N’okozesa Baibuli ey’Ekwasirwe omu Maraka?

Baibuli ey’ekwasirwe omu maraka niyo eha? Niryo iraka lya Baibuli eya New World Translation. Eriyo n’eturukibwa mporampora omu ndimi nyingi. Kimu ha bintu ebirungi ebya Baibuli enu kiri ngu buli muntu arukubazibwaho aine iraka lye. Ebigambo bisomwa omu mulingo ogurukwekambisa kandi ogurukwihayo kurungi enyehurra nukwo obutumwa bwa Baibuli burugeyo omu mulingo oguhikire.

Abamu bagasiirwe bata omu kuhuliiriza Baibuli ey’ekwasirwe omu maraka? Baingi abagihuliiriza buli kiro, bagonza omulingo ihayo kurungi enyehurra ez’abantu abarukubazibwaho. Behurra ngu kuhurra amaraka agarukwahukana ag’abantu abarukubazibwaho omu Baibuli, kibakonyera kuteramu akasisani n’okwetegereza kurungi ebirukubazibwaho. (Nfu 4:5) Ekindi, baingi bakisangire ngu kuhuliiriza Baibuli enu kibahuumuza obubaba betuntwire.—Zab 94:19.

Kuhurra Ekigambo kya Ruhanga nikisomwa , nikisobora kukwataho muno obwomeezi bwaitu. (2Byom 34:19-21) Baibuli enu rundi ebicweka byayo obubiraaba biri omu rulimi orworukwetegereza, n’osobora kugihuliiriza buli kiro.

MUROLE VIDIYO KUTURUKYA BAIBULI EY’EKWASIRWE OMU MARAKA—AKACWEKA KA VIDIYO, HANYUMA MUGARUKEMU EKIKAGUZO KINU:

Kiki ekikusemiize ha mulingo Baibuli ey’ekwasirwe omu maraka eturukibwamu?