Paraleipomeno 1

Paraleipomeno, Buka hoê

TE FANAURAA MAI IA ADAMU MAI, E TAE ROA AˈENEI IA NOA.

1 Adamu, Seta, Enosa, 2 Kainana, Malaleela, Iareda, 3 Enoha, Metusela, Lameha, 4 Noa, Sema, Hama, Iapheta.

5 Na tamarii a Iapheta ra; o Gomera ïa, e o Magoga, e o Medai, e o Iavana, e o Tubala, e o Meseka, e o Tirasa. 6 Na tamarii a Gomera ra; o Asekeneza ïa, e o Riphata, e o Togarama. 7 Na tamarii a Iavana ra; o Elisa ïa, e o Taresisa, e o Kitima; e o Rodanima.

8 Na tamarii a Hama ra; o Kusa ïa, e o Mizeraima, e o Phuta, e o Kanaana. 9 Na tamarii a Kusa ra; o Seba ïa, e o Havila, e o Sabata, e o Raama, e o Sabateka. Na tamarii a Raama ra; o Seba ïa, e o Dedana. 10 Fanau aˈera ta Kusa o Nimeroda ïa riro atura oia ei taata mana i te ao nei. 11 Fanau aˈera ta Mizeraima o te ati Luda ïa, e te ati Anami, e te ati Lehabi, e te ati Naphetuhi, 12 e te ati Paturesi, e te ati Keselehi (na ˈna te Philiseti) e te ati Kaphatori. 13 Fanau aˈera ta Kanaana o Sidona, e matahiapo ïa, e te ati Heta; 14 te ati Iebusi atoa, e te ati Amori, e te ati Geregasi, 15 e te ati Hevi, e te ati Araki, e te ati Sini, 16 e te ati Aravadi, e te ati Zemari, e te ati Hamati.

17 Na tamarii a Sema ra; o Elama ïa, e o Asura, e o Araphakesada, e o Luda, e o Arama, o Uza, e o Hula, e o Getera, e o Meseka. 18 Fanau aˈera ta Araphakesada o Sala, fanau aˈera ta Sala o Ebera. 19 Fanau aˈera ta Ebera e tau tamaroa toopiti: o Pelega, te iˈoa o te tahi; no te mea, tei to ˈna ra anotau i ootihia ˈi te fenua; o Iokatana te iˈoa o to ˈna tuaana. 20 Fanau aˈera ta Iokatana o Alemodada, e o Selepha, e o Hazaramaveta, e o Iera, 21 e o Hadorama, e o Uzala, e o Dikela, 22 e o Ebala, e o Abimaela, e o Seba, 23 e o Ophira, e o Havila, e o Iobaba: na Iokatana anaˈe ïa mau tamarii.

24 Sema, Araphakesada, Sala, 25 Ebera, Pelega, Reu, 26 Seruga, Nahora, Tera, 27 Aberama, oia hoi Aberahama. 28 Na tamarii a Aberahama o Isaaka ïa raua o Isemaela.

29 Teie to ratou mau ui: ta Isemaela matahiapo, o Nebaiota ïa; ahe i muri iho, o Kedara, e o Adabeela, e o Mibesama, 30 e o Misema, e o Duma, o Masa, o Hadara, o Tema, 31 o Ietura, o Naphisa, e o Kedema. O na tamarii ïa a Isemaela.

32 E na tamarii a te vahine a Aberahama a Ketura i fanau ia ˈna, o Zimerana ïa, e o Iokasana, e o Medana, e o Midiana, e o Isabaka, e o Sua; e na tamarii a Iokasana, o Seba ïa, e o Dedana. 33 Na tamarii a Midiana ra; o Epha ïa, e o Ephera, e o Hanaka, e o Abida, e o Eledaa. Na Ketura anaˈe ïa mau tamarii. 34 Fanau aˈera ta Aberahama o Isaaka. E ta Isaaka tamarii o Esau ïa raua o Iseraela.

35 Na tamarii a Esau ra, o Eliphaza ïa, e o Reuela, e o Ieusa, e o Iaalama, e o Kora. 36 E ta Eliphaza mau tamarii ra, o Temana ïa, e o Omara, e o Zepho e o Gatama, e o Kenaza, e o Timana, e o Amaleka. 37 Na tamarii a Reuela ra, o Nahata ïa, e o Zera, e o Sama, e o Miza. 38 Na tamarii a Seira ra, o Lotana ïa, e o Sobala, e o Zibeona, e o Ana, e o Disona, e o Ezara, e o Disana. 39 Na tamarii a Lotana ra, o Hori ïa, e o Homama: e tuahine Timina na Lotana. 40 Na tamarii a Sobala ra, o Alaiana ïa, e o Manahata, e o Ebala, e o Sephi, e o Onama. Na tamarii a Zibeona ra, o Aia ïa, e o Ana. 41 O ta Ana ra tamaiti, o Disona ïa. E ta Disona pue tamarii, o Hamarama ïa, e o Esebana, e o Itarana, e o Kerana. 42 Na tamarii a Ezera ra, o Bilihana ïa, e o Zavana, e o Iakana. Na tamarii a Disana ra, o Uza ïa, e o Arana.

43 Teie na arii i noaa ia ratou te hau i te fenua ra o Edoma, hou i ariihia ˈi to Iseraela; o Bela a Beora: e te iˈoa o to ˈna oire, o Dinehaba ïa. 44 E pohe atura Bela ra, monohia aˈera oia i te hau ia Iobaba a Zera i Bozara ra. 45 E pohe atura Iobaba, monohia aˈera oia i te hau ia Husama no te fenua o te ati Temani. 46 E pohe atura Husama, monohia aˈera oia i te hau ia Hadada a Bedada, tei pau Midiana ia ˈna e o Moabi ra, e te iˈoa o ta ˈna oire, o Avite ïa. 47 E pohe atura Hadada, monohia aˈera oia i te hau ia Samala i Masereka ra. 48 E pohe atura Samala, monohia aˈera oia i te hau ia Saula i Rehobota i te pae pape ra. 49 E pohe atura Saula, monohia aˈera oia i te hau ia Baala-hanana a Akabora ra. 50 E pohe atura Baala-hanana, monohia aˈera oia i te hau ia Hadada: e te iˈoa o ta ˈna oire, o Pai ïa; o Mehetabela te iˈoa o ta ˈna vahine, e tamahine na Matereda te tamahine a Mezahaba.

51 E pohe atura Hadada. Na tavana o Edoma, ta Esau i fanau, oia te tavana ra o Timina e te tavana ra o Alia, e te tavana ra o Ieteta. 52 E te tavana ra o Aholibama, e te tavana ra o Ela, e te tavana ra o Pinona. 53 E te tavana ra o Kenaza, e te tavana ra o Temana, e te tavana ra o Mibezara, 54 e te tavana ra o Magadiela, e te tavana ra o Irama, o na tavana ïa o Edoma.