Abazaire, Mwegese Abaana Banyu Ebintu Ebibasemeriire Kumanya

Tuli omu nsi ey’erukulengaho kutuletera kurora ekibi nk’ekirungi rundi ekirungi nk’ekibi. (Is 5:20) Eky’obusaasi kiri ngu, abantu abamu bakora ebintu Yahwe eby’anoba otwaliiremu n’engeso embi hagati y’abantu abarukusisana omu buhangwa. Abeegi ha isomero rundi abantu abandi nibasobora kulengaho kusoonasoona abaana baitu kuhondera engeso zaabo. N’osobora ota kutekaniza abaana baawe kusobora kusingura enyikara zinu hamu n’ezindi?

Yegesa abaana baawe ebirukukwata ha ndengo za Yahwe. (Lev 18:3) Mporampora, booleke Baibuli eky’eyegesa ha kuterana n’osigikirra ha myaka yabo hamu n’ebintu ebibasobora kwetegereza. (Bir 6:7) Wekaguze: ‘Nyegeseze abaana bange omulingo oguhikire ogubasemeriire kwolekamu okugonza, omugaso ogw’okujwara kurungi, hamu n’omulingo batasemeriire kwikiriza abantu abandi kubataahataahamu ekihinguraine? Abaana bange bamanyire ekibasemeriire kukora kakuba omuntu weena alengaho kubooleka ebisisani eby’orwanju rundi abagambira kukora ekintu kyona ekirukubihiza Yahwe?’ Kubatendeka kara nikisobora kubakonyera kwetantara ebizibu bingi. (Nfu 27:12; Mug 7:12) Obw’oyegesa abaana baawe, oba n’oyoleka okugonza hali obugwetwa bwawe obw’omuheendo kuruga hali Yahwe.​—Zab 127:3.

MUROLE VIDIYO YOMBEKA ENJU ERUKWIJA KUHANGAARA​—LINDA ABAANA BAAWE BATAHIKWAHO AKABI, HANYUMA MUGARUKEMU EBIKAGUZO BINU:

• 

  Habwaki abantu abamu batiina kwegesa abaana baabo h’akuterana?

• 

  Habwaki abazaire basemeriire kutendeka abaana baabo ‘omu kuhanwa n’omu kugambirirwa kwa Yahwe’?​—Bef 6:4

• 

  Bintu ki ekitebe kya Yahwe ebikitaireho kukonyera abazaire kwegesa abaana baabo ha kuterana?​—w19.05 12, akasanduuko

• Habwaki osemeriire kubaza n’abaana baawe buli kiro batakahikirweho akabi?