OBWOMEEZI BWAITU NK’ABAKRISTAAYO
Ensingaanto—Mutakerererwa Kutaha omu ‘Rwigi Orukooto’
Nitusobora kutekereza ngu emyaka yaitu ey’obusigazi neija kugumaho ebiro byona ngu titwija kuhikwaho “ebiro ebibi” eby’okukura omu nsi ya Setani. (Mug 12:1) Obworaaba oli nsingaanto, oine entekereza erukugamba ngu okyaine obwire omu maiso obw’olikozesa kuhikiriza ebigendererwa byawe nk’okuheereza omu buheereza obw’akasumi koona?
Itwena, otwaliremu n’abato, ‘tugwerwa obusumi’ obubi. (Mug 9:11) “Baitu timurukumanya ekiribaho ijo.” (Yak 4:14) Nahabweki, mutabanza kuta ebigendererwa by’omwoyo ha rubaju kubanza kukora ebintu ebindi. Mutaahe omu ‘rwigi orukooto orw’emirimo’ rutakakingirweho. (1Kol 16:9) Obu murakora eki timurukwija kweijukya.
Ebigendererwa eby’omwoyo ebi musobora kweteraho:
Kwega kandi okatebeza omu rulimi orundi
Kuheereza nka payoniya
Kugenda omu masomero gaitu ag’Obukama
Omulimo ogw’okwombeka ebyombeko by’Obukama
Kuheereza ha Beseri
Omulimo gw’okuba muroleerezi w’ekicweka