Esetera

TE MANA O AHASUERU, E TE TEITEI O MOREDEKAI.

10 Ua tuu ihora te arii ra o Ahasueru i te taoˈa aufau i nia i te fenua ra, e i nia atoa i te mau fenua o te moana. 2 E te mau parau atoa o to ˈna ra mana e to ˈna puai, e te faaiteraa i te rahi o Moredekai, a faaitehia ˈi oia e te arii ra, e ere anei ua papaihia ïa i roto i te parau no te mau mahana na te mau arii no Medai e no Peresia? 3 Te ati ra hoi te ati Iuda ra o Moredekai i te arii ra ia Ahasueru, e te rahi ra hoi oia i ǒ te ati Iuda, e te itehia maira oia e to ˈna atoa ra mau taeae, i te imiraa i te maitai no to ˈna ra mau taata, e te parauraa i te parau hau i to ˈna atoa ra mau huaai.