OBWOMEEZI BWAITU NK’ABAKRISTAAYO
Kozesa Obwomeezi Bwawe Kukugiza Yahwe!
Obwomeezi kisembo eky’omuhendo mwingi. Omulingo tukozesaamu ekisembo kinu nigwija kwoleka obuturaaba nitukisiima. Itwe nk’Abakaiso ba Yahwe, tukora kyona ekirukusoboka kukozesa kurungi ebisembo byaitu n’amaani gaitu nukwo tusobole kuhaisa Yahwe ekitinisa n’okumukugiza habwokuba nuwe y’atuhaire obwomeezi. (Zab 36:9; Kus 4:11) Baitu, okwetuntura okw’obwomeezi okuroho omu nsi enu enyakwijwiremu obubi nikusobora kutulemesa kufaayo ha bintu eby’omwoyo. (Mar 4:18, 19) Kikuru itwena kwekaguza: ‘Ndengaho mali kuheereza Yahwe omu mulingo ogurukukirayo? (Hos 14:2) Omulimo gwange gurampikya nkaha? Nyine bigendererwa ki eby’omwoyo? Ninsobora nta kwongera ha buheereza bwange?’ Saba Yahwe akukonyere nukwo osobole kukora empinduka ezirukwetagisa omu bwomeezi bwawe. Hataroho okugurukyagurukya kwona, kukugiza Yahwe buli kiro nikiija kukukonyera kuba n’obwomeezi oburungi hamu n’okusemererwa!—Zab 61:8.
Iwe ebisembo byawe n’obikozesa kuheereza oha?
MUROLE VIDIYO KOZESA EBISEMBO BYAWE KUHEEREZA YAHWE, HANYUMA MUGARUKEMU EBIKAGUZO BINU:
Habwaki kitali ky’amagezi kukozesa ebisembo byawe kuheereza ensi ya Setani? (1Yoh 2:17)
Abo abaha Yahwe ebirungi ebirukukirayo batunga migisa ki?
Buheereza bwa mulingo ki nambere osobora kukozesa ebisembo n’obukugu bwawe?