Kozesa Ekicweka ah’Okutandikira Ekiri ha Mukura gwa JW.ORG omu Buheereza Bwawe

Ekicweka ah’okutandikira ekiri ha mukura gwaitu, kiine ebicweka na vidiyo ebiteekaniziibwe kusikiiriza abantu abaine emitima enungi abatali Bakaiso ba Yahwe. (Eng 13:48) Kikira kubazaaho ensonga ezinyakuli omu makuru rundi ensonga abantu barukutekerezaaho kandi ezibarukubazaaho.

N’osobora ota kukozesa ekicweka ah’okutandikira ekiri ha mukura gwa jw.org omu buheereza bwawe?

• Ikara n’okebera omukura butoosa. Wetegereze kurungi ebyakaturukira ha mukura kandi otekerezeeho omulingo osobora kubikozesa kukonyera omuntu ow’ayolekere okugonza. (Kusobora kutunga ebintu ebindi ebihyaka rora ekicweka ah’okutandikira, hanyuma omige nambere hali “Rora Ebirukukiraho.”) Kwikara omanyire ebintu ebihyaka ebiri ha mukura, nikiija kukukonyera kwikara oine ebintu ebihyaka eby’osobora kubazaaho omu buheereza.

• Kozesa ebicweka na vidiyo ebiri ha kicweka ah’okutandikira kutandika kubaza n’omuntu. Ebintu binu nibisobora kutuha amagezi agasobora kutukonyera kumanya ebintu abantu barukurabamu omu kiikaro turukutebezaamu.

• Yoleka abantu ekicweka “ah’okutandikira.” Mwoleke amasomo agarukwahukana agaroho, kandi omwoleke nk’oku asobora kukozesa omukura.

• Musindikire linki. Abantu abamu tibagonza kubaza naitwe maiso maiso, baitu bagonza kukozesa omukura gwaitu. Nahabweki, otatiina kusindikira abantu abarukugonza kumanya ebirukukiraho linki ey’erabatwara ha kicweka “ah’okutandikira,” ha kicweka ekyonyini ekyorukugonza basome, rundi vidiyo enyakuroho.