Habwaki n’Otwara Okuramya okw’Amananu nk’Ekintu Ekikuru?

Okwolekwa kwa Ezekyeri okwa yekaru kukagarramu Abayudaya abaali omu bwiru amaani habwokuba kukabaha okunihira ngu okuramya okw’amananu kwali nikugenda kugarukaho. Omu biro binu eby’empero, okuramya okw’amananu ‘kugumibwaho ha mutwe gw’ensozi,’ kandi tuli bamu hali abo abarugire omu mahanga goona kwija ha rusozi runu. (Is 2:2) Ocutumitirizaaho omugisa ogwoine ogw’okumanya n’okuheereza Yahwe?

EMIGISA ERUGA OMU KURAMYA OKW’AMANANU:

• 

  Eby’okulya ebitwine omu bwingi eby’omwoyo bitukonyera kutunga eby’okugarukamu eby’ebikaguzo ebikira obukuru omu bwomeezi n’okumanya emisingi etukonyera omu bwomeezi bwaitu, hamu n’okutuha okunihira.​—Is 48:17, 18; 65:13; Bar 15:4

• Kuba n’ab’oruganda omu nsi yoona.​—Zab 133:1; Yoh 13:35

• Omugisa ogw’okukorra hamu na Ruhanga omu mulimo gunu oguleta okusemererwa.​—Eng 20:35; 1Kol 3:9

• “Obusinge bwa Ruhanga” obutukonyera kuguma omu busumi bw’emihito.​—Baf 4:6, 7

• Omuntu ow’omunda omurungi.​—2Tim 1:3

• Enkorangana enungi na Yahwe.​—Zab 25:14

Miringo ki ei nsobora kwoleka ngu nitwara okuramya okw’amananu nk’ekikuru?