Okusoborra ebi Twegesa ha Mwaka 1914

Ebyahandiikirwe bituterra “mwetekanize okugarukamu omuntu wena anyakubakaguza” ebirukukwata ha nyikiriza yaanyu, “baitu hamu nobuculezi nokutina.” (1 Pet. 3:15) Gali mananu kisobora butatwanguhira okusoborra enyegesa ezigumire nka, omulingo tukimanya ngu Obukama bukatandika kulema omu 1914. Ebicweka bibiri ebiina omutwe “Okunyumya n’omutahi—Obukama bwa Ruhanga Bukatandika Ddi Okulema?” bitegekerwe okutukonyera okusoborra enyegesa enu. Ebicweka binu biri omu Watchtower eza Okitoba na Novemba ezi turukugenda kugaba omu buhereeza. Obu muraba nimusoma ebicweka binu, mugarukemu ebikaguzo binu nimwoleka omulingo Cameron yasoborroiremu ensonga enu.

Mulingo ki . . .

• okusiima kwakoonyiire Cameron okutunga ah’okutandikira okusoborra Jon ebirukukwata ha mwaka 1914?—Engeso 17:22.

• okwebundaza kwakonyiire Cameron kusoborra Jon Baibuli eky’eyegesa ha mwaka 1914?—Engeso 14:15.

Habwaki kyali kikuru . . .

• kuraba muli ebi Cameron yali ayegere na Jon batakeyongireyo ha nsonga ezindi?

• kuhuumuzamu okusoma Cameron akakaguza Joh obwaraaba ayetegerize eby’amusoboroire?

• Cameron butegesa Jon ebintu bingi ha murundi gumu?—Yohana 16:12.

Nitugonza kusiima Yahwe “Omwegesa Omukuru,” habw’okutwegesa okusoborra abantu abarukurumwa enjara ey’eby’omwoyo, amananu agali omu Baibuli agatanguhire kwetegerezebwa!—Is. 30:20, NW.