OBWOMEEZI BWAITU NK’ABAKRISTAAYO | YONGERA HA KUSEMERERWA KWAWE OMU BUHEEREZA
Konyera Abeegi Baawe aba Baibuli Kutunga Enkoragana Enungi na Yahwe
Yahwe n’agonza tumuheereze habwokuba nitumugonza. (Mat 22:37, 38) Okugonza abeegi ba Baibuli okubainiire Yahwe nikwija kubekambisa kukora empindahinduka ezirukwetagisibwa hamu n’okugumira okulengwa. (1Yoh 5:3) Okugonza okubainiire Ruhanga nukwo kurukwija kubekambisa kubatizibwa.
Konyera abeegi baawe kurora ngu Yahwe n’abagonza. Bakaguze ebikaguzo nka binu: “Kinu nikikwegesa ki hali Yahwe?” rundi “Kinu nikyoleka kita ngu Ruhanga n’akugonza?” Bakonyere kumanya ngu Yahwe n’abagonza omu omu. (2Byom 16:9) Booleke ebyokurorraho ebirukwoleka omulingo Yahwe agarukiremu esaara zaawe, kandi obekambise kumanya emiringo Yahwe agarukamu esaara zaabo. Kitusemeza muno abeegi ba Baibuli obubakirora ngu Yahwe n’abagonza, kandi bakeyongera kwoleka ngu nibamugonza n’okufooka banywani be.
MUROLE VIDIYO KONYERA ABEEGI BAAWE ABA BAIBULI KUTUNGA ENKORAGANA ENUNGI NA YAHWE, HANYUMA MUGARUKEMU EBIKAGUZO BINU:
Jade akatangatangana kizibu ki?
Neeta akakonyera ata Jade?
Jade akasobora ata kusingura ekizibu kye?