Kigumye ngu Yahwe Aine Obusobozi obw’Okukujuna

Soma Okubara 13:25–14:4 orole omulingo Abaisaleeri baalemerwe kwesiga Yahwe.

Weetegereze ebyetoroire orukarra. Habwaki Abaisaleeri bakaba basemeriire kukigumya ngu Yahwe akaba aine amaani ag’okubajuna obu bakaba nibaruga Misiri? (Zab. 78:12-16, 43-53) Kiki ekyabaleetiire kuleka kwesiga Yahwe? (Bir. 1:26-28) Yosuha na Kalebu bakooleka bata ngu bakaba nibeesiga Yahwe?—Kubar. 14:6-9.

Yega ebirukukiraho. Kiki Abaisaleeri eki bakaba basemeriire kukora kusobora kweyongera kwesiga Yahwe? (Zab. 9:10; 22:4; 78:11) Kakwate ki akali hagati y’okwesiga Yahwe n’okumutamu ekitiinisa?—Kubar. 14:11.

Ihamu amasomo. Weekaguze:

• ‘Nyikara ki nambere kisobora kungumira kwikara ndi mwesigwa hali Yahwe?’

• ‘Ninsobora nta kugumya obwesige bwange omuli Yahwe kasumi kanu n’omu kasumi ak’omumaiso?’

• ‘Kiki eki ndukugumiza kimu omuhito omwingi obu guraatandika?’—Luk. 21:25-28.