Salamo

TE HURU O TE TAATA E PARAHI I ZIONA.

E Salamo na Davida.

15 O vai, e Iehova, te tiahapa i to oe ra sekene? o vai te parahi i to mouˈa moˈa ra? 2 O te taata haerea piˈo ore, o tei haapao i te parau-tia ra; o tei parau i te parau mau i roto i to ˈna ra aau; 3 O tei ore i ohumu to ˈna arero; o tei ore i hamani ino i te taata tupu ra, o tei ore i farii i te parau ino i to ˈna taua: 4 O tei vahavaha i te taata parau faufau ra, e faatura râ i te feia i mǎtaˈu ia Iehova: o tei tǎpǔ atu, ino noa ˈi oia ihora, e aore e tahema ra. 5 O tei ore i tuu i tana moni i te tarahu ra, o tei ore e rave i te tarahu ei faahapa i te taata hara ore ra: o tei na reira i te rave i taua mau parau nei, e ore roa e aueue.