Salamo

E MAITAI RAHI TO TE FEIA PAIETI RA.

Sire a te Moluta.

121 E hiˈo anei tau mata i te mau aivi? e noaa anei te tauturu ia ˈu i reira? 2 No ǒ ia Iehova ra te tauturu ia ˈu, o tei hamani i te mau raˈi e te fenua.

3 E ore oia e tuu noa i to avae ia pahee noa na: e ore tei tiai ia oe e varea i te taoto: 4 inaha, o tei tiai ia Iseraela ra, e ore ïa e tiaruhi noa ˈtu, e ore hoi e taoto. 5 O Iehova te tiai ia oe; o Iehova to mǎrǔ i to rima atau ra. 6 E ore oe e pohe i te mahana i te ao, e ore atoa i te marama i te rui. 7 Na Iehova oe e tiai i te mau ino atoa ra; na ˈna oe e tiai ia ora. 8 Na Iehova e tiai i to haereraa ˈtu e te hoˈiraa mai, i teie nei e a muri noa ˈtu.