Oyeteriireho Bigendererwa ki habw’Omwaka Omuhyaka ogw’Obuheereza?

Ebigendererwa eby’omwoyo nibitwarramu ebintu byona ebitwekamba kuhikiriza nukwo tusobole kweyongera kuheereza Yahwe omu bwijwire n’okumusemeza. Bitukonyera kufooka Abakristaayo abakuzire omu by’omwoyo kandi obwire n’amaani tutamu tibifa busa. (1Tim 4:15) Habwaki tusemeriire kwekebiija ebigendererwa byaitu butoosa? Habwokuba enyikara zihinduka. Nitusobora kuba tutakyasobora kuhikiriza ekigendererwa ekitukaba twine kara, rundi nitisobora kuba twakihikiriize kandi nitugonza kweteraho ekindi.

Tusemeriire kwekebiija ebigendererwa byaitu omwaka omuhyaka ogw’obuheereza gutakatandikire. Habwaki mutabazaaho ensonga enu omu kuramya kwanyu okw’eka, buli muntu omu ka aketeraho ekigendererwa kye, kandi mukatekaho n’ekigendererwa eky’eka?

Obukirukuhika ha bintu binu, bigendererwa ki ebyoyeteriireho, kandi ntekaniza ki eyokozere kusobora kubihikiriza?