Wakugondeze Kumanya Bingi Ebirukukwata ha Baibuli?

Habwaki Oine Kusoma Baibuli?

BAIBULI terukusisana ebitabu ebindi—kyo kirimu enyegesa eya Ruhanga enungi. (1 Abasesalonika 2:13) Kakuba notta munkora ebya Baibuli erukwegesa noija kugasirwa muno. Okugonza kwawe hali Ruhanga nikwija kweyongera kandi noija kumwirra haihi, habwokuba nuwe Mugabi wabuli “kisembo kyona ekirungi kandi ekihikirire.” (Yakobo 1:17) Noija kumanya omulingo gw’okumuhikirra omu kusaba. Mubwire bw’obujune bwamani, noija kutunga obukonyezi bwa Ruhanga. Kakuba oteeka obwomezi bwawe harulengo rumu n’orwe misingi ya Baibuli, Ruhanga naija kukuha obwomezi obutahwaho.—Abarumi 6:23.

Baibuli erumu amazima agarukuha ekyererezi. Abo boona abatungire okumanya kwa Baibuli bacungwirwe kuruga munyikiriza ezisobere ezibutikire abantu baingi. Nk’ekyokurorraho, okumanya amazima agarukukwata hakiki ekibaho hanyuma y’okufa kitusumurra kuruga mukutiina ngu abafu nibasobora kutukora akabi, rundi ab’enganda na banywani baitu abafiire bali mu kutuntuzibwa. (Ezekyeri 18:4) Enyegesa eya Baibuli ey’okuhumbuka ehumuza abo boona abaferirwe enganjani zabo. (Yohana 11:25) Okumanya amazima agarukukwata ha bamalaika ababi nigatuhabura ha kabi akali muburaguzi kandi nigatuyamba kwetegereza habwaki haroho emihito nyingi omunsi.

Emisingi ya Ruhanga erukusangwa omu Baibuli eturagirra omulingo oguturukusoboramu kutwazamu obwomezi bwaitu ekiraturugiramu emigaso y’amani hali obwomezi bwaitu. Nk’ekyokurorraho, kuba n’engeso nungi nikireta kuba n’obwomezi oburungi. (1 Timoseo 3:2) Obu ‘tweyogyaho okusisikara kwona okw’omubiri n’okw’omwoyo’ kituyamba obutasisa obwomezi bwaitu. (2 Abakolinso 7:1) Obutukorra ha kutererra kwa Ruhanga okusangwa omu Baibuli kituletera kuba n’okusemererwa omu buswere hamu n’okweha ekitinisa.—1 Abakolinso 6:18.

Kakuba okorra hakutererra kwe Kigambo kya Ruhanga noija kuba muntu w’okusemererwa. Okumanya kwomu Baibuli nikutuyamba kutunga obusinge bw’omunda hamu n’okumarwa kandi nikutuha okunihira. Nikutuyamba okwana ebyana ebirungi nka okusasira, okugonza, okusemererwa, obusinge, ekisa n’okwikiriza. (Abagaratiya 5:22, 23; Abefeso 4:24, 32) Engeso zinu nizitufora kuba abasaija rundi abakazi, batata rundi bamama, abojo rundi abaisiki abarungi.

Oracumitirizeho hali ebyo ebirukwija omumaiso? Obunabbi bwa Baibuli nibutwoleka kurungi ngu tuli mubwire obwamakuru muno mubyafayo by’omuntu. Obunabi bunu nibwoleka ebintu nkoku biri mubwire bunu, kandi Ruhanga naija bwangu kuhindura ensi okugifora orugonjo.—Okusukururwa 21:3, 4.

Okukonyerwa Mukwetegereza Baibuli

Obundi oralengereho kusoma Baibuli baitu okasanga kigumire kugyetegereza. Rundi nosanga ngu torukumanya ninkaha omu Baibuli hosobora kugenda kutunga ekyokugarukamu ebikaguzo byawe. Tiwe wenka. Itwena twetaga obuyambi okwetegereza Ekigambo kya Ruhanga. Abakaiso ba Yahwe munsi 235 begeesa abantu baingi Baibuli hatali kusasura. Nibaija kusemererwa naiwe kukuyamba.

Kiba kirungi okwega Baibuli tutagarukirire enyuma, tukabandiza h’anyegesa ez’okubanza. (Abaheburaniya 6:1) Obworukweyongera kwega noija kwesanga otandikire okulira kimu “ebyokulya ebigumire”—nigo amazima agahamire. (Abaheburaniya 5:14) Baibuli niyo ekutasarraho amazima. Ebitabu ebitirwe ebikujuliza Baibuli nka Ruhanga Natwetagisa Ki?, kinu ekitabu nikija kukuyamba kwetegereza Ebihandikirwe ebijulizibweho ha mitwe eyembaganiza.

Nosobora Kwetungira Omwanya Buli Wiiki Okwetegereza Baibuli?

Okwega kwa Baibuli nikusobora kutegekebwa omu bwire bwona, omukikaro kyoona ekyokuba osimire. Baingi begera omu maka gabu. Abandi basobora kwegera ha simu. Entegeka y’okwega Baibuli teri y’ekibiina mu rujwire rw’abantu baitu ya muntu omu omu, okusigikirra nkoku oli byetago byawe nikitwarramu ebyorukumanya hamu n’obwegese bwawe. Tihabaho ebirakukwasa esoni ha mperu y’okusoma rundi torukwija kukaguzibwa kandi. Ebikaguzo byawe ebya Baibuli nibiija kugarukwamu, noija kwega omulingo gworukusoboramu kwirra haihi Ruhanga.

Okusoma kwawe kwa Baibuli kwabusa. (Matayo 10:8) Kwabusa hali abantu boona abediini zoona hamu nabo abataine diini baitu abarukugonza okwongera hakumanya kwabu ha Kigambo kya Ruhanga.

Noha arukusobora kuterana naiwe mukwega kwawe Baibuli? Amaka gawe goona rundi abanywani bawe oborasobora kweeta. Rundi osobora kugonza kwega wenka.

Baingi bahayo esaaha emu yoonka buli wiiki okwegeramu Baibuli. Obworaba nosobora kuba n’obwire bwingiho rundi buke buli wiiki, Bakaiso ba Yahwe nibasobwa kwetegeka kukuyamba.

Noyetwa Oyege

Nitukutangirra okuhikirra Abakaiso ba Yahwe. Omulingo gumu ogworukusobora kukikoramu nukwo kubahandikira nokozesa endagirro eri hansi. Entegeka nijja kukolebwa n’omuntu aije kukwegesa Baibuli hatali kukusasuza kintu kyoona.

□ Muntumire brocuwa erukumanywa Ruhanga Natwetagisa Ki?

Yoleka rulimi ki.

□ Bambi mumpikirre nukwo ntunge okwega Baibuli kwa busa.

Kwihaho kyolekerwe kundi, ebyokujurra byona birugire mu Baibuli y’Orutoro eya 1965.