Kweijukyamu Ensonga Enkuru

Kyakakugumiraga kwijuka ebi osomere? Itwena eki kitubaho. Kiki ekisobora kukukonyera? Kweijukyamu ensonga enkuru.

Obu orukuba noosoma, lengaho kwemerezaamu kake nukwo ohandiike ensonga enkuru. Wetegereze omulingo omukwenda Paulo yakonyiire abakaba nibasoma ebbaruha ye kukora eki obu yabahandiikiire ati: “Kinu nikyo kikuru.” (Baheb. 8:1) N’ebigambo ebi, akakonyera abakaba nibamuhuliiriza kwetegereza eki akaba naamanyisa, n’omulingo ebi akaba naabazaaho bikaba nibikwatagana n’omutwe.

Obundi noosobora kukozesa edakiika ikumi hanyuma y’okwesomesa kutekerezaaho ebi osomere. Obu oraaba otasobora kubiijuka, yongera orole emitwe emitaito rundi osome ebigambo ebirukutandika akacweka—nibiija kukukonyera kwijuka. Obu oraaba oyegere ekintu ekihyaka, lengaho kukisoborra omu bigambo byawe. Obu oraaba noyeijukya ensonga enkuru, tikirukwija kugarukira ha kukwijukya ebi osomere kwonka baitu nikiija n’okukukonyera kurora omulingo birakukukonyera omu bwomeezi.