Salamo

E AO TO TE FEIA E MǍTAˈU I TE ATUA RA.

Sire a te Moluta.

128 E ao to te taata atoa i mǎtaˈu ia Iehova; o tei haapao i to ˈna ra mau eˈa. 2 E amu oe i ta to rima i ohipa ra: e ao to oe, e e manuïa ta oe. 3 E riro to vahine mai te vine hotu i to oe ra pae fare; e to mau tamarii, i te haaatiraa i ta oe ra amuraa, mai te ohi olive ïa. 4 Inaha! i na reirahia to taua taata ra maitai, to te taata i mǎtaˈu ia Iehova ra! 5 Na Iehova oe e haamaitai, mai ǒ mai i Ziona ra; e ite hoi oe i te maitairaa o Ierusalema e hope noa ˈtu to oe ra pue mahana: 6 e ite oe i te tamarii a to mau tamarii ra, e te hau hoi i nia ia Iseraela.