Mubatangirre

Nibaha abatusemeriire kutangirra? Buli muntu wena arukwija omu nso’rokano zaitu​—otwaliremu abahyaka n’abandi boona. (Bar 15:7; Baheb 13:2) N’asobora kuba w’oruganda abungire kuruga omu ihanga erindi, rundi ow’agarukiriire omu by’omwoyo ow’abaire atarukwija omu nso’rokano kumara emyaka nyingi. Kakuba niiwe oba oli omu nyikara enu, tiwakusiimire muno kakuba bakutangirra? (Mat 7:12) Nahabweki, enso’rokano zitakatandikire rundi hanyuma y’enso’rokano lengaho kuramukya abo abaizire. Kinu kireetaho okusemererwa, kugonzangana kandi kihaisa Yahwe ekitinisa. (Mat 5:16) Ky’amananu, tikirukusoboka kuramukya buli omu ow’aizire omu nso’rokano. Baitu itwena obu turalengaho kuramukya, nitwija kuletera abantu boona kwehurra ngu tusemeriirwe kuba nabo.a

Kutangirra kurungi abantu tutukikora ha mikoro ey’ebaganiza yonka baitu buli kaire. Abahyaka obu barora okugonza okw’ekikristaayo, nikisobora kubaletera kukugiza Yahwe kandi n’okutweteraniza ha kuramya okw’amananu.​—Yoh 13:35.