OBWOMEEZI BWAITU NK’ABAKRISTAAYO
Yahwe Ajuna Abo ab’Omutima Oguhoirwemu Amaani
Obwire obumu, buli omu ayehurra kubi. Kwehurra kubi tikirukumanyisa ngu oli muceke omu by’omwoyo. Yahwe nauwe akooleka ngu obwire obumu ayehurra kubi. (Kub 6:5, 6) Baitu kiki ekitusemeriire kukora kakuba obwire obumu tutunga enyehurra embi ey’etuhinguraineho rundi ey’etarukurahuka kuhwaho?
Saba Yahwe obukonyezi. Yahwe agonza kumanya omulingo turukwehurra omu bitekerezo n’omu nyehurra. Amanyire obutuba tusemeriirwe n’obutuba nitwehurra kubi. Nayetegereza ensonga habwaki tutekereza kandi twehurra omu mulingo gwona oguturukuba nitwehurramu. (Zab 7:9b) Ekirukukirayo obukuru kiri ngu, Yahwe atufaaho kandi nasobora kutukonyera kugumira okwenuuba n’enyehurra embi.—Zab 34:18.
Linda ebitekerezo byawe. Enyehurra embi nizisobora kukwataho okusemererwa n’okuramya kwaitu. Egi niyo ensonga habwaki tusemeriire kulinda omutima gwaitu—kandi ogu nuwe omuntu waitu ow’omunda.—Nfu 4:23.
MUROLE VIDIYO OMULINGO AB’ORUGANDA BARUKWEGONDEZA OMU BUSINGE N’OBUKIRAABA NGU BENUUBIRE, HANYUMA MUGARUKEMU EBIKAGUZO BINU:
Bintu ki Nikki ebiyakozere ebyamukonyiire kugumira okwenuuba?
Habwaki Nikki yayehuliire ngu asemeriire kuserra obukonyezi omu by’obujanjabi?—Mat 9:12
Miringo ki Nikki eiyayesigiremu Yahwe kumukonyera?