OBWOMEEZI BWAITU NK’ABAKRISTAAYO

Ebintu Ebirungi Ebiri omu Wegondeze omu Bwomeezi Ebiro n’Ebiro!

Ogonza kukozesa vidiyo n’ebikaguzo ebiri omu kitabu Wegondeze omu Bwomeezi Ebiro n’Ebiro!? Kandi ebicweka nka “Abantu Abamu Bagamba,” “Lengaho Kinu,” na “Seruliiriza”? Bintu ki ebindi ebisobora kukukonyera obworukuba n’oyegesa abeegi ba Baibuli?—Mat 28:19, 20.

Ekitabu “Wegondeze omu Bwomeezi Ebiro n’Ebiro!” eky’omu “JW Library” app. Ekisisani ekirukwoleka ahokukwata kugenda omu kicweka “Vidiyo, Amaraka n’Ebitabu eby’Ekicweka 1.”

Vidiyo, Amaraka n’Ebitabu: Obworaaba n’ogonza kukozesa ekitabu ekitiirwe ha mpapura, n’osobora ota kwanguhirwa kutunga vidiyo, ebitabu n’ebintu ebindi byona omu kiikaro kimu? Omu kitabu ekya ha byoma bya kalimagezi, komamu kimu ha bicweka bbina ebikuru. Hansi y’orukarra rw’emitwe y’amasomo, n’osobora kukomamu vidiyo, amaraka, n’ebitabu ebiri omu kicweka eki. (Rora ekisisani 1.)

Setingi eya “Printed Edition”: Obworaaba noyega n’omuntu n’okozesa ekitabu ekya ha byoma bya kalimagezi, nikisobora kukukonyera obwire obumu kukozesa setingi eya “Printed Edition” obworukuba n’omwegesa. Obworukuba oli omu isomo, kwata ha butonyezi busatu obuli omu nsonda ha mukono gw’obulyo okomemu obugambo “Printed Edition.” Kinu nikiija kukukonyera kurora kurungi ebimurukwega, n’omulingo birukukwataho isomo erimurukubazaaho. Kubigarra nk’oku bibaire biri, yongera okwate ha butonyezi busatu okomemu obugambo “Digital Edition.”

Ekitabu “Wegondeze omu Bwomeezi Ebiro n’Ebiro!” eky’omu “JW Library” app. Ekisisani ekirukwoleka ahokukwata kugenda ha kasanduko “Mpikire?” na “Ebyongiirweho.”

“Mpikire?”: Ekicweka kinu nikisangwa ha kumalirra kw’ekicweka 4 eky’ekitabu kandi kirumu obusanduuko oburumu ebirukwetaagisibwa kusobora kwikirizibwa kutebeza n’ekitebe hamu n’okubatizibwa. (Rora ekisisani 2.)

Ebyongiirweho: Ekicweka kinu nakyo nikisangwa ha kumalirra kw’ekicweka 4 eky’ekitabu kandi kisoborra enyegesa ezimu enkuru. Omu kitabu ekya ha byoma bya kalimagezi, hakumalirra kwa buli kicweka haroho endagirro erakugarra omu isomo nambere obairege. (Rora ekisisani 2.)

Rora ngu wayega n’abeegi baawe abarukukurakurana ekitabu Wegondeze omu Bwomeezi Ebiro n’Ebiro! kuhiya kihoireyo, n’obubarabatizibwa mutakakimazire. N’osobora kugumizaamu n’omubara nk’omwegi, nobara esaaha, n’emirundi ey’omugarukiire n’obwaramara kubatizibwa. Kakuba omutebezi ondi akusendekereza kandi akejumbira omu kwegesa, nauwe n’asobora kubara esaaha.