Ensobi ez’Osemeriire Kwetantara Obworaaba n’Oyegesa Omuntu Baibuli

Kubaza Muno: Leka kutekereza ngu osemeriire kusoborra buli kimu. Yesu akakozesa ebikaguzo kukonyera abantu nukwo basobole kwetegereza. (Mat 17:24-27) Ebikaguzo bikonyera omwegi waawe kugonza kumanya ebikukiraho, kandi bikukonyera n’okumanya obwaraaba ayetegeriize rundi n’ebyarukwikiririzaamu. (be-E 253 ¶3-4) Obworakaguza ekikaguzo, gumisiriza kandi linda akugarukemu. Eky’okugarukamu eky’omwegi obukiraaba kigwire, mukaguze ekikaguzo ekindi ekiramukonyera kwetegereza ensonga mukiikaro ky’okumugambira eky’okugarukamu ekihikire. (be-E 238 ¶1-2) Baza omu mulingo ogurakonyera omwegi waawe kusobora kwetegereza ekintu ekihyaka eky’abaire atamanyire.​—be-E 230 ¶4.

Kugumanganiza eby’Okumwegesa: Weriinde kubazaaho byona eby’omanyire. (Yoh 16:12) Bazaaho ensonga enkuru eziri omu kacweka zonka. (be-E 226 ¶4-5) Kubazaaho ebintu bingi n’obubiraaba nibisemeza nibisobora kuletera omwegi kutetegereza ensonga enkuru. (be-E 235 ¶3) Omwegi obwaraaba ayetegeriize, genda ha kacweka akakwongeraho.

Kumara Garabamu eby’Okumwegesa: Ekigendererwa kyaitu kiri ky’okwegesa omuntu aketegereza kurungi hatali kumwegesa ebintu bingi. (Luk 24:32) Kozesa kurungi Ebyahandiikirwe kumwoleka ensonga enkuru. (2Kol 10:4; Baheb 4:12; be-E 144 ¶1-3) Kandi kozesa n’ebyokurorraho obworaaba n’oyegesa. (be-E 245 ¶2-4) Tekerezaaho ebizibu hamu n’enyikiriza ez’omwegi wawe nukwo osobole kumukonyera. Mukaguze ebikaguzo nka binu: “Noyehurra ota ha bintu eby’orukwega?” “Nibitwegesa ki hali Yahwe?” “Notekereza oragasirwa ota kakuba oteeka amagezi ganu omu nkora?”​—be-E 238 ¶3-5; 259 ¶1.