Teekaniza Omutima Gwawe

Obu tuba nitwesomesa Baibuli, tuba nitugonza ebitekerezo bya Yahwe bikwateho omutima gwaitu rundi omuntu ow’omunda. Ezera akatuteraho ekyokurorraho ekirungi obu ‘yatekaniize omutima gwe okuserra Ebiragiro bya Yahwe.’ (Ezer. 7:10) Nitusobora tuta kuteekaniza omutima gwaitu?

Saba. Otakatandikire kwesomesa, kikuru kubanza kusaba. Saba Yahwe akukonyere kwetegereza n’okuteeka omu nkora ebi orayega.—Zab. 119:​18, 34.

Kurakuraniza obwebundaazi. Ruhanga asereka amananu hali abo abeesiga amagezi gaabo . (Luk. 10:21) Ekindi, otesomesa n’ekigendererwa eky’okwoleka abandi ngu omanyire bingi. N’obwebundaazi hindura entekereza yaawe kakuba eba etarukuhikaana n’eya Ruhanga.

Lengaho kuhuliiriza ebizina eby’Obukama. Ebizina nibisobora kukwataho emitima yaitu. Kakuba tuhuliiriza ebizina eby’Obukama tutakatandiikire kwesomesa, nikisobora kutukonyera kuteeka omutima hali Yahwe nukwo ebintu ebi turukugenda kwesomesaaho bikwateho omutima gwaitu.