Teeramu Akasisani Orole Ebirukubazibwaho omu Baibuli

Baibuli erumu ebyokurorraho bingi eby’abantu hamu n’ebintu ebyabaireho ebirukutwegesa amasomo amakuru. Nitusobora kweyongera kwetegereza kurungi ebintu ebi turukusoma kandi tukabigasirwamu kakuba tulengaho kuteeramu akasisani k’ebintu ebi turukusomaho. Weetegereze amagezi agamu agasobora kukukoonyera kuteeramu akasisani okarora ebintu ebi orukusoma.

• Soma omu iraka erirukuhulirwa. Kusoma Baibuli omu iraka erirukuhulirwa nikisobora kukukoonyera kuteeramu akasisani okarora kurungi ebirukubazibwaho. Obu muraaba nimusoma Baibuli nk’eka, nimusobora kuleetera okusoma Baibuli kusemera kuraba omu kuha buli omu omuka, omuntu ou arasomaho.

• Teeramu akasisani. Lengaho kwetegereza enyehurra hamu n’ebiteekerezo by’omuntu ow’arukubazibwaho omu Baibuli. Ekyokurorraho, noosobora kwekaguza: ‘Habwaki omuntu yabalize rundi yayetwaza nkooku yakozere? Nyowe naakuteekeriize nta rundi naakwehuliire nta kakuba naabaire omu nyikara egi?’

• Teera ebisisani ha mpapura. Kuteera ebisisani ha mpapura eby’ebintu ebi osomereho nikisobora kukukoonyera kuteeramu akasisani okarora ebintu ebi osomereho, kandi okabiijuka kurungi. Kinu tikirukukwetaagisa kuba omanyire kuteera kurungi ebisisani.