OBWOMEEZI BWAITU NK’ABAKRISTAAYO
Wesige Yahwe Omuntu Obwarukuba Nakwendereza
Abarukwendereza nibasobora kutuleetera obusaasi omu mubiri n’omu nyehurra. Nibasobora n’okucekya okwikiriza kwaitu kuraba omu kutiina obubahakaniza okuramya kwaitu. N’osobora ota kwerinda omwenderezi?
Abaheereza ba Yahwe baingi basoboire kusingura abenderezi kuraba omu kwesiga Yahwe. (Zab 18:17) Ekyokurorraho, Esiteri akabaza kusobora kumanyisa omukama entekaniza z’omwenderezi omubi muno arukwetwa Hamani. (Es 7:1-6) Obwakaba atakakikozere, akooleka ngu nayesiga Yahwe kuraba omu kusiiba. (Es 4:14-16) Ebikorwa bye Yahwe akabiha omugisa kandi yamulinda n’abantu be.
Abato, kakuba omuntu abendereza, musaba Yahwe abakonyere kandi ebizibu byanyu mubigambireho omuntu omukuru nk’omuzaire. Kigumye ngu Yahwe naija kukukonyera nk’oku yakonyiire Esiteri. Kintu ki ekindi eky’osobora kukora kusobora kugumira okwenderezebwa?
MUROLE VIDIYO EMYAKA YANGE EY’OBUTO—NINSOBORA NTA KUGUMIRA OKWENDEREZEBWA? HANYUMA MUGARUKEMU EBIKAGUZO BINU:
Abato nibasobora bata kwegera ha kyokurorraho kya Charlie na Ferin?
Kiki abazaire ekibasobora kwegera ha bigambo bya Charlie na Ferin obukirukuhika ha kukonyera abaana baabo kugumira okwenderezebwa?