“Ebigambo Binu . . . Birabaga ha Mutima Gwawe”

Abazaire bali nk’abaliisa. Basemeriire kuroleera kurungi abaana baabu kitali ekyo, abaana basobora kuhabisibwa kandi bakatunga emitalibaine. (Nfu. 27:23) Abazaire basobora bata kuhikiriza obujunanizibwa bunu? Basemeriire kutunga obwire bw’okubaza n’abaana baabu buli kiro nukwo bamanye eby’abaana baabu barukuteekerezaaho. (Nfu. 20:5) Ekintu ekindi, abazaire basemeriire kuteekereza ha bintu ebibarukusobora kukozesa kwombeka okwikiriza kw’abaana baabu nukwo kugume. (1 Kol. 3:10-15) Vidiyo “These Words . . . Must Be on Your Heart” n’eyoleka omugaso gw’okuba n’okuramya kw’eka. Nahabwekyo murole vidiyo enu nk’eka kandi hanyuma mugarukemu ebikaguzo binu.

(1) Kiki ekyaleteriize eka ya Roman obutafaayo ha bintu eby’eby’omwoyo? (2) Habwaki ow’oruganda Roman yalemerwe kwebembera okuramya kw’eka ha murundi ogw’okubanza? (3) Buhabuzi ki kuruga omu Byahandiikirwe obusobora kukoonyera abazaire kukuza kurungi abaana baabu? (Bir. 6:6, 7) (4) Kiki ekirakoonyera kuleetaho enkoragana enungi omu maka? (5) Abazaire baina kwefereza bintu nka ki kusobora kuba hamu n’abaana baabu? (6) Ow’oruganda Barrow na mukazi we bakakoonyera bata eka ya Roman? (Nfu. 27:17) (7) Nyineeka asemeriire kwetekaniriza ata okuramya kw’eka? (8) Ow’oruganda Roman akakora mpinduka ki omu by’omwoyo ezakoonyiire eka ye? (9) Habwaki kiri kikuru kuba n’okuramya kw’eka butoosa? (Bef. 6:4) (10) Biki ebimurukusobora kubazaaho rundi kukora omu kuramya kwanyu okw’eka? (11) Kiki ekyakoonyiire ow’oruganda Roman kusoborra Marcus obukuru bw’okukora ekihikire atamucomiire? (Yer. 17:9) (12) Bazaire ba Rebecca bakamukoonyera bata kukirora ngu enkoragana ey’akaba aina na Justin ekaba etali nungi? (Mar. 12:30; 2 Tim. 2:22) (13) Ow’oruganda Roman na mukazi we bakooleka bata okwikiriza obu baali nibabaza ha mpinduka ezi baali nibetaaga kukora omu bwomeezi bwabu? (Mat. 6:33) (14) Vidiyo enu eyoleka eta banyineeka obukuru bw’okuroleera ab’omu maka gaabu omu by’omwoyo? (1 Tim. 5:8) (15) Obworaaba oli nyineeka, kiki eky’omalirrire kukora?

HALI BANYINEEKA: Omuzaano gunu gukazaanwa ha ruso’rokano rw’ebiro bisatu orw’omwaka 2011. Obu waguboine, haroho ebi warozere oina kuterekereza omu mulingo w’ebemberamu okuramya kw’eka yaawe? Kandi hati, haroho eby’okyaine kuterekereza? Obu haraaba haroho, saba Yahwe akukoonyere kukora empinduka eziragasira amaka gaawe ebiro byona.—Bef. 5:15-17.