau aˈera ta Iekamia o Elisama.

42 Na tamaiti a Kaleba*+ te taeae o Ierameela, o Mesa ta ˈna matahiapo, e metua tane o ˈna no Zipha, e na tamaiti a Mâresa te metua tane o Heberona. 43 Na tamaiti a Heberona, o Kora, Tapua, Rekema e Sêma. 44 Fanau aˈera ta Sêma o Rahama te metua tane o Iorokeama. Fanau aˈera ta Rekema o Samai. 45 Te tamaiti a Samai o Maona. E metua tane o Maona no Bete-zura.+ 46 Fanau maira Epha ta Kaleba vahine faaipoipo tavini ia Harana, Moza e Gazeza. Fanau aˈera ta Harana o Gazeza. 47 Na tamaiti a Iahadai, o Regema, Iotama, Gesama, Peleta, Epha e Saapha. 48 Fanau maira Maaka ta Kaleba vahine faaipoipo tavini ia Sebera e Tirehana. 49 I muri iho, fanau maira oia ia Saapha te metua tane o Madamana,+ ia Seva te metua tane o Makabena e ia Gibêa.+ E tamahine o Akesa+ na Kaleba.+ 50 E huaai ratou no Kaleba.

Na tamaiti a Hura+ te matahiapo a Epherata,+ o Sobala te metua tane o Kiriata-iearima,+ 51 o Salama te metua tane o Betelehema+ e o Harepha te metua tane o Bete-gadera. 52 E tamaiti ta Sobala te metua tane o Kiriata-iearima: Haroe e te afaraa o te feia o Menuhota. 53 Te mau opu fetii no Kiriata-iearima, o te mau Ituri,+ te mau Puti, te mau Suma e te mau Miserai. No roto mai ia ratou te mau Zora+ e te mau Esetaola.+ 54 Na tamaiti a Salama, o Betelehema,+ to Netopha, Aterota-bete-ioaba, te afaraa o to Manahata, e to Zora. 55 Te mau opu fetii o te mau papai parau e parahi ra i Iabeza, o te mau Tirati, te mau Simea e te mau Suka. E ati Keni+ tera no roto mai ia Hâmata te tupuna o te ati Rekaba.+

3 Teie te mau tamaiti a Davida ta ˈna i fanau mai i Heberona:+ Amanona+ te matahiapo, o Ahinoama+ no Iezereela to ˈna metua vahine, te piti o Daniela, o Abigaila+ no Karemela to ˈna metua vahine, 2 te toru o Abasaloma,+ te tamaiti a Maaka te tamahine a Talamai te arii o Gesura, te maha o Adonia+ te tamaiti a Hagita, 3 te pae o Sephatia, o Abitala to ˈna metua vahine, e te ono o Itereama, to ˈna metua vahine o Egela, hoê o na vahine faaipoipo a Davida. 4 Ua fanauhia tera na ono tamaiti a Davida i Heberona. Ua faatere oia i reira e 7 matahiti e 6 avaˈe, e e 33 matahiti oia i te faatereraa i Ierusalema.+

5 Teie ta ˈna i fanau mai i Ierusalema:+ o Simea, Sobaba, Natana+ e Solomona.+ Te metua vahine o na tamarii e maha, o Bate-seba+ te tamahine a Amiela. 6 Fanau aˈera ta ˈna e iva â tamaiti, o Ibehara, Elisama, Elipheleta, 7 Noga, Nephega, Iaphia, 8 Elisama, Eliada e o Elipheleta. 9 E tamaiti anaˈe tera na Davida. E tamaiti atoa ta Davida i ta ˈna mau vahine faaipoipo tavini ra. O Tamara+ to ratou tuahine.

10 Te tamaiti a Solomona, o Rehoboama,+ ta ˈna tamaiti, o Abia,+ ta ˈna tamaiti, o Asa,+ ta ˈna tamaiti, o Iehosaphata,+ 11 ta ˈna tamaiti, o Iehorama,+ ta ˈna tamaiti, o Ahazia,+ ta ˈna tamaiti, o Iehoasa,+ 12 ta ˈna tamaiti, o Amazia,+ ta ˈna tamaiti, o Azaria,+ ta ˈna tamaiti, o Iotama,+ 13 ta ˈna tamaiti, o Ahaza,+ ta ˈna tamaiti, o Hezekia,+ ta ˈna tamaiti, o Manase,+ 14 ta ˈna tamaiti, o Amôna,+ ta ˈna tamaiti, o Iosia.+ 15 Na tamaiti a Iosia, o Iohanana te matahiapo, Iehoiakima+ te piti, Zedekia+ te toru, e Saluma te maha. 16 Na tamaiti a Iehoiakima, o Iekonia+ ta ˈna tamaiti e Zedekia ta ˈna tamaiti. 17 Na tamaiti a Iekonia tei tapeahia, o Sealatiela, 18 Malakirama, Pedaia, Senazara, Iekamia, Hosama e Nedabia. 19 Na tamaiti a Pedaia, o Zerubabela+ e Simei. E na tamaiti a Zerubabela, o Mesulama e Hanania (o Selomita to raua tuahine), 20 e e pae â tamaiti ta ˈna, o Hasuba, Ohela, Berekia, Hasadia e Iusebaheseda. 21 Na tamaiti a Hanania, o Pelatia e Iesaia. Te tamaiti* a Iesaia, o Rephaia. Te tamaiti* a Rephaia, o Aranana. Te tamaiti* a Aranana, o Obadia. Te tamaiti* a Obadia, o Sekania. 22 E te huaai* o Sekania, o Semaia, e na tamaiti a Semaia, o Hatusa, Igala, Baria, Nearia e Saphata, e ono ratou. 23 Na tamaiti a Nearia, o Elioenai, Hizekia e Azerikama, e toru ratou. 24 Na tamaiti a Elioenai, o Hodavia, Eliasiba, Pelaia, Akuba, Iohanana, Delaia e Anani, e hitu ratou.

4 Na tamaiti a Iuda, o Pereza,+ Hezerona,+ Karemi, Hura+ e Sobala.+ 2 Fanau aˈera ta Reaia te tamaiti a Sobala o Iahata. Fanau aˈera ta Iahata o Ahumai e Lahada. O na fetii tera o te mau Zora.+ 3 Teie te mau tamaiti a te metua tane o Etama:+ Iezereela, Isema e Idabasa (o Hazeleleponi te iˈoa o to ratou tuahine), 4 e o Penuela te metua tane o Gedora, e o Etera te metua tane o Husa. Na tamaiti tera a Hura,+ te matahiapo a Epherata e te metua tane o Betelehema.+ 5 E piti vahine faaipoipo ta Asehura+ te metua tane o Tekoa,+ o Hela raua Naara. 6 Fanau maira Naara ia Ahuzama, Hepheri, Temeni e Hahasetari. Na tamaiti tera a Naara. 7 E na tamaiti a Hela, o Zereta, Izahara e Etana. 8 Fanau aˈera ta Koza o Anuba, Zobeba e te mau opu fetii o Aharahela te tamaiti a Haruma.

9 O Iabeza te mea faatura-roa-hia i to ˈna mau taeae. Ua topa to ˈna metua vahine ia ˈna i te iˈoa Iabeza* ma te parau: “Ua fanau mai au ia ˈna na roto i te mauiui.” 10 Tiaoro atura Iabeza i te Atua o Iseraela: “Ia haamaitai mai oe ia ˈu e ia faarahi oe i to ˈu tuhaa fenua. A tauturu e a paruru ia ˈu i te ati, ia ore au ia roohia i te reira!” Faatupu ihora ïa te Atua i ta ˈna i ani.

11 Fanau aˈera ta Keluba te taeae o Suha o Mehira, e metua tane o ˈna no Esetona. 12 Fanau aˈera ta Esetona o Bete-rapha, Pasea e Tehina, te metua tane o Ire-nahasa. Tera te mau taata no Reka. 13 E na tamaiti a Kenaza, o Oteniela+ e Seraia, e te tamaiti* a Oteniela, o Hatata. 14 Fanau aˈera ta Meonotai o Ophera. Fanau aˈera ta Seraia o Ioaba te metua tane o te feia no Ge-harasima.* Ua piihia taua peho ra mai tera no te mea e feia rimaî ratou.

15 Na tamaiti a Kaleba+ te tamaiti a Iephune, o Iru, Ela e Nâama. E te tamaiti* a Ela, o Kenaza. 16 Na tamaiti a Iehaleleela, o Zipha, Ziphaha, Tiria e Asareela. 17 Na tamaiti a Ezeraha, o Ietera, Mereda, Ephera e Ialona. Hapû e fanau maira oia* ia Miriama, Samai e Iseba te metua tane o Esetemoa. 18 (Fanau maira ta ˈna vahine faaipoipo ati Iuda ia Iereda te metua tane o Gedora, Hebere te metua tane o Soko, e Iekutiela te metua tane o Zanoa.) E tamaiti tera na Bitia, te tamahine a Pharao, o ta Mereda i faaipoipo.

19 Na tamaiti a te vahine faaipoipo a Hodia, te tuahine o Nahama, e metua tane ïa no Keila no Garami, e no Esetemoa no Maakata. 20 Na tamaiti a Sîmona, o Amanona, Rina, Bene-hanana e Tilona. Na tamaiti a Isi, o Zoheta e Benezoheta.

21 Na tamaiti a Sela+ te tamaiti a Iuda, o Era te metua tane o Leka, Laada te metua tane o Mâresa, e te mau utuafare o te feia raraa ahu maitatai no te fare o Asebea, 22 e Iokima, te mau taata no Kozeba, Ioasa, e Sarapha, ratou tei faaipoipo i te vahine ati Moabi, e Iasubilehema. Mea tahito teie mau parau. 23 E potera ratou o tei ora i Netaima e Gêdera. I reira ratou i te oraraa e i te raveraa i te ohipa na te arii.

24 Na tamaiti a Simeona,+ o Nemuela, Iamina, Iariba, Zera e Saura.+ 25 Te tamaiti a Saura, o Saluma, o Mibesama ta ˈna tamaiti, o Misema ta ˈna tamaiti. 26 Na tamaiti a Misema, o Hamuela ta ˈna tamaiti, Zakura ta ˈna tamaiti, Simei ta ˈna tamaiti. 27 E 16 tamaiti e e 6 tamahine ta Simei. Aita râ i rahi te tamaiti a to ˈna mau taeae, e aita hoê o to ratou mau utuafare i haere i te rahiraa mai to te mau taata no Iuda.+ 28 I ora na ratou i Beere-seba,+ Molada,+ Hazara-suala,+ 29 Bila, Ezema,+ Tolada, 30 Betuela,+ Horamâ,+ Zikelaga,+ 31 Bete-marakabota, Hazara-susima,+ Bete-birei e Saaraima. Tera to ratou mau oire e tae roa i te haamataraa Davida i te faatere.

32 I noho atoa na ratou i Etama, Aina, Rimona, Tokena e Asana,+ e pae oire, 33 na reira atoa i te mau oire iti ati aˈe i teie mau oire e tae roa ˈtu i Baala. Tera to ratou mau pǎpǎraa tupuna e te mau vahi i ora ˈi ratou. 34 Te vai ra o Mesobaba, Iameleka, Iosa te tamaiti a Amazia, 35 Ioela, Iehu te tamaiti a Iosebia te tamaiti a Seraia te tamaiti a Asiela, 36 e Elioenai, Iaakoba, Iesohaia, Asaia, Adiela, Iesemiela, Benaia, 37 e Ziza te tamaiti a Siphi te tamaiti a Alona te tamaiti a Iedaia te tamaiti a Simiri te tamaiti a Semaia. 38 Teie feia i faahitihia te iˈoa, e raatira ïa i rotopu i to ratou mau utuafare, e ua haere te opu fetii o to ratou mau tupuna i te rahiraa. 39 Haere aˈera ratou i te tomoraa o Gedora, i te pae hitia o te râ o te peho, no te imi i te vahi aihere no ta ratou mau nǎnǎ. 40 Ite maira ratou i te vahi aihere ruperupe e te maitai, e mea ateatea te fenua, e vahi hau e te peapea ore. O te ati Hama+ tei ora na i ǒ. 41 Ua haere mai teie feia i faahitihia te iˈoa i te tau o Hezekia+ te arii o Iuda e ua vavahi i te mau fare ie o te ati Hama e te mau taata o Meunima i reira. Ua haamou ratou i taua feia ra e aita faahou ratou i teie mahana. Ua parahi ratou i to ratou vahi no te mea e vahi aihere to reira no ta ratou mau nǎnǎ.

42 Haere aˈera vetahi o te ati Simeona, e 500 taata, i te mouˈa Seira+ na muri ia Pelatia, Nearia, Rephaia e Uziela, na tamaiti a Isi o tei aratai ia ratou. 43 Taparahi aˈera ratou i te toea o te ati Amaleka+ o tei horo e tapuni i reira. Te ora noa ra ratou i reira i teie mahana.

5 Teie te mau tamaiti a Reubena,+ ta Iseraela matahiapo. O ˈna te matahiapo, no te mea râ ua haaviivii oia i te roˈi o to ˈna metua tane,+ horoahia ˈtura to ˈna tiaraa ei matahiapo i na tamaiti a Iosepha+ te tamaiti a Iseraela, aita ïa oia i tapaohia i roto i te pǎpǎraa tupuna no te tiaraa matahiapo. 2 Noa ˈtu ua hau aˈe Iuda+ i to ˈna mau taeae e no roto mai te aratai ia ˈna,+ tei ia Iosepha te tiaraa ei matahiapo. 3 Na tamaiti a Reubena te matahiapo a Iseraela, o Hanoka, Palu, Hezerona e Karemi.+ 4 Na tamaiti a Ioela, o Semaia ta ˈna tamaiti, o Goga ta ˈna tamaiti, o Simei ta ˈna tamaiti, 5 o Mika ta ˈna tamaiti, o Reaia ta ˈna tamaiti, o Baala ta ˈna tamaiti, 6 e o Beeraha ta ˈna tamaiti. Ua hopoi ê Tilegata-pilenesera+ te arii o Asura ia Beeraha, e raatira no te ati Reubena. 7 To ˈna mau taeae ia au i to ratou mau utuafare i roto i te tapaoraa o te pǎpǎraa tupuna ia au i to ratou mau huaai, o Ieiela te upoo e o Zekaria, 8 e Bela te tamaiti a Azaza te tamaiti a Sêma te tamaiti a Ioela. Ua ora te utuafare o Bela mai te tuhaa fenua i Aroera+ e tae atu i Nebo e Baala-meona.+ 9 I te pae hitia o te râ ratou i te faaearaa e tae roa ˈtu i te otia o te medebara i te anavai Eupharate,+ ua rahi roa hoi ta ratou mau animara i te fenua o Gileada.+ 10 I te tau o Saula, ua aro ratou i te ati Hagiri e ua upootia. Mea na reira ratou i te parahiraa i roto i to ratou mau fare ie na te tuhaa fenua taatoa i te pae hitia o te râ o Gileada.

11 Ua parahi te huaai o Gada i pihai iho ia ratou i te fenua o Basana e tae roa ˈtu i Saleka.+ 12 I Basana, o Ioela te upoo, o Saphama te piti, e to reira atoa Ianai e Saphata. 13 E to ratou mau taeae no to ratou mau opu fetii, o Mihaela, Mesulama, Seba, Iorai, Iakana, Zia e Ebera, e hitu ratou. 14 Na tamaiti tera a Abihaila te tamaiti a Huri te tamaiti a Iaroa te tamaiti a Gileada te tamaiti a Mihaela te tamaiti a Iesisai te tamaiti a Iado te tamaiti a Buza. 15 E upoo Ahi te tamaiti a Abadiela te tamaiti a Guni no to ratou opu fetii. 16 I ora na ratou i Gileada,+ i Basana+ e to ˈna mau oire ati aˈe, e i te mau vahi aihere atoa o Sarona e tae roa ˈtu i to ratou mau otia. 17 Ua tapaohia ratou paatoa i roto i te pǎpǎraa tupuna i te tau o Iotama+ te arii o Iuda e i te tau o Ieroboama*+ te arii o Iseraela.

18 To te ati Reubena, te ati Gada e te afaraa o te opu o Manase, e 44 760 aito puai to roto i ta ratou nuu, o tei rave i te paruru e te ˈoˈe e o tei rave* i te fana, e mea faaineinehia ratou no te tamaˈi. 19 Ua aro ratou i te ati Hagiri,+ ia Ietura, Naphisa+ e Nodaba. 20 Ua tauturu te Atua ia ratou i ta ratou mau aroraa, e ua upootia i nia i te ati Hagiri e te feia atoa o tei na muri ia ratou. Ua ani ratou i ta te Atua tauturu i tera tamaˈi, e ua faaroo oia i ta ratou aniraa no te mea ua tiaturi ratou ia ˈna.+ 21 Ua haru mai ratou i ta ratou mau animara: 50 000 kamela, 250 000 mamoe e 2 000 asini. Oia atoa 100 000 taata. 22 Mea rahi te enemi i haapohehia, na te Atua mau hoi i aro no ratou.+ Ora noa ˈtura ratou i reira ei mono ia ratou e tae roa ˈtu i te taime o te hopoi-ê-raa.+

23 I ora na te huaai o te afaraa o te opu o Manase+ i te fenua mai Basana e tae roa ˈtu i Baala-heremona e Senira e te mouˈa Heremona.+ Mea rahi roa ratou. 24 Teie te mau upoo o to ratou mau opu fetii: Ephera, Isi, Eliela, Azeriela, Ieremia, Hodavia e Iadiela. E aito puai ratou, e feia tuiroo, e e upoo ratou no to ratou mau opu fetii. 25 Ua taiva râ ratou i te Atua o to ratou mau tupuna e ua taiata ratou i te mau atua o te mau nunaa o taua fenua ra,+ nunaa ta te Atua i haamou i mua ia ratou. 26 Turai ihora ïa te Atua o Iseraela ia* Pula te arii o Asura+ (oia hoi Tilegata-pilenesera+ te arii o Asura) ia hopoi ê i te ati Reubena, te ati Gada, e te afaraa o te opu o Manase e hopoi ihora oia ia ratou i Hala, Habora, Hara e i te anavai Gozana.+ Te ora noa ra ratou i reira i teie mahana.

6 Na tamaiti a Levi,+ o Geresona, Kohata+ e Merari.+ 2 Na tamaiti a Kohata, o Amerama, Izahara,+ Heberona e Uziela.+ 3 Na tamarii* a Amerama,+ o Aarona,+ Mose+ e o Miriama+ atoa. E na tamaiti a Aarona, o Nadaba, Abihu,+ Eleazara+ e Itamara.+ 4 Fanau aˈera ta Eleazara o Phinehasa.+ Fanau aˈera ta Phinehasa o Abisua. 5 Fanau aˈera ta Abisua o Buki. Fanau aˈera ta Buki o Uzi. 6 Fanau aˈera ta Uzi o Zerahia. Fanau aˈera ta Zerahia o Meraiota. 7 Fanau aˈera ta Meraiota o Amaria. Fanau aˈera ta Amaria o Ahituba.+ 8 Fanau aˈera ta Ahituba o Zadoka.+ Fanau aˈera ta Zadoka o Ahimaaza.+ 9 Fanau aˈera ta Ahimaaza o Azaria. Fanau aˈera ta Azaria o Iohanana. 10 Fanau aˈera ta Iohanana o Azaria. Ua tavini oia ei tahuˈa i te hiero* ta Solomona i patu i Ierusalema.

11 Fanau aˈera ta Azaria o Amaria. Fanau aˈera ta Amaria o Ahituba. 12 Fanau aˈera ta Ahituba o Zadoka.+ Fanau aˈera ta Zadoka o Saluma. 13 Fanau aˈera ta Saluma o Hilikia.+ Fanau aˈera ta Hilikia o Azaria. 14 Fanau aˈera ta Azaria o Seraia.+ Fanau aˈera ta Seraia o Iehozadaka.+ 15 Ua hopoi-ê-hia Iehozadaka i to Iehova faaohiparaa ia Nebukanesa no te hopoi ê i te feia no Iuda e Ierusalema.

16 Na tamaiti a Levi, o Geresoma,* Kohata e Merari. 17 Teie te iˈoa o na tamaiti a Geresoma: Libeni e Simei.+ 18 Na tamaiti a Kohata, o Amerama, Izahara, Heberona e Uziela.+ 19 Na tamaiti a Merari, o Maheli e Musi.

Tera te mau fetii o te ati Levi ia au i to ratou mau tupuna:+ 20 Na roto ia Geresoma,+ o Libeni ta ˈna tamaiti, o Iahata ta ˈna tamaiti, o Zima ta ˈna tamaiti, 21 o Ioa ta ˈna tamaiti, o Ido ta ˈna tamaiti, o Zera ta ˈna tamaiti, o Ieaterai ta ˈna tamaiti. 22 Na tamaiti a* Kohata, o Aminadaba ta ˈna tamaiti, o Kora+ ta ˈna tamaiti, o Asira ta ˈna tamaiti, 23 o Elikana ta ˈna tamaiti, o Ebiasapha+ ta ˈna tamaiti, o Asira ta ˈna tamaiti, 24 o Tahata ta ˈna tamaiti, o Uriela ta ˈna tamaiti, o Uzia ta ˈna tamaiti, e o Saura ta ˈna tamaiti. 25 Na tamaiti a Elikana, o Amasai e Ahimota. 26 Na tamaiti a Elikana, o Zophai ta ˈna tamaiti, o Nahata ta ˈna tamaiti, 27 o Eliaba ta ˈna tamaiti, o Ierohama ta ˈna tamaiti, o Elikana+ ta ˈna tamaiti. 28 Na tamaiti a Samuela,+ o Ioela te matahiapo e Abia te piti.+ 29 Na tamaiti a* Merari, o Maheli,+ o Libeni ta ˈna tamaiti, o Simei ta ˈna tamaiti, o Uza ta ˈna tamaiti, 30 o Simea ta ˈna tamaiti, o Hagia ta ˈna tamaiti, e o Asaia ta ˈna tamaiti.

31 Teie te feia ta Davida i faatoroa no te aratai i te himene i te sekene* o Iehova i muri aˈe i te taeraa mai te Afata i reira.+ 32 Na ratou te tuhaa o te himene i te sekene* e patu noa ˈtu Solomona i te hiero* o Iehova i Ierusalema,+ e ua rave ratou i ta ratou tuhaa mai tei faauehia ia ratou.+ 33 Teie te feia tei tavini e ta ratou mau tamaiti: i roto i te ati Kohata, o Hemana+ te taata himene, te tamaiti a Ioela,+ te tamaiti a Samuela, 34 te tamaiti a Elikana,+ te tamaiti a Ierohama, te tamaiti a Eliela, te tamaiti a Toaha, 35 te tamaiti a Zuphe, te tamaiti a Elikana, te tamaiti a Mahata, te tamaiti a Amasai, 36 te tamaiti a Elikana, te tamaiti a Ioela, te tamaiti a Azaria, te tamaiti a Zephania, 37 te tamaiti a Tahata, te tamaiti a Asira, te tamaiti a Ebiasapha, te tamaiti a Kora, 38 te tamaiti a Izahara, te tamaiti a Kohata, te tamaiti a Levi, te tamaiti a Iseraela.

39 Tei te pae atau o Asapha+ ia Hemana, to ˈna taeae. E tamaiti Asapha na Berekia, te tamaiti a Simea, 40 te tamaiti a Mihaela, te tamaiti a Baaseia, te tamaiti a Malakia, 41 te tamaiti a Etini, te tamaiti a Zera, te tamaiti a Adaia, 42 te tamaiti a Etana, te tamaiti a Zima, te tamaiti a Simei, 43 te tamaiti a Iahata, te tamaiti a Geresoma, te tamaiti a Levi.

44 Tei te pae aui te huaai o Merari*+ ia Hemana. O Etana+ to reira, te tamaiti a Kisi, te tamaiti a Abadi, te tamaiti a Maluka, 45 te tamaiti a Hasabia, te tamaiti a Amazia, te tamaiti a Hilikia, 46 te tamaiti a Amezi, te tamaiti a Bani, te tamaiti a Semera, 47 te tamaiti a Maheli, te tamaiti a Musi, te tamaiti a Merari, te tamaiti a Levi.

48 Ua faatoroahia vetahi atu no roto i te ati Levi* no te toea o te mau ohipa o te sekene, te fare o te Atua mau.+ 49 I tutui na Aarona e ta ˈna mau tamaiti+ i te mau tusia, a au auahi atu ai te reira i nia i te fata tusia taauahi+ e i nia i te fata mea noˈanoˈa.+ I rave na ratou i te mau ohipa atoa no te mau mea moˈa roa, no te hopoi ê i te hara a Iseraela,*+ mai ta Mose te tavini a te Atua mau i faaue. 50 Teie te huaai o Aarona:+ o Eleazara+ ta ˈna tamaiti, o Phinehasa ta ˈna tamaiti, o Abisua ta ˈna tamaiti, 51 o Buki ta ˈna tamaiti, o Uzi ta ˈna tamaiti, o Zerahia ta ˈna tamaiti, 52 o Meraiota ta ˈna tamaiti, o Amaria ta ˈna tamaiti, o Ahituba+ ta ˈna tamaiti, 53 o Zadoka+ ta ˈna tamaiti, e o Ahimaaza ta ˈna tamaiti.

54 Teie te mau vahi i haamau ai te ati Levi i to ratou puhaparaa* i to ratou tuhaa fenua: no te huaai o Aarona, no roto i te opu fetii o te ati Kohata e o tei tanohia i te tuhaa matamua, 55 ua horoahia Heberona+ i te fenua o Iuda, e to ˈna mau vahi aihere. 56 Area te mataeinaa e te mau oire rii i pihai iho ia Heberona, ua horoahia ïa na Kaleba+ te tamaiti a Iephune. 57 No te huaai o Aarona, ua horoahia te mau oire* haapuraa:+ o Heberona,+ oia atoa Libena+ e to ˈna mau vahi aihere, Iatira,+ Esetemoa e to ˈna mau vahi aihere,+ 58 Hilena e to ˈna mau vahi aihere, Debira+ e to ˈna mau vahi aihere, 59 Asana+ e to ˈna mau vahi aihere, e Bete-semesa+ e to ˈna mau vahi aihere, 60 e no roto mai i te opu o Beniamina, Geba+ e to ˈna mau vahi aihere, Alemeta e to ˈna mau vahi aihere, e Anatota+ e to ˈna mau vahi aihere. E 13 rahiraa oire+ tei faataahia no to ratou opu fetii.

61 No te toea o te ati Kohata, ua tufahia* hoê ahuru oire, no roto mai i te fetii o te opu, te afaraa o te opu, te afaraa o te opu o Manase.+

62 No te feia ati Geresoma e to ratou mau fetii, ua faataahia 13 oire no roto mai i te opu o Isakara, te opu o Asera, te opu o Naphatali, e te opu o Manase i Basana.+

63 No te feia ati Merari e to ratou mau fetii, ua tufa-kelero-hia 12 oire no roto mai i te opu o Reubena, te opu o Gada, e te opu o Zebuluna.+

64 Mea na reira to te ati Iseraela horoaraa i tera mau oire e to ratou mau vahi aihere no te ati Levi.+ 65 Ua tufa-kelero-atoa-hia tera mau oire no roto mai i te opu o Iuda, te opu o Simeona e te opu o Beniamina. Ua faahitihia te iˈoa o tera mau oire.

66 Ua tufahia no te tahi mau fetii ati Kohata te tahi mau oire no roto mai i te opu o Epheraima.+ 67 Teie te mau oire* haapuraa tei horoahia no ratou: Sekema+ e to ˈna mau vahi aihere, i te tuhaa fenua mouˈa o Epheraima, Gezera+ e to ˈna mau vahi aihere, 68 Iokemeama e to ˈna mau vahi aihere, Bete-horona+ e to ˈna mau vahi aihere, 69 Aialona+ e to ˈna mau vahi aihere, e Gata-rimona+ e to ˈna mau vahi aihere. 70 No te toea o te mau fetii ati Kohata, teie te mau oire i horoahia no ratou no roto mai i te afaraa o te opu o Manase: Anera e to ˈna mau vahi aihere e Bileama e to ˈna mau vahi aihere.

71 No te ati Geresoma, teie te mau oire i faataahia: no roto mai i te fetii o te afaraa o te opu o Manase, Golana+ i Basana e to ˈna mau vahi aihere, e Asetarota e to ˈna mau vahi aihere,+ 72 e no roto mai i te opu o Isakara, Kedesa e to ˈna mau vahi aihere, Daberata+ e to ˈna mau vahi aihere,+ 73 Ramota e to ˈna mau vahi aihere, e Anema e to ˈna mau vahi aihere, 74 e no roto mai i te tuhaa fenua o te opu o Asera, Masala e to ˈna mau vahi aihere, Abadona e to ˈna mau vahi aihere,+ 75 Hukoka e to ˈna mau vahi aihere, e Rehoba+ e to ˈna mau vahi aihere, 76 e no roto mai i te opu o Naphatali, Kedesa+ i Galilea+ e to ˈna mau vahi aihere, Hamona e to ˈna mau vahi aihere, e Kiriataima e to ˈna mau vahi aihere.

77 No te toea o te ati Merari, teie te mau oire i faataahia: no roto mai i te opu o Zebuluna,+ Rimono e to ˈna mau vahi aihere, Tabora e to ˈna mau vahi aihere, 78 e i te tuhaa fenua o Ioridana i Ieriko, i te pae hitia o te râ o Ioridana, no roto mai i te opu o Reubena, ua horoahia no ratou Bezera i te medebara e to ˈna mau vahi aihere, Iahaza+ e to ˈna mau vahi aihere, 79 Kedemota+ e to ˈna mau vahi aihere, Mephaata e to ˈna mau vahi aihere, 80 e no roto mai i te opu o Gada, Ramota i Gileada e to ˈna mau vahi aihere, Mahanaima+ e to ˈna mau vahi aihere, 81 Hesebona+ e to ˈna mau vahi aihere, e Iazera+ e to ˈna mau vahi aihere.

7 Na tamaiti a Isakara, o Tola, Pua, Iasuba e Simirona.+ E maha ratou. 2 E na tamaiti a Tola, o Uzi, Rephaia, Ieriela, Iahamai, Ibesama e Semuela, te mau upoo o to ratou mau opu fetii. No roto mai ia Tola te mau aito puai, e 22 600 rahiraa ratou i te tau o Davida. 3 E te huaai o* Uzi, o Izehara e te mau tamaiti a Izehara: Mihaela, Obadia, Ioela e Isihia. E raatira* ratou e pae. 4 Apitihia mai ia ratou ia au i to ratou mau huaai, ia au i to ratou mau opu fetii, e 36 000 faehau i roto i ta ratou nuu, vata no te tamaˈi, mea rahi hoi ta ratou vahine faaipoipo e ta ratou mau tamaiti. 5 E aito puai to ratou mau taeae no te mau utuafare atoa o te opu o Isakara, e 87 000 rahiraa ratou ia au i te pǎpǎraa tupuna.+

6 Na tamaiti a Beniamina,+ o Bela,+ Bekera+ e Iediaela.+ E toru ratou. 7 Na tamaiti a Bela, o Ezebona, Uzi, Uziela, Ierimota e Iri, e pae ratou. E upoo ratou o to ratou mau opu fetii, e aito puai. E 22 034 rahiraa ratou ia au i te pǎpǎraa tupuna.+ 8 Na tamaiti a Bekera, o Zemira, Ioasa, Eliezera, Elioenai, Omeri, Ieremota, Abia, Anatota e Alemeta. E tamaiti anaˈe ratou na Bekera. 9 Ia au i te pǎpǎraa tupuna o tera mau upoo opu fetii, e 20 200 aito puai to roto i to ratou huaai. 10 Na tamaiti a Iediaela,+ o Bilihana e na tamaiti a Bilihana: Ieusa, Beniamina, Ehuda, Kenaana, Zetana, Taresisa e Ahisahara. 11 I roto i te huaai o* Iediaela, ia au i te pǎpǎraa tupuna o te mau opu fetii, 17 200 rahiraa aito puai tei tapaohia, o tei ineine no te haere i te tamaˈi.

12 Na utuafare o Supima e o Hupima, e huaai ïa no Iro.+ Te mau tamarii a Husima, e huaai ïa no Ahera.

13 Na tamaiti a Naphatali,+ o Iaziela, Guni, Iezerâ e Saluma, e huaai no* Bila.+

14 Na tamaiti a Manase:+ Aseriela ta ta ˈna vahine faaipoipo tavini no Suria i fanau. (Ua fanau mai oia ia Makira,+ te metua tane o Gileada. 15 Rave atura Makira i te hoê vahine faaipoipo na Hupima e na Supima, o Maaka te iˈoa o to ˈna tuahine.) Te iˈoa o te piti, o Zelophehada,+ e tamahine anaˈe râ ta Zelophehada.+ 16 Fanau maira Maaka, te vahine faaipoipo a Makira, i te hoê tamaiti e topa ihora i to ˈna iˈoa o Peresa. E te iˈoa o to ˈna taeae, o Seresa. E ta ˈna na tamaiti, o Ulama e Rekema. 17 E te tamaiti* a Ulama, o Bedana. Tera te mau tamaiti a Gileada, te tamaiti a Makira, te tamaiti a Manase. 18 E to Gileada tuahine, o Hamoleketa. Ua fanau mai oia ia Isoda, Abi-ezera e Mahala. 19 Na tamaiti a Semida, o Ahiana, Sekema, Likihi e Aniama.

20 Na tamaiti a Epheraima,+ o Sutela,+ o Bereda ta ˈna tamaiti, o Tahata ta ˈna tamaiti, o Elada ta ˈna tamaiti, o Tahata ta ˈna tamaiti, 21 o Zabada ta ˈna tamaiti, o Sutela ta ˈna tamaiti, Etera e Eleada. Ua haere mai to Gata+ e haru i te mau animara a te mau tamaiti a Epheraima e ua taparahi ratou ia Etera e Eleada. 22 Ua oto Epheraima to ratou metua tane e rave rahi mahana, e ua haere noa mai to ˈna mau taeae e tamahanahana ia ˈna. 23 I muri aˈe, taoto ihora oia i ta ˈna vahine faaipoipo. Hapû ihora oia e fanau maira i te hoê tamaiti. Topa ihora Epheraima ia ˈna i te iˈoa o Beria,* ua fanau hoi ta ˈna vahine i te hoê tau i roohia ˈi to ˈna utuafare i te ati. 24 O Seera ta ˈna tamahine, na ˈna i patu ia Bete-horona raro,+ Bete-horona nia+ e Uzena-seera. 25 E huaai Repha e Resepha na Epheraima. E o Resepha, o Tela ta ˈna tamaiti, o Tahana ta ˈna tamaiti, 26 o Ladana ta ˈna tamaiti, o Amihuda ta ˈna tamaiti, o Elisama ta ˈna tamaiti, 27 o Nuna ta ˈna tamaiti, o Iosua*+ ta ˈna tamaiti.

28 To ratou fenua e to ratou mau nohoraa, o Betela+ e to ˈna mau oire ati aˈe, o Naarana i hitia o te râ, e o Gezera e to ˈna mau oire ati aˈe i tooa o te râ, Sekema e to ˈna mau oire ati aˈe, e tae roa ˈtu i Aîa* e to ˈna mau oire ati aˈe, 29 e i pihai iho i te huaai o Manase, o Bete-seana+ e to ˈna mau oire ati aˈe, Taanaka+ e to ˈna mau oire ati aˈe, Megido+ e to ˈna mau oire ati aˈe, e Dora+ e to ˈna mau oire ati aˈe. I tera mau oire te huaai o Iosepha, te tamaiti a Iseraela, i te oraraa.

30 Na tamaiti a Asera, o Iemina, Isua, Isui e Beria,+ e to ratou tuahine o Sera.+ 31 Na tamaiti a Beria, o Hebere raua Malakiela, te metua tane o Birazavita. 32 Fanau aˈera ta Hebere o Iapheleta, Somera e Hotama, e o Sua to ratou tuahine. 33 Na tamaiti a Iapheleta, o Pasaka, Bimehala e Asavata. Tera te mau tamaiti a Iapheleta. 34 Na tamaiti a Semera,* o Ahi, Roga, Iehuba e Arama. 35 Na tamaiti a Helema* to ˈna taeae, o Zopha, Imina, Selesa e Amala. 36 Na tamaiti a Zopha, o Sûa, Harenephera, Suala, Beri, Imeri, 37 Bezera, Hoda, Tama, Silesa, Iterana e Beera. 38 Na tamaiti a Ietera, o Iephune, Pisepa e Ara. 39 Na tamaiti a Ula, o Araha, Haniela e Rizia. 40 E tamaiti anaˈe ratou na Asera, e upoo no to ratou mau opu fetii, e feia maitihia, e aito puai, e aratai no te mau raatira o te nuu. Ia au i te tapaoraa o te pǎpǎraa tupuna,+ e 26 000 taata+ to roto i te nuu, vata no te tamaˈi.

8 Fanau aˈera ta Beniamina+ o Bela+ ta ˈna matahiapo, Asebela+ te piti, Aharaba te toru, 2 Noha te maha e Rapha te pae. 3 Na tamaiti a Bela, o Adara, Gera,+ Abihuda, 4 Abisua, Naamana, Ahoa, 5 Gera, Sephuphana e Hurama. 6 Teie te mau tamaiti a Ehuda, te mau upoo o te mau opu fetii o te feia no Geba,+ o tei hopoi-ê-hia i Manahata: 7 Naamana, Ahia e Gera. Na ˈna i aratai ia ratou i te hopoi-ê-raahia ratou. Fanau aˈera ta ˈna o Uta raua Ahihuda. 8 Fanau aˈera Saharaima i te tamarii i te tuhaa fenua o Moabi i muri aˈe i to ˈna tiahiraa ia ratou. E vahine faaipoipo o Husima e Baara na ˈna.* 9 E i ta ˈna vahine faaipoipo ra ia Hodesa, fanau aˈera ta ˈna o Iobaba, Tibia, Mesa, Malakama, 10 Ieuza, Sakia e Mirima. Tera ta ˈna mau tamaiti, e upoo ratou no to ratou mau opu fetii.

11 E ia Husima, fanau aˈera ta ˈna o Abituba raua Elepaala. 12 E na tamaiti a Elepaala, o Ebera, Misama, Semeda, (na ˈna i patu ia Ôno+ e ia Loda+ e te mau oire ati aˈe), 13 Beria e Sêma. E upoo ratou no te mau opu fetii o te feia no Aialona.+ Na ratou i tiahi i te feia no Gata. 14 Te vai atoa ra Ahio, Sasaka, Ieremota, 15 Zebadia, Arada, Edera, 16 Mihaela, Isepa, Ioha, te mau tamaiti a Beria. 17 E o Zebadia, Mesulama, Hezeki, Hebere, 18 Isemerai, Izilia, Iobaba, te mau tamaiti a Elepaala. 19 E o Iakima, Zikeri, Zabadi, 20 Elienai, Ziletai, Eliela, 21 Adaia, Beraia, Simirata, te mau tamaiti a Simei. 22 E o Isephana, Ebera, Eliela, 23 Abadona, Zikeri, Hanana, 24 Hanania, Elama, Anetotia, 25 Ephedeia, Penuela, te mau tamaiti a Sasaka. 26 E o Sameserai, Seharia, Atalia, 27 Iaaresia, Elia, Zikeri, te mau tamaiti a Ierohama. 28 E upoo ratou no te mau opu fetii ia au i te tapaoraa o te pǎpǎraa tupuna. Ua ora tera mau upoo aratai i Ierusalema.

29 Ua ora Ieiela to Gibeona metua tane i Gibeona.+ O Maaka+ te iˈoa o ta ˈna vahine faaipoipo. 30 E ta ˈna tamaiti matahiapo o Abadona, to muri iho o Zura, Kisa, Baala, Nadaba, 31 Gedora, Ahio e Zekera. 32 Fanau aˈera ta Mikelota o Timea. Ua ora ratou paatoa e to ratou mau taeae i Ierusalema, i pihai iho i te tahi atu mau taeae to ratou.

33 Fanau aˈera ta Nere+ o Kisa, fanau aˈera ta Kisa o Saula,+ fanau aˈera ta Saula o Ionatana,+ Maleki-sua,+ Abinadaba+ e Esebaala.*+ 34 E te tamaiti a Ionatana, o Meribaala.*+ Fanau aˈera ta Meribaala o Mika.+ 35 E na tamaiti a Mika, o Pitona, Meleka, Tarea e Ahaza. 36 Fanau aˈera ta Ahaza o Iehoada, fanau aˈera ta Iehoada o Alemeta, Azamaveta e Zimeri. Fanau aˈera ta Zimeri o Moza. 37 Fanau aˈera ta Moza o Binea, o Râpha ta ˈna tamaiti, o Eleasa ta ˈna tamaiti, o Azela ta ˈna tamaiti. 38 E ono tamaiti ta Azela, e to ratou iˈoa, o Azerikama, Bokeru, Isemaela, Searia, Obadia e Hanana. E tamaiti anaˈe ratou na Azela. 39 E te mau tamaiti a to ˈna taeae o Eseka, o Ulama ta ˈna matahiapo, Ieusa te piti e Elipheleta te toru. 40 E aito puai te mau tamaiti a Ulama o tei ite i te teˈa,* e mea rahi ta ratou tamaiti e mootua, 150 ia amuihia. E huaai anaˈe ratou no Beniamina.

9 Ua tapaohia te ati Iseraela taatoa i roto i te pǎpǎraa tupuna, e tei roto ratou i te Buka o te mau arii o Iseraela. Ua hopoi-ê-hia râ to Iuda i Babulonia no to ratou taiva.+ 2 Na feia matamua o tei hoˈi i to ratou vahi, i to ratou mau oire, o te tahi ati Iseraela ïa, te mau tahuˈa, te ati Levi e te mau tavini o te hiero.*+ 3 E ua parahi vetahi o te huaai o Iuda,+ o Beniamina,+ o Epheraima e o Manase i Ierusalema: 4 Utai te tamaiti a Amihuda, te tamaiti a Omeri, te tamaiti a Imiri, te tamaiti a Bani, no roto i te huaai o Pereza+ te tamaiti a Iuda. 5 No roto i te ati Sela, Asaia te matahiapo e ta ˈna mau tamaiti. 6 No roto i te mau tamaiti a Zera,+ o Ieuela e 690 o to ratou mau taeae.

7 No roto i te huaai o Beniamina, o Salu te tamaiti a Mesulama, te tamaiti a Hodavia, te tamaiti a Hasenua, 8 Ibeneia te tamaiti a Ierohama, Ela te tamaiti a Uzi, te tamaiti a Mikeri, e Mesulama te tamaiti a Sephatia, te tamaiti a Reuela, te tamaiti a Ibenia. 9 E to ratou mau taeae ia au i te tapaoraa o te pǎpǎraa tupuna, e 956 rahiraa ratou. E upoo anaˈe teie mau taata no to ratou mau opu fetii.*

10 No roto i te mau tahuˈa, o Iedaia, Iehoiariba, Iakina,+ 11 Azaria te tamaiti a Hilikia, te tamaiti a Mesulama, te tamaiti a Zadoka, te tamaiti a Meraiota, te tamaiti a Ahituba, e aratai o te hiero* o te Atua mau, 12 Adaia te tamaiti a Ierohama, te tamaiti a Pasura, te tamaiti a Malakia, Maasai te tamaiti a Adiela, te tamaiti a Iahezera, te tamaiti a Mesulama, te tamaiti a Mesilemita, te tamaiti a Imera, 13 e to ratou mau taeae, e upoo no te mau opu fetii, 1 760 aito puai e te haapao maitai, mea vata no te taviniraa i te hiero* o te Atua mau.

14 E no roto i te ati Levi, o Semaia+ te tamaiti a Hatuba, te tamaiti a Azerikama, te tamaiti a Hasabia, no te huaai o Merari, 15 e o Bakabakara, Heresa, Galala, Matania te tamaiti a Mita, te tamaiti a Zikeri, te tamaiti a Asapha, 16 Obadia te tamaiti a Semaia, te tamaiti a Galala, te tamaiti a Iedutuna, e Berekia te tamaiti a Asa, te tamaiti a Elikana, o tei parahi na i te mau oire rii o to Netopha.+

17 Te mau tiai uputa,+ o Saluma, Akuba, Talemona, Ahimana. O Saluma, no to ratou opu fetii, te upoo. 18 Na mua ˈtu, tei te uputa o te arii oia i te pae hitia o te râ.+ Ratou te mau tiai uputa o te mau puhapa o te ati Levi. 19 Area o Saluma te tamaiti a Kore, te tamaiti a Ebiasapha, te tamaiti a Kora, e to ˈna mau taeae no roto i to ˈna opu fetii, te ati Kora, na ratou i haapao i te mau tiai uputa o te tiahapa. I haapao na to ratou mau metua tane i te tiahapa o Iehova ei tiai i te tomoraa. 20 O Phinehasa+ te tamaiti a Eleazara+ to ratou aratai na mua ˈˈe. Tei ia ˈna ra Iehova. 21 E tiai uputa o Zekaria+ te tamaiti a Meselemia i te tomoraa o te tiahapa o te amuiraa.

22 E 212 rahiraa feia maitihia ei tiai uputa i te mau tomoraa. I ora na ratou i te vahi e rave rau, ia au i to ratou pǎpǎraa tupuna.+ Na Davida raua Samuela te taata tatara orama+ i rave ia ratou no tera toroa e titauhia te feia e nehenehe e tiaturi. 23 Na ratou e ta ratou mau tamaiti i haapao i te tuhaa o te tiairaa i te mau uputa o te fare o Iehova,+ te fare o te tiahapa. 24 Tei i na pae e maha te mau tiai uputa: te pae hitia o te râ, tooa o te râ, apatoerau e apatoa.+ 25 I te tahi taime, i titauhia na ia faarue to ratou mau taeae i to ratou vahi no te haere mai e ohipa na muri ia ratou e hitu mahana. 26 E maha aito puai ati Levi no roto i te mau tiai uputa tei tuuhia no te haapao i te mau piha* e te mau vairaa taoˈa o te fare o te Atua mau.+ E feia tiaturihia hoi ratou. 27 E tiai ratou i te po taatoa ati aˈe i te fare o te Atua mau, na ratou hoi te tuhaa o te tiairaa e na ratou e haapao i te taviri. Na ratou e iriti i te uputa o te fare i te mau poipoi atoa.

28 E haapao vetahi o ratou i te mau taihaa+ faaohipahia no te haamoriraa. E taio ratou i tera mau taihaa ia afai ratou i te reira e e taio ratou i tera mau taihaa ia faahoˈi ratou i te reira. 29 E haapao vetahi o ratou i te tahi atu mau taihaa, e te mau taihaa moˈa atoa,+ te faraoa ota oro-maitai-hia,+ te uaina,+ te hinu,+ te tapau libano+ e te monoˈi zuri.+ 30 Na te tahi mau tamaiti a te mau tahuˈa e hamani i te monoˈi noˈanoˈa i te monoˈi zuri. 31 E o Matitia ati Levi, te matahiapo a Saluma ati Kora, o ˈna tei ravehia no te haapao i te mau mea e farai-pani-hia,+ e taata tiaturihia hoi oia. 32 Na vetahi o to ratou mau taeae ati Kohata i haapao i te tuhaa o te pane apǎpǎhia,*+ na ratou e faaineine i te reira i te mau Sabati atoa.+

33 Tera te feia himene, te mau upoo o te mau opu fetii ati Levi. Tei roto ratou i te mau piha.* Aita ta ratou e hopoia ê atu, no te mea, i te ao e te po, e ohipa ta ratou. 34 Tera te mau upoo o te mau opu fetii ati Levi ia au i to ratou pǎpǎraa tupuna, e raatira ratou. Ua ora ratou i Ierusalema.

35 Ua ora Ieiela to Gibeona metua tane i Gibeona.+ O Maaka te iˈoa o ta ˈna vahine faaipoipo. 36 E ta ˈna tamaiti matahiapo o Abadona, to muri iho o Zura, Kisa, Baala, Nere, Nadaba, 37 Gedora, Ahio, Zekaria e Mikelota. 38 Fanau aˈera ta Mikelota o Simeama. Ua ora ratou paatoa e to ratou mau taeae i Ierusalema, i pihai iho i te tahi atu mau taeae to ratou. 39 Fanau aˈera ta Nere+ o Kisa, fanau aˈera ta Kisa o Saula,+ fanau aˈera ta Saula o Ionatana,+ Maleki-sua,+ Abinadaba+ e Esebaala. 40 E te tamaiti a Ionatana, o Meribaala.+ Fanau aˈera ta Meribaala o Mika.+ 41 E na tamaiti a Mika, o Pitona, Meleka, Taherea e Ahaza. 42 Fanau aˈera ta Ahaza o Iara, fanau aˈera ta Iara o Alemeta, Azamaveta e Zimeri. Fanau aˈera ta Zimeri o Moza. 43 Fanau aˈera ta Moza o Binea e o Rephaia ta ˈna tamaiti, o Eleasa ta ˈna tamaiti, o Azela ta ˈna tamaiti. 44 E ono tamaiti ta Azela, e to ratou iˈoa, o Azerikama, Bokeru, Isemaela, Searia, Obadia e Hanana. E tamaiti ratou na Azela.

10 Aro maira râ te mau Philiseti ia Iseraela. Horo ê atura te mau faehau o Iseraela i mua i te mau Philiseti, e mea rahi tei taparahihia i nia i te mouˈa Gilaboa.+ 2 Tapapa maira te mau Philiseti ia Saula e ta ˈna mau tamaiti, e tairi aˈera te mau Philiseti ia Ionatana, Abinadaba e Maleki-sua,+ ta Saula mau tamaiti. 3 Uˈana roa ˈtura te aroraa i nia ia Saula, ite aˈera te feia teˈa ia ˈna, e pepe ihora oia i te feia teˈa.+ 4 Na ô atura Saula i ta ˈna tavini amo mauhaa: “A huti i ta oe ˈoˈe e a patia ia ˈu, aˈunei teie mau tane peritome-ore-hia e hamani ino*+ ai ia ˈu.” Aita râ ta ˈna tavini amo mauhaa i hinaaro, ua mǎtaˈu roa hoi oia. Rave ihora ïa Saula i te ˈoˈe e faatopa ihora oia ia ˈna i nia iho.+ 5 I te iteraa te tavini amo mauhaa e ua pohe o Saula, faatopa atoa ihora oia ia ˈna i nia i ta ˈna iho ˈoˈe e pohe ihora. 6 Ua pohe ïa Saula e ta ˈna e toru tamaiti, e te feia atoa tei aro i to ˈna pae,* hoê â ratou i te poheraa.+ 7 I te iteraa te ati Iseraela i roto i te peho e ua horo ê te taata atoa e ua pohe Saula e ta ˈna mau tamaiti, faarue aˈera ratou i to ratou mau oire e horo ê atura. Haere maira te mau Philiseti e parahi ihora i tera mau oire.

8 I te mahana i muri iho, i to te mau Philiseti haereraa mai e eiâ i te mau taoˈa i nia i te mau tino pohe, ite aˈera ratou i te tino o Saula e ta ˈna mau tamaiti i nia i te mouˈa Gilaboa.+ 9 Eiâ ihora ïa ratou i te mau mea i nia ia ˈna, tâpû ihora i to ˈna upoo e rave aˈera i ta ˈna mau mauhaa tamaˈi. Tono atura ratou i te vea na te fenua o te mau Philiseti no te faaite i te parau apî i ta ratou mau idolo+ e te nunaa. 10 Vaiiho atura ratou i ta ˈna mau mauhaa tamaˈi i roto i te hiero o to ratou atua e tuu ihora i to ˈna upoo i roto i te hiero o Dagona.+

11 I te faarooraa to Iabesa+ i Gileada i ta te mau Philiseti i rave ia Saula,+ 12 tia aˈera te mau taata tamaˈi atoa e tii i te tino o Saula e o ta ˈna mau tamaiti. Hopoi aˈera ratou i taua mau tino ra i Iabesa, huna ihora i to ratou mau ivi i raro aˈe i te tumu raau rahi i Iabesa,+ e haapae atura ratou i te maa e hitu mahana.

13 Ua pohe ïa Saula no to ˈna taiva ia Iehova, aita hoi oia i faaroo i te parau a Iehova,+ ua haere atoa oia e farerei i te hoê vahine e demoni hiˈohiˈo to ˈna,+ 14 aita râ i ui ia Iehova, i haapohe ai oia ia ˈna a tuu atu ai i te tiaraa arii ia Davida te tamaiti a Iese.+

11 I muri aˈe, haaputuputu aˈera te ati Iseraela taatoa ia Davida ra i Heberona+ e na ô maira: “E fetii matou no oe.*+ 2 I te tau o Saula te arii, na oe i aratai ia Iseraela i te tamaˈi.+ E ua parau Iehova to Atua ia oe: ‘E aupuru oe i to ˈu nunaa ia Iseraela, e e riro oe ei aratai no to ˈu nunaa o Iseraela.’”+ 3 Haere maira ïa te mau matahiapo atoa o Iseraela i te arii Davida ra i Heberona. Faaau ihora Davida i te hoê faufaa ia ratou i mua ia Iehova, e faatavai ihora ratou ia Davida ei arii i nia ia Iseraela,+ ia au i te parau a Iehova na roto ia Samuela.+

4 I muri aˈe, haere atura Davida e Iseraela taatoa i Ierusalema, oia hoi i Iebusi,+ te tuhaa fenua e parahi ai te ati Iebusi.+ 5 Faaooo aˈera to Iebusi ia Davida: “Eita roa oe e tae mai i roto i teie oire!”+ Tera râ, haru ihora Davida i te pare o Ziona,+ o tei parauhia i teie nei te Oire o Davida.+ 6 Na ô ihora ïa Davida: “E riro te taata matamua o te tairi i te ati Iebusi ei raatira* o te mau nuu.” E o Ioaba+ te tamaiti a Zeruia tei reva na mua, e riro maira oia ei raatira. 7 Faaea roa ˈtura Davida i roto i taua pare ra. No reira ratou i parau ai i taua vahi ra te Oire o Davida. 8 Haamata ihora oia i te faatia i te oire ati aˈe, mai Milo* e tae atu i te mau vahi ati aˈe, e na Ioaba i tataî i te toea o te oire. 9 Puai noa ˈtura ïa Davida,+ e tei pihai iho atoa Iehova o te mau nuu* ia ˈna.

10 Teie te mau upoo o te mau aito puai a Davida, o tei turu maitai ia ˈna i to ˈna tiaraa arii, amui atoa mai to Iseraela taatoa, no te faaarii ia ˈna ia au i te parau a Iehova no nia ia Iseraela.+ 11 Teie na aito puai roa ˈˈe e toru a Davida: Iasobeama+ te tamaiti a te hoê ati Hakemoni, te raatira o na aito e toru.+ I te hoê mahana, ua haapohe oia e 300 taata i ta ˈna omore.+ 12 I muri aˈe ia ˈna, o Eleazara+ ïa te tamaiti a Dodo te ati Ahohi.+ O ˈna hoê o na toru aito puai roa ˈˈe. 13 Tei ia Davida ra oia i Pasa-damima,+ i te vahi i haaputuputu ai te mau Philiseti no te tamaˈi. E tâpû fenua râ to reira ua î i te kerite, e ua horo ê te mau faehau no te mau Philiseti. 14 Tia ihora râ oia i ropu i te faaapu e paruru ihora i taua faaapu ra. Tairi ihora oia i te mau Philiseti e faatupu ihora Iehova i te hoê upootiaraa* rahi.+

15 Pou atura e toru no roto mai i na 30 raatira ia Davida ra i te ana o Adulama.+ Te puhapa ra ïa te hoê nuu Philiseti i te peho o te ati Repha.+ 16 Tei roto ïa Davida i to ˈna haapuraa, e tei Betelehema te hoê pǔpǔ faehau a te mau Philiseti. 17 Faaite atura Davida i to ˈna hinaaro: “Ahani ta ˈu e nehenehe e inu i te pape no ǒ mai i te apoo pape i pihai iho i te uputa o Betelehema!”+ 18 I reira, tomo ihora na aito e toru i roto i te puhapa a te mau Philiseti, huti ihora i te pape no roto mai i te apoo i pihai iho i te uputa o Betelehema e hopoi maira i te reira ia Davida ra. Aita râ Davida i farii i te inu e manii ihora oia i taua pape ra i raro i mua ia Iehova. 19 Na ô ihora oia: “Eita roa ˈtu ta ˈu e nehenehe e inu i teie pape i mua i to ˈu Atua. Mai te mea ra ïa e te inu ra vau i te toto o teie mau tane o tei faaû i te pohe.+ Ua faaû hoi ratou i te pohe no te afai mai i tera pape.” Aita ˈtura ïa oia i inu i te reira. Tera te mau ohipa ta ta ˈna e toru aito puai roa ˈˈe i rave.

20 Riro maira Abisai+ te taeae o Ioaba+ ei raatira i nia e toru aito puai ê atu. Ua haapohe oia e 300 taata i ta ˈna omore. Tui atura to ˈna roo mai to na aito puai roa ˈˈe e toru.+ 21 I roto ia ratou e toru, o ˈna te mea matau-roa-hia i te tahi atu e piti, e o ˈna to ratou raatira. Aita râ oia i tapae i te faito o na aito puai roa ˈˈe e toru a Davida.

22 E tane itoito* o Benaia+ te tamaiti a Iehoiada, mea rahi te ohipa ta ˈna i rave i Kabezeela.+ Ua taparahi oia i na tamaiti e piti a Ariela no Moabi. Ua pou atoa oia i roto i te hoê apoo pape i te hoê mahana hiona no te taparahi i te hoê liona.+ 23 Ua taparahi atoa oia i te hoê tiapai taata Aiphiti, e pae kubiti* te roa.+ Ua aro Benaia ia ˈna i te hoê raau, area ta taua taata Aiphiti ra, e omore ïa mai te raau a te feia raraa.+ Haru maira oia i te omore i te rima o te taata Aiphiti e haapohe ihora ia ˈna i tera omore.+ 24 Tera te mau ohipa ta Benaia te tamaiti a Iehoiada i rave. Tui atura to ˈna roo mai to na aito puai roa ˈˈe e toru. 25 Noa ˈtu mea matauhia oia hau aˈe i na 30 taata, aita oia i tapae i te faito o na aito puai roa ˈˈe e toru.+ Tera râ, ua faatoroa Davida ia ˈna ei raatira no to ˈna feia tiai.

26 Na aito puai o te mau nuu faehau, o Asahela+ te taeae o Ioaba, Elehanana te tamaiti a Dodo no Betelehema,+ 27 Samota no Harori, Heleza no Peloni, 28 Ira+ te tamaiti a Ikesa no Tekoa, Abi-ezera+ no Anatota, 29 Sibekai+ ati Husa, Ilai ati Ahohi, 30 Maharai+ no Netopha, Heleda+ te tamaiti a Baanaha no Netopha, 31 Îtai te tamaiti a Ribai no Gibea a te ati Beniamina,+ Benaia no Piratona, 32 Hurai no te mau tahora i Gaasa,+ Abiela no Bete-araba, 33 Azamaveta no Bahurima, Eliahaba no Saalabima, 34 na tamaiti a Hasema no Gezoni, Ionatana te tamaiti a Sage ati Harari, 35 Ahiama te tamaiti a Sakara ati Harari, Elephala te tamaiti a Ura, 36 Hepheri no Mekera, Ahia no Peloni, 37 Hezero no Karemela, Naarai te tamaiti a Ezebai, 38 Ioela te taeae o Natana, Mibahara te tamaiti a Hageri, 39 Zeleka ati Amona, Naharai no Berota, te amo mauhaa a Ioaba te tamaiti a Zeruia, 40 Ira ati Ituri, Gareba ati Ituri, 41 Uria+ ati Heta, Zabada te tamaiti a Ahelai, 42 Adina te tamaiti a Siza ati Reubena, e upoo no te ati Reubena, e e 30 na muri ia ˈna, 43 Hanana te tamaiti a Maaka, Iosaphata te Mitini, 44 Utia no Asetarota, Sâma e Ieiela, na tamaiti a Hotama no Aroera, 45 Iediaela te tamaiti a Simiri e Ioha to ˈna taeae no Tizi, 46 Eliela te Mahavi, Ieribai e Iosavia na tamaiti a Elenaama, e Itema ati Moabi, 47 Eliela, Obeda e Iaasiela te Mesoba.

12 Tera te mau tane tei haere mai ia Davida ra i Zikelaga+ a ore ai ta ˈna e nehenehe e hahaere mai ta ˈna i hinaaro no Saula+ te tamaiti a Kisa, e tei rotopu ratou i te mau aito puai o tei turu ia ˈna i te tamaˈi.+ 2 E fana ta ratou, e e faaohipa ratou i te rima atau e te rima aui+ no te taora i te ofai+ aore ra no te teˈa. E taeae ratou no Saula, no roto ia Beniamina.+ 3 Te upoo, o Ahiezera, e o Ioasa, e tamaiti raua na Semaa no Gibea,+ o Ieziela e Peleta na tamaiti a Azamaveta,+ Beraka, Iehu no Anatota, 4 Isemaia no Gibeona,+ e aito puai i rotopu i na 30 taata+ e i nia i na 30 taata. Oia atoa o Ieremia, Iahaziela, Iohanana, Iosabada no Gêdera, 5 Eluzai, Ierimota, Bealia, Semaria, Sephatia te Haripha, 6 Elikana, Isihia, Azarela, Ioezera e Iasobeama ati Kora,+ 7 e o Ioera e Zebadia na tamaiti a Ierohama no Gedora.

8 Ua haere mai vetahi no te ati Gada ia Davida i te haapuraa i te medebara ei paturu ia ˈna.+ E aito puai ratou, e faehau faaineinehia no te tamaˈi, mea aravihi no te faaohipa i te paruru rahi e te omore, e hohoˈa to ratou mai to te liona e mea vitiviti ratou mai te zabi i nia i te mau mouˈa. 9 O Etera te upoo, Obadia te piti, Eliaba te toru, 10 Misemana te maha, Ieremia te pae, 11 Atai te ono, Eliela te hitu, 12 Iohanana te vaˈu, Elezabada te iva, 13 Ieremia te ahuru, Makabanai te ahuru ma hoê. 14 E ati Gada+ ratou, e raatira no te nuu. E haere i tei iti roa ˈˈe ia aro 100, e i tei rahi roa ˈˈe ia aro 1 000.+ 15 Tera te mau tane o tei haere i te tahi pae o Ioridana i te avaˈe matamua, a manii ai te anavai, e ua aˈuaˈu ratou i te feia e ora ra i te mau fenua parahurahu, i te pae hitia o te râ e tooa o te râ.

16 Ua haere atoa mai vetahi no te opu o Beniamina e Iuda ia Davida ra i to ˈna haapuraa.+ 17 Haere atura Davida i rapae e farerei ia ratou e na ô atura ia ratou: “Mai te peu e te haere mai ra outou ma te hau no te tauturu ia ˈu, e aro amui ïa tatou.* Mai te peu râ e no te tuu ia ˈu i te rima o to ˈu mau enemi, aita hoi to ˈu rima i rave i te mea ino, e ite ïa te Atua o to tatou mau tupuna i te reira e e haava oia.”+ 18 Ohipa maira te varua o te Atua i nia* ia Amasai,+ te upoo o na 30 taata:

“No oe matou, e Davida, e tei to oe pae matou, e te tamaiti a Iese.+

Farii aˈera ïa Davida ia ratou e faatoroa ˈtura ia ratou i rotopu i te mau upoo o te mau faehau.

19 Horo atoa maira vetahi no roto ia Manase ia Davida ra a haere ai oia e te mau Philiseti e aro ia Saula. Aita râ oia i tauturu i te mau Philiseti, no te mea i muri aˈe i to ratou aparauraa, aita te mau faatere o te mau Philiseti+ i hinaaro e rave ia ˈna na muri ia ratou. Ua parau ratou: “E horo oia i to ˈna fatu ra ia Saula, e o to tatou upoo te titauhia.”+ 20 Teie te feia no Manase tei horo ia Davida ra i to ˈna haereraa i Zikelaga:+ Atana, Iosabada, Iediaela, Mihaela, Iosabada, Elihu e Ziletai, e upoo ratou no te mau tausani o Manase.+ 21 Ua tauturu ratou ia Davida ia tapapa i te pǔpǔ eiâ, no te mea e aito puai anaˈe ratou e te itoito.+ Ua riro ratou ei raatira i roto i te nuu. 22 I te mau mahana atoa, ua haere mai te taata ia Davida+ ra no te tauturu ia ˈna e riro noa ˈtu ta ˈna nuu mai te nuu a te Atua i te rahi.+

23 Teie te rahiraa upoo o te feia e mauhaa tamaˈi ta ratou, o tei haere mai ia Davida ra i Heberona+ no te horoa i te tiaraa arii o Saula ia Davida, mai ta Iehova i faaue.+ 24 To te opu o Iuda, e 6 800 rahiraa ratou e amo ra i te paruru rahi e te omore, e mauhaa ta ratou no te tamaˈi. 25 To te ati Simeona, e 7 100 tane puai e te itoito to roto i te nuu.

26 To te ati Levi, e 4 600. 27 O Iehoiada+ te aratai o te mau tamaiti a Aarona,+ e na muri ia ˈna e 3 700 tane, 28 oia atoa o Zadoka,+ e tane apî itoito e te puai, e e 22 upoo o to ˈna opu fetii.

29 To te ati Beniamina, te mau taeae o Saula,+ e 3 000 tane. I ati maite na te rahiraa o ratou ia Saula e to ˈna utuafare.* 30 To te ati Epheraima, e 20 800 tane tuiroo puai e te itoito i rotopu i to ratou mau opu.

31 To te afaraa o te opu o Manase, 18 000 o tei maitihia ma to ratou iˈoa no te haere mai e faaarii ia Davida. 32 To te ati Isakara, e 200 aratai. Ua ite ratou eaha te titauhia ia Iseraela ia rave e i teihea taime, e tei raro aˈe to ratou mau taeae atoa i ta ratou faatereraa. 33 To Zebuluna, e 50 000 faehau ineine no te tamaˈi e ta ratou mau mauhaa tamaˈi. Ua amui ratou paatoa ia Davida ma te aau hoê.* 34 To Naphatali, 1 000 raatira, e na muri ia ratou e 37 000 tane e te paruru rahi e te omore. 35 To te ati Dana, e 28 600 tane ineine no te tamaˈi. 36 E to Asera, e 40 000 faehau ineine no te tamaˈi.

37 I te tahi atu pae o Ioridana,+ to te ati Reubena, to te ati Gada e te afaraa o te opu o Manase, 120 000 faehau e te mau huru mauhaa tamaˈi atoa. 38 E faehau ineine no te tamaˈi anaˈe tera. Ua haere mai ratou i Heberona ma te faaoti papu e faaarii ia Davida i nia ia Iseraela. E, mai ia ratou, ua hinaaro atoa pauroa te toea o Iseraela ia riro Davida ei arii.+ 39 Faaea ˈtura ratou i reira i pihai iho ia Davida e toru mahana, a amu e a inu ai i ta to ratou mau taeae i faaineine na ratou. 40 Te feia atoa i pihai iho ia ratou, e te feia i te fenua atea mai to Isakara, Zebuluna e Naphatali, tei afai mai i te maa na nia i te asini, te kamela, te pheradi e te puaatoro: te faraoa ota, te maa vine pâpâhia e te suke pâpâhia, te uaina, te hinu, te puaatoro e te mamoe e rave rahi, e oroa hoi to Iseraela.

13 Paraparau atura Davida i te mau raatira tausani e raatira hanere e i te mau aratai atoa.+ 2 Na ô atura Davida i te amuiraa taatoa o Iseraela: “Mai te peu mea maitai i to outou aro e e farii Iehova to tatou Atua, e titau anaˈe i to tatou mau taeae no te mau tuhaa fenua atoa o Iseraela, te mau tahuˈa e te ati Levi i to ratou mau oire,*+ ia apiti mai ia tatou. 3 E e faahoˈi anaˈe i te Afata+ a to tatou Atua.” Aita hoi te nunaa i haapao i te reira i te tau o Saula.+ 4 Farii ihora te amuiraa taatoa e na reira, ua manaˈo hoi te taata atoa e ohipa maitai te reira. 5 Titau atura ïa Davida ia Iseraela taatoa, mai te anavai* o Aiphiti e tae atu i Lebo-hamata,*+ no te afai mai i te Afata a te Atua mau mai Kiriata-iearima.+

6 Pauma aˈera Davida e to Iseraela taatoa i Baalaha,+ i Kiriata-iearima, i te fenua o Iuda, no te tii i te Afata a te Atua mau, o Iehova, o te parahi ra i nia i te terono i nia ˈˈe* i te mau kerubi.+ I mua i te reira te taata e pure ai.* 7 Haere aˈera ratou i ǒ Abinadaba. Tuu aˈera râ ratou i te Afata a te Atua mau i nia i te hoê tavere apî+ no te uta i te reira. E na Uza raua Ahio i aratai i taua tavere ra.+ 8 Te arearea ra Davida e to Iseraela taatoa i mua i te Atua mau ma to ratou puai atoa, apeehia e te himene, te kinura, te tahi atu mau upaupa taura, te tariparau,+ te sumebalo+ e te pu.+ 9 I to ratou râ taeraa ˈtu i te vahi tairiiriraa huero maa* o Hidona, fatata roa te puaatoro i te faataahuri i te Afata. Toro atura Uza i to ˈna rima e haru atura i te reira. 10 Ura ihora to Iehova riri ia Uza, e tairi ihora oia ia ˈna no te mea ua toro oia i to ˈna rima e ua haru oia i te Afata.+ Pohe atura Uza i reira i mua i te Atua.+ 11 Riri* ihora râ Davida no te mea ua ura to Iehova riri rahi ia Uza. Parauhia ˈtura taua vahi ra o Pereza-uza* e tae roa mai i teie mahana.

12 Mǎtaˈu ihora ïa Davida i te Atua mau i taua mahana ra e feruri ihora: “E nafea vau e hopoi ai i te Afata a te Atua mau i to ˈu oire?”+ 13 Aita ïa Davida i hopoi i te Afata i te Oire o Davida, te vahi e noho ai oia. Ua faaue râ oia ia afaihia te reira i te fare o Obeda-edoma no Gata. 14 Ua vaiihohia te Afata a te Atua mau i te utuafare ra o Obeda-edoma e toru avaˈe, i to ˈna fare. Haamaitai noa ˈtura Iehova i te utuafare o Obeda-edoma e ta ˈna mau mea atoa.+

14 Ua faatae te arii Hirama+ no Turia i te vea ia Davida ra, e te raau arezi, te feia tarai ofai e te feia tarai raau no te hamani i te hoê aorai* no ˈna.+ 2 Ua taa ïa ia Davida e ua haamau papu Iehova i to ˈna tiaraa arii i nia ia Iseraela,+ ua haamaitai hoi oia i ta ˈna faatereraa arii no to ˈna nunaa o Iseraela.+

3 Rave maira Davida i te tahi atu mau vahine faaipoipo+ i Ierusalema, e fanau aˈera ta ˈna te tahi atu mau tamaiti e tamahine.+ 4 Teie te iˈoa o ta ˈna mau tamarii tei fanauhia i Ierusalema:+ o Samua, Sobaba, Natana,+ Solomona,+ 5 Ibehara, Elisua, Elepaleta, 6 Noga, Nephega, Iaphia, 7 Elisama, Beeliada e o Elipheleta.

8 I to te mau Philiseti faarooraa e ua faatavaihia Davida ei arii no Iseraela taatoa,+ haere maira te mau Philiseti atoa e imi ia Davida.+ I to Davida faarooraa i te reira, haere ihora oia e aro ia ratou. 9 Haere maira te mau Philiseti, e aro aˈera ratou i te feia no te peho o te ati Repha.+ 10 Ui atura Davida i te Atua: “Ia haere anei au e aro i te mau Philiseti? E tuu anei oe ia ratou i to ˈu nei rima?” Parau maira Iehova ia ˈna: “A haere, e tuu mau â vau ia ratou i to rima.”+ 11 Pauma ˈtura ïa Davida i Baala-perazima+ e tairi ihora oia ia ratou i reira. Parau atura Davida: “Mai te hoê tahora, ua hamani te Atua mau i te hoê apoo i rotopu i to ˈu mau enemi ma te faaohipa ia ˈu.” No reira tera vahi i parauhia ˈi Baala-perazima.* 12 Faarue maira te mau Philiseti i to ratou mau atua i reira, e faaue atura Davida ia taninahia te reira.+

13 I muri aˈe, tomo faahou maira te mau Philiseti i te peho.+ 14 Ui faahou atura Davida i te Atua. Pahono maira râ te Atua mau i teie taime: “Eiaha e aro ia ratou na mua mai. A haaati râ ia ratou, e a rave ia ratou na muri mai, i mua i te mau raau rii baka.+ 15 Ia faaroo oe mai te ahehe avae i roto i te mau raau rii baka, a aro, te na mua ˈtu ra hoi te Atua mau ia oe no te tairi i te nuu Philiseti.”+ 16 Rave ihora ïa Davida mai ta te Atua mau i faaue ia ˈna,+ e tairi ihora ta ˈna nuu i te mau Philiseti mai Gibeona e tae atu i Gezera.+ 17 E tui aˈera te roo o Davida na te mau fenua atoa, e tuu ihora Iehova i te mǎtaˈu ia Davida i nia i te mau nunaa atoa.+

15 Hamani noa ˈtura Davida i te fare no ˈna i roto i te Oire o Davida. Faaineine atura oia i te hoê vahi no te Afata a te Atua mau e faatia ˈtura i te hoê tiahapa no te reira.+ 2 Na ô ihora Davida: “Eiaha ei taata e amo i te Afata a te Atua mau, maori râ te ati Levi, o ratou hoi ta Iehova i maiti no te amo i te Afata a Iehova e no te tavini noa ia ˈna.”+ 3 Titau atura Davida i to Iseraela taatoa i Ierusalema no te afai i te Afata a Iehova i te vahi ta ˈna i faaineine no te reira.+

4 Titau atura Davida i te huaai o Aarona+ e te ati Levi:+ 5 to te ati Kohata, o Uriela te raatira e 120 o to ˈna mau taeae, 6 to te ati Merari, o Asaia+ te raatira e 220 o to ˈna mau taeae, 7 to te ati Geresoma, o Ioela+ te raatira e 130 o to ˈna mau taeae, 8 to te huaai o Elizaphana,+ o Semaia te raatira e 200 o to ˈna mau taeae, 9 to te huaai o Heberona, o Eliela te raatira e 80 o to ˈna mau taeae, 10 to te huaai o Uziela,+ o Aminadaba te raatira e 112 o to ˈna mau taeae. 11 Titau atoa ˈtura Davida i na tahuˈa o Zadoka+ raua Abiatara+ e na tane ati Levi o Uriela, Asaia, Ioela, Semaia, Eliela e Aminadaba 12 e na ô atura oia ia ratou: “O outou te mau upoo o te mau opu fetii o te ati Levi. A haamoˈa ia outou, outou e to outou mau taeae, e a afai i te Afata a Iehova te Atua o Iseraela i te vahi i faaineinehia e au. 13 Aita outou i amo i te Afata i te taime matamua,+ aita hoi tatou i imi e nafea râ te raveraa.+ No reira te riri o Iehova to tatou Atua i ura ˈi i nia ia tatou.”+ 14 Haamoˈa aˈera ïa te mau tahuˈa e te ati Levi ia ratou no te uta mai i te Afata a Iehova te Atua o Iseraela.

15 Amo ihora te ati Levi i te Afata a te Atua mau i nia i to ratou tapono i na raau amoraa,+ mai ta Mose i faaue ia au i te parau a Iehova. 16 Parau atura Davida i na raatira o te ati Levi ia maiti i te feia himene i rotopu i to ratou mau taeae no te himene ma te oaoa, apeehia i te mau upaupa: te kinura,+ te upaupa taura e te sumebalo.+

17 Maiti ihora ïa te feia ati Levi ia Hemana+ te tamaiti a Ioela e, no roto i to ˈna mau taeae, ia Asapha+ te tamaiti a Berekia e, no roto i te ati Merari to ratou mau taeae, ia Etana+ te tamaiti a Kusaia. 18 Tei ia ratou ra to ratou mau taeae no roto i te piti o te tuhaa:+ o Zekaria, Beni, Iaaziela, Semiramota, Iehiela, Uni, Eliaba, Benaia, Maaseia, Matitia, Elephele, e Mikeneia e Obeda-edoma e Ieiela na tiai uputa. 19 Na te feia himene o Hemana,+ Asapha+ e Etana e hauti i te sumebalo veo,+ 20 e na Zekaria, Aziela, Semiramota, Iehiela, Uni, Eliaba, Maaseia e Benaia e hauti i te upaupa taura faatanohia i nia i te Alamota.*+ 21 E na Matitia,+ Elephele, Mikeneia, Obeda-edoma, Ieiela e Azazia e hauti i te kinura faatanohia i nia i te Seminita,*+ no te aratai i te himene. 22 Na Kenania+ te raatira o te ati Levi e tiaau i te utaraa o te Afata, mea ite hoi oia i tera ohipa, 23 e o Berekia raua Elikana na tiai uputa i pihai iho i te Afata. 24 Faaoto haapuai aˈera na tahuˈa o Sebania, Iosaphata, Netanela, Amasai, Zekaria, Benaia e Eliezera i te pu i mua i te Afata a te Atua mau,+ e ua tavini atoa Obeda-edoma raua Iehia ei tiai uputa i pihai iho i te Afata.

25 Tii aˈera Davida, te mau matahiapo o Iseraela e te mau raatira tausani i te afata o te faufaa a Iehova i te fare o Obeda-edoma+ ma te oaoa.+ 26 Ua tauturu hoi te Atua mau i te ati Levi ia amo i te afata o te faufaa a Iehova. Pûpû ihora ïa ratou e hitu puaatoro oni apî e e hitu mamoe oni ei tusia.+ 27 Ua oomo Davida i te hoê ahu maitai roa aita e rima, mai te ati Levi atoa o tei amo i te Afata, te feia himene, e Kenania te raatira o te utaraa o te Afata e o te feia himene. E tiputa lino atoa ta Davida i oomo.+ 28 Hopoi maira te ati Iseraela taatoa i te afata o te faufaa a Iehova ma te umere,+ e te oto o te pu e rave rau,+ e te sumebalo, ma te hauti haapuai i te upaupa taura e te kinura.+

29 I te taeraa mai râ te afata o te faufaa a Iehova i te Oire o Davida,+ hiˈo maira Mikala+ ta Saula tamahine na roto i te haamaramarama e ite maira i te arii Davida te ouˈauˈa ra e te arearea ra. Haamata ˈtura oia i te vahavaha ia ˈna i roto i to ˈna aau.+

16 Afai maira ïa ratou i te Afata a te Atua mau e tuu ihora i te reira i roto i te tiahapa ta Davida i faatia no te Afata.+ E pûpû aˈera ratou i te tusia taauahi e te tusia no te hau i mua i te Atua mau.+ 2 I te otiraa ta ˈna pûpûraa tusia taauahi+ e te tusia no te hau,+ haamaitai ihora Davida i te nunaa i te iˈoa o Iehova. 3 Opere atoa ˈtura oia na te ati Iseraela taatoa, te tane e te vahine tataitahi, hoê faraoa menemene, hoê faraoa momona tamara e hoê faraoa vine mǎrô. 4 Maiti ihora oia vetahi ati Levi no te tavini i mua i te Afata a Iehova,+ no te faahanahana,* haamauruuru e arue ia Iehova te Atua o Iseraela. 5 O Asapha+ te upoo e o Zekaria to muri iho ia ˈna. Na Ieiela, Semiramota, Iehiela,+ Matitia, Eliaba, Benaia, Obeda-edoma e Ieiela e hauti i te upaupa taura e te kinura.+ Na Asapha e hauti i te sumebalo,+ 6 e na Benaia raua Iahaziela na tahuˈa e faaoto tamau i te pu i mua i te afata o te faufaa a te Atua mau.

7 Tei tera mahana to Davida haamataraa i te papai i te hoê himene haamauruuru ia Iehova, o ta ˈna i haapii ia Asapha+ e to ˈna mau taeae ia himene:

10 A haapeu i to ˈna iˈoa moˈa.+

Ia oaoa te aau o te feia e imi ra ia Iehova.+

11 A imi ia Iehova+ e to ˈna puai.

A tamau i te imi ia ˈna.+

14 O ˈna to tatou Atua o Iehova.+

E haava oia i te fenua taatoa.+

23 A himene no Iehova, e to te fenua atoa e!

A faaite i ta ˈna faaoraraa i te mau mahana atoa!+

25 E Atua rahi hoi o Iehova e e au ia ˈna te arueraa.

E tano ia mǎtaˈuhia oia hau aˈe i te tahi atu mau atua.+

A tipapa i mua* ia Iehova ma te ahu moˈa.*+

30 A rûrû i mua ia ˈna, e to te fenua atoa e!

Mea mau papu te fenua, eita e nehenehe e faahautiuti.*+

Parau aˈera te nunaa taatoa: “Amene!”* E arue aˈera ratou ia Iehova.

37 Vaiiho maira Davida ia Asapha+ e to ˈna mau taeae i mua i te afata o te faufaa a Iehova no te tavini noa i mua i te Afata,+ ia au i te tereraa i te mau mahana atoa.+ 38 O Obeda-edoma e to ˈna mau taeae, e 68 ratou, e o Obeda-edoma, te tamaiti a Iedutuna, e o Hosa, e tiai uputa ïa. 39 E te tahuˈa Zadoka+ e te tahi atu mau tahuˈa ratou te taviniraa, ua vaiiho oia ia ratou i mua i te sekene o Iehova i nia i te vahi teitei i Gibeona.+ 40 E tamau ratou i te pûpû i te tusia taauahi ia Iehova i nia i te fata o te tusia taauahi, i te poipoi e te ahiahi, e e rave ratou i te mau mea atoa i papaihia i roto i te Ture a Iehova, ta ˈna i horoa ia Iseraela.+ 41 Tei ia ratou ra Hemana raua Iedutuna+ e te toea o te mau tane o tei maitihia ma to ratou iˈoa no te haamauruuru ia Iehova,+ no te mea “e vai â to ˈna here taiva ore e a muri noa ˈtu.”+ 42 E faaoto Hemana+ raua Iedutuna i te pu, te sumebalo e te mau upaupa faaohipahia no te arue i* te Atua mau. E tiai na tamaiti a Iedutuna+ i te uputa. 43 Hoˈi atura ïa te nunaa taatoa i to ratou fare, e haere ihora Davida e haamaitai i to ˈna iho utuafare.

17 I te parahiraa iho â Davida i roto i to ˈna aorai,* na ô atura oia ia Natana+ te peropheta: “Te parahi nei au i roto i te hoê fare arezi,+ area te afata o te faufaa a Iehova, tei raro aˈe ïa i te tapoˈi tiahapa i te vairaa.”+ 2 Pahono maira Natana ia Davida: “Te mau mea atoa ta oe e hinaaro ra e rave, a rave ïa, tei ia oe hoi te Atua mau.”

3 I tera iho â po, na ô maira te Atua ia Natana: 4 “A haere e a parau i ta ˈu tavini ia Davida: ‘Teie ta Iehova e parau ra: “E ere na oe e patu i te fare ia parahi au i roto.+ 5 Aita hoi au i parahi aˈenei i roto i te hoê fare mai te mahana mai â i aratai mai ai au ia Iseraela mai Aiphiti mai e tae roa mai i teie mahana. Ua haere noa râ vau mai tera i tera tiahapa e mai tera i tera sekene.*+ 6 I te roaraa a haere ai au e o Iseraela taatoa, ua parau aˈena anei au i te mau tavana o Iseraela ta ˈu i faatoroa no te tiai i to ˈu nunaa: ‘Eaha outou i ore ai i hamani i te hoê fare arezi no ˈu?’”’

7 “I teie nei, a parau ïa i ta ˈu tavini ia Davida: ‘Teie ta Iehova o te mau nuu* e parau ra: “Ua rave mai au ia oe mai te mau vahi aihere mai, i reira oe i te tiairaa i te mau mamoe, no te riro ei aratai no to ˈu nunaa o Iseraela.+ 8 Ei pihai iho vau ia oe i te mau vahi atoa e haere ai oe,+ e haamou vau* i to oe mau enemi atoa.+ E faarahi au i to iˈoa e e riro oe ei taata tuiroo* i te fenua nei.+ 9 E horoa vau i te hoê vahi no to ˈu nunaa o Iseraela, a haaparahi atu ai ia ratou i reira. E ora ratou i reira e eita ratou e haapeapea-faahou-hia. Eita te feia ino e haavî* faahou ia ratou mai ta ratou i rave na+ 10 mai te mahana mai â i faatoroa ˈi au i te tavana i nia i to ˈu nunaa o Iseraela.+ E vî to oe mau enemi atoa ia ˈu.+ Hau atu â, te parau atu nei au ia oe, o vau, o Iehova, e haamau vau i te hoê utuafare huiarii* no oe.

11 “‘“Ia hope to oe pue mahana e ia reva oe i to oe ra mau tupuna, e faaarii au i to oe huaai i muri aˈe ia oe, hoê o ta oe mau tamaiti,+ e e haamau papu vau i to ˈna mana arii.+ 12 Na ˈna e patu i te hoê fare no ˈu,+ e e haamau papu vau i to ˈna terono e a muri noa ˈtu.+ 13 E riro vau ei metua no ˈna e e riro oia ei tamaiti na ˈu.+ Eita vau e iriti ê i to ˈu here taiva ore ia ˈna ra,+ mai ta ˈu i na reira no tei faatere na mua ˈtu ia oe.+ 14 E haamau papu vau ia ˈna i roto i to ˈu fare e e horoa vau i te mana arii ia ˈna e a muri noa ˈtu.+ E vai to ˈna terono e a muri noa ˈtu.”’”+

15 Faaite maira Natana ia Davida i tera mau parau atoa e tera orama taatoa.

16 Parahi atura ïa te arii Davida i raro i mua ia Iehova e parau aˈera: “O vai hoi au, e te Atua e Iehova? E o vai to ˈu utuafare i rave ai oe i teie mau mea atoa no ˈu?+ 17 Mai te mea ra e aita i navai te reira, e te Atua e, te faaite atoa mai ra oe e vai â to ˈu utuafare* no te hoê tau maoro,+ e ua hiˈo mai oe ia ˈu mai te mea e taata rahi au, e te Atua e Iehova! 18 Eaha ˈtu â ta ˈu, ta to tavini o Davida, e nehenehe e parau ia oe no te tura ta ˈu e fanaˈo nei, ua matau maitai hoi oe ia ˈu?+ 19 E Iehova, no to tavini e no te mea tera to hinaaro, ua rave oe i tera mau mea faahiahia atoa ma te faaite i to oe rahi.+ 20 E Iehova, aita ˈtu mai ia oe,+ e aita e Atua maori râ oe.+ Na te mau mea atoa ta matou i faaroo e haapapu ra i te reira. 21 E o vai hoi nunaa i te fenua nei mai to oe nunaa o Iseraela?+ E te Atua mau e, ua haere oe e hoo mai ia ratou, ia riro ratou ei nunaa no oe.+ Ua faaite oe i to iˈoa ma te rave i te ohipa faahiahia e te mǎtaˈu rahi:+ ua tiahi oe i te tahi atu mau nunaa i mua i to oe nunaa+ ta oe i hoo mai i Aiphiti. 22 Ua faariro oe ia Iseraela ei nunaa no oe e a muri noa ˈtu.+ E ua riro mai oe, e Iehova, ei Atua no ratou.+ 23 I teie nei, e Iehova, ia vai te parau ta oe i fafau no nia i to tavini e to ˈna utuafare e a muri noa ˈtu, e ia rave oe mai ta oe i fafau.+ 24 Ia faateiteihia to iˈoa e ia vai â e a muri noa ˈtu,+ e ia parau te taata: ‘O Iehova o te mau nuu, te Atua o Iseraela, e Atua oia no te nunaa o Iseraela!’ Ia haamau-papu-hia te utuafare o to tavini o Davida i mua ia oe.+ 25 Ua faaite hoi oe, to ˈu Atua, i to tavini i ta oe opuaraa e haamau i te hoê utuafare huiarii* no ˈna. No reira vau, to tavini, e pure ai ia oe ma te tiaturi. 26 E Iehova, o oe te Atua mau! Ua fafau oe i teie mau mea maitatai no to tavini. 27 No reira, ia farii oe, a haamaitai i te utuafare o to tavini, e ia vai â e a muri noa ˈtu i mua ia oe. E Iehova, ua haamaitai hoi oe i te utuafare o to tavini e e fanaˈo oia i te maitai e a muri noa ˈtu.”

18 Tau taime i muri aˈe, tairi ihora Davida i te mau Philiseti e pau ihora ratou. Rave maira oia ia Gata+ e te mau oire ati aˈe i te rima o te mau Philiseti.+ 2 Upootia atoa ihora oia i nia ia Moabi.+ Riro atura te ati Moabi ei tavini na Davida e aufau maira ratou i te ô titauhia.+

3 Upootia atoa ihora Davida i nia i te arii Hadadezera+ no Zoba+ i pihai iho ia Hamata.+ I tera taime, te haere ra ïa Hadadezera e haamau i to ˈna mana faatere i te anavai Eupharate.+ 4 Haru maira Davida ta Hadadezera 1 000 pereoo, 7 000 taata faahoro puaahorofenua e 20 000 faehau haere avae.+ Tâpû ihora Davida i te uaua avae o te mau puaahorofenua huti pereoo, ua vaiiho râ oia 100 puaahorofenua.+ 5 I te haereraa mai to Suria no Damaseko e tauturu i te arii Hadadezera no Zoba, haapohe ihora Davida e 22 000 faehau Suria.+ 6 Haamau ihora Davida i te tahi mau puhapa faehau i rotopu i to Suria no Damaseko. Riro maira to Suria ei tavini na Davida e aufau maira ratou i te ô titauhia. Ua horoa Iehova i te upootiaraa* ia Davida i te mau vahi atoa i haere ai oia.+ 7 Hau atu â, rave maira Davida i te mau paruru auro menemene a te mau faehau a Hadadezera e hopoi ihora i te reira i Ierusalema. 8 Mea rahi te veo ta Davida i rave mai i Tibata e Kuna, na oire o Hadadezera. I taua veo ra, hamani ihora Solomona i te Miti veo,+ na pou e te mau taihaa veo.+

9 I to te arii Tou no Hamata faarooraa e ua pau te nuu taatoa a te arii Hadadezera+ no Zoba+ ia Davida, 10 tono ihora oia ia Hadorama ta ˈna tamaiti i te arii Davida ra no te ani eaha to ˈna huru e no te haapopou ia ˈna i to ˈna aroraa e tairiraa ia Hadadezera (mea pinepine hoi Hadadezera i te aro ia Tou), e hopoi maira oia i te taoˈa auro, ario e veo e rave rau. 11 Faaherehere ihora te arii Davida i te reira no te haamoriraa ia* Iehova,+ e te ario e te auro atoa ta ˈna i hopoi mai no ǒ mai i te mau nunaa atoa: no Edoma, no Moabi, no te ati Amona,+ te mau Philiseti+ e te ati Amaleka.+

12 Ua taparahi Abisai+ te tamaiti a Zeruia+ 18 000 taata ati Edoma i te peho o te Miti papaa.+ 13 Ua haamau oia i te tahi mau puhapa faehau i Edoma e ua riro mai te ati Edoma taatoa ei tavini na Davida.+ Ua horoa Iehova i te upootiaraa* ia Davida i te mau vahi atoa i haere ai oia.+ 14 Faatere noa ˈtura Davida ia Iseraela taatoa,+ e haava noa ˈtura oia ma te parau-tia i to ˈna nunaa taatoa.+ 15 O Ioaba te tamaiti a Zeruia te raatira o te nuu,+ o Iehosaphata+ te tamaiti a Ahiluda te haaputu parau, 16 e tahuˈa o Zadoka te tamaiti a Ahituba raua Ahimeleka te tamaiti a Abiatara, area o Savasa, e papai parau ïa. 17 O Benaia te tamaiti a Iehoiada te raatira o te mau Kereti+ e te mau Peleti.+ E o te mau tamaiti a Davida te mea mana roa ˈˈe i muri aˈe i te arii.

19 I muri aˈe, pohe atura Nahasa te arii o te ati Amona, e riro maira ta ˈna tamaiti ei arii ei mono ia ˈna.+ 2 Na ô atura Davida: “E faaite au i te hamani maitai*+ ia Hanuna te tamaiti a Nahasa, ua faaite hoi to ˈna metua tane i te hamani maitai* ia ˈu.” Tono ihora ïa Davida i te vea no te haere e tamahanahana ia ˈna i te poheraa o to ˈna metua tane. I te taeraa râ ta Davida mau tavini i te fenua o te ati Amona+ no te tamahanahana ia Hanuna, 3 parau ihora te huiarii a te ati Amona ia Hanuna: “Te manaˈo ra anei oe e no te faatura i to oe metua tane i tono mai ai Davida i to ˈna mau taata no te tamahanahana ia oe? E ere anei no te imi haere, e no te haamou ia oe e no te hiˈopoa i teie fenua?” 4 Rave ihora ïa Hanuna i te mau tavini a Davida, hahu ihora ia ratou,+ tâpû ihora i to ratou ahu i te faito o te ohure e tuu ihora ia ratou ia haere. 5 I te faaiteraahia te parau no taua mau tane ra ia Davida, tono ihora oia i te tahi atu mau taata e farerei ia ratou, ua faahaama-roa-hia hoi ratou. Teie te poroi ta te arii i faatae atu: “A faaea i Ieriko+ e ia tupu faahou mai to outou huruhuru taa, i reira outou e hoˈi mai ai.”

6 I muri iho, taa aˈera i te ati Amona e ua riro ratou ei faufauraa na Davida. Tono aˈera ïa Hanuna e te ati Amona i te vea e 1 000 taleni* ario no te tarahu i te pereoo e no te tihepu i te feia faahoro puaahorofenua no Mesopotamia,* Arama-maaka e Zoba.+ 7 Ua tarahu ïa ratou 32 000 pereoo e ua tihepu mai i te arii o Maaka e ta ˈna nuu.* Haamau ihora ratou i to ratou puhapa i mua ia Medeba.+ Haere maira te ati Amona i rapae i to ratou mau oire e haaputuputu aˈera no te tamaˈi.

8 I to Davida faarooraa i te reira, tono ihora oia ia Ioaba,+ ta ˈna mau aito puai roa ˈˈe e te nuu taatoa.+ 9 Haere maira te ati Amona i rapae e faanaho aˈera ia ratou no te aro i te tomoraa o te oire, a tia noa ˈi na arii o tei haere mai e tauturu ia ratou i te hoê vahi ateatea.

10 I to Ioaba iteraa e te haere mai ra te mau enemi e aro ia ˈna na mua mai e na muri mai, maiti ihora oia vetahi o te mau faehau itoito roa ˈˈe o Iseraela e faanaho atura ia ratou no te aro i to Suria.+ 11 Tuu atura oia i te toea o te mau faehau i raro aˈe i te aratairaa a* to ˈna taeae o Abisai+ ia faanaho oia ia ratou no te aro i te ati Amona. 12 Na ô atura oia ia ˈna: “Mai te peu mea puai roa to Suria+ no ˈu, e haere mai oe e tauturu ia ˈu. Mai te peu râ mea puai roa te ati Amona no oe, na ˈu ïa e haere atu e tauturu ia oe. 13 Ia puai e ia itoito+ tâua no to tâua nunaa e no te mau oire o to tâua Atua, e na Iehova e haapao i te toea.”

14 Haere aˈera Ioaba e ta ˈna mau faehau e aro i to Suria, e horo ê ihora to Suria.+ 15 I to te ati Amona iteraa e ua horo to Suria, horo atoa ˈtura ratou mai mua ˈtu ia Abisai te taeae o Ioaba e tapuni aˈera i roto i te oire. I muri aˈe i te reira, hoˈi maira Ioaba i Ierusalema.

16 I to Suria pauraa ia Iseraela, tono aˈera ratou i te vea no te titau i te tahi atu feia no Suria, no te tuhaa fenua o te Anavai.*+ Na Sophaka te raatira o te nuu a Hadadezera i aratai ia ratou.+

17 I te faaiteraahia taua ohipa ra ia Davida, haaputuputu oioi ihora oia i te nuu taatoa o Iseraela, haere atura oia i te tahi atu pae o Ioridana, tae atura oia i to Suria ra, e faanaho ihora oia i ta ˈna mau faehau no te aro ia ratou. Ua faanaho Davida i ta ˈna mau faehau no te aro ia ratou, e aro maira to Suria ia ˈna.+ 18 Tera râ, horo ê aˈera to Suria i mua ia Iseraela. Taparahi pohe ihora Davida i to Suria 7 000 taata faahoro pereoo e 40 000 faehau haere avae, e haapohe ihora oia ia Sophaka te raatira o ta ratou nuu. 19 I te iteraa te mau taata o Hadadezera e ua pau ratou i te ati Iseraela,+ faatupu oioi aˈera ratou i te hau e o Davida e auraro aˈera ratou ia ˈna.+ Aita roa to Suria i hinaaro faahou e tauturu i te ati Amona.

20 I te haamataraa o te matahiti,* i te taime e haere ai te mau arii i te tamaˈi, aratai atura Ioaba+ i te hoê nuu faehau e haamou atura i te fenua o te ati Amona. Haere atura oia e haaati ia Raba.+ Area o Davida, ua faaea ïa i Ierusalema.+ Tairi ihora Ioaba ia Raba e haamou atura ia ˈna.+ 2 Rave maira Davida i te hei i nia i te upoo o Malakama, hoê taleni* auro te teiaha i to ˈna hiˈoraa, e e ofai maitai roa to nia iho. Tuuhia ˈtura taua hei ra i nia i to Davida upoo. Rave atoa maira oia i te faufaa e rave rahi i tera oire.+ 3 Rave maira oia i te taata no tera oire e faaohipa ˈtura ia ratou+ no te tarai i te ofai e no te ohipa e te mau mauhaa auri oi e te opahi. Tera ta Davida i rave i te mau oire atoa o te ati Amona. I muri iho, hoˈi atura Davida e te nuu taatoa i Ierusalema.

4 I muri aˈe, tupu aˈera te tamaˈi e te mau Philiseti i Gezera. I reira to Sibekai+ ati Husa taparahi-pohe-raa ia Sipai, e huaai o te ati Repha,+ e pau ihora te mau Philiseti.

5 Tupu faahou aˈera te tamaˈi e te mau Philiseti, e taparahi pohe atura Elehanana, te tamaiti a Iaira, ia Lahimi te taeae o Golia+ no Gata. E au te raau o te omore a taua Philiseti ra i te raau a te feia raraa.+

6 Tupu faahou aˈera te tamaˈi i Gata,+ tei reira te hoê tiapai taata,+ e 6 manimani rima to ˈna i nia i te rima tataitahi e e 6 manimani avae i nia i te avae tataitahi, e 24 ia amuihia. E huaai no te ati Repha+ atoa oia. 7 Te aa+ noa mai ra oia ia Iseraela. Taparahi-pohe-hia ihora ïa oia e Ionatana te tamaiti a Simea,+ to Davida tuaana.

8 E huaai no te ati Repha+ ratou. I ora na ratou i Gata.+ Na Davida e ta ˈna mau faehau i haapohe ia ratou.

21 Tia maira Satani* no te tairi ia Iseraela e turai atura ia Davida ia taio ia Iseraela.+ 2 Parau atura ïa Davida ia Ioaba+ e te mau raatira o te nunaa: “A haere e taio i te ati Iseraela mai Beere-seba e tae atu i Dana.+ E a faaite mai ia ˈu ia ite au ehia rahiraa ratou.” 3 Na ô maira râ Ioaba: “Ia faarahi Iehova i to ˈna nunaa e ia tataihanere noa ˈtu! To ˈu fatu te arii, te tavini aˈena ra hoi ratou ia oe. No te aha to ˈu fatu e hinaaro ai e taio ia ratou? No te aha oe e rave ai i te hoê ohipa e hara ˈtu ai Iseraela?”

4 Ua faahepo râ te arii ia Ioaba. Reva aˈera ïa Ioaba, haere atura na Iseraela taatoa e hoˈi maira i Ierusalema.+ 5 Faaite maira Ioaba ia Davida i te rahiraa taata o tei tapaohia. To Iseraela taatoa, 1 100 000 aito e ˈoˈe ta ratou, e to Iuda, 470 000 aito e ˈoˈe ta ratou.+ 6 Aita râ Ioaba i taio ia Levi e Beniamina+ no te mea aita roa ˈtu oia i mauruuru i tera faaueraa a te arii.+

7 Aita roa râ te Atua mau i au i taua ohipa ra. Faaoti ihora ïa oia e faautua ia Iseraela. 8 Na ô atura Davida i te Atua mau: “E hara+ rahi ta ˈu i rave i to ˈu na reiraraa. A faaore mai na i ta ˈu hara,+ e ohipa maamaa roa hoi ta ˈu i rave.”+ 9 Parau maira Iehova ia Gada,+ ta Davida taata ite orama: 10 “A haere e parau ia Davida: ‘Teie ta Iehova e parau ra: “E toru huru faautuaraa ta ˈu e tuu nei i mua ia oe. A maiti hoê ta ˈu e faatae mai i nia ia oe.”’” 11 Haere maira ïa Gada ia Davida ra e na ô maira ia ˈna: “Teie ta Iehova e parau ra: ‘Eaha ta oe e maiti? 12 E toru matahiti oˈe?+ Aore ra e toru avaˈe e pau oe i to oe mau enemi e e roohia oe i te ˈoˈe a te feia tei hae ia oe?+ Aore ra e toru mahana e tairi te ˈoˈe a Iehova i te fenua+ e e haaparare te melahi a Iehova i te maˈi pee+ i nia i te tuhaa fenua taatoa o Iseraela?’ A feruri e a parau mai eaha ta ˈu e pahono i tei tono mai ia ˈu.” 13 Na ô atura ïa Davida ia Gada: “E ahoaho rahi to ˈu. Mea au aˈe na ˈu ia topa i roto i te rima o Iehova, e aroha hamani maitai rahi hoi to ˈna.+ Eiaha râ vau ia topa i roto i te rima o te taata.”+

14 Tuu maira ïa Iehova i te maˈi pee+ i nia ia Iseraela. Pohe aˈera 70 000 taata ati Iseraela.+ 15 Hau atu â, tono maira te Atua mau i te hoê melahi no te haamou ia Ierusalema. Te haamata ra te melahi i te rave i te ohipa i tonohia ˈi oia. Hiˈo maira Iehova e tatarahapa* ihora i taua ati ra.+ Parau atura oia i te melahi e faatae mai ra i te haamouraa: “Ua navai tera!+ A tuu i to rima i raro.” Tei pihai iho te melahi a Iehova i te vahi tairiiriraa huero maa* a Oranana+ ati Iebusi.+

16 I te hiˈoraa Davida i nia, ite aˈera oia i ta Iehova melahi e tia ra i ropu i te reva,* e ˈoˈe+ to roto i to ˈna rima, ua faatorohia i nia ia Ierusalema. Tipapa ihora Davida e te mau matahiapo i raro i te repo,+ ma te ahu oto i nia ia ratou.+ 17 Na ô atura Davida i te Atua mau: “Na ˈu i faaue ia taiohia te nunaa. Na ˈu i rave i te hara, e na ˈu te hape.+ Teie râ mau mamoe iti, eaha ta ratou i rave? To ˈu Atua e Iehova, o vau ta oe e faautua, vau e te utuafare o to ˈu metua tane. Eiaha râ oe e faatae i teie ati i nia i to nunaa.”+

18 Faaue ihora te melahi a Iehova ia Gada+ ia parau ia Davida ia pauma i te vahi tairiiriraa huero maa a Oranana ati Iebusi+ e ia faatia i te hoê fata na Iehova. 19 Pauma aˈera ïa Davida i te vahi tairiiriraa huero maa mai ta Gada i parau ia ˈna. Ua paraparau Gada ia Davida i te iˈoa o Iehova. 20 I tera taime, te tairiiri ra Oranana i te sitona. Fariu maira oia e ite maira i te melahi. Tapuni aˈera ta ˈna na tamaiti e maha tei na muri mai ia ˈna. 21 I to Oranana iteraa ia Davida te haere mai ra, haere ihora oia mai te vahi tairiiriraa huero maa e tipapa ihora i mua ia Davida. 22 Na ô atura Davida ia Oranana: “A hoo mai* i te fenua o ta oe vahi tairiiriraa huero maa ia ˈu. E aufau vau ia oe i to ˈna tino moni. Te hinaaro ra vau e faatia i te hoê fata na Iehova i reira, ia faaea te ati o te tairi ra i te nunaa.”+ 23 Na ô maira râ Oranana ia Davida: “To ˈu fatu te arii, a rave noa ˈtu i ta ˈu tâpû fenua, na oe te reira. A rave i ta oe e hinaaro. Te horoa ˈtu nei au i te puaatoro no te tusia taauahi, te iri tairiiriraa huero maa+ ei vahie, e te sitona ei tusia huero maa. Te horoa ra vau i tera mau mea atoa na oe.”

24 Pahono atura râ te arii Davida ia Oranana: “Eiaha! E aufau iho â vau i to ˈna tino moni, no te mea eita vau e rave i ta oe faufaa a horoa ˈtu ai na Iehova. Eita vau e pûpû i te tusia taauahi ta ˈu i ore i aufau.”+ 25 Horoa ˈtura ïa Davida ia Oranana 600 sekela* auro no taua fenua ra. 26 Faatia ihora Davida i te hoê fata+ na Iehova e pûpû ihora i te tusia taauahi e te tusia no te hau. Pure aˈera oia ia Iehova, o tei pahono mai ia ˈna ma te faatae mai i te auahi+ no te raˈi mai i nia i te fata tusia taauahi. 27 Faaue maira Iehova i te melahi+ ia faahoˈi i ta ˈna ˈoˈe i roto i to ˈna vehî. 28 I tera taime, i to Davida iteraa e ua pahono mai Iehova ia ˈna i te vahi tairiiriraa huero maa a Oranana ati Iebusi, tamau noa ˈtura oia i te pûpû i te tusia i reira. 29 Tera râ, i taua tau ra, tei te vahi teitei i Gibeona+ te sekene o Iehova, ta Mose i faatia i te medebara, oia atoa te fata tusia taauahi. 30 Aita râ Davida i tae i ǒ no te ui i te Atua, ua mǎtaˈu hoi oia i te ˈoˈe a te melahi a Iehova.

22 Na ô ihora Davida: “Ei ǒ nei te fare o Iehova te Atua mau, e ei ǒ nei te fata e pûpû ai Iseraela i te tusia taauahi.”+

2 Faaue ihora ïa Davida ia haaputuputuhia te feia ěê+ o te ora ra i te fenua o Iseraela, e faatoroa ˈtura ia ratou ei feia tarai ofai no te tâpû e no te tarai i te ofai no te paturaa o te hiero* o te Atua mau.+ 3 Faaineine atoa ˈtura Davida i te auri e rave rahi no te mau naero o te mau uputa tomoraa e no te mau puoiraa, oia atoa te veo e rave rahi aita i haere ia faito,+ 4 oia atoa te tumu arezi+ e rave rahi, aita i pau i te taio. Ua hopoi mai hoi to Sidona+ e to Turia+ i te tumu arezi e rave rahi ia Davida ra. 5 Na ô ihora Davida: “Mea apî ta ˈu tamaiti o Solomona e aita i ineine atura,+ e mea tia ia hau ê te nehenehe o te fare o te patuhia no Iehova,+ ia faaite-haere-hia to ˈna parau e to ˈna unauna+ na te mau fenua atoa.+ E faaineine ïa vau i te ohipa no ˈna.” Faaineine atura ïa Davida i te taihaa e rave rahi hou oia a pohe ai.

6 Hau atu â, titau atura oia i ta ˈna tamaiti ia Solomona e faaue atura ia ˈna ia patu i te hoê hiero no Iehova te Atua o Iseraela. 7 Na ô atura Davida ia Solomona ta ˈna tamaiti: “Ua hinaaro vau e patu i te hoê fare no te iˈoa o Iehova to ˈu Atua.+ 8 Ua parau mai râ Iehova ia ˈu: ‘Mea rahi te toto ta oe i haamanii, e e tamaˈi rahi ta oe i aro. E ere na oe e patu i te fare no to ˈu iˈoa,+ mea rahi hoi te toto ta oe i haamanii i nia i te fenua nei i mua ia ˈu. 9 Inaha, e fanauhia mai ta oe te hoê tamaiti+ o te riro ei taata hau,* e e horoa vau i te faafaaearaa no ˈna ma te faaora ia ˈna i to ˈna mau enemi ati aˈe.+ No reira oia e topahia ˈi i te iˈoa Solomona,*+ e e horoa vau i te hau e te peapea ore ia Iseraela i to ˈna mau mahana.+ 10 Na ˈna e patu i te hoê fare no to ˈu iˈoa.+ E riro oia ei tamaiti na ˈu e e riro vau ei metua no ˈna.+ E haamau papu vau i te terono o ta ˈna faatereraa arii i nia ia Iseraela e a muri noa ˈtu.’+

11 “I teie nei, ta ˈu tamaiti, ei pihai iho Iehova ia oe, ia manuïa oe i te paturaa i te fare o Iehova to Atua, mai ta ˈna i parau no oe.+ 12 I te taime e tuu atu ai Iehova i te mana ia oe i nia ia Iseraela, ia horoa mai oia i te paari e te maramarama,+ ia haapao noa oe i te ture a Iehova to Atua.+ 13 Ia haapao maite oe i te mau ture+ e te mau faaueraa ta Iehova i parau ia Mose ia horoa ia Iseraela,+ e manuïa ïa oe. Ia itoito e ia puai oe. Eiaha e mǎtaˈu e eiaha e riaria.+ 14 Ua rohi au i te faaineine no te fare o Iehova 100 000 taleni* auro e 1 000 000 taleni ario, e te veo e te auri+ eita e nehenehe e faito. Ua faaineine atoa vau i te raau e te ofai.+ E faarahi faahou râ oe i te reira. 15 Mea rahi te rave ohipa ia oe ra: te feia tarai ofai, te feia patu,+ te feia tarai raau e te feia aravihi no te ohipa e rave rau.+ 16 No te rahi o te auro, te ario, te veo e te auri, eita e haere ia faito.+ No reira, i teie nei, a haamata i te ohipa, e ei pihai iho Iehova ia oe.”+

17 Faaue atura Davida i te huiarii taatoa o Iseraela ia tauturu ia Solomona ta ˈna tamaiti: 18 “E ere anei tei pihai iho Iehova to outou Atua ia outou? E aita anei oia i horoa i te faafaaearaa ati aˈe ia outou? Ua tuu mai hoi oia i te feia no teie fenua i to ˈu nei rima, e ua vî to teie fenua ia Iehova e i to ˈna nunaa. 19 I teie nei, a imi papu ia Iehova to outou Atua+ ma to outou aau e ora taatoa, e a haamata i te patu i te nao* o Iehova te Atua mau,+ ia nehenehe te afata o te faufaa a Iehova e te mau taihaa moˈa a te Atua mau+ ia afaihia i te fare e hamanihia no te iˈoa o Iehova.”+

23 Ua paari roa Davida e ua fatata i te pohe.* Faaarii atura oia i ta ˈna tamaiti o Solomona i nia ia Iseraela.+ 2 Haaputuputu ihora oia i te huiarii taatoa o Iseraela, te mau tahuˈa+ e te ati Levi.+ 3 Taiohia ˈtura te ati Levi e 30 matahiti to ratou e nia ˈtu.+ E 38 000 rahiraa ratou. 4 I rotopu ia ratou, e 24 000 tei tiaau i te ohipa o te fare o Iehova, e 6 000 feia toroa e haava,+ 5 e 4 000 tiai uputa+ e e 4 000 o tei arue+ ia Iehova i te mau upaupa ta Davida i parau: “Ua hamani au i te reira no te arue i te Atua.”

6 Faanaho ihora Davida ia ratou ei pǔpǔ+ ia au i te mau tamaiti a Levi: Geresona, Kohata e Merari.+ 7 Na tamaiti a Geresona, o Ladana e Simei. 8 Na tamaiti a Ladana, o Iehiela te aratai, Zetama e Ioela,+ e toru. 9 Na tamaiti a Simei, o Selomota, Haziela e Harana, e toru. Tera te mau upoo o te mau utuafare o Ladana. 10 Na tamaiti a Simei, o Iahata, Zina, Ieusa e Beria. E tamaiti na Simei ratou e maha. 11 O Iahata te upoo e o Zizaha te piti. No te mea râ aita i rahi te tamaiti a Ieusa raua Beria, taio-noa-hia ˈtura to raua hoê utuafare o te haapao i te hoê â tuhaa ohipa.

12 Na tamaiti a Kohata, o Amerama, Izahara,+ Heberona e Uziela,+ e maha. 13 Na tamaiti a Amerama, o Aarona+ e Mose.+ Ua faataahia râ Aarona+ no te haamoˈa i te Vahi Moˈa Roa, o ˈna e ta ˈna mau tamaiti, no te pûpû i te tusia i mua ia Iehova, no te tavini ia ˈna e no te haamaitai i te nunaa i to ˈna iˈoa e a muri noa ˈtu.+ 14 Area na tamaiti a Mose, te taata no te Atua mau, tei rotopu i te ati Levi raua i te taioraahia. 15 Na tamaiti a Mose, o Geresoma+ e Eliezera.+ 16 O Sebuela+ te upoo o te mau tamaiti a Geresoma. 17 O Rehabia+ te upoo o te huaai o* Eliezera. Aita ˈtu â ta Eliezera e tamaiti, area ta Rehabia, mea rahi ïa. 18 O Selomita+ te aratai o te mau tamaiti a Izahara.+ 19 Na tamaiti a Heberona, o Ieria te upoo, o Amaria te piti, o Iahaziela te toru e o Iekameama+ te maha. 20 Na tamaiti a Uziela,+ o Mika te upoo e o Isihia te piti.

21 Na tamaiti a Merari, o Maheli e Musi.+ Na tamaiti a Maheli, o Eleazara e Kisa. 22 Pohe atura Eleazara, aita e tamaiti, e tamahine anaˈe râ. Faaipoipo ihora ïa ta Kisa mau tamaiti i taua mau tamahine ra, e fetii ratou. 23 Na tamaiti a Musi, o Maheli, Edera e Ieremota, e toru.

24 Tera te mau tamaiti a Levi tei tapaohia ia au i to ratou mau utuafare e te mau upoo o to ratou mau utuafare. Ua taiohia te ati Levi mai te 20 matahiti e nia ˈtu e ua tapaohia to ratou iˈoa i nia i te tapura. Na ratou i rave i te ohipa no te taviniraa i te fare o Iehova. 25 Ua parau hoi Davida: “Ua horoa Iehova te Atua o Iseraela i te faafaaearaa i to ˈna nunaa,+ e e parahi oia i Ierusalema e a muri noa ˈtu.+ 26 Eita ïa te ati Levi e hopoi haere faahou i te sekene e te mau taihaa faaohipahia no te haamoriraa.”+ 27 No reira te ati Levi mai te 20 matahiti e nia ˈtu i taiohia ˈi, ia au i te mau faaueraa hopea a Davida. 28 Ta ratou ohipa, o te tautururaa ïa i te mau tamaiti a Aarona+ no te taviniraa i te fare o Iehova: e haapao ratou i na aua,+ te mau vahi tamaaraa, te tamâraa o te mau mea moˈa atoa, e te tahi atu mau ohipa no te taviniraa i te fare o te Atua mau. 29 E tauturu atoa ratou ma te haapao i te pane apǎpǎhia,*+ te faraoa ota oro-maitai-hia no te tusia huero maa, te mau pai hopue ore,+ te pane farai-pani-hia e te faraoa ota anoihia i te hinu,+ oia atoa no te ohipa faitoraa. 30 E tia ratou i te mau poipoi atoa+ no te haamauruuru e arue ia Iehova e na reira atoa i te ahiahi.+ 31 E tauturu ratou i te mau taime atoa e pûpûhia ˈi te tusia taauahi ia Iehova i te mau Sabati,+ te mau avaˈe apî+ e i te mau mahana oroa,+ ia au i tei papaihia i roto i te ture. Ua rave tamau ratou i tera mau ohipa i mua ia Iehova. 32 Ua haapao atoa ratou i ta ratou ohipa no te tiahapa o te amuiraa, no te vahi moˈa, e no te tauturu i to ratou mau taeae te mau tamaiti a Aarona no te taviniraa i te fare o Iehova.

24 Teie te mau pǔpǔ huaai o Aarona: na tamaiti a Aarona, o Nadaba, Abihu,+ Eleazara e Itamara.+ 2 Ua pohe Nadaba raua Abihu na mua ˈtu i to ratou metua tane,+ e aita ta raua e tamaiti. Ua tamau noa râ Eleazara+ raua Itamara i te tavini ei tahuˈa. 3 Faanaho ihora Davida, ratou Zadoka+ huaai o Eleazara, e Ahimeleka huaai o Itamara, i te huaai o Aarona ei pǔpǔ, no te horoa i te ohipa ta ratou e rave i roto i ta ratou tuhaa taviniraa. 4 No te mea hoi mea rahi aˈe te aratai i rotopu i te mau tamaiti a Eleazara i to rotopu i te mau tamaiti a Itamara, teie ïa te faanahoraa i ravehia: 16 upoo utuafare to te mau tamaiti a Eleazara, e 8 upoo utuafare to te mau tamaiti a Itamara.

5 Hau atu â, ua faanaho-kelero-hia ratou,+ te tahi pǔpǔ e te tahi atu pǔpǔ, e feia toroa hoi to te vahi moˈa e e feia toroa te tavini ra i te Atua mau no roto mai i te mau tamaiti a Eleazara e no roto mai i te mau tamaiti a Itamara. 6 Tapao atura Semaia te tamaiti a Netanela, te papai parau a te ati Levi, i to ratou iˈoa i mua i te arii, te huiarii, Zadoka+ te tahuˈa, Ahimeleka+ te tamaiti a Abiatara,+ e te mau upoo o te mau utuafare o te mau tahuˈa e o te ati Levi. Ua maiti-hoê-hoê-hia te tahi utuafare no Eleazara e te tahi utuafare no Itamara.

7 Te kelero matamua, na Iehoiariba, te piti na Iedaia, 8 te toru na Harima, te maha na Seorima, 9 te pae na Malakia, te ono na Miamina, 10 te hitu na Hakoza, te vaˈu na Abia,+ 11 te iva na Iesua, te ahuru na Sekania, 12 te 11 na Eliasiba, te 12 na Iakima, 13 te 13 na Hupa, te 14 na Iesebeaba, 14 te 15 na Bilega, te 16 na Imera, 15 te 17 na Hezira, te 18 na Hapisesa, 16 te 19 na Petahia, te 20 na Iehezekela, 17 te 21 na Iakina, te 22 na Gamula, 18 te 23 na Delaia, te 24 na Maazia.

19 Tera te faanahoraa no ratou no ta ratou taviniraa,+ ia tomo ratou i roto i te fare o Iehova, ia au i te tereraa haamauhia e to ratou tupuna o Aarona, mai ta Iehova te Atua o Iseraela i faaue ia ˈna.

20 E i rotopu i te tahi atu ati Levi: no roto i te mau tamaiti a Amerama,+ o Subaela,+ e no roto i te mau tamaiti a Subaela, o Iehedeia. 21 No Rehabia:+ no roto i te mau tamaiti a Rehabia, o Isihia te upoo. 22 No roto i te ati Izahara, o Selomota.+ No roto i te mau tamaiti a Selomota, o Iahata. 23 E no roto i te mau tamaiti a Heberona, o Ieria+ te upoo, o Amaria te piti, o Iahaziela te toru, o Iekameama te maha. 24 No roto i te mau tamaiti a Uziela, o Mika. No te mau tamaiti a Mika, o Samira. 25 O Isihia te taeae o Mika. No roto i te mau tamaiti a Isihia, o Zekaria.

26 Na tamaiti a Merari,+ o Maheli e Musi. No roto i te mau tamaiti a Iaazia, o Beno. 27 Na tamaiti a Merari, no roto ia Iaazia, Beno, Sohama, Zakura e Iberi. 28 No roto ia Maheli, o Eleazara, aita râ ta ˈna e tamaiti.+ 29 No roto ia Kisa: na tamaiti a Kisa, o Ierameela. 30 Na tamaiti a Musi, o Maheli, Edera, e Ierimota.

Tera te mau tamaiti a Levi ia au i to ratou mau utuafare. 31 Ua tuu atoa ratou i te kelero+ i mua i te arii Davida, ia Zadoka, ia Ahimeleka e te mau upoo o te mau utuafare o te mau tahuˈa e o te feia ati Levi, mai ta to ratou mau taeae te mau tamaiti a Aarona i rave. Aita i taa ê te raveraa i nia i te utuafare o te taata paari roa ˈˈe e i nia i te utuafare o te taata apî roa ˈˈe.

25 Hau atu â, ua faataa ê Davida e te mau aratai o te mau pǔpǔ no te taviniraa i te tahi mau tamaiti a Asapha, a Hemana e a Iedutuna,+ ia tavini ratou ma te tohu e te kinura, te upaupa taura+ e te sumebalo.+ Teie te mau tane i maitihia no teie taviniraa: 2 i rotopu i te mau tamaiti a Asapha: Zakura, Iosepha, Netania, e Asarela. Tei raro aˈe ta Asapha mau tamaiti i te aratairaa a Asapha, o tei tohu i nia i te faaueraa a te arii. 3 No Iedutuna,+ na tamaiti a Iedutuna: Gedalia, Zeri, Iesaia, Simei, Hasabia, e Matitia,+ e ono. Tei raro aˈe ratou i te aratairaa a to ratou metua tane o Iedutuna, o tei tohu e te kinura, no te haamauruuru e no te arue ia Iehova.+ 4 No Hemana,+ na tamaiti a Hemana: Bukia, Matania, Uziela, Sebuela, Ierimota, Hanania, Hanani, Eliata, Gidalati, Romamiti-ezera, Iosebekasa, Maloti, Hotira, e Mahaziota. 5 E tamaiti anaˈe ratou na Hemana, e taata ite orama a te arii no te mau ohipa no nia i te Atua mau e o tei faahanahana ia ˈna.* Ua horoa ïa te Atua mau na Hemana 14 tamaiti e 3 tamahine. 6 Tei raro aˈe anaˈe ratou i te aratairaa a to ratou metua tane no te himene i te fare o Iehova, e te sumebalo, te upaupa taura e te kinura.+ Tera ta ratou tuhaa taviniraa i te fare o te Atua mau.

Tei raro aˈe Asapha, Iedutuna e Hemana i te aratairaa a te arii.

7 E feia himene aravihi anaˈe ratou e to ratou mau taeae, o tei faaineinehia no te himene ia Iehova. E 288 rahiraa ratou. 8 Ua tuu ïa ratou i te kelero+ no te tufa i ta ratou ohipa, na te taata apî e na te taata paari, na tei aravihi i te himene e na tei haapiihia ra i te himene.

9 Te kelero matamua, na Iosepha+ ïa te tamaiti a Asapha, te piti na Gedalia+ (o ˈna, to ˈna mau taeae e ta ˈna mau tamaiti, 12). 10 Te toru na Zakura,+ ta ˈna mau tamaiti e to ˈna mau taeae, 12. 11 Te maha na Izeri, ta ˈna mau tamaiti e to ˈna mau taeae, 12. 12 Te pae na Netania,+ ta ˈna mau tamaiti e to ˈna mau taeae, 12. 13 Te ono na Bukia, ta ˈna mau tamaiti e to ˈna mau taeae, 12. 14 Te hitu na Iesarela, ta ˈna mau tamaiti e to ˈna mau taeae, 12. 15 Te vaˈu na Iesaia, ta ˈna mau tamaiti e to ˈna mau taeae, 12. 16 Te iva na Matania, ta ˈna mau tamaiti e to ˈna mau taeae, 12. 17 Te ahuru na Simei, ta ˈna mau tamaiti e to ˈna mau taeae, 12. 18 Te 11 na Azarela, ta ˈna mau tamaiti e to ˈna mau taeae, 12. 19 Te 12 na Hasabia, ta ˈna mau tamaiti e to ˈna mau taeae, 12. 20 Te 13 na Subaela,+ ta ˈna mau tamaiti e to ˈna mau taeae, 12. 21 Te 14 na Matitia, ta ˈna mau tamaiti e to ˈna mau taeae, 12. 22 Te 15 na Ieremota, ta ˈna mau tamaiti e to ˈna mau taeae, 12. 23 Te 16 na Hanania, ta ˈna mau tamaiti e to ˈna mau taeae, 12. 24 Te 17 na Iosebekasa, ta ˈna mau tamaiti e to ˈna mau taeae, 12. 25 Te 18 na Hanani, ta ˈna mau tamaiti e to ˈna mau taeae, 12. 26 Te 19 na Maloti, ta ˈna mau tamaiti e to ˈna mau taeae, 12. 27 Te 20 na Eliata, ta ˈna mau tamaiti e to ˈna mau taeae, 12. 28 Te 21 na Hotira, ta ˈna mau tamaiti e to ˈna mau taeae, 12. 29 Te 22 na Gidalati,+ ta ˈna mau tamaiti e to ˈna mau taeae, 12. 30 Te 23 na Mahaziota,+ ta ˈna mau tamaiti e to ˈna mau taeae, 12. 31 Te 24 na Romamiti-ezera,+ ta ˈna mau tamaiti e to ˈna mau taeae, 12.

26 Teie te mau pǔpǔ tiai uputa:+ no te ati Kora, o Meselemia+ te tamaiti a Kore, e huaai no Asapha. 2 E tamaiti ta Meselemia: o Zekaria te matahiapo, Iediaela te piti, Zebadia te toru, Iateniela te maha, 3 Elama te pae, Iehohanana te ono, Elieho-enai te hitu. 4 E tamaiti ta Obeda-edoma: o Semaia te matahiapo, Iehozabada te piti, Ioa te toru, Sakara te maha, Netanela te pae, 5 Amiela te ono, Isakara te hitu e Peulatai te vaˈu. Ua haamaitai hoi te Atua ia Obeda-edoma.

6 E ta ta ˈna tamaiti o Semaia, e tamaiti ta ˈna o tei riro mai ei aratai o to ratou mau opu fetii, e tane puai hoi ratou e te haapao maitai. 7 Na tamaiti a Semaia: o Oteni, Rephaela, Obeda, e Elezabada, e to ˈna na fetii o Elihu raua Semakia, e tane haapao maitai atoa raua. 8 E huaai anaˈe ratou no Obeda-edoma. E tane haapao maitai e tano no tera ohipa ratou, ta ratou mau tamaiti e to ratou mau taeae: 62 huaai no Obeda-edoma. 9 E tamaiti e e taeae to Meselemia:+ 18 tane haapao maitai. 10 E tamaiti ta Hosa, e huaai no Merari. O Simiri te aratai, no te mea noa ˈtu e ere o ˈna te matahiapo, ua maiti to ˈna metua tane ia ˈna ei aratai, 11 o Hilikia te piti, Tebalia te toru, Zekaria te maha. E 13 rahiraa tamaiti e taeae to Hosa.

12 I roto i tera mau pǔpǔ tiai uputa, e hopoia ta te mau aratai, mai to ratou mau taeae, no te tavini i te fare o Iehova. 13 Ua tuuhia te kelero+ no te faataa na vai e tiai te uputa tataitahi ia au i te mau opu fetii, te mea nainai tae noa ˈtu te mea rahi. 14 Riro maira te kelero no te pae hitia o te râ ia Selemia. No Zekaria ta ˈna tamaiti, te hoê taata aˈo maramarama, ua tuuhia te kelero e riro maira ta ˈna kelero i te pae apatoerau. 15 Tei apatoa ta Obeda-edoma, e ua horoahia i ta ˈna mau tamaiti+ te mau fare vairaa maa. 16 Tei tooa o te râ ta Supima raua Hosa,+ i pihai iho i te uputa Saleketa, i pihai iho i te eˈa rahi e haere ra i nia, te tahi pǔpǔ tiai i pihai iho i te tahi pǔpǔ tiai. 17 E ono ati Levi i hitia o te râ, e maha i apatoerau i te mau mahana atoa e e maha i apatoa i te mau mahana atoa. E no te mau fare vairaa maa,+ e piti tiai i pihai iho e piti tiai ê atu. 18 No te anairaa pou i tooa o te râ, e maha i te eˈa rahi+ e e piti i te anairaa pou. 19 Tera te mau pǔpǔ tiai uputa no roto mai i te ati Kora e te ati Merari.

20 No te ati Levi, na Ahia e haapao i te mau vairaa taoˈa o te fare o te Atua mau e te mau piha i vaiihohia ˈi te mau taoˈa i faataahia no te haamoriraa.*+ 21 Te mau tamaiti a Ladana: te mau tamaiti a te ati Geresona no roto ia Ladana, te mau upoo o te mau utuafare no roto ia Ladana ati Geresona, o Iehieli+ 22 e na tamaiti a Iehieli, o Zetama e to ˈna taeae o Ioela. Na ratou i haapao i te mau vairaa taoˈa o te fare o Iehova.+ 23 No roto i te ati Amerama, te ati Izahara, te ati Heberona e te ati Uziela,+ 24 o Sebuela te tamaiti a Geresoma, te tamaiti a Mose. E aratai oia o tei haapao i te mau fare vairaa maa. 25 No to ˈna mau taeae, no roto ia Eliezera,+ te vai ra Rehabia+ ta ˈna tamaiti, Iesaia ta ˈna tamaiti, Iorama ta ˈna tamaiti, Zikeri ta ˈna tamaiti e Selomota ta ˈna tamaiti. 26 Na teie Selomota e to ˈna mau taeae i haapao i te mau piha atoa i vaiihohia ˈi te mau taoˈa i faataahia no te haamoriraa,+ o ta te arii Davida,+ te mau upoo o te mau utuafare,+ te mau raatira tausani e raatira hanere e te mau raatira o te nuu, i haamoˈa. 27 Ua faataa ratou no te haamoriraa hoê tuhaa o te mau mea i haruhia mai i te tamaˈi,+ no te atuaturaa i te fare o Iehova. 28 Te vai atoa ra te mau mea ta Samuela te taata tatara orama,+ ta Saula te tamaiti a Kisa, ta Abinera+ te tamaiti a Nere e ta Ioaba+ te tamaiti a Zeruia,+ i faataa no te haamoriraa. Te mau mea atoa i faataahia no te haamoriraa, ua horoahia ia Selomita* ra e to ˈna mau taeae.

29 No roto i te ati Izahara,+ na Kenania e ta ˈna mau tamaiti i haapao i te ohipa e rave rau e ere no te fare o te Atua.+

30 No roto i te ati Heberona,+ na Hasabia e to ˈna mau taeae, 1 700 tane haapao maitai, i tiaau ia Iseraela i te tuhaa fenua i te pae tooa o te râ o Ioridana. Na ratou i haapao i te mau ohipa atoa no te tuhaa taviniraa ia Iehova e te tuhaa taviniraa i te arii. 31 No roto i te ati Heberona, o Ieriaha+ te upoo o te ati Heberona, ia au i te pǎpǎraa tupuna. I te 40 o te matahiti te faatereraa Davida,+ ua imihia e ua itehia mai i rotopu ia ratou te tane itoito e te puai i Iazera,+ i Gileada. 32 E to ˈna mau taeae, e 2 700 rahiraa ratou. E tane haapao maitai ratou, e upoo o te mau utuafare. Ua tuu ïa te arii Davida ia ratou i nia i te ati Reubena, te ati Gada e te afaraa o te opu o te ati Manase, no te mau ohipa atoa a te Atua mau e te mau ohipa atoa a te arii.

27 Teie te rahiraa ati Iseraela, oia hoi te mau upoo o te mau utuafare, te mau raatira tausani e raatira hanere,+ e to ratou feia toroa, o te tavini ra i te arii.+ E haapao ratou i te mau ohipa atoa a te mau pǔpǔ o te ohu* i tera avaˈe e tera avaˈe, i te mau avaˈe atoa o te matahiti. E 24 000 ratou i roto i te pǔpǔ tataitahi.

2 O Iasobeama+ te tamaiti a Zabadiela to nia i te pǔpǔ matamua no te avaˈe matamua. E 24 000 ratou i roto i ta ˈna pǔpǔ. 3 E huaai o ˈna no Pereza.+ O ˈna te upoo o te mau raatira atoa o te mau pǔpǔ tei tuuhia no te tavini i te avaˈe matamua. 4 O Dodai+ ati Ahohi+ to nia i te pǔpǔ o te piti o te avaˈe. E 24 000 ratou i roto i ta ˈna pǔpǔ. E o Mikelota te aratai. 5 O Benaia,+ te tamaiti a Iehoiada+ te tahuˈa tiaau, te raatira o te toru o te pǔpǔ o tei tuuhia no te tavini i te toru o te avaˈe. E 24 000 tane to roto i ta ˈna pǔpǔ. 6 E aito puai taua Benaia ra no roto i na 30, e o ˈna tei tiaau i na 30. O ta ˈna tamaiti o Amizabada to nia i ta ˈna pǔpǔ. 7 O Asahela,+ to Ioaba taeae,+ te raatira o te maha o te pǔpǔ no te maha o te avaˈe. E na ta ˈna tamaiti o Zebadia i mono ia ˈna. E 24 000 tane to roto i ta ˈna pǔpǔ. 8 O Samahuta ati Izehara te pae o te raatira no te pae o te avaˈe. E 24 000 tane to roto i ta ˈna pǔpǔ. 9 O Ira+ te tamaiti a Ikesa ati Tekoa+ te raatira o te ono o te pǔpǔ no te ono o te avaˈe. E 24 000 tane to roto i ta ˈna pǔpǔ. 10 O Heleza+ ati Peloni no te ati Epheraima te raatira o te hitu o te pǔpǔ no te hitu o te avaˈe. E 24 000 tane to roto i ta ˈna pǔpǔ. 11 O Sibekai+ ati Husa no te ati Zera+ te raatira o te vaˈu o te pǔpǔ no te vaˈu o te avaˈe. E 24 000 to roto i ta ˈna pǔpǔ. 12 O Abi-ezera+ ati Beniamina no Anatota+ te raatira o te iva o te pǔpǔ no te iva o te avaˈe. E 24 000 tane to roto i ta ˈna pǔpǔ. 13 O Maharai+ ati Zera+ no Netopha te raatira o te ahuru o te pǔpǔ no te ahuru o te avaˈe. E 24 000 tane to roto i ta ˈna pǔpǔ. 14 O Benaia+ ati Epheraima no Piratona te raatira o te 11 o te pǔpǔ no te 11 o te avaˈe. E 24 000 tane to roto i ta ˈna pǔpǔ. 15 O Heledai no Netopha, e huaai no Oteniela, te raatira o te 12 o te pǔpǔ no te 12 o te avaˈe. E 24 000 tane to roto i ta ˈna pǔpǔ.

16 Teie te mau aratai o te mau opu o Iseraela: No te ati Reubena, o Eliezera te tamaiti a Zikeri te aratai. No te ati Simeona, o Sephatia te tamaiti a Maaka. 17 No Levi, o Hasabia te tamaiti a Kemuela. No Aarona, o Zadoka. 18 No Iuda, o Elihu,+ hoê o te mau taeae o Davida. No Isakara, o Omeri te tamaiti a Mihaela. 19 No Zebuluna, o Isemaia te tamaiti a Obadia. No Naphatali, o Ierimota te tamaiti a Azeriela. 20 No te ati Epheraima, o Hotea te tamaiti a Azazia. No te afaraa o te opu o Manase, o Ioela te tamaiti a Pedaia. 21 No te afaraa o te opu o Manase i Gileada, o Ido te tamaiti a Zekaria. No Beniamina, o Iaasiela te tamaiti a Abinera.+ 22 No Dana, o Azarela te tamaiti a Ierohama. Tera te huiarii o te mau opu o Iseraela.

23 Aita Davida i taio i te feia e 20 matahiti e i raro mai, no te mea ua fafau Iehova e faariro ia Iseraela mai te mau fetia o te raˈi te rahi.+ 24 Ua haamata Ioaba te tamaiti a Zeruia i te taioraa, aita râ oia i faaoti. Roohia ihora Iseraela i te riri o te Atua+ e aita ˈtura ïa te numera i papaihia i roto i te faatiaraa o te aamu o te tau o te arii Davida.

25 O Azamaveta te tamaiti a Adiela tei haapao i te mau piha vairaa taoˈa a te arii.+ O Ionatana te tamaiti a Uzia tei haapao i te mau fare vairaa maa* i rapae i te mau oire, i roto i te mau oire, i roto i te mau oire rii e te mau pare. 26 O Ezeri te tamaiti a Keluba tei haapao i te feia o tei faaapu i te maa. 27 O Simei no Rama tei haapao i te mau faaapu vine. O Zabadi no Sephama* tei haapao i te mau piha vairaa uaina. 28 O Baala-hanana no Gedera tei haapao i te mau faaapu olive e te mau tumu sukamino+ i te Sephela.+ O Ioasa tei haapao i te mau piha vairaa hinu. 29 O Sitarai no Sarona+ tei haapao i te mau nǎnǎ puaatoro i te mau vahi aihere i Sarona, e o Saphata te tamaiti a Adelai tei haapao i te mau nǎnǎ puaatoro i te mau peho. 30 O Obili ati Isemaela tei haapao i te mau kamela. O Iehedeia no Meronoti tei haapao i te mau asini.* 31 O Iaziza ati Hagiri tei haapao i te mau nǎnǎ mamoe e puaaniho. E raatira anaˈe ratou o tei haapao i te faufaa a te arii Davida.

32 E taata aˈo Ionatana,+ e tamaiti oia na te tahi tuaana o Davida. Mea maramarama oia. E papai parau atoa oia. Na Iehiela te tamaiti a Hakemoni i haapao i te mau tamaiti a te arii.+ 33 E taata aˈo Ahitophela+ na te arii, e e hoa* o Husai+ ati Areki no te arii. 34 I muri aˈe ia Ahitophela, o Iehoiada ïa te tamaiti a Benaia+ e o Abiatara+ te mau taata aˈo. O Ioaba+ te raatira o te nuu a te arii.

28 Titau maira Davida i te huiarii taatoa o Iseraela i Ierusalema: te huiarii o te mau opu, te mau raatira o te mau pǔpǔ+ o tei tavini i te arii, te mau raatira tausani e raatira hanere,+ te mau raatira o tei haapao i te faufaa e te mau nǎnǎ a te arii+ e a ta ˈna mau tamaiti,+ e te mau tia mana, e te mau tane puai e te itoito atoa.+ 2 Tia aˈera te arii Davida e parau atura:

“A faaroo mai ia ˈu, e to ˈu mau taeae e to ˈu nunaa. Ua hinaaro vau e patu i te hoê fare ei vairaa* no te afata o te faufaa a Iehova e ei taahiraa avae no to tatou Atua,+ e ua faaineine au i te ohipa no tera paturaa.+ 3 Ua parau mai râ te Atua mau ia ˈu: ‘E ere na oe e patu i te fare no to ˈu iˈoa,+ e taata tamaˈi hoi oe e ua haamanii oe i te toto.’+ 4 Tera râ, ua maiti o Iehova te Atua o Iseraela ia ˈu i rotopu i te utuafare taatoa o to ˈu metua tane ia riro vau ei arii no Iseraela e a muri noa ˈtu.+ Ua maiti hoi oia ia Iuda ei aratai.+ E to te opu o Iuda, ua maiti oia i te utuafare o to ˈu metua tane.+ E i rotopu i te mau tamaiti a to ˈu metua tane, o vau ta ˈna i maiti no te riro ei arii no Iseraela taatoa.+ 5 E i rotopu i ta ˈu mau tamaiti atoa (mea rahi hoi te tamaiti+ ta Iehova i horoa mai), ua maiti oia ia Solomona+ no te parahi i nia i te terono o Iehova e no te faatere ia Iseraela.+

6 “Ua parau oia ia ˈu: ‘Na ta oe tamaiti o Solomona e patu i to ˈu fare e to ˈu mau aua, ua maiti hoi au ia ˈna ei tamaiti na ˈu e e riro vau ei metua no ˈna.+ 7 E haamau papu vau i to ˈna mana arii e a muri noa ˈtu,+ ia haapao maite oia i ta ˈu mau faaueraa e ta ˈu mau faaotiraa haavaraa,+ mai ta ˈna e rave ra i teie nei.’ 8 No reira, te parau nei au i mua i te aro o Iseraela taatoa, ta Iehova amuiraa, e i mua i to tatou Atua: A imi e a haapao maite i te mau faaueraa atoa a Iehova to outou Atua, ia faaea noa outou i teie fenua maitai+ e ia tufa ˈtu outou i te reira no ta outou mau tamaiti ei faufaa mure ore.

9 “E oe, Solomona ta ˈu tamaiti, ia ite oe o vai te Atua o to metua tane e ia tavini oe ia ˈna ma te aau taatoa e te aau tae,+ te hiˈopoa maite nei hoi Iehova i te mau aau atoa+ e te ite ra oia i te mau manaˈo e opuaraa atoa.+ Ia imi oe ia ˈna, e vaiiho oia ia itehia mai oia e oe.+ Ia faarue râ oe ia ˈna, e patoi oia ia oe e a muri noa ˈtu.+ 10 Inaha, ua maiti Iehova ia oe no te patu i te hoê fare o te riro ei nao.* A faaitoito e a ohipa.”

11 Horoa ˈtura Davida ia Solomona ra ta ˈna tamaiti te hohoˈa hamaniraa+ o te taupee+ e te mau piha e rave rau, oia hoi te mau piha vairaa taoˈa, te mau piha i nia, te mau piha i roto roa, e te vahi i reira te Atua e faaore ai i te hara.*+ 12 Ua horoa oia ia ˈna te hohoˈa hamaniraa o te mau mea atoa i faaitehia ia ˈna maoti te varua o te Atua, no te mau aua+ o te hiero* o Iehova, no te mau vahi tamaaraa atoa ati aˈe, no te mau piha vairaa taoˈa o te hiero o te Atua mau, e no te mau piha e vaiihohia ˈi te mau taoˈa faataahia no te haamoriraa.*+ 13 Ua faaite atoa ˈtu oia eaha te faanahoraa no te mau pǔpǔ tahuˈa+ e te ati Levi, no te mau tuhaa ohipa atoa no te hiero o Iehova, e no te mau taihaa atoa e faaohipahia no te taviniraa i te hiero o Iehova. 14 Ua faataa atoa oia i te teiaha o te auro, te auro no te mau taihaa atoa no te mau tuhaa taviniraa e rave rau, e te teiaha o te mau taihaa ario atoa no te mau tuhaa taviniraa e rave rau. 15 Ua faataa atoa oia i te teiaha o te mau vairaa mori auro+ e to ratou mau mori auro, te teiaha o te mau vairaa mori e rave rau e to ratou mau mori, e te faito o te mau vairaa mori ario, te vairaa mori tataitahi e to ˈna mau mori, ia au i to ˈna faaohiparaa. 16 Ua faataa atoa oia i te teiaha o te auro no te mau amuraa maa o te pane apǎpǎhia,*+ no te amuraa maa tataitahi, e te teiaha atoa o te ario no te mau amuraa maa ario, 17 te teiaha o te auro no te mau patia, te mau auˈa, te mau pita auro tamâhia, te faito o te mau auˈa auro nainai,+ te auˈa nainai tataitahi, e te faito o te mau auˈa ario nainai, te auˈa nainai tataitahi. 18 Ua faaite atoa oia i te teiaha o te auro tamâhia no te fata mea noˈanoˈa+ e no te hohoˈa o te pereoo,+ oia hoi na kerubi+ auro o tei haamahora i to raua na pererau e o tei tapoˈi i te afata o te faufaa a Iehova i te reira. 19 Parau atura Davida: “Ua aratai Iehova ia ˈu, e ua horoa mai oia i te haroˈaroˈa no te papai+ i te mau tuhaa rii atoa o te hohoˈa hamaniraa.”+

20 Na ô atura Davida ia Solomona ta ˈna tamaiti: “Ia itoito e ia puai oe, e a ohipa. Eiaha e mǎtaˈu e eiaha e riaria, tei pihai iho te Atua ra o Iehova, to ˈu Atua, ia oe.+ Eita oia e taiva ia oe e eita oia e faarue ia oe.+ Ei pihai iho râ oia ia oe e oti noa ˈtu te mau ohipa atoa o te fare o Iehova i te ravehia. 21 E tera te mau pǔpǔ o te mau tahuˈa+ e o te ati Levi+ o te rave i te mau tuhaa ohipa atoa i te fare o te Atua mau. Te vai ra ia oe ra te feia aravihi, mea ite i te mau huru ohipa atoa,+ e ua ineine i te turu ia oe. Te vai atoa ra te huiarii+ e te nunaa taatoa, o te haapao i ta oe mau faaueraa atoa.”

29 Parau atura te arii Davida i te amuiraa taatoa: “Mea apî ta ˈu tamaiti o Solomona, o ta te Atua i maiti,+ e aita oia i ineine,+ e mea rahi te ohipa, e ere hoi teie hiero* no te taata, no te Atua râ o Iehova.+ 2 Ua horoa rahi au ia ˈu no te faaineineraa i te paturaa o te fare o to ˈu Atua. Ua horoa vau i te auro, te ario, te veo, te auri,+ te raau,+ te ofai sema e te ofai taa ê, te ofai iti nehenehe no te faaunauna, te ofai maitai roa e rave rau e te ofai sisa e rave rahi. 3 E no to ˈu oaoa rahi i te fare o to ˈu Atua,+ te rave atoa ra vau i te auro e te ario i roto i ta ˈu iho faufaa+ no te horoa no te fare o to ˈu Atua, hau atu i te mau mea atoa ta ˈu i faaineine no taua fare moˈa ra, 4 oia hoi 3 000 taleni* auro no Ophira+ mai e 7 000 taleni ario tamâhia no te tapiri i nia i te mau pǎpai piha, 5 te auro no te mau mea auro, e te ario no te mau mea ario, e no te mau ohipa atoa a te feia rimaî. I teie nei, o vai i rotopu ia outou i teie mahana o te hinaaro e pûpû i te ô ia Iehova?”+

6 Pahono maira ïa te huiarii o te mau opu fetii, te huiarii o te mau opu o Iseraela, te mau raatira tausani e raatira hanere,+ e te mau raatira o te haapao i te mau ohipa a te arii.+ 7 Horoa maira ratou no te fare o te Atua mau: 5 000 taleni auro, 10 000 darekona,* 10 000 taleni ario, 18 000 taleni veo e 100 000 taleni auri. 8 Te taata atoa e ofai maitai roa ta ˈna, ua horoa ïa i te reira ia tuuhia ˈtu i roto i te vairaa taoˈa o te hiero o Iehova, o ta Iehiela+ ati Geresona+ e haapao. 9 Ua oaoa te nunaa i te pûpû i tera mau ô horoa noa, ua horoa hoi ratou na Iehova ma te aau taatoa,+ e ua oaoa roa atoa te arii Davida.

10 Arue atura Davida ia Iehova i mua i te amuiraa taatoa. Teie ta Davida i parau: “Ia aruehia oe, e Iehova te Atua o Iseraela to matou metua tane e a muri noa ˈtu. 11 E Iehova, na oe te mana,+ te puai rahi,+ te nehenehe, te hanahana e te teitei,*+ na oe hoi te mau mea atoa i nia i te raˈi e i nia i te fenua.+ Na oe te mana arii e Iehova!+ O oe anaˈe te faatere i nia i te taatoaraa. 12 No ǒ mai ia oe te taoˈa rahi e te hanahana,+ e na oe e faatere i te mau mea atoa.+ Tei roto i to rima te mana+ e te puai+ no te faariro i te taata ei taata rahi+ e no te horoa i te puai i te taatoaraa.+ 13 E teie nei, e to matou Atua, te haamauruuru nei matou ia oe e te arue nei matou i to iˈoa hanahana.

14 “O vai râ vau e o vai to ˈu nunaa ia pûpû matou i te mau ô horoa noa mai teie? No ǒ mai hoi te mau mea atoa ia oe ra, e no roto mai i to rima te mau mea atoa ta matou i pûpû ia oe. 15 E feia ěê e te purutia hoi matou i mua ia oe, mai to matou mau tupuna atoa.+ E au to matou pue mahana i te fenua nei i te ata,+ aita e tiaturiraa. 16 E Iehova to matou Atua, teie mau taoˈa atoa ta matou i faaineine no te patu i te hoê fare no oe, o te faahanahana i to iˈoa moˈa, no roto mai ïa i to rima e na oe te reira. 17 E to ˈu Atua, ua ite maitai au e hiˈopoa oe i te aau+ e e mauruuru oe i te hapa ore.*+ Ua pûpû vau i teie mau mea atoa ma te aau tae* e te oaoa rahi nei au i te ite i to nunaa i ǒ nei e pûpû ra i te ô horoa noa. 18 E Iehova, te Atua o Aberahama, o Isaaka, e o Iseraela, to matou mau tupuna, a tauturu i teie nunaa ia tamau i teie huru feruriraa horoa noa e ia tavini ia oe ma te aau taatoa.+ 19 E a tauturu i ta ˈu tamaiti o Solomona ia haapao ma te aau taatoa+ i ta oe mau faaueraa, ta oe mau haamanaˈoraa e ta oe mau ture.+ A tauturu ia ˈna ia rave i tera mau mea atoa e ia patu i te hiero* o ta ˈu i faaineine i te ohipa no te paturaa.”+

20 Parau atura Davida i te amuiraa taatoa: “I teie nei, a arue ia Iehova to outou Atua.” Arue aˈera te amuiraa taatoa ia Iehova te Atua o to ratou mau tupuna. Piˈo ihora ratou e tipapa ihora i mua ia Iehova e i mua i te arii. 21 I tera mahana e to muri iho, ua pûpû ratou i te tusia ia Iehova e ua pûpû ratou i te tusia taauahi+ ia Iehova: 1 000 puaatoro oni apî, 1 000 mamoe oni, 1 000 fanauˈa mamoe oni, e ta ratou mau tusia uaina.+ Ua pûpû ratou e rave rahi tusia no Iseraela taatoa.+ 22 Ua tamaa e ua inu ratou i mua ia Iehova i tera mahana ma te oaoa rahi.+ E no te piti o te taime, ua faaarii ratou ia Solomona te tamaiti a Davida e ua faatavai ia ˈna i mua ia Iehova ei aratai.+ Ua faatavai atoa ratou ia Zadoka ei tahuˈa.+ 23 Parahi ihora ïa Solomona i nia i to Iehova terono+ ei arii ei mono ia Davida to ˈna metua tane. Ua manuïa ta ˈna faatereraa e ua faaroo te ati Iseraela taatoa ia ˈna. 24 Ua auraro te huiarii taatoa,+ te mau aito puai,+ e pauroa te tamaiti a te arii Davida+ i te arii Solomona. 25 Ua faariro Iehova ia Solomona ei taata rahi roa i te aro o Iseraela taatoa e ua horoa ˈtu oia i te hanahana aita i noaa aˈenei i te tahi arii o Iseraela na mua ˈtu ia ˈna.+

26 Mea na reira te faatereraa Davida te tamaiti a Iese ia Iseraela. 27 E 40 matahiti to ˈna faatereraa ia Iseraela. I Heberona ua faatere oia 7 matahiti,+ e i Ierusalema ua faatere oia 33 matahiti.+ 28 Ua pohe Davida i to ˈna ruhiruhiaraa,+ ua fanaˈo oia i te hoê oraraa maoro, te taoˈa rahi e te hanahana. E riro maira Solomona ta ˈna tamaiti ei arii ei mono ia ˈna.+ 29 No te aamu o te arii Davida, mai te omuaraa e tae atu i te hopea, ua faatiahia i roto i te mau papai a Samuela te taata tatara orama, Natana+ te peropheta, e Gada+ te taata ite orama. 30 Te faatia ra tera mau papai i ta Davida faatereraa, to ˈna puai, e te mau ohipa i tupu no ˈna, no Iseraela e no te mau faatereraa arii atoa ati aˈe.