Weetegereze Ebyokurorraho eby’omu Baibuli

Emirundi nyingi Baibuli ebazaaho ensonga neekozesa ebyokurorraho. Baitu abantu baingi abagisoma, kibagumira kubyetegereza. (Mat. 13:13) Kiki ekisobora kukukoonyera kwetegereza amakuru goonyini aganyakuli omu byokurorraho eby’omu Baibuli? Lengaho ebintu binu:

• Weetegereze ensonga enkuru n’ekyokurorraho ekikozesiibwe kugirengesaniza. Ekyokurorraho, Okusuukururwa 3:3 erengesaniza okwija kwa Yesu (ensonga) n’okwija kw’omusuma (ekyokurorraho).

• Weetegereze omulingo ensonga hamu n’ekyokurorraho birukukwatagana. Serra ebintu hamu n’emiringo ebirukuleetera ensonga kukwatagana n’ekyokurorraho.

• Kigumye ngu isomo eri wayegera ha kyokurorraho lihikire. Obwire obumu omuntu naasobora kwetegereza kubi ekyokurorraho ekikozesiibwe. Ekyokurorraho, omu kyokurorraho ekikozesiibwe eruguru, abamu nibasobora kuteekereza ngu Yesu naija kwiba. Baitu ebigambo ebyetoroire orukarra oru nibyoleka ngu okwija kwe nikwija kuba nk’okw’omusuma habwokuba busaho aliba naamanya ekiro kyonyini eki aliiziramu kandi busaho alikirangirra.