Okuhikiriza Kurungi Obuheereza Bwaitu—Kozesa Akatabu Amakuru Amarungi Kuruga Hali Ruhanga Kutandikaho Omwegi wa Baibuli Omurundi gw’Okubanza
Habwaki Kiri Kikuru: Kurora twafoora abantu begeswa, tusemeriire kuba begesa b’Ekigambo kya Ruhanga. (Mat. 28:19, 20) Buli omu n’asobora kuba mwegesa murungi kakuba akozesa ebitabu omwiru mwesigwa atuheerize. Akatabu Amakuru Amarungi Kuruga Hali Ruhanga kakozerwe kutukoonyera kwegesa abantu amananu. Nitusobora n’okakozesa kutandikaho omwegi wa Baibuli omurundi gw’okubanza obuturaaba tubungiire omuntu.
Lengaho Kinu Okwezi Kunu:
Saba Yahwe akuheereze ekihika ky’okwegesa omuntu Baibuli. Kandi musabe akukoonyere kutandikaho omwegi wa Baibuli n’okuba mwegesa murungi.—Baf. 2:13.
Obwaraaba omu kuramya kwanyu kw’eka, lengaho kwetegereza omulingo enyajura eteekanizibwemu. Kinu kiija kukukoonyera kubaza otarukutiina kandi nikiija kwanguhira kutandikaho omwegi wa Baibuli.