Salamo

EIAHA TATOU E FAAEA I TE HAAMAITAI I TE ATUA.

146 E haamaitai ia Iehova. A haamaitai ia Iehova e tau varua. 2 E haamaitai au ia Iehova, oi vai aˈe to ˈu ora; e himene au i tau Atua oi vai aˈe au nei. 3 Eiaha e tiaturi i te hui arii, e te taata atoa, aita hoi o ˈna e ora. 4 Te reva nei hoi to ˈna varua, te hoˈi nei oia i to ˈna ra repo; mou roa ˈtura ta ˈna i opua i taua mahana ra. 5 E ao to ˈna tei te Atua o Iakoba te tauturu ia ˈna; e tei to ˈna Atua, tei ia Iehova to ˈna tiaturiraa! 6 O tei hamani i te mau raˈi e te fenua, te tai, e te mau mea atoa i roto ra; o tei haapao i te parau mau na ˈna e a muri noa ˈtu; 7 o tei faatia mai i te feia i hamani-ino-hia; e ua horoa mai i te maa na tei poia ra. O Iehova tei tatara i tei tapeahia ra; 8 o Iehova tei faaaraara i te mata o tei matapo ra; o Iehova tei faatia i te faahaehaahia ra; o Iehova tei hinaaro i te feia parau-tia ra. 9 Te faaora nei Iehova i te mau taata ěê ra; te tauturu nei oia i te otare e te vahine ivi ra, area te haerea o te paieti ore ra, e huri-ê-roa-hia ïa. 10 E vai arii mai â Iehova e a muri noa ˈtu; o to Atua, e Ziona, e tae noa ˈtu i te mau ui atoa ra. Halelu Ia.