Emiringo y’Okukozesaamu JW Library

OMU KWESOMESA:

• Otoosa kusoma Baibuli n’ekyahandiikirwe ekya buli kiro

• Gikozese kusoma Yearbook, magaziini, n’ebitabu ebindi. Taho akamanyikirizo nambere ogarukiire

• Gikozese kuteekaniza enso’rokano n’okusazaaho eby’okugarukamu eby’oraaba otungire

• Okurora vidiyo

OMU NSO’ROKANO:

• Serra ebyahandiikirwe eby’ogu arukuha orubazo arukujuliza. Taho emanyikirizo hali ebi eby’oraaba n’ogonza kugarukamu kusoma obwire obundi

• Mukiikaro ky’okuleeta omu nso’rokano ebitabu bingi ebitirwe, kozesa ebiri ha simu yawe kuhondera ebicweka hamu n’okuzina ebizina. JW Library erumu ebizina ebihyaka ebitakatiirwe omu kitabu ky’ebizina

OMU BUHEEREZA:

• Omuntu obw’araaba n’agonza kumanya ebirukukiraho, kozesa JW Library kumwoleka ebintu ebiroho kandi hanyuma omukonyere kugita ha simu ye n’okwiha ebitabu ha mukura gwaitu

• N’osobora n’okugikozesa kuseera ekyahandiikirwe. Ekigambo eky’orukuseera obu kiraaba kitali omu Baibuli empyaka eya New World Translation, banza oteho Reference Bible nukwo ogarukemu oseere

• Gikozese kwoleka vidiyo. Ow’orukutebeza obw’araaba aine abaana, n’osobora kubateeraho emu ha vidiyo za Fooka Munywani wa Yahwe. Rundi n’osobora kumwoleka vidiyo Habwaki Osemeriire Kwega Baibuli? kusobora kumutamu ekihika ky’okugonza kwega Baibuli. Obw’araaba ali w’orulimi rundi, muteereho vidiyo omu rulimi rwe

• Obworaaba oine Baibuli y’orulimi orundi ha puroguramu enu, n’osobora kugikozesa kwoleka omuntu ekyahandiikirwe. Obw’orahika ha kyahandiikirwe eky’obaire nogonza, kwata ha kamanyiso akarukwoleka Baibuli ezindi