Salamo

TE ATUA TE HAAPURAA O TO ˈNA TAATA.

Salamo na Davida ia ˈna i horo i ta ˈna ra tamaiti ia Abasaloma.

3 E Iehova e, ua rahi tau mau enemi! ua rahi tei tia mai i nia e mârô mai ia ˈu! 2 E rave rahi tei parau ia ˈu nei, Aita roa o ˈna e ora i te Atua. Sela. 3 Area oe, e Iehova, e paruru oe no ˈu e ati noa ˈˈe, o to ˈu hanahana, e na oe tau upoo i faateitei. 4 Te tiaoro nei tau reo ia Iehova; e te faaroo maira oia ia ˈu i tana mouˈa moˈa ra, Sela.

5 Ua tiraha vau i raro, e ua taoto ra; e ara aˈera hoi au, na Iehova vau i tauturu mai. 6 E ore au e mǎtaˈu i te taata e ia ahuru noa ˈtu te tausani, o tei haaati enemi mai ia ˈu e ati noa ˈˈe, 7 A tia, e Iehova; ia ora vau, e tau Atua: e tia ia oe ia tairi i te taa o tau mau enemi, e fati ia oe te niho o te feia paieti ore ra. 8 No ǒ mai te ora ia Iehova ra: te vai ra to oe ra maitai i nia i to oe ihora mau taata. Sela.