Oyetekaniriize Obutabanguko Obusobora Kubaho Nambere Orukwikara?

Nk’oku empero ey’obusinge bunu iriire haihi, nitunihira ngu obutabanguko, obwankagunaga hamu n’obulemu nibiija kweyongera. (Kus 6:4) Nitusobora tuta kwetekaniriza emitalibaine eitusobora kutunga omu busumi obw’omu maiso?

• Wetekanize omu by’omwoyo: Manya emisingi ya Baibuli hamu n’ebyahandiikirwe ebiragumya obwesige bwawe omuli Yahwe n’ekitebe kye, kandi ebirakukonyera kwikara otagweriire rubaju. (Nfu 12:5; jr-E 125-126 ¶23-24) Kanu nuko akasumi ak’okwombeka enkoragana enyakugumire n’abandi omu kitebe.​—1Pet 4:7, 8

• Wetekanize omu by’omubiri: Ba n’entekaniza ey’erakukonyera kwerinda kandi otunge n’ebintu ebirukukumara kandi ebirakukonyera obworaaba otasobora kuruga omu ka yaawe. Ekindi, manya eky’osemeriire kukora obukirakwetaagisa kuruga omu ka. Wekebiije ebintu ebiri omu nsaho yaawe ey’okwiruka nayo kandi otekemu ebintu eby’okwerindisa nka gilaavu, masiki na sente. Manya omulingo osobora kuhikirra abagurusi kandi okigumye ngu nabo bamanyire omulingo barakuhikirra.​—Is 32:2; g-E 17.5 3-7

Omu kasumi k’obutabanguko ikara n’oyejumbira omu by’omwoyo. (Baf 1:10, NWT) Wetantale kugendagenda oihireho obukirukuba nikyetaagisa. (Mat 10:16) Baganaho n’abandi ebyokulya hamu n’ebintu ebindi.​—Bar 12:13.

MUROLE VIDIYO OYETEKANIRIIZE EKIGWEREREZI? HANYUMA MUGARUKEMU EBIKAGUZO BINU:

• Yahwe n’asobora kutukonyera ata omu busumi bw’ekigwererezi?

• Bintu ki ebitusobora kukora kwetekaniza?

• Nitusobora tuta kukonyera abandi abahikirweho ebigwererezi?