Nitwetaaga Ensi Enungi!
Secretary-general w’ekitongole ky’Amahanga Ageteraine arukwetwa António Guterres akagamba ati: “Tuli omu nsi enyakwijwiremu ebizibu.” Hataroho kugurukyagurukya, naiwe noikiranganiza nauwe.
Amakuru gaijwiremu ebintu bingi ebirukweraliikiriza
Endwaire ez’amaani kandi ezirukuturra
Ebigwererezi
Obunaku n’enjara
Kusiisa eby’obuhangwa n’okuhindahinduka kw’obwire
Obucwi bw’ebiragiro, obutabanguko, hamu n’enguzi
Obulemu
Binu nibyolekera kimu ngu mali nitwetaaga ensi enungi. Ensi nambere
Haliba obwomeezi oburungi
Abantu boona baliba baine obulinzi
Haliba ebyokulya ebirukumara
Haliba obwecumi
Haliba obwinganiza hali abantu boona
Haliba obusinge bwingi
Baitu tumanyisa ki, obutubazaaho ensi enungi?
Kiki ekirihika hali ensi eiturukwikaramu kasumi kanu?
Kiki ekitusemeriire kukora kusobora kwikara omu nsi enungi?
Magaziini enu niija kusoborra eby’okugarukamu ebirukuhuumuza kuruga omu Baibuli eby’ebikaguzo binu hamu n’ebindi.