MAAYI 25-31

ISAAYA 65-66

Ekizina 24 Hamu n’Okusaba | Okwanjura (Dak. 1)

EBI TURUKWEGA KURUGA OMU BAIBULI

1. Tugonza Orugonjo Rwaitu orw’eby’Omwoyo!

(Dak. 10)

Omu rugonjo orw’eby’omwoyo, abaheereza ba Ruhanga baine ebyokulya bingi eby’omwoyo (Is. 65:13; w24.04 21 ¶5)

Orugonjo rwaitu orw’eby’omwoyo rutukoonyera kugumira obusaasi n’okwetuntura (Is. 65:14-17; w24.04 22 ¶9-10)

Ensi tesobora kutuha obusinge n’obulinzi nk’ebitwegondezaamu omu rugonjo rwaitu orw’eby’omwoyo (Is. 65:25; w24.04 23 ¶13)

AMAKURU G’EBIGAMBO: “Orugonjo orw’eby’omwoyo” nirumanyisa enyikara nambere turamiza Yahwe omu businge n’omu bumu. Omu rugonjo runu twegondeza omu kuba n’enkoragana enungi na Yahwe, kandi twikara omu businge n’Abakristaayo bagenzi baitu.

Ebisisani: Ab’oruganda na banyaanya itwe nibeegondeza omu birungi ebiruga omu kuba omu rugonjo orurungi orw’eby’omwoyo. 1. Nibabaza hamu basemeriirwe ha Kyombeko ky’Obukama. 2. Nibeegondeza omu kukorra hamu kuyonja aheeru y’Ekyombeko ky’Obukama. 3. Ow’oruganda ow’akuzire omu myaka naagarramu amaani ow’oruganda omuto obu bali omu nkomo. Batimbire ha kisiika kaadi hamu n’amabbaruha kuruga hali ab’oruganda na banyaanya itwe. 4. Munyaanya itwe ow’ali omu irwarro kandi ow’arwaire asemeriirwe habwokuba ow’oruganda na mukazi we bamubungiire. Mukazi w’ow’oruganda akwasire ha mukono gwa munyaanya itwe kandi iba ahimbire ekiibo ekiijwiremu ebijuma na kaadi.

2. Eby’Omuhendo Kuruga Omu Baibuli

(Dak. 10)

Is. 66:24—Orukarra runu nirutukoonyera ruta kwetegereza ebigambo bya Yesu ebirukubazaaho Gehena ebirukusangwa omu Marako 9:47, 48? (it-E “Gehenna” ¶6-7)

Eky’okugarukamu kyawe
Bintu ki ebi oyegere omu kusoma Baibuli okwa wiiki enu ebi waakugondeze kugambiraho abandi?

Eky’okugarukamu kyawe

3. Okusoma Baibuli

(Dak. 4) Is. 65:17-25 (th isomo 10)

WEEKAMBIRE OBUHEEREZA

4. Kutandika Kubaza n’Omuntu

(Dak. 3) OKUTEBEZA OKW’AHONAAHO. Baza n’omuntu ekintu ekiraakuleetera kwanguhirwa kumugambira ngu oli omu h’Abakaiso ba Yahwe. (lmd isomo 5 akacweka 3)

5. Kutandika Kubaza n’Omuntu

(Dak. 2) OKUTEBEZA OKW’OMURWIJWIRE. Omuntu naagonza kuteera na iwe empaka. (lmd isomo 4 akacweka 5)

6. Kutandika Kubaza n’Omuntu

(Dak. 3) ENJU HA NJU. Kozesa turakiti kutandika kubaza n’omuntu. (lmd isomo 1 akacweka 4)

7. Kusoborra Enyikiriza Zaawe

(Dak. 3) Ekyokurorraho. Ijwbq-E ekicweka 87—Omutwe: Omunyanzigwa wa Kristo Nuwe Oha? (th isomo 17)

OBWOMEEZI BWAITU NK’ABAKRISTAAYO

Ekizina 80

8. Otiinire Kutaaha Obuheereza obw’Akasumi Koona?

(Dak. 15) Kuleeta hamu ebiteekerezo.

Ebisisani: Ebisisani kuruga omu vidiyo “Kiki eki Orakora Habw’Amakuru Amarungi?” 1. Ow’oruganda Tomohiro Nishimura naakora ha Bbeseeri. 2. Munyaanya itwe Happiness Mabho naakora ha Kompyuta omu ofiisi ey’okuhindurramu ebitabu. 3. Rayner na Keziah Fernando nibaramukya ow’oruganda obu bali ha ofiisi y’itaaga nambere barukuheereza omu mulimo gw’okwombeka eby’ombeko by’ekitebe. 4. Ow’oruganda George Telan, Jr., naakora n’ab’oruganda abandi omu Kitongole ky’Obuheereza ha Bbeseeri. 5. Munyaanya itwe Ramona Welsch naayegesa omwegi wa Baibuli.

Oliyo nooteekerezaaho kuheereza Yahwe omu buheereza obw’akasumi koona? Nootiina ngu noija kulemwa kwehikyaho ebintu ebimu omu bwomeezi? Rundi waakekaguzaaga oti, ‘Habwaki nkora okwefereza kunu kwona kandi kunu abaheereza ba Yahwe boona balitunga obwomeezi obutahwaho?’ Obu kiraaba nukwo kiri, ijuka ngu Yahwe taliima ekintu kyona ekirungi abo abamwesiga. (Zab. 84:11, 12) Obu tulemwa kuha Yahwe ekirukukirayo oburungi, tuba nitwefeereza emigisa ey’okuba n’okusemererwa.

Yahwe aha abantu be emigisa kasumi kanu kandi alibaha emigisa n’omu kasumi ak’omumaiso. Murole VIDIYO Kiki eki Orakora Habw’Amakuru Amarungi? Hanyuma okaguze abarukuhuliiriza:

Migisa ki ab’oruganda na banyaanya itwe aboolekerwe omu vidiyo ei baatungire habw’okwongera ha buheereza bwabo hali Yahwe?

Eky’okugarukamu kyawe

Baitu kakuba enyikara yaawe eba etarukukusobozesa kutaaha obuheereza obw’akasumi koona? Ijuka ngu Yahwe aha emigisa abo abamuha ekirukukirayo oburungi. Nahabweki gumizaamu noomuha ekirukukirayo oburungi, obu nookigumya ngu naija kukuha “emigisa nyingi kandi oburwe n’ahokugita.”—Mara. 3:10, NWT.

9. Okwega Baibuli nk’Ekitebe

(Dak. 30) lfb isomo 88-89