Lengaho Kwega Ebintu Ebihyaka Obu Orukuba n’Oyesomesa

Obu turaaba nitwetekaniza kwesomesa, nitusobora kwekaguza ebikaguzo binu, ‘Biki ebi ndukunihira kwega?’ Baitu, tusemeriire kwegendereza kutaikiriza ebintu ebi turukunihira kwega kutulemesa kuteeka omutima ha bintu ebihyaka Yahwe ebi arukutwegesa. Nitusobora tuta kulengaho kwega ebintu ebihyaka obu turukuba nitwesomesa?

Saba Yahwe akuhe amagezi. Saba Yahwe akukonyere kwetegereza eki arukugonza oyege hati. (Yak. 1:5) Wetantale kwesiga ebintu ebi omanyire byonka.—Nfu. 3:​5, 6.

Ikiriza amaani g’Ekigambo kya Ruhanga kuhindura obwomeezi bwawe. “Baitu ekigambo kya Ruhanga kyomezi.” (Baheb. 4:12) “Ekigambo” kya Ruhanga ekyomeezi nikisobora kutukwataho omu miringo erukwahukana buli murundi tusoma Baibuli. Baitu kinu nikisobora kubaho kakuba tukyetegereza ngu haroho ebintu ebi tutamanyire kandi nitusobora kubyega kuruga omu Kigambo kya Ruhanga.

Siima buli kimu kyona Yahwe eki akozesa kutwegesa. Ebyokulya bye eby’omwoyo nibisisana ‘nk’obugenyi bw’ebisajwa.’ (Is. 25:6) Otetantara kusoma ebintu ebi orukutekereza ngu torukwija kubyegondezaamu. Torukwija kugarukira ha kugasirwa kyonka, baitu noija kwegondeza omu bintu Yahwe ebi atuha!