N’osobora Kwongera ha Kusemererwa kw’Eka Yaawe

Yahwe agonza amaka gabemu okusemererwa. (Zab 127:3-5; Mug 9:9; 11:9) Baitu, okusemererwa kwaitu nikusobora kutabangurwa habw’okwetuntura okw’ensi enu, n’ensobi ez’ab’omu maka gaitu. Kiki buli omu omu ka eky’asobora kukora kuleetaho okusemererwa?

Nyineeka asemeriire kutekamu mukazi we ekitiinisa. (1Pet 3:7) Amara nauwe obwire. Tamunihirramu bingi kandi ayoleka ngu n’amusiima habw’ebintu eby’amukorra, n’eby’akorra eka yoona. (Bak 3:15) Amwoleka okugonza kandi amuhaisaniza.​—Nfu 31:28, 31.

Nyinabwenge asemeriire kuserra emiringo arasagikamu iba. (Nfu 31:12) Amworobera, kandi akwataniza hamu nauwe. (Bak 3:18) Abaza nauwe omu mulingo gw’embabazi kandi amubazaaho kurungi hali abantu abandi.​—Nfu 31:26.

Abazaire basemeriire kumara obwire n’abaana baabo. (Bir 6:6, 7) Bagambira abaana baabo ngu nibabagonza. (Mat 3:17) Obubaba nibabahana, bakikora omu mulingo ogw’okugonza kandi ogw’okwetegereza.​—Bef 6:4.

Abaana basemeriire kworobera abazaire baabo kandi babateekemu ekitiinisa. (Nfu 23:22) Bamanyisa abazaire baabo enteekereza n’enyehurra zaabo. Baikiriza okuhanwa kuruga hali bazaire baabo kandi babateekamu ekitiinisa.​—Nfu 19:20.

MUROLE VIDIYO KURAKURANIZA OKUSEMERERWA OMU KA YAAWE, HANYUMA MUGARUKEMU EKIKAGUZO KINU:

Kiki buli omu ka ekiyakozere kukurakuraniza okusemererwa?